Реал Мадрид му гостува на Челзи со 1-1 по првата средба од Мадрид, противникот има предност, но јасно е дека „кралевите“ допатуваа во Англија по победа и пласман во финалето.
Зинедин Зидан не криеше на задолжителната прес-конференција дека неговите играчи нема да се предадат, вели екипата е подготвена за победа.
„Мораме да одиграме со сета наша сила, максимално и најдобро што знаеме. Подготвени сме, ова за нас беше тешка сезона, месец мај е месец за трофеи, се надеваме на финале и на пехарот во Лигата на шампионите. Ќе дадеме се од себе да дојдеме до резултат кој ќе не одведе на завршниот натпревар сезонава.“ – изјави Зидан.

Селекторот на нашата најдобра репрезентација, Игор Ангеловски, ја поздрави одлуката на УЕФА да има по 26 играчи во ростерот на претстојниот Евро-шампионат или тројца повеќе од претходните собири.
„Олеснување е промената со 26 фудбалери бидејќи ни дава три други опции за секој случај. Јас сум кажал дека фудбалерите што го обезбедија пласманот на Европското првенство имаат предност“, потенцираше Ангеловски.
Селекторите треба да го испратат конечниот список на фудбалери до 1 јуни.

УЕФА направи измени во регулативата на претстојното Европско првенство. УЕФА одлучи да бидат проширени апликациите на репрезентациите кои учествуваат на турнирот на 26 играчи. Во моментов, екипите можат да вимаат во конкуренција по 23 играчи.
„Со цел да се намалат ризиците на тимовите кои се соочуваат со недостиг на достапни играчи поради можни позитивни резултати од тестовите КОВИД-19 и следните мерки за карантин пропишани од надлежните органи, беше донесено одлука, која е исклучок за ова ЕП, да се зголеми списокот на играчи за сите тимови до 26 играчи. Сепак, 23 играчи е максималниот број дозволени играчи на записникот за секој поединечен натпревар, вклучително и тројца голмани“, се вели во онформацијата објавена од прес-службата на УЕФА .
Еуро 2020 требаше да се одржи минатата година, но поради пандемијата на коронавирусот, ова натпреварување беше одложен за летото 2021 година. Натпреварите ќе се одржат од 11 јуни до 11 јули. Меѓу учесниците на ова ЕП за прв пат ќе биде и Македонија која ќе игра против Австрија, Украина и Холандија.

Серхио Агуеро синоќа во 85. минута истрча на теренот на натпреварот помеѓу Манчестер Сити и ПСЖ во Лигата на шампионите.
Тоа беше последниот натпревар за аргентинскиот фудбалер во ова натпреварување на стадионот на Манчестер Сити, бидејќи на крајот од сезоната ќе го напушти клубот по цели десет години.
Неговото влегување во игра синоќа стана хит на социјалните мрежи поради грешката на судијата. Агуеро се подготвуваше за влез во игра, а четвртиот судија го подигна семафорот со броевите 47 (Фоден) и 9 (Габриел Жезус). Изненадениот Агуеро прв ја забележа грешката и го поправи судијата.
Се уште не се знае каде Агуеро, кој годинава ќе го прослави 33. роденден, ќе ја продолжи кариерата. Има понуди од Италија, Барселона, Челзи и Манчестер Јунајтед, но и од родната Аргентина.

Вест Хем во изминатиот период се поврзуваше со можен ангажман напаѓачотн а Челзи, Тами Абрахам.
Медиумите на Островот пишуваа дека Вест Хем е спремен да плати 50 милиони евра за да ги добие услугите на Абрахам. Стратегот на Вест Хем, Дејвид Мојс ги демантираше таквите информации.
„Ако цената на Абрахам е 50 милиони евра, не доаѓа во предвид, не сум луд. Со сигурност можам да ви кажам дека со таква поставена цена ние нема да влеземе во преговорите. Нема да потрошиме толку на ниту еден играч и јас ќе бидам изненаден ако се случи нешто такво“, изјави Мојс.

Тренерот на фудбалерите на Лицио, Симоне Инзаги, најверојатно ќе ја продолжи соработката со „римските орли“, најавуваат медиумите во Италија. Неговиот состав во финишот на сезоната ќе се обиде да се избори за место во Лигата на шампионите а раководство цврсто верува дека Инзаги го има потребниот квалитет да остане на клупата. „Ние сакаме да бидеме во топ четири. Досега имам одлична соработка со претседателот, верувам дека тоа ќе продолжи и во иднина“, рече тренерот на Лацио.

Ѕвездата на Тотенхем, Герет Бејл постигна хет-трик против Шефилд Јунајтед и полека влегува во препознатливата форма и постигнува погодоци , нешто што се очекуваше од него.
Бејл беше во немилост кај Мурињо додека Португалецот беше на клупата на Тотенхем , ретко добиваше шанса на теренот, па по синоќешниот одличен меч имаше со што да го „пецне“ Мурињо.
„Конечно го вративме победничкиот Тотенхем и нормално е да се очекува постигнување на повеќе голови. Работевме на оваа формација неколку недели, конечно играме фудбал на начин на кој е препознатлив овој клуб. Ми требаат натпревари, а кога имам континуитет, нормално е да играм вака.“, изјави Бејл.
Тој му се заблагодари на новиот тренер Рајан Мејсон за офанзивната тактика што му овозможува на Бејл да игра поблиску до противничкиот гол.

Како што се доближува летниот трансфер период, така се зголемува притисокот врз управата на ПСЖ во однос на преговорите за продолжување на договорите со првите две ѕвезди, Нејмар и Мбапе.
„Екип“ пренесува дека првиот оперативец на ПСЖ, Леонардо губи самодоверба дека ќе успее да ги убеди двајцата напаѓачи да останат во Париз.
Неофицијално, Мбапе посакува трансфер во Реал Мадрид, додека Нејмар сака да се врати во Барселона.
Проблем може да биде висината на платата, но со оглед на желбата кај двајцата играчи, нема да биде изненадување ако се согласат за помала плата во однос на таа што им ја нуди ПСЖ, над 600 илјади евра неделно, за да се преселат во Шпанија.
Нејмар и Мбапе засега не демантираат дека сакаат да останат во Париз, иако шпекулациите дека решиле да ја напуштат Франција се се погласни.

Настапот на Килијан Мбапе е под голем знак прашалник пред вечерашниот дуел со Манчестер Сити.
Иако претходните денови се шпекулираше дека ќе биде подготвен, Французинот синоќа тренираше индивидуално, не беше во состојба да тренира со остатокот од екипата и многу веројатно е дека нема да биде помеѓу стартерите вечерва на „Етихад“.
Наводно, Маурисио Покетино веќе го подготвува тимот со Мауро Икарди на позиција напаѓач, додека зад него ќе играат Нејмар, Ди Марија и Дракслер.
Според последните информации, тимот на ПСЖ би требало да изгледа вака:
Навас – Флоренци, Маркињос, Кимпембе, Диало – Паредес, Верати – Ди Марија, Нејмар, Дракслер – Икарди.
Натпреварот е со почеток во 21. часот, а понудата за истиот можете да ја најдете на www.evrotip.mk.