Холандски Ајакс, според пишувањата на медиумите од таа земја, од наредната сезона би можел да пласира трет дрес во чест на реге иконата Боб Марли. Така, на црниот дрес ќе бидат три птици во боите на реге знамето.
Причина за тоа се навивачите. Имено, песната на Боб Марли со наслов „Three Little Birds“ веќе долго време е неофицијална химна на навивачите на Ајакс, кој често создаваат нови обработки на познатиот ритам. Навивачите се воодушевени од идејата, а социјалните мрежи на клубот се веќе преплавени со пораки и обиди за резервации на новиот дрес.

Европската куќа на фудбалот донесе одлука да им дозволи на репрезентациите да повикаат 26 фудбалери за ЕП, а воедно го одобри и правилото за пет замени.
Наместо 23 фудбалери секој селектор ќе може на списокот да пријави 26, а УЕФА се одлучи на ваков потег поради проблемите со пандемијата и поголемиот број на измени.
Ова може да биде и добра вест за македонските фудбалери, бидејќи селекторот Игор Ангеловски нема потреба да го крати списокот и ќе може да повика 26 фудбалери.
Притоа, се очекува повеќе фудбалери да добијат минутажа на Европското првенство, бидејќи ќе има пет замени.

Лионел Меси мора до крајот на јуни да одлучи каде ќе ја продолжи кариерата. Договорот со Барселона му трае до крајот на сезоната, а ПСЖ со сите сили се труди да го доведе Аргентинецот во своите редови. Меѓу заинтересираните минатото лето беше и Манчестер Сити.
Тогаш, Меси сакаше да ја напушти Барселона, меѓутоа на крајот одлучи да остане и сега голема е веројатноста дека ќе остане во Барселона до крајот на кариерата.
Со тоа се согласува и Пеп Гвардиола.
„Се надевам дека Лео ќе ја заврши кариерата во Барселона, бидејќи нема да пронајде подобар клуб.“ – вели тренерот на Сити.
Меси во Барселона пристигна во 2000. година, а за сениорскиот тим игра од 2004. година. Во 773 натпревари постигна 667 погодоци. Со Гвардиола соработуваше од 2008. до 2012. година.

Манчестер Сити со пресврт го победи ПСЖ 2-1 на „Паркот на Принцовите“, го отвори патот кон финалето, но Кевин Де Брујне кој реализираше еден гол смета дека ништо не е готово.
„На полувремето се договоривме да играме повеќе со топката, побрзо да стигнеме до зоната од каде можеме да бидеме опасни, морам да кажам, ова е само половина пат до финалето, не очекува реванш, ништо не е готово“ – изјави Де Брујне.
Де Брујне беше еден од најдобрите индивидуалци на теренот во Париз и еден од најзаслужните во тимот на Пеп Гвардиола за направениот пресврт и големата победа против ПСЖ на гостински терен.

Италијанските медиуми пренесуваат дека Милан започнал преговори со ѕвездата на Лил.
Станува збор за 22-годишnниот крилен напаѓач, Иконе кој оваа сезона има постигнато 7 гола и запиша 7 асистенции. Иконе е спремен на лето да ја промени средината, а миланскиот гигант веќе стапил во контакт со неговиот агент.
Францускиот клуб за неговата слобода бара 30 милиони евра, додека Милан е спремен да понуди 25 милиони евра.
Интерес за Иконе покажуваат и неколку клубови од Премиер лигата, но тој е блиску до договор со клубот од „Сан Сиро“.

