Барселона и Манчестер Јунајтед се силно заинтересирани за ѕвездата на Бенфика и аргентински репрезентативец, Енцо Фернандез. 21-годишниот Аргентинец ова лето пристигна во Бенфика од Ривер Плата, а со одличните настапи веднаш ја покажа својата класа.

Фернандез важи за еден од најголемите аргентински таленти, а Барселона и Манчестер Јунајтед веќе ја започнаа борбата за неговиот потпис.

Сепак, Бефика нема лесно да се откаже од него и за неговата слобода бара да се плати откупната клаузула која изнесува вртоглави 120 милиони евра.

Бенфика пред неколку месеци за Фернандез плати само 12 милиони евра, а споменатите клубови се спремни да понудат 50 милиони евра за неговиот потпис.

Марко Верати би можел да потпише нов договор со Пари Сен Жермен.

Оваа вест ја потврди Фабрицио Романо, кој истакнува дека се уште ништо не е официјално, но дека Верати и ПСЖ се во преговори и дека се оди во добра насока. Верати пристигна во ПСЖ во 2012 година за само 12 милиони евра и прерасна во вистинска клупска легенда.

Последен пат го продолжи договорот есента 2019 година кога потпиша до 2024 година, но ПСЖ сакаат што поскоро да го обезбеди неговиот нов потпис.

Фудбалерот од средниот ред на Лестер, Јури Тилеманс, би можел да му се приклучи на Арсенал со слободен трансфер на крајот од сезоната, тврдат утринава холандските медиуми.

Истите одат подалеку и тврдат дека 25-годишниот Белгиец веќе се договорил со лондонскиот тим за условите на неговиот договор. Договорот на Тилеманс со Лестер Сити истекува во летото 2023 година и тој барем засега одбива да го продолжи.

За играчот се заинтересирани и Барселона, Манчестер Јунајтед, Ливерпул и Реал Мадрид. Репрезентативецот на Белгија има 16 настапи оваа сезона, постигнувајќи 3 гола и 1 асистенција во сите натпреварувања. Порталот Трансфермаркт неговата вредност ја проценува на 40 милиони евра.

Реал Мадрид се обидува да му го продолжи договорот на германскиот фудбалер Тони Крос, кој сака да остане во клубот, но само под еден услов.

Овој 32-годишен фудбалер наводно поставил услов до раководството да биде прв избор кај тренерот Карло Анчелоти и да добие доволно голема минутажа.

Договорот на Крос трае до следното лето, а постои голема можност да не се договорат за нова соработкја затоа што Анчелоти веќе зема неколку млади фудбалери, меѓу кои се Орелиен Чуамени и Едуардо Камавинга.

Крос стана еден од најважните фудбалери на „кралевите“ во последните години и досега одигра 383 натпревари за шпанскиот шампион, а притоа постигна 26 голови и 87 асистенции.

Фудбалерот на Манчестер Јунајтед, Кристијано Роналдо, во ексклузивно интервју со познатиот британски новинар Пирс Морган, изјави дека се чувствува предаден од Манчестер Јунајтед и дека клубот направил црна овца од него. 

Роналдо вели дека нема почит кон тренерот Ерик тен Хаг, бидејќи ни тој нема нема почит кон него. Фудбалерот уште наведува дека некои луѓе од клубот сакаат да го истераат од Олд Трафорд.

Роналдо во интервјуто отворено проговори и за состојбите во клубот откако пристигна во Јунајтед.

„Луѓето мора да ја знаат вистината дека Јунајтед сака да ме истера. Не само тренерот, туку и некои други луѓе од клубот не ме сакаа повторно во Јунајтед. Не постои напредок во клубот откако пристигнав, и ништо не е променето после заминувањето на Сер Алекс Фергусон. Дојдов во Јунајтед затоа што сакав добри работи за клубот и имам желба да помогнам. Морам да нагласам дека клубот ќе мора да промени многу работи за да го подигне своето ниво и да дојде во ранг на Сити, Ливерпул, а сега и на Арсенал.

Екипата на Шкупи вчера доби казна од Фудбалската федерација на Македонија и теренот во Чаир е суспендиран поради инцидентите.

Чаирчани поради нападот на гостинските фудбалери на Шкендија мораа да изберат алтернатива, а условоте беше да играат на 100 километри од нивниот стадион. Алтернативата е веќе пријавена.

Натпреварот против Скопје Шкупи ќе го игра на Градскиот стадион во Кичево. Натпреварот се игра в сабота од 13:00 часот.

Рома и Лацио се силно заинтересирани за плејмејкерот на Торино и српски репрезентативец, Саша Лукиќ.

Лукиќ игра одлична сезона и го привлече вниманието на многу клубови, а „Тутоспорт“ пишува дека главната битка за неговиот потпис ќе ја водат Рома и Лацио.

Мурињо е голем симпатизер на Србинот и верува дека одлично ќе се вклопи во неговиот систем на игра, а во Лукиќ гледа наследник на Матиќ.

Само еден месец откако беше назначен за тренер на Сампдорија, Дејан Станковиќ се наоѓа пред отказ, како серија на лошите резултати на некогашниот италијански шампион.

Тимот од Џенова го претрпе четвртиот пораз во низа, овојпат од Лече со 0-2 на домашен терен, а тоа предизвика тензија на стадионот „Луиџи Ферарис“.

„Навивачите беа бесни и се обидоа да ги блокираат излезите од стадионот. Сакаа да ги задржат директорите и играчите во соблекувалните, тензијата достигна највисоко ниво, а Станковиќ изгледаше нервозно додека го гледаше натпреварот од трибина поради суспензијата“, пишуваат италијанските медиуми.

Сметката за сето ова најверојатно ќе ја плати Станковиќ кој не успеа да ја крене екипата. Желба на раководството на клубот е да се донесе Клаудио Раниери, но најверојатно нема да успее во тоа бидејќи искусниот стручњак минатиот месец ја одби понудата да ја преземе екипата.