Oд англиската Премиер лига денес официјално објавија дека ќе има навивачи на трибините.
Премиер лигата одлучи да даде дозвола во 37. и 38. коло да има навивачи. На овој начин ниту еден клуб нема да има предност, затоа што секој клуб по еднаш на домашен терен ќе игра пред публика. Секако, стадионите нема да бидат исполнети до последното место и бројот ќе биде ограничен. Засега не е објавено во колкава бројка ќе бидат навивачите, меѓутоа сигурно дека од идната сезона бројот ќе биде поголем.

Италијанските медиуми пренесуваат дека Барселона е силно заинтресирана за дефанзивецот на Лацио, Фeлипе Луис.
Каталонците внимателно ги гледале настапите на 22-годишниот дефанзивец во Серија А. Скаутите на Барселона се задоволни од неговите партии и клубот спрема понуда ова лето.
Договорот на Фелипе Луис истекува 2022 година, но Лацио сака да го задржи и сигурно ќе му понуди нов договор.
Сепак, играчот тешко дека би можел да ја одбие понудата на Барселона, која е спремна да плати 25 милиони евра за неговиот потпис.

Според последните информации во трката за Мемфис Депај се вклучиле италијански клубови Јувентус и Милан. Капитенот на Лион им е прималива опција затоа што неговиот договор со францускиот прволигаш истекува на лето. Барселона минатото лето со сите сили се обидуваше да го доведе Холанѓанецот, но Лион не попушташе и бараше сума од 30 милиони евра. Медиумите тврдат дека Каталонците сега се повлекле од трката за неговиот потпис, бидејќи имаат поинакви планови. Милан и Јувентус се во потрага по квалитетен напаѓач и веќе стапиле во контакт со неговиот агент.

„Омразените“ сопственици на Манчестер Јунајтед, семејството Глејзер, се обидуваат на секој начин да ги смират страстите, а според последните информации тоа би можеле да го направат со доведување на вонсериско засилување.
Според пишувањата на англиските медиуми, Глејзери ќе се обидат ова лето да го доведат напаѓачот на Тотенхем, Хари Кејн, кој веројатно го напушта Лондон на крајот од сезоната.
Информациите велат дека Јунајтед нема да штеди, па за доведување на најдобриот англиски напаѓач ќе понудат 90 милиони фунти.
Тотенхем е далеку од местата кои водат во Лигата на шампионите, по заминувањето на Мурињо од клубот од северен Лондон владее вистинска неизвесност кој ќе го наследи, а сето тоа оди во прилог за Кејн да ја промени средината.
Но, дали тоа ќе биде доволно за да се смират навивачите на „црвените ѓаволи“?

Арсенал е многу блиску до потписот на фудбалерот за врска на шпанскиот Бетис, Гвидо Родригез. „Топџиите“ подолго време ги следат настапите на Аргентинецот и сега имаат големи шанси да го донесат на „Емирати“, пишува „Естадио Депортиво“. Шпанскиот клуб планира да продаде неколку играчи меѓу кои влегува и Родригез. Тренерот на англичаните, Микел Артета, сака да ја засили конкуренцијата во средниот ред и воедно да пронајде замена за Дани Себаљос, кој на крајот на сезоната ќе се врати во матичниот клуб, Реал Мадрид.

Комисијата за натпревари на Фудбалската федерација на Македонија го промени терминот за почетокот на мечевите во претстојниот викенд откако кризниот штаб ги олесни рестриктивните мерки а полицискиот час започнува во 23:00 часот. Тоа значи дека мечевите од 26 коло во двете втори лиги (сабота) и средбите од 32.коло во ПМФЛ ќе стартуваат во 16:00 часот. ФФМ ќе ги плати сите ПЦР тестови на играчите, тренерите и службените лица за натпреварите во Првата и двете втори лиги. ФФМ ги одреди и судиите за 32. коло во ПМФЛ кое ќе биде в недела. Дејан Јакимовски ќе ја дели правдата на мечот во Струмица меѓу градските ривали Беласица и Академија Пандев, додека сребата Македонија ЃШ и Шкендија ќе ја суди Игор Стојчевски од Скопје.

Како што и се очекуваше, Мурињо ги намали своите апетити, а по Порто, ова е неговиот најмал договор во кариерата. Португалецот ќе ја предводи Рома, а ќе биде платен седум милиони евра по сезона, што е втор „најтежок“ договор во Италија, по Антонио Конте.
Но, најважно прашање за навивачите е што ќе биде со трансфер периодот?
Едно е сигурно, нема да биде ништо спектакуларно. Рома загуби огромни пари во последните две години, има долг од 318 милиони евра, со трансферите е во минус од околу 200 милиони, а сопствениците инвестираа повеќе од 200 милиони само да го одржуваат клубот во живот.
Сигурно е дека неколку играчи ќе го напуштат клубот, а Римјаните ќе се обидат да доведат четири или пет засилувања. Се уште нема имиња, на мета се посебно слободните играчи, а ќе помогне веројатно и менаџерот на Мурињо, Мендеш, кој ја искоординира целата оваа приказна.

Жозе Мурињо од наредната сезона ќе биде нов тренер на Рома.
Веста за доаѓањето на Мурињо во Рим наредната сезона ја потврди и „волчицата“ на својот официјален сајт. Во јавноста се огласи и Португалецот и објасни зошто ја прифатил понудата од Рома.
„Уште по првиот состанок со управата сфатив дека Рома има големи амбиции. Заеднички ќе работиме за да создадеме победнички проект. Една од причините поради кои доаѓам тука е страста на навивачите на овој. Со нетрпение чекам да почне новата сезона“, изјави Мурињо.
За Мурињо ова ќе биде втор италијански тим после Интер со кој успеа да освои тројна круна.

Тиери Анри изјави дека понудата за купување на клубот од страна на шведскиот милијардер Даниел Ек е сосема реална.
Бизнисменот кој долги години навива за „топчиите“ се огласи преку социјалните мрежи откако ги виде протестите на навивачите против сегашната управа. Анри откри дека Ек во последните денови имал состанок и со Лондончани.
„Ек контактираше со семејството Кронке. Тој ми рече дека собрал средства за да има добра понуда. Сите се обидуваме да понудиме решение што ќе биде поддржано од навивачите на клубот“, изјави Французинот.

Челзи и Реал Мадрид вечерва играат за финале во Лигата на шампионите, а тимот од Англија има предност по првата средба, откако истата заврши со за нив позитивни 1-1.
Тренерот Томас Тухел најави дека Челзи нема да калкулира, ќе игра на победа, тоа е првата опција за вечерашниот дуел.
„Ова е голем предизвик, полуфинале, стигнавме до тука, сакаме финале. Нема што да криеме, заслуживме да стигнеме до финале, ние играме на победа на секој натпревар, така ќе биде и вечерва на реваншот, резултатот од првата средба за нас не важи.“ – изјави Тухел.