Клаудио Раниери кариерата би можел да ја продолжи во Франција. Искусниот 69 годишен тренер е блиску да стане нов тренер на францускиот шампион Лил и тоа ќе биде нов предизвик во неговата кариера.

Раниери на клупата на Лил ќе го замени Кристоф Галтиер кој замина од клубот откако изненадувачки ја освои титулата пред ПСЖ. Раниери има искуство со работењето во Франција, од 2012 до 2014 беше тренер на Монако, а во сезоната 2017/18 го водеше Нант.

Минатата сезона Италијанецот ја водеше Сампдорија и со овој тим заврши на деветтата позиција во Серија А, меѓутоа одлучи да не ја продолжи соработката.

Во неговата богата кариера најголемиот успех му е освојувањето на титулата со Лестер во 2016 година, треба да се спомене и дека со Валенсија освои трофеј во Интертото куп и УЕФА Суперкупот.

Во кариерата беше тренер уште на: Челзи, Рома, Парма, Јувентус, Интер, Наполи, Атлетико и Фиорентина.

Еден од најдобрите светски фудбалери Кристијано Роналдо се искачи на врвот според заработката од реклами на неговиот Инстаграм профил, симнувајќи го од водечкото место американскиот актер Двејн Џонсон.

Триесетишестгодишниот португалскиот фудбалер, кој има 308 милиони следбеници на Инстаграм, може да наплати 1.6 милиони долари за една рекламна објава на својот профил, објави денеска компанијата „Hopper HQ“, која се занимава со маркетинг на социјалните мрежи.

Актерот Џонсон, познат по прекарот „The Rock“ (Карпата), може да заработи 1.52 милиони долари за една реклама на Инстаграм, на кој има 280 милиони следбеници.

На трето место е американската поп пејачка Аријана Гранде, која за една реклама на својот Инстаграм профил може да инкасира 1.51 милиони долари.

Аргентинскиот фудбалер Лионел Меси (224 милиони следбеници) од една реклама на својот Инстаграм профил може да заработи 1.1 милиони долари.

Барселона е силно заинтересирана за играчот за врска на Интер, Марсело Брозовиќ, пренесуваат шпанските медиуми.

28-годишниот хрватски репрезентативец е посочен како замена за Пјаниќ, кој ова лето сигурно ќе го напушти „Камп Ноу“.

Брозовиќ е еден од најважните играчи на Интер, но влезе во последната година од договорот и не може да постигне договор со „нероаѕурите“ за продолжување на соработката.

Поради тоа Интер ќе мора да го продаде ова лето, а Барселона внимателно ја следи ситуацијата и спрема понуда.

Францускиот фудбалски клуб Бордо беше отстранет од елитната Лига 1 и испратен во втората лига по повлекувањето на мнозинскиот акционер.

Клубот објави дека ќе се жали на одлуката, бидејќи во лигата беше претставен новиот проект за финансирање на клубот од страна на бизнисменот Жерард Лопез. Бордо се надева дека жалбата ќе биде прифатена откако проектот ќе биде финализиран и тимот ќе биде вратен во елитата. Бордо доживува сериозни финансиски проблеми и е ставен под административна контрола по повлекувањето на американскиот сопственик – команијата „Кинг Стријт“ во април.

Целиот француски фудбал страда сериозно по раскинувањето на договорот за ТВ-права со „Медиапро“ и недостигот на приходи како резултат на празните стадиони поради пандемијата на коронавирусот. Бордо е една од најпознатите екипи во Франција, тим кој доминираше во 80-тите години од минатиот век кога освои четири титули.

Чилеанецот е отворен за подолга соработка со италијанскиот првак, па дури и со помала плата во новиот договор, кој би требало да го потпише во периодот кој претстои.

Алексис Санчез наводно нема ништо против помала плата во Интер, а во такви услови и да потпише договор кој би важел до 2024 година, актуелниот му е со важност до 2023 година.

