Њукасл јунајтед веднаш ќе ги потроши парите од трансферот на Александер Исак. Швеѓанецот во рекорден трансфер, кога станува збор за Премиер лигата, се сели во Ливерпул. Сумата од 150 милиони евра, Њукасл ја вложи во Ник Волтемаде и Јоан Виса.

Напаѓачот на Штутгарт, Волтемаде пристигна во клубот пред неколку дена, а до крајот на денот, Виса ќе потпише договор со клубот од „Сент Џејмс Парк“.

Виса, во Њукасл доаѓа од Брентфорд во трансфер вреден 55 милиони фунти (околу 63,5 милиони евра). Клубовите се договориле, половина од сумата Њукасл да уплати веднаш, а половина наредната година. Во договорот постои клаузула која му гарантира на Брентфорд 25 отсто од наредната продажба на фудбалерот.

Виса, кој постигна 49 гола на 149 натпревари за Брентфорд, беше продаден откако во објава на Инстаграм го обвини клубот за прекршување на договорот и побара од сопствениците и директорите на клубот да го исполнат своето ветување и да му дозволат трансфер за да мопже да напредува во кариерата.

Напаѓачот од Конго јавно се пожали дека „клубот неоправдано му стои на патот и покрај низата фер понуди во текот на летото“, кои, како што тврдеше тој, биле договорени и ставени на хартија.

ПСЖ повторно го испрати на позајмица Рандал Коло Муани (26). Репрезентативецот на Франција ја помина втората половина од минатата сезона во Јувентус.

Цело лето Коло Муани чекаше Јувентус да се договори со ПСЖ. Откако клубовите не постигнаа договор, а Јувентус за 40 милиони евра го донесе Лоис Опенда, Коло Муани прифати да се пресели во Тотенхем.

Фабрицио Романо објави дека Спарс ќе му плати на ПСЖ пет милиони евра и дека во фоговорот нема опација за откуп на договорот.

ПСЖ плати 95 милиони евра за Коло Муани кога го купија од Ајнтрахт на последниот ден од летниот преоден рок. Оттогаш, тој одигра 54 натпревари за ПСЖ и постигна 11 голови.

Тренерот на Интер, Кристијан Киву, се осврна на вчерашниот пораз од Удинезе во 2.коло на Серија А.

„Нероазурите“ на домашен терен загубија со 2:1, иако први имаа водство.

Треба да ја пронајдеме нашата мотивација, нашиот ентузијазам и нашата желба за настап што ја имавме пред неколку дена. Денес се мачевме да создадеме игра, бевме невнимателни и не се стремевме кон совршенство. Сето ова влијаеше на исходот. Епизодата со пеналот ни предизвика психолошка штета. Не смееме да бидеме толку френетични како што бевме денес, бидејќи така ја губиме топката. Натпреварот се претвори во игра „ајде да видиме што ќе се случи“ со четири напаѓачи. Треба да работиме напорно, првенството ќе биде долго, изјави романскиот тренер.

Во следното коло Интер ќе игра на гости против Јувентус на 13 септември.

Голманот на ПСЖ, Џанлуиџи Донарума, се пресели во Манчестер сити, објави инсајдер Фабрицио Романо.

Трансферот на 26-годишниот Италијанец ги чини „Граѓаните“ 39 милиони евра. Донарума бранеше за пари Сен-Жермен од јули 2021 година. Неговиот договор со Парижаните имаше важност до 30 јуни 2026 година. Во сезоната 2024/25, голманот прими 43 гола на 47 натпревари во сите натпреварувања, при што на 17 натпревари не прими гол.

„Трансфермаркт“ ја проценува трансферната вредност на Донарума на 40 милиони евра.

Македонскиот фудбалски репрезентативец Дарко Чурлинов кариерата ќе ја продолжи во Турција. Како што објавија утрово турските медиуми, екипата на Кочаелиспор се договорила со англиски Барнли за перманентен договор со нашиот репрезентативец, кој во последните неколку сезони постојано беше на позајмици во други клубови, последен пат во полска Јагиелонија.

