Јувентус веќе поголем дел од сезоната игра без Пауло Дибала. Минатогодишниот МВП на Серија А, од есента одигра само 859 минути и во 16 настапи постигна три погодоци и две асистенции.
Аргентинецот го мачи повреда на левото колено, но веќе два месеци не може целосно да го санира проблемот. Неодамна асот на Јувентус беше во Барселона кај познатиот доктор Цугат, но нема позитивни реакции. Дибала и понатаму чувствува болки во коленото. Лекарите кои ги посетува не можат точно да одредат кој е проблемот.
Маките на Дибала започнаа на 10. јануари кога беше заменет во првото полувреме на натпреварот против Сасуоло. Првите прогнози беа дека ќе го нема 10 до 20 дена. Почетната дијагноза покажуваше полесна повреда на лигаментот, но испадна дека нешто покомплексно е во прашање.
Дибала веќе е на работ на очај бидејќи сезоната наскоро влегува во самиот финиш, на Јувентус му се потребни неговите голови во борбата за четвртфинале во Лига Шампиони, како и во трката кон Интер во Серија А.

Џанлуиџи Донарума се уште нема ставено параф на новото продолжување на договорот со Милан.
22-годишниот голман и веројатно еден од најдобрите чувари на мрежата во Европа има договор кој истекува за помалку од пет месеци, што го прави интересна мета за многу европски великани.
Според пишувањата на медиумите, Челзи е заинтересиран за голманот на „росонерите“.
Кепа Аризабалага падна во заборав по доаѓањето на Менди, се очекува шпанецот веројатно да го напушти Стемфорд Бриџ наредното лето. Најскапиот голман не го даде очекуваното, Донарума би бил вистинско подобрување, а и одлично решение земајќи предвид дека Менди ќе има обврски со Сенегал во Купот на нации во Африка.
Рајола за својот клиент бара плата од 175 илјади фунти на неделно ниво, а останува да видиме што Тухел и „сините“ мислат за тоа.

Порше автомобилот кој го поседуваше аргентинскиот фудбалски великан Диего Марадона во текот на својата последна сезона во Европа, оваа недела оди на аукција.
Марадона во 1992. година возеше сребрен Порше 911 на тренинг и на натпревар, додека играше за шпанскиот клуб Севиља, а тоа беше неговата последна сезона во Европа, по што отслужи 15- месечна забрана поради позитивен тест на дрога.
Марадона во текот на таа сезона беше на насловните страници бидејќи полицијата го сопре токму во ова возило поради поминување на црвено светло и брзина од 180 километри на час во центарот на градот.
„Го возеше само Диего Армандо Марадона и поради тоа овој автомобил би можел да вреди двојно или трикратно повеќе од вредноста на стандардниот автомобил.“ – рече Грегори Тујтенс, специјалист за автомобили во аукциската куќа Бонхамс во Белгија.
Аукцијата преку интернет ќе трае до 10. март, а почетната цена е 200 илјади евра. Возилото на аукцијата доаѓа со поминати околу 120 илјади километри.

Лидерот во Серија А, милански Интер се најде во неочекуван проблем поради неисплатениот бонус кон Манчестер Јунајтед за трансферот на Ромелу Лукаку, кој настана по клаузулата за обврската на миланскиот клуб да го исплати остатокот од барањата.
Најдобриот белгиски напаѓач во Милано пристигна во 2019. година од Јунајтед потпишувајќи петгодишен договор. Обесштетувањето за кое Интер се обврза да го плати изнесуваше 74 милиони евра, со додатни бонуси на име на учинок на фудбалерот кој е одличен оваа сезона.
Бидејќи Интер не го исплатил бонусот, Јунајтед ја активира споменатата клаузула.
Знаејќи дека парите се голем проблем во годината на пандемија, Јунајтед предлага алтернатива во вид на надокнада „во натура“.
Според пишувањата, „црвените ѓаволи“ се распрашуваат за Лаутаро Мартинез и Милан Шкринијар, па останува да видиме каков ќе биде епилогот.

