Откако репрезентативецот на Шпанија, Серхио Бускетс, се зарази со корона-вирус, селекторот Луис Енрике, повика дополнително пет фудбалери .

Tоа се Раул Албиол, дефанзивец на Вилјареал, централниот играч за врска на Вест Хем, Пабло Форналс, бекот на Валенсија, Карлос Солер, крилото на Лидс, Родриго Морено и членот на Селта, Брајс Мендез.

Бускетс сигурно нема да игра во воведните кола за „црвената фурија“ додека Адама Траоре ќе треба да направи дополнителни тестови.

Младата женска репрезентација на Македонија во периодот од 7 до 15 Јуни ќе земе учество на маѓународниот турнир „Bansko Pirin Womens Cup”, koj ќе се одржи во Банско, Бугарија.

Нашата репрезентација на овој турнир силите ќе ги одмери со домаќинот на турнирот, репрезентацијата на Бугарија и Албанија.

Првиот натпревар го играме против Албанија на 9 јуни, а вториот дуел го играме со Бугарија на 14 јуни.

Селекторот на Македонија, Астрит Меркo, за овој турнир ги повика следните фудбалерки:

ГОЛМАНИ: Берна Кабакчи, Јана Луба Зврлевска;

ОДБРАНА: Ана Ристовска, Анида Идризи, Едина Сулејмани, Викторија Недева, Ана Милчевска, Миа Головска, Теодора Бартон, Александра Јовановска;

СРЕДЕН РЕД: Икмете Лимани, Ера Стеблева, Ангела Зафировска, Радица Велкова, Кристина Мојсоска, Бриќена Шаќири, Емира Мета, Вероника Николовска, 

НАПАД: Теа Божиновска, Теодора Николовска, Бојана Петкова, Оливера Чоклевска;

Украина во последната контрола го совлада Кипар со убедливи 4-0, селекторот Андриј Шевченко е задоволен, вели дека нема еуфорија, а тимот е подготвен за сите предизвици на континеталниот шампионат.

Шевченко вели дека Украина ќе направи се да стигне до следната фаза на шампионатот, а победата против Кипар носи самодоверба.

„Нема еуфорија, и не смее да ја има. Работевме во три фази на подготовки, спремни сме за ЕУРО. Сакаме да победува и ќе направи се да биде така против Сите“ – рече Шевченко по мечот против Кипар.

Украина на Европското првенство е во група со Македонија, Австрија и Холандија.

Рома ги продолжува преговорите со Арсенал за играчот за врска Гранит Џака, објавија медиумите во Италија.

Римјаните понудија 14 милиони евра плус 3 милиони бонуси за 28-годишниот швајцарски репрезентативец, но лондонскиот клуб ја одби понудата. „Топџиите“ се надеваат дека ќе успеат да добијат 23-25 ​​милиони евра од продажбата на Џака. Самиот играч веќе ги договори деталите за четиригодишниот договор со Рома и очекува договор на ниво на клуб-клуб.

Џака минатата сезона во Премиер лигата постигна 1 гол и имаше 2 асистенции на 31 натпревар одигран за Арсенал.

Селекторот на фудбалската репрезентација на Франција, Дидие Дешамп, кој има договор до декември во 2022 година, сака и по тој термин да остане на кормилото на „галските петли“. 52-годишниот специјалист се надева дека на претстојното Европско првенство ќе успее да ја освои титулата.

„Може да продолжам и по 2022 година ако се договориме со претседателот. Во моментов сум задоволен од мојата улога. Пресреќен сум. Се надевам дека луѓето ме сакаат“ –  изјави Дешамп. 

Франција под диригентската палка на Дешамп одигра 112 натпревари со ефект од 74 победи, 20 нерешени и 18 порази. Најголемиот успех на Дешамп беше во 2018 година кога ги предводеше „петлите“ до светската титула.

Македонската фудбалска експедиција денес со чартер-лет патува за Букурешт, а ние одбројуваме до мечот со Австрија во недела на 13 јуни, прв за националниот тим на континеталниот шампионат.

Македонија е во група со веќеспоменатата Австрија, Украина и Холандија, желбата е пласман во следната рунда на ЕУРО, а за тоа е ни треба најмалку една победа. Најголеми се очекувањата од дуелот со Украина, но сакаме изненадување и против Австрија и Холандија која е апсолутен фаворит во групата Ц.

При испраќањето, ФФМ испрати специјална порака од својот Фејсбук профил.

Бидете свои, бидете храбри како и секогаш. Веруваме во вас. Среќен пат.– пишуваат од ФФМ на Фејсбук.

Хаким Зијеч ова лето пристигна во Челзи како големо засилување од Ајакс, но не се снајде во Премиер лигата.

Зијеч до сега не успеа да го покаже својот квалитет, а новиот тренер Томас Тухел не смета сериозно на него. Таквата ситуација сакаат да ја искористат италијанските гиганти Милан и Наполи и на лето да го донесат во Серија А.

27-годишниот плејмејкер е голема желба на италијанските гиганти и веќе стапиле во контакт со неговиот агент.

Милан во него гледа идеална замена за Чалханоглу, додека Спалети е голем симпатизер на неговите квалитети.

Филипо Инзаги ќе биде нов тренер на италијанска бреша. Медиумите од Италија откриваат дека досегашниот тренер на Беневенто ќе ја преземе Бреша, која има намера да атакува на враќање во Серија А.

Инзаги направи голем успех, откако со Беневенто влезе во елитата минатата година, потоа на полусезоната беше на високото десетто место, но во текот на пролетта беа поприлично лоши и на крајот се вратија во Серија Б.

Инзаги сега на маса ја има понудата на Бреша, а се очекува да потпише двегодишен договор.

Сепак, на Инзаги нема да му биде нималку лесно, бидејќи претседателот на Бреша Масимо Челино е познат по смената на тренерите, а минатата сезони замени дури пет!

Инаку, Инзаги на клупата на Беневенто ќе биде заменет од тренерот на Перуџа, Фабрицио Кастори.

Стручниот штаб на репрезентацијата на Англија денеска го објави името на фудбалерот кој ќе биде замена на повредениот Трент Александар-Арнолд во селекцијата на „Гордиот Албион“ за престојното Европско првенство.

Според англиските медиуми, станува збор за дефанзивецот на Брајтон, Бен Вајт.

Фудбалерот на Ливерпул, Александар-Арнолд се здоби со повреда на бутот на пријателскиот натпревар со репрезентацијата на Австрија (1-0) и ќе мора да пропушти шест недели од фудбалските терени.

Лука Јовиќ ќе се најде на трансфер листата на Реал Мадрид ова лето, пренесуваат шпанските медиуми.

Доаѓањето на Карло Анчелоти очигледно нема да ја промени ситуацијата на српскиот шпиц, барем според она што се пишува во медиумите. Јовиќ заедно со одредена група соиграчи ќе биде ставен на трансфер листата и Реал е спремен да преговара со заинтересираните клубови.

Покрај Јовиќ на листата играчи кои ќе бараат нова средина се Марсело, Брахим Дијаз, Борха Мајорла, Иско, Дани Себаљос, Бејл…Кога е Велашанецот Бејл во прашање „Марка“ пишува и дека Бејл може дури и да ја заврши кариерата.

Ајнтрахт сакаше да го задржи Јовиќ, но останаа без Лигата на шампионите, па така немаат доволно приходи за платата и трансферот на фудбалерот.