Челзи е фаворит за потписот со напаѓачот на Манчестер Сити, Серхио Агуеро, според последните информации на медиумите во Англија.
„Граѓаните“ веќе објавија дека ветеранот ќе го напушти „Етихад“ на лето и веднаш се формираше список на клубови заинтересирани за потписот на Аргентинецот. Во оваа фаза, сепак од „Стемфорд Бриџ“ се чекор пред своите конкуренти.
32-годишникот сака да остане во Англија. Освен Челзи, за него се заинтересирани уште два клуба од Премиер лигата – Тотенхем и Лидс Јунајтед. Меѓутоа, од овие три клуба, Агуеро повеќе би сакал да оди кај „сините“. Покрај тоа, Томас Тухел не крие дека би бил среќен да работи со Агуеро и ќе стори се што е во негова моќ да го донесе во неговиот тим.

Иако постоеjа некои најави дека младиот шпански бизнисмен Енрике Рикелме ќе се обиде да влезе во трката за претседател на Реал Мадрид сепак тоа не се случи.
Рикелме дури и даваше изјави во медиумите со кои уверуваше дека ќе се кандидира за прв човек на Реал. Сепак, до 2025 во Мадрид нема да има промени, Флорентино Перез остана единствен кандидат на изборите па тој ќе ја извршува функцијата и во наредните четири години.
Претходно Перез најави дека и покрај кризата која ја предизвика пандемијата со коронавирусот ќе се обиде да доведе некого од Мбапе и Халанд.

Арсенал има интерес за напаѓачот на Селтик, Одсон Едуард. Според „Телеграф“, раководството на „топџиите“ планира да го зголеми бројот на напаѓачи во летниот преоден рок и смета дека Едуард е најдобриот кандидат за оваа улога.
Челниците на Арсенал го гледаат како долгорочна замена за Александар Лаказет, кој ќе наполни 30 години овој мај. Според изворот, Арсенал веќе контактирал со преставниците на францускиот напаѓач, но во текот на летото ќе мора да се соочат со конкуренција за да го добијат овој играч затоа што за него е заинтересиран и Лестер Сити.
Одсон Едуард потекнува од школата на ПСЖ, за чиј прв тим не одигра ниту еден натпревар. Во август 2017 година, тој премина во Селтик на поазјмица, а веќе во мај 2018 година Селтик го купи од ПСЖ за 10,3 милиони евра. Оваа сезона во шкотската Премиер лига, Едуард одигра 27 натпревари и постигна 16 погодоци (5 од пенал), што го направи најдобар стрелец во лигата. Неговата вредност се проценува на 15 милиони евра.

ПСЖ, Интер и Реал Мадрид ја следат ситуацијата околу играчот од средниот ред на Манчестер Јунајтед, Џеси Лингард пред летниот преоден рок. Вест Хем, во кој Лингард моментално е на позајмица, сака трајно да го ангажира играчот. Сепак, одличниот настап на играчот за врска, кој има уште една година од договорот со Манчестер Јунајтед, го привлече вниманието на водечките клубови од Премиер лигата и странските врвни клубови. Лингард сè уште нема решено за својата иднина, но играчот претпочита да игра во Лигата на шампионите следната сезона. 28-годишниот фудбалер на Манчестер Јунајтед е на позајмица кај „чеканите“ од јануари. Оваа сезона во Премиер лигата, Џеси Лингард одигра 9 натпревари, постигна 8 гола и даде три асистенции. Лингард исто така играше на позајмица во Дерби, Брајтон, Бирмингем и Лестер во текот на целата своја кариера.

Познатиот италијански новинар, Џанлука Роси лансираше вистинска „бомба“ и тврди дека Антонио Конте не крајот на сезоната ќе го напушти Интер. Конте е на добар пат да го освои Скудетото со Интер после цели 11 години, но на крајот на сезоната најверојатно ќе го напушти клубот. Тој имаше несогласување со сопствениците и директорите и минатото лето, но сепак остана и оваа сезона постигнува одлични резултати. Конте сака да си замине како победник и веќе донел одлука да се радели со „нероаѕурите“ на крајот на сезоната. Новинарот открива дека во Интер веќе го избрале неговиот наследник и дека се во постојан контант со Макс Алегри. „Контактите помеѓу Марота и Алегри се воспоставени одамна и се интензивни во последно време. На Алегри му е пренесено дека тој е прв извор за заменик на Конте на крајот на сезоната“, открива Роси.