Мемфис Депај, напаѓачот на Лион и во моментот втор стрелец во француското првенство, веќе некое време го договара својот трансфер во Барселона, каде повторно би работел заедно со Роналд Куман, со кого соработуваше во холандската репрезентација.
Депај сезонава постигна 18 погодоци за Лион, со кој има договор до крајот на оваа сезона. Неговите контакти со Барселона се во тек уште од минатата година, а финансиската криза е причина што каталонскиот клуб сега нуди двојно помалку од она што го нудеше минатата година.
Депај и Барселона веќе имаа неколку состаноци на темата негово доаѓање во клубот, но сега се замеша и Јувентус, кој исто така има желба да го доведе. Кристијано Роналдо, Пауло Дибала и Алваро Мората би можеле да го напуштат клубот од Торино на крајот од сезонава, а Јувентус е во потрага по играчи кои би замениле некој од овие тројца.
Холандскиот напаѓач би можел да пристигне бесплатно, што е прилика која би сакале да ја искористат и во се уште актуелниот италијански првак.

Примарна цел на Реал Мадрид на лето ќе биде засилување на одбраната, без разлика дали Рамос ќе остане на „Сантиаго Бернабеу“.
Како што пренесува доброинформираната „Марка“, прв на листата желби на „кралевите“ е дефанзивецот на Виљареал, Пау Торес.
24-годишниот Торес е шпански репрезентативец и еден од најдобрите дефанзивци во Примера и го привлече вниманието на многу европски гиганти.
Откупната клаузула на играчот на „жолтата подморница“ е 50 милиони евра, но Реал ќе се обиде да ја намали таа цена преку преговори.

Менаџерот на Манчестер Сити, Пеп Гвардиола пред дуелот со ПСЖ во полуфиналето од Лигата на шампионите имаше пофални зборови за Нејмар.
„Се сеќавам кога гледав видео исечоци од Нејмар додека беше тинејџер и си мислев ова е крал на Сантос. Да останеше Нејмар во Барселона, ќе освоеја уште два или три трофеи во Лигата на шампионите. Меси, Суарез и тој беа најдобри во офанзивата. Никогаш не сум видел таква напаѓачка тројка.“ – вели поранешниот тренер на Барселона.
„Сепак Нејмар одлучи да замине во ПСЖ и тоа не е лоша одлука. ПСЖ е добар клуб, а Париз убав град. Јас сум обожавател на Нејмар, тој е играч кој го подобрува фудбалот. Му посакувам што помалку повреди.“
Се осврна и на Килијан Мбапе.
„Млад е и тој е иднината на светскиот фудбал. Впрочем, тој е веќе светски првак. Ме импресионира како Халанд, го гледам и си велам себеси: Неверојатно! Колку голови даваат, со каква брзина.“ – заклучи Пеп.

Тренерот на Париз Сен Жермен, Маурисио Покетино изјави дека неговиот тим го очекува тежок дуел со Манчестер Сити во рамки на Лигата на шампионите.
„Ние сме мирни. Знаеме дека ќе мора многу да се бориме за да победиме еден фантастичен тим како Манчестер Сити. Ќе биде тешко и ќе мора да играме најдобро што можеме.”, рече Покетино на прес-конференцијата.
Аргентинецот зборуваше многу за Сити и тренерот Пеп Гвардиола.
„Мислам дека Сити е еден од најголемите тимови во светот со, исто така за мене, најдобриот тренер. Дали ќе биде потешко отколку против Баерн? Не знаеме.”, рече Покетино.
Првиот натпревар од полуфиналето во Лигата на шампионите ПСЖ и Сити го играат вечерва од 21. часот во Париз, а најголемата понуда за овој натпревар ќе ја најдете на www.evrotip.mk.

Едуардо Камавинга привлече вниманието на многу европски гиганти.
18- годишниот играч за врска веќе подолго време се поврзува со трансфер во Реал Мадрид, но последните информации се дека е на чекор од трансфер во Баерн Минхен.
Камавинга со своите настапи го привлече вниманието на многу европски гиганти, а дека станува збор за вонсериски талент говори и фактот дека веќе го доби епитетот „новиот Погба“ и дебитираше за француската репрезентација.
Приоритет на Баерн Минхен во летниот преоден рок ќе биде засилување на средниот ред, а веруваат дека Камавинга ќе биде идеално решение.