Еден Азар пристигна во Реал Мадрид во 2019 година како големо засилување, но поради повредите не успеа да ја оправда оштетата од 115 милиони евра која Челзи ја плати на шпанскиот гигант. Сега Белгиецот се надева дека работите ќе се променат со Карло Анчелоти.
Италијанскиот стратег со „кралевите“ потпиша договор на три сезони.
„Тренерот Карло со овој тим веќе ја освои Лигата на шампионите и во добар дел ги познава работите. Знаеме дека има многу искуство. Анчелоти го познава градот и навивачите. Мислам дека заедно можеме да постигнеме големи работи“.
„Не го познавам лично, но слушнав за него дека е фин човек и дека сака да победува, тоа сите го посакуваме. Ќе имаме прилика да соработуваме и неговото доаѓање во клубот е добра вест за мене“, изјави Азар.
Шалке им се заблагодари на Колашинац и Хунтелар по испаѓањето во Втора лига
Германскиот тим Шалке 04 ја објави разделбата со дефанзивецот Сеад Колашинац и напаѓачот Клас-Јан Хунтелар.
Раководството на тимот од Гелзенкирхен одлучи да не ги продолжи договорите со двајцата играчи поради фактот што не можеа да им обезбедат на играчите она што го бараа како плати. Колашинац играше за Шалке на позајмица од Арсенал, 27-годишниот Босанец ќе се врати во лондонскиот клуб.
Хунтелар, за кого ова беше втор период во тимот по 2010 до 2017 година, се врати во германскиот клуб во јануари 2021 година. Тој потпиша договор со клубот до крајот на јуни и одигра 9 натпревари на кои постигна два гола и една асистенција.
Андре Силва е замената за Кун Агуеро во Сити
Напаѓачот на Ајнтрахт Франкфурт, Андре Силва, кариерата може да ја продолжи во Англија. Манчестер Сити е заинтересиран за услугите на 25-годишниот Португалец.
Според изворот, „граѓаните“ гледаат во Андре Силва како потенцијална замена за Серхио Агуеро, кој го напушти клубот на крајот на сезоната 2020/2021. Андре Силва е интересен и за Атлетико Мадрид.
Во сезоната што заврши, Андре Силва одигра 34 натпревари за Ајнтрахт Франкфурт, постигна 29 гола и даде 10 асистенции. Интернет порталот Трансфермаркт ја проценува вредноста на играчот на 45 милиони евра.Претходно, интерес за него покажа и Манчестер Јунајтед.
Реал Мадрид го „капари“ Шараниќ од Динамо Загреб
Динамо Загреб е еден од најдобрите клубови во Европа кога станува збор за продажбата на фудбалери.
Голем број фудбалери од Динамо направија сензационални трансфери во големи клубови: Лука Модриќ, Ловрен, Манџукиќ, Брозовиќ, Олмо минатата сезона…Сега можеби е редот на Иван Шараниќ.
Шараниќ е 18 годишен играч за врска кој е дел од младинскиот тим на хрватскиот клуб.
Во кариерата зад себе има само 74 минути сениорски фудбал, меѓутоа и покрај тоа наводно Реал Мадрид за него понудил 10 милиони евра.
Oчигледно Динамо има уште еден бисер во своите редови.
Куман останува тренер на Барселона!
Сите дилеми се решени, Барселона нема да бара нов тренер ова лето!
Претседателот на клубот, Жоан Лапорта официјално потврди дека Роналд Куман ќе остане шеф на стручниот штаб и за следната сезона. Холанѓанецот има договор на уште една година, но постоеше дилема дали тој ќе остане, бидејќи клубот не беше воодушевен само од освојувањето на Купот на Шпанија.
Во еден момент, шпанските медиуми напишаа дека Лапорта му рекол на Куман дека ќе остане само ако не најде нов тренер за 15 дена, но веста дека Холанѓанецот ќе остане на клупата се појави многу пред тој рок.
Лапорта ја потврди информацијата преку весниците на Барселона.
„После одреден период на анализа, решивме да ја продолжиме соработката со Куман, кој сè уште има важечки договор. Ние сме многу задоволни од разговорите што ги водевме. Тие беа искрени, а однесувањето на тренерот беше беспрекорно.“ – вели Лапорта.
ЕУРО 2020 – 18. Полска одблиску
Полска може секого да победи и од секого да загуби на ЕП
Фудбалската репрезентација на Полска ја претставува Полска на меѓународните фудбалски натпреварувања и е под контрола на фудбалската асоцијација на Полска. Својот најголем успех полската репрезентација го остварила на Светското првенство во 1974 и Светското првенство во 1982 година, кога го освои бронзениот медал. На Олимписките игри Полска освои три медали: злато во 1972, и две сребрени одличја во 1976 и 1992. На Европските првенства Полска учествувала двапати, првпат во 2008 година и во своите два настапи не успеала да ја помине групната фаза.
Португалецот Соуса изненадувачки селектор пред Европското првенство
Со нов селектор мартовските квалификации за Мундијалот 2022 ги одигра селекцијата Полска, откако португалскиот стратег Пауло Соуса седна на селекторското столче на местото на Јержи Бржечек, кој претходно неочекувано доби отказ.
Соуса, кој во својата играчка кариера ја освои Лигата на шампиони со Јувентус и Борусија Дортмунд, својот последен тренерски ангажман, без позначителен успех, го имаше на клупата на францускиот прволигаш Бордо. Претходно беше тренер и на Фиорентина, Базел, Лестер, КПР, а како селектор, има искуство само во селекцијата на Португалија до 16 години.