Роберт Левандовски продолжува да се опоравува од повредата на коленото, соопшти прес-службата на клубот од Минхен. Да потсетиме, Левандовски беше заменет во 63. минута од натпреварот од второто коло во квалификацискиите за СП 2022 со репрезентацијата на Андора (3-0). За време на лекарскиот преглед, на Левандовски му било дијагностицирано истегнување во десното колено. Денес, полскиот фудбалер започна да тренира со трчање. Забележано е дека Левандовски сепак нема да може да му помогне на Баерн во реваншот од четвртфиналето во Лигата на шампионите против ПСЖ, што ќе се одигра утре, а прогнозите се дека тој би се вратил во игра на почетокот на мај.

Дефанзивецот на РБ Лајпциг, Бенџамин Хенрихс, кој до неодамна играше за оваа екипа со позајмица од Монако, ќе продолжи да игра во Лајпциг со постојан договор. Според прес-службата на РБ Лајпциг, клубот ја искористил опцијата да го купи 24-годишниот фудбалер од Монако и склучил договор со него, кој ќе важи до летото 2025 година. Условите за трансферот не се објавени. „Откако се приклучив на РБ Лајпциг, мојата цел беше да останам тука долго време. Овде се чувствувам како дома и среќен што ќе бидам со тимот во следните неколку години. Повредите сакам да ги оставам за себе. Сега само сакам да одам напред“, изјави Бенџамин Хенрикс. Хенрихс потекнува од школата на Баер Леверкузен, за кој играше од 2015 до 2018 година. Германскиот играч потоа се пресели во Монако и беше позајмен во РБ Лајпциг оваа сезона. Како дел од оваа екипа, дефанзивецот одигра 10 натпревари во Бундеслигата и имаше една асистенција.

Келн денес објави дека главниот тренер Маркус Гиздол е разрешен од фунцкијата по поразот од Мајнц вчера. „Тимот, мојот штаб и јас дадовме сто проценти до самиот крај за да постигнеме добри резултати. За жал, не успеавме да го направиме тоа во последно време. Ова го велам затоа што не остваривме победи, и покрај добрите настапи. Тимот секогаш даваше се од себе и се обидуваше да ги надмине тешкотиите што не следеа од почетокот на сезоната. На момците им посакувам се најдобро и се надевам дека Келн ќе остане во Бундеслигата“, изјави Гиздол. Тој беше на чело на Келн од 2019 година.

Лидерот на табелата во шпанската лига, екипата на Атлетико Мадрид започна преговори за потпишување договор со младиот уругвајски напаѓач Матијас Арезо. Според информациите, 18-годишниот напаѓач на Ривер Плата од Монтевидео се смета за еден од најдобрите млади таленти во земјата и е наречен „новиот Суарез“. Актуелната цена на фудбалерот е проценета на само 1,5 милиони евра што веројатно нема да биде проблем за трансфер во Шпанија. Оваа сезона Арезо одигра 14 натпревари на кои постигна четири гола и имаше и четири асистенции.

Ливерпул е подготвен да достави прва понуда за играчот за врска на Барселона, младиот Педри. Според информациите, „црвените“ веќе започнале разговори со претставници на младиот фудбалер и јасно ја изразиле својата желба да го донесат на „Енфилд“.
18-годишниот Педри има договор со Барселона на уште две години, но има откупна клаузула вредна 80 милиони евра. Барса е свесна за интересот за овој фудбалер и побрза да му понуди нов договор во кој откупната клаузула драстично ќе се зголеми на 400 милиони евра.
Педри беше донесен во Барса од Лас Палмас во 2019 година за 10 милиони евра, но минатата сезона настапи како позајмен во второлигашот.