Милански Интер и официјално го претстави грбот за кој се нагодуваше како ќе изгледа веќе неколку месеци. Интер досега на грбот имаше испреплетени букви „Ф Ц И М“ на златна подлога опкружени со црна и плава боја, а од денеска ќе има само „И М“ на сина подлога во црн круг. Така, славниот италијански клубо по 14 пат во својата историја го промени клупскиот грб, а оваа година ќе доживее уште една промена. По цели 25 години, главниот спонзор Пирели си заминува од дресот и ќе го замени некоја од азиските компании. Најголеми кандидати се Евергранде, Хајсенс и Самсунг, а се шпекулира дека од тој договор Интер ќе заработува околу 35 милиони евра годишно.

Приоритет на Реал Мадрид на лето ќе биде доведување на врвен напаѓач. Ерлинг Халадн и Килијан Мбапе се на врвот на листата желби на „кралевите“, но конкуренцијата за нив е огромна и трансферната сума исклучително висока. Поради тоа шпанските медиуми пренесуваат дека Реал Мадрид ќе се насочи кон Ромелу Лукаку. Белгиецот игра фантастично во дресот на Интер и во Мадрид веруваат дека би можел да биде идеален наследник на Карим Бензема. „Нероаѕурите“ моментално имаат финансиски проблеми, па Реал ќе се обиде да ги искористи и ќе испрати понуда од 80 милиони евра. Притоа, на Лукаку му нудат многу повисока плата од актуелната која ја заработува во Милано.

Преговорите помеѓу Манчестер Сити и Рахим Стерлинг за евентуаелн нов договор во моментов се „замрзнати“. Меѓутоа причината за тоа не е желбата на двете страни да ја продолжат соработката. На почетокот на годинита Стерлинг се раздели со својот агент Ејди Ворд и во моментов нема агент. Клубот ќе го почека Стерлинг со кој менаџер ќе одлучи да работи, а потоа ќе продолжат преговорите за продолжување на договорот. До тогаш приоритет за продолжување на договорот ќе биде Кевин Де Брујнe со кого преговорите се во финална фаза.

Герет Бејл најверојатно на крајот на сезоната ќе се врати во Реал Мадрид. „Договорот ми кажува дека треба да се вратам во Реал Мадрид. Треба да го сторам токму тоа затоа што имам потпишан договор.Реал Мадрид ги задржа моите права. Се согласив да играм за Тотенхем до крајот на сезоната и потоа мора да се вратам. Тоа се моите планови. Го напуштив Мадрид затоа што сакав да играм почесто. Се надевам дека ќе имам добра завршница на сезоната со Тотенхем“, потенцираше Бејл кој во 2013 година за 100 милиони евра ги напушти „Спарси“ и се пресели кај „кралевите“.

Новото раководство на Барселона е оптимист дека може да ја добие големата трансфер битка за Ерлинг Халанд, која ќе се води следното лето. Според каталонскиот „Спорт“ од „Камп Ноу“, луѓето на Норвежанецот веќе биле информирани дека тој е нивната главна цел. И покрај сите финансиски тешкотии и високата цена на напаѓачот, Жоан Лапорта смета дека овој трансфер е стратешки и витален за поставување на нов успешен почеток. Барселона процени дека ќе има само еден врвен трансфер ова лето и тој ќе биде централен напаѓач. Сепак, пред воопшто да се појави со понуда, каталонскиот клуб ќе мора да ја собере потребната сума. За оваа цел, барем еден или двајца од сегашните играчи мора да бидат продадени, а покрај тоа раководството ќе се обиде да ги намали платите.

Англискиот репрезентативец, 22-годишен играч за врска Мејсон Маунт, кој постигна гол во квалификациите за СП 2022 против Албанија (2-0) во групната фаза од квалификациите за СП 2022 година, го повтори достигнувањето на Френк Лампард како играч во мај 2013 година.
Како што беше објавено, Мејсон Маунт е првиот играч на Челзи кој постигнал гол или асистирал на најмалку три натпревари по ред за Англија по Френк Лампард, чија серија достигна 7 последователни натпревари и заврши во мај 2013 година.
Албанија и Англија се во групата И во квалификациите