Фудбалерите на Ливерпул во претстојното дерби против Челзи ќе бидат засилени со тројца опоравени првотимци, откако во неделата пред дербито на тренинзите се приклучија Диого Жота, Фабињо и Алисон. Ливерпул сезонава баш и немаше среќа со повредите, но пред дуелот кој се игра во четврток, Јирген Клоп има причини да биде задоволен. Најпрво кога станува збор за опциите во нападот, бидејќи Жота се враќа по пауза која траеше од декември и повредата против Мидтјиланд. Повредата на коленото на засилувањето од Вулверхемптон ги скрати опциите во нападот, баш во моменти кога играше во одлична форма. Клоп на располагање ќе го има и универзалецот Фабињо, кој не се штедеше оваа сезона да ги покрие „дупките“ во одбраната. На голот би требало да се врати и Алисон, кој не беше повреден, но го пропушти минатиот натпревар по трагичната вест за смртта на неговиот татко. Дуелот помеѓу Ливерпул и Челзи се игра во четврток со почеток од 21.15 на Енфилд, а најдобрите квоти за овој натпревар, но и сите останати можете да ги најдете на www.evrotip.mk.

Валенсија ќе добие нови, многу богати сопственици. Тунку Исмаил Султан Ибрахим е многу блиску до купување на Валенсија.
Питер Лим бизнисменот од Сингапур кој е сега на чело на Валенсија е омразен меѓу фановите затоа што веќе седум години не успева да го спаси бродот кој тоне, па сега би можеч да крене раце од проектот и да го предаде на некој што повеќе ќе му се посвети.
Принцот од Малезија, инаку престолонаследник на Јохор, една од 13- те држави од кои Малезисија се состои, тежи околу 28 милијарди долари, така што со неговто доаѓање Валенсија значајно би се засилила финансиски.

Реал Мадрид ќе прави голема реконструкција на крајот на сезоната. Неколку фудбалери ќе бидат ставени на продажба, а меѓу нив е и Марко Асенсио. Овој 25-годишен фудбалер после тешката повреда повеќе не заигра на истото ниво, па раководството на Реал е спремно да го продаде на лето. За него силен интерес покажуваат италијанските гиганти Милан, Интер и Јувентус, а и самиот играч нема ништо против да се пресели во Серија А.

Баерн Минхен денес официјално го потврди трансферот на Емилијан Метју, играч за врска кој доаѓа од австрискиот Сент Полтен. 17-годишниот фудбалер веќе дебитираше за првиот тим пред еден месец против ЛАСК и го привлече вниманието на многу европски гиганти. Баерн Минхен успеа да ја победи конкуренцијата и го договори неговиот трансфер, а Метју ќе се пресели во Минхен по завршувањето на сезоната и ќе потпише договор до 2025 година. Австриецот најпрво ќе игра со младиот тим на Баварците, но медиумите пренесуваат дека станува збор за исклучителен талент и го споредуваат со Алаба.

Англискиот новинар и трансфер експерт, Данкан Касалс тврди дека приоритетна дестинација на Килијан Мбапе е Ливерпул. Според новинарот Мбапе со сигурност ќе си замине од ПСЖ, а пред него се две опции – Премиер лига и Примера. Касалс тврди дека Мбапе преферира преселба во Ливерпул пред Реал Мадрид, два клуба кои покажуваат најсилен интерес за Французинот. „Неговата желба за следниот чекор во кариерата да премине во една од двете најдобри лиги – Премиер лига или Примера. Ми кажаа дека негова најголема желба е Ливерпул. Тој го почитува и Манчестер Јунајтед, но импресиониран е од Ливерпул под водство на Клоп“.

Иако се појавија неколку информации дека Микел Артета е еден од кандидатите за клупата на Барселона, истите беа набрзо демантирани.
Рубен Уриа, новинар за францускиот портал Гол, кој минатото лето го пласираше интервјуто со Лионел Меси, од свои извори блиски до каталонскиот клуб открива дека Артета не е во плановите на ниту еден од претседателските кандидати.
Оваа вест ја пласираше новинарот Џерар Ромеро, своевремено еден од највлијателните извори, но очигледно е дека го загуби својот кредибилитет, бидејќи не е прв пат да пласира бомбастични информации кои не се ни блиску до вистината.
Засега, Роналд Куман останува тренер до крајот на сезоната, но во склад со резултатите, ќе биде донесена одлука за неговиот статус.
Едно е сигурно, Артета не е човекот кој ќе го замени Куман.