Кочаелиспор ќе потпише 2-годишен договор со нашиот репрезентативец, кој во Турција ќе му помогне на Кочаели во битката за опстанок во елитата.

Англискиот фудбалски состав Нотингем Форест, го купи бразилскиот голман, Џон Виктор од екипата на Ботафого, објави веб-страницата на англискиот клуб.

Откако 29-годишникот потпиша тригодишен договор, спортскиот директор на клубот, Рос Вилсон, вели дека тоа е одличен потег.

„ Тој доаѓа тука со желба да остави впечаток и ние сме воодушевени што го пречекуваме“ – рече Вилсон.

Баер Леверкузен по само два месеца се раздели со тренерот, Ерик тен Хаг, стои во објавата на германскиот фудбалски состав.

Одлуката доаѓа по лошиот почеток во Бундес-лигата. „Фармацевтите“ загубија дома од Хофенхајм а потоа одиграа нерешено кај Вердер (3:3) иако имаа предност од два гола.

„Одлуката не беше лесна. Никој не го сакаше тој чекор. Сепак, последните недели покажаа дека градењето нов и успешен тим не може да се осмисли без крајна цел“ – рече спортскиот директор на клубот, Симон Ролфес.

Фулам постигна договор за трансфер на талентираниот млад крилен играч Тајрик Џорџ од Челзи за сума од околу 22 милиони фунти. Договорот вклучува почетна сума и дополнителни бонуси поврзани со настапите на играчот, што го отсликува ангажманот на Фулам да го зајакне својот тим за престојната сезона. 

Пакетот содржи и значајна клаузула за дел од идниот трансфер, што гарантира дека Челзи ќе има корист од евентуална идна продажба на Џорџ. 19-годишниот крилен играч, продукт на Челзи академијата, веќе ја помина медицинската проверка и наскоро ќе се приклучи на Фулам. 

Овој трансфер му нуди на Џорџ јасен пат кон редовно место во првиот тим, што му беше тешко да го обезбеди во Челзи поради ограничени шанси. Познат по својата брзина и креативност, младиот играч се очекува да донесе нова енергија во нападот на Фулам. Овој потег се смета за паметна инвестиција во долгорочната иднина на клубот. 

Баерн Минхен е во преговори за доведување на 27-годишниот напаѓач Адемола Лукман од Аталанта. Германскиот шампион, според извори, понудил договор за позајмица со цел да ги зајакне нападните линии за претстојната сезона. 

Понудата вклучува значителна такса за позајмица, што го покажува сериозниот интерес на Баерн да го обезбеди Лукман. Како дел од стратегијата да останат конкурентни и во Бундеслигата и во Европа, Баерн вклучил и опција за купување на играчот по завршување на позајмицата, доколку Лукман остави добар впечаток. 

Преговорите се во тек, а двете страни работат на финализирање на деталите пред да се затвори трансфер прозорецот. Овој трансфер би можел да биде важен чекор во кариерата на Лукман, со можност да блесне во еден од најдобрите европски клубови. 

Интер постигна договор со Манчестер Сити за ангажман на швајцарскиот дефанзивец Мануел Аканџи на почетна позајмица, со опција за траен трансфер. 

Договорот вклучува надомест од 2 милиони евра за позајмицата и клаузула за откуп од 15 милиони евра, која ќе стане задолжителна во 2026 година, под одредени тешки услови. Се очекува дека Аканџи ќе ги заврши медицинските прегледи во текот на следните часови, а потоа ќе следи официјалното потпишување. 

Интер го гледа 30-годишниот како важно засилување во одбраната за актуелната сезона. Присуството на поранешниот дефанзивец на Интер, Кристијан Чиву, кој сега е менаџер на Нераѕурите, ќе помогне за полесна адаптација на Аканџи во тимот. 

Овој потег претставува уште еден стратешки чекор на Интер во потрага по стабилност и искуство во одбранбената линија.