„Станува збор за тренер, кој може повеќе да извлече од оваа екипа. Со целосен респект кон Бржечек, имав впечаток дека тој тешко ќе нè однесеше чекор понатаму“, изјави вечерва претседателот на полската фудбалска федерација, Збигњев Боњек.
Полска доби изненадувачка награда „THE BEST“, Левандовски ја прекина доминацијата на Меси и Роналдо
Полскиот напаѓач Роберт Левандовски во декември минатата година беше прогласен за најдобар фудбалер во светот за 2020 година во изборот на Меѓународната фудбалска федерација (ФИФА).
Гласаа селекторите и капитените на репрезентациите, новинарите и навивачите, а Левандовски славеше пред Кристијано Роналдо и Лионел Меси.
Меѓународната фудбалска федерација ја доделува наградата за најдобар фудбалер на светот од 1991 година, а прв победник беше Германецот Лотар Матеус. Од 2010 до 2015 година ја доделуваше наградата во соработка со Франс фудбал, при што на најдобриот фудбалер во светот му се дава Златна топка. Сепак, пред пет години, ФИФА и Французите решија да се разделат.
Церемонијата на доделување на наградите се одржа како виртуелен настан од домот на ФИФА во Цирих, а домаќини на програмата беа реномираниот англиски спортски новинар Решмин Чоудури и легендарниот холандски фудбалер Руд Гулит.
Иако негови конкуренти беа двајца од најдобрите играчи на 21-от век, полскиот напаѓач заслужено славеше. Левандовски освои практично сè со Баварците и беше најдобар стрелец во Бундеслигата и во Лигата на шампионите.
Во сезоната 2019/2020, Левандовски одигра 47 натпревари за Баерн на кои постигна 55 голови и забележа 10 асистенции, и беше клучен играч на Баварците во освојување на Бундеслигата, германскиот Куп и Лигата на шампионите.
За репрезентацијата на Полска одигра 14 натпревари во 2019 и 2020 година, на кои постигна осум гола.
Познат овогодинешниот домаќин за УЕФА Суперкупот!
Финалето на европскиот Суперкуп меѓу екипите на Челзи и Виљареал ќе се игра во Белфаст на 11 август, објави Европската фудбалска асоцијација (УЕФА) на својот официјален сајт.
Првично беше најавено дека организацијата ќе биде доделена на Истанбул, како компензација за преместувањето на финалето на Лигата на шампионите од турскиот град во Порто поради состојбата со коронавирусот во Турција.
Сепак, УЕФА остана на одлуката натпреварот меѓу победникот во ЛШ, Челзи, и освојувачот на Лига Европа, Виљареал, да се игра во Северна Ирска, на стадионот „Виндзор Парк“ во Белфаст.
Младите надежи на ФК Пелистер и понатаму редат победи
Младинската школа на ФК Пелистер, генерацијата 2007 предводена од тренерот Ѓоко Илијовски продолжува со низата победи. По позитивните резултати во минатиот период и победите против Шкендија, Македонија Ѓорче Петров, Вардар.. сега на гостински терен е совладана и одличната екипа на Академија Пандев со убедлив резултат. „Пелистерци“ успешно ја затресија мрежата на противникот дури четири пати, дозволувајќи да примат само два погодоци.
Битолчани веќе некое време не знаат за пораз и се убедливи играјќи ја својата препознатлива игра на домашен, но и на гостински терен, како што покажуваат и резултатите.
Спортските обложувалници Евротип и понатаму остануваат верен и активен поддржувач на младинските селекции на ФК Пелистер Битола, со цел одржување на спортскиот дух кај најмладите во градот, како и развивање на фудбалери кои се надеваме во иднина ќе бидат носители на сениорскиот клуб, па можеби и да ја предводат фудбалската репрезентација на Македонија на големите натпреварувања.
Ангеловски ќе тактизира за натпреварот со Казахстан
Македонската фудбалска репрезентација вечерва од 18. часот на арената „Тодор Проески“ со публика од околу 10.000 гледачи ќе го пречека Казахстан, на последната проверка пред патувањето за Букурешт на 8 јуни.
Селекторот Игор Ангеловски, во однос на составот со кој настапи против Словенија, најави дека вечерва против Казахстан ќе направи неколку измени во почетните единаесет.
Поради мала повреда, за овој натпревар отпадна од конкуренција Ферхан Хасани, Стефан Ристовски веројатно ќе тргне од клупата за резерви, а се очекуваат уште неколку измени во тимот.
Македонија и Казахстан се среќаваат за прв пат во фудбалската историја, нашиот противник е позициониран на 124. место на ФИФА ранг-листата и важи за аутсајдер вечерва во Скопје.
Квотите за овој натпревар можете да ги најдете во богатата понуда на www.evrotip.mk
Холандија му се смее на својот селектор!
Холандскиот селектор Франк Де Бур стана хит во својата земја, откако направи гаф на последната прес конференција.
Неговата селекција одигра само 2:2 на пријателскиот натпревар против Шкотска, а Де Бур потоа беше на располагање на новинарите. Еден од нив го праша селекторот кој би можел да игра на позицијата десно крило на Европското првенство.
„Мислам дека тоа би можел да биде Квинси Мениг.“ – одговори Де Бур.
Следеа неколку секунди тишина, по што новинарите продолжија со прашањата. Проблемот беше во тоа што Де Бур воопшто не го повика Квинси Мениг во екипата за ЕП, но најверојатно мислеше на неговиот имењак, Квинси Промес.
Холандските навивачи веднаш на социјалните мрежи го критикуваа Де Бур дека не е способен да ги запамти играчите кои ги повикал, а камоли да ја води репрезентацијата.
