Тренерот на Реал Мадрид, Карло Анчелоти објави дека е изненаден од отсуството на Тони Крос од листата на номинирани за „Златната топка“.

„Ме изненадува затоа што Крос имаше фантастична сезона. Но, очигледно е проблем ако ги номинираме сите играчи на Реал Мадрид, јас го разбирам тоа“, се пошегува италијанскиот тренер на прес-конференцијата пред натпреварот со Алмерија во Примера.

„Валверде, Милитао, Алаба… сите заслужуваат да бидат таму. Сите имаа фантастична сезона. Не зборувам за освојување на „Златната топка“, но сите заслужуваат да бидат на списокот“, додаде тој.

Бразилецот Виничиус е дел од 30-те кандидати за трофејот кој ќе биде претставен на 17 октомври.

„Тој го постигна победничкиот гол за нашата 14-та Лига на шампиони, имаше неверојатна сезона… Не му е гајле дали ќе заврши

четврти или деветти. За моите играчи важна е само победата. Тој ќе биде подобар во иднина. За жал на Вини, оваа сезона победникот е веќе кај нас“, додаде Италијанецот мислејќи на Карим Бензема.

Ајнтрахт Франкфурт потврди дека дефанзивецот на Јувентус, Лука Пелегрини, ќе игра како позајмен во наредната сезона во Бундес-лигата.

23-годишниот фудбалер кој потекнува од школата на Рома досега играше и за Калјари и Џенова. Тој во претходната сезона имаше 18 мечеви за „старата дама“.

Пелегрини треба да ја покрие десната бековска позиција во Ајнтрахт Франкфурт.

„Франс Фудбал“ објави листа од 30 кандидати за „Златната топка“, на која за прв пат од 2005 година го нема Лео Меси.

На списокот остана Кристијано Роналдо.

Главен фаворит е Карим Бензема, предводникот на Реал во походот кон Лигата на шампионите и шампионатот на Шпанија.

На списокот на фудбалери од поранешна Југославија се Лука Модриќ (Хрватска) и Душан Влаховиќ (Србија).

Победникот ќе биде објавен на 17 октомври на церемонија во Париз.

Кандидати за „Златната топка“:

Тибо Куртоа (Реал Мадрид)

Мохамед Салах (Ливерпул)

Рафаел Леао (Милан)

Кристофер Нкунку (РБ Лајпциг)

Џошуа Кимих (Баерн)

Трент Александар Арнолд (Ливерпул)

Виничиус Жуниор (Реал Мадрид)

Бернардо Силва (Манчестер Сити)

Луис Дијаз (Порто/Ливерпул)

Роберт Левандовски (Берн/Барселона)

Ријад Марез (Манчестер Сити)

Касемиро (Реал Мадрид)

Хјеонг Мин Сон (Тотенхем)

Фабињо (Ливерпул)

Карим Бензема (Реал Мадрид)

Мајк Менјан (Милан)

Хари Кејн (Тотенхем)

Дарвин Нуњез (Бенфика/Ливерпул)

Фил Фоден (Манчестер Сити)

Садио Мане (Ливерпул/Баерн)

Себастијан Але (Ајакс/Борусија Дортмунд)

Лука Модриќ (Реал Мадрид)

Антонио Ридигер (Челзи/Реал Мадрид)

Кристијано Роналдо (Манчестер Јунајтед)

Кевин де Бруин (Манчестер Сити)

Душан Влаховиќ (Фиорентина/Јувентус)

Вирџил ван Дајк (Ливерпул)

Жоао Кансело (Манчестер Сити)

Ерлинг Халанд (Борусија Дортмунд/Манчестер Сити)

Килијан Мбапе (Пари Сен Жермен).

Новинарот Флоријан Плетенбург кој работи за германскиот „Спорт1“ објави дека постигнат е договор за трансфер на македонскиот репрезентативец Дарко Чурлинов во редовите на Барнли.

Денес во текот на денот беше објавено дека англискиот второлигаш понудил 3.25 милиони евра веднаш и плус 1.25 преку бонуси, но сега е објавено дека е постигнат договор за вкупни пет милиони евра.

Според Плетенбург сите страни се договориле и соработката е прифатена од Барнли, Штутгарт и Чурлинов.

Клучен фактор во трансферот на Чурлинов бил поранешниот капитен Винсент Компани кој сега е стратег на Барнли, тој бил импресиониран од настапите на Македонецот и го смета за големо засилување во целта за враќање во Премиер лигата.

Навивачите на Манчестер Јунајтед во никој случај не смеат да бидат задоволни со тоа што го сработи нивниот тим на трансфер пазарот, посебно кога во прашање се новите аквизиции на клубот.