„Газета дело Спорт“ пишува дека Чилеанецот би бил среќен доколку постигне договор со раководството на клубот од Милано за продолжување на соработката.

Весникот тврди дек Санчез не би се противел неговата годишна плата во висина од 7 милиони евра да падне на 5 милиони евра, со тоа што „нероаѕурите“ во никој случај не би размислувале на негова продажба во едно такво сценарио.

32 годишниот Санчез се приклучи на Интер по трансферот во 2019 година, а досега одигра 70 натпревари за „Нероаѕурите“.

Македонскиот репрезентативец Ферхан Хасини си заминува од Партизани Тирана.

Причината поради која заминува Хасани од Партизани е тренерот Илир Даја.

„Си заминувам од Партизани, сакам да им се заблагодарам на луѓето во клубот и навивачите. Додека бев во Албанија игравме без навивач и жалам за тоа, но сепак ја чувствував поддршката. Тренерот Илир Даја не ми даваше доволно простор, не ме стемаше за дел од стартниот тим. Професионалец сум и го почитувам изборот, меѓутоа знам дека имам квалитет да играм повеќе од 10 минути во еден натпревар“, изјави Хасани за „Панорама Спорт“.

Филип Антовски е вардарово дете, во 2018 премина во Динамо Загреб од каде лани беше испратен на позајмица во Славија Софија. Ова лето одигра неколку пријателски натпревари за Австрија Виена, ги освои челниците на овој клуб кои денеска го промовираа како ново засилување.

„Филип Антовски е многу интересен фудбалер – технички вешт, пргав и со офанзивен приод. Има голем потенцијал, сакаме да му дадеме поддршка да го искористи и се надеваме дека ќе ужива тука во иднина, и за некое време ќе може да ни помогне. Ние сакаме на секоја позиција да имаме по двајца добри фудбалери“, вели спортскиот директор на Австрија Виена, Мануел Ортлехнер.

Антовски е среќен поради трансферот и вети дека ќе го дава максимумот на секој меч.

„Чест ми е што ќе бидам дел од еден од најдобрите клубови во Австрија кој има толку многу историја и традиција. Можам да ветам деа ќе го давам најдоброто за Австрија Виена во секоја минута која ќе ја одиграм. Многу сум среќен што сум дел од оваа фамилија“, изјави Антовски.

Милан се обидува да се договори со Бреша за перманентен трансфер на Сандро Тонали, росонерите сакаат да ја спуштат првично договорената сума.

Милан плати 10 милиони евра за позајмица на Тонали со опција за перманетен трансфер, треба да доплати уште 15 милиони евра за комплетно да го има играчот од средниот ред.

„Калчо Меркато“ пишува дека Милан и Бреша водат преговори, росонерите сакаат да дадат уште десет милиони евра за да го отупат целосно, но помалиот италијански клуб не сака да слушне.

Бреша останува на ставот дека Милан треба да даде уште 15 милиони евра за да го добие во целост Тонали.

Играчот за врска на Вест Хем, Деклан Рајс е решен да го напушти клубот. Тој веќе одбил две понуди да го обнови договорот со „чеканите“, пишува „Телеграф“.

Англискиот репрезентативец го бараат Манчестер Јунајтед и Чели, а наскоро се очекува и двата гиганти да излезат со конкретни предлози. Можно е Манчестер Сити да се вклучи во битката за неговиот потпис.

Рајс потекнува од екипата на Челзи, каде се спријателува со Мејсон Маунт. Сепак, „сините“ од Лондон не гледаа потенцијал кај младиот Рајс и во 2013 година тој се пресели во Вест Хем, а од 2017 година е дел од првиот тим на „чеканите“. Минатата сезона Деклан Рајс одигра 32 натпревари во Премиер лигата, на кои постигна два гола. Тој во моментов е со англиската репрезентација на Европското првенство.