Тен Хаг се ослободи од многу фудбалери кои доста време беа под договор, а или не беа прва опција или воопшто не го прикажуваа тоа поради кое беа донесени.

Сега, се очекува уште еден играч да го напушти „Олд Трафорд“ на перманентна основа. Станува збор за стоперот, Ерик Баили за кого интерес има од многу тимови, но само два пројавиле интерес да го ангажираат перманентно.

Станува збор за Олимпик Марсеј и Монако кои се подготвени да издвојат пари и да го ангажираат Баи. За разлика од овие два тима, интерес за стоперот има и од Вест Хем, Фулам, Севилја, Милан и Рома, но сите тие сакале да го ангажираат на позајмица, нешто што не им одговарало на „ѓаволите“.

Претседателот на Реал Мадрид, Флорентино Перез, брутално ја затвори можноста за повторно враќање на Кристијано Роналдо во Мадрид. Португалската суперѕвезда е дел од Манчестер Јунајтед, но и понатаму се мачи да најде ангажан во некој друг европски гигант.

Роналдо сакаше да го напушти „Олд Трафорд“ ова лето, што доведе до шпекулации дека тој повторно ќе го облече белиот дрес на Реал. Сепак, и покрај тоа што Роналдо помина неверојатни девет години во шпанската престолнина, Перез се насмеа на прашањето за негово враќање и кусо одговори: „Кристијано? Па, тој има 38 години!“

УЕФА вчера ги објави кандидатите кои ќе конкурираат за наградата „Играч на годината“, едно име посебно се издвојува.

Карим Бензема дефинитивно е првиот фаворит за оваа награда. Французинот одигра страшна сезона во Реал Мадрид со кој освои три титули – Примера, Лига на шампиони и УЕФА Суперкуп. Покрај Бензема во конкуренција се Тибо Куртоа и Кевин Де Брујнe.

Зад нив подолу на листата сез: Левандовски, Модриќ, Мане, Салах, Винисиус, Ван Дајк, Бернардо Силва, Лоренцо Пелегрини, Трент Александар-Арнолд и Фабињо.

Објавени се и номинациите за тренер на годината: Карло Анчелоти (Реал Мадрид), Пеп Гвардиола (Манчестер Сити) и Јирген Клоп (Ливерпул). Тука фаворит е стратегот на „кралевите“ поради освоените титули.

Лестер нема добиено нови понуди за Весли Фофана. Според англиските медиуми, Челси има сериозен интерес за дефанзивецот и „лисиците“ веќе одбиле две понуди од лондончани.

„Пораката до сите во тимот е да се концентрираат на фудбалот. Има многу шпекулации, но тоа не е нешто што влијае на тимот. Весли е многу талентиран играч. Тој знае што мислиме за него. Не сакаме да го продадеме, тоа е клучот. Уште една година во Лестер ќе биде одлична за неговиот развој“, рече менаџерот Брендан Роџерс.

Во сабота „лисиците“ гостуваат кај Арсенал во натпревар од второто коло на шампионатот. Според Роџерс, лондончани многу ја подигнале границата со потпишувањето на Зинченко, Жесус и Виеира.

„За мене, Арсенал е веќе на друго ниво со трите нови засилувања. Тие му даваат самодоверба на тимот и му даваат можности на Микел да игра онака како што сака тимот да игра. Тие добро се подготвија и добро започнаа против Кристал Палас“, прокоментира поранешниот тренер на Ливерпул.

После само две сезони во Челзи, Тимо Вернер го напушти Лондон и повторно ќе го носи дресот на Лајпциг.

На „Стенфорд Бриџ“ Вернер пристигна како големо засилиуање, но и покрај тоа што беше лидер помеѓу стрелците во тимот во првата сезона не ги исполни очекувањата.

Сега по враќањето во Лајпциг зборуваше за неговата ситуација во Челзи.

„Првата година во Челзи беше најуспешната за мене на лично ниво, но секогаш се отсликуваше полоша отколку што беше., Јас бев најдобриот стрелец и ја освоивме Лигата на шампионите. Имав и промашувања, а мислам дека поставив рекорд со ВАР одлуки против мене. Тој рекорд во блиска иднина тешко дека некој ќе го сруши, потоа ја изгубив самодовербата“, изјави Вернер.

Фудбалерот на Вест Хем и хрватски репрезентативец Никола Влашиќ, следната сезона ќе настапува за екипата на Торино како позајмен играч.

Никола Влашиќ во Вест Хем пристигна минатата сезона од ЦСКА Москва за сума од 30 милиони евра, но тој не се снајде баш најдобро во најсилната фудбалска лига.  

Со неговото заминување во Торино, Влашиќ се надева дека ќе ја подобри својата форма и ќе го задржи местото во репрезентацијата на Хрватска за претстојниот Мундијал во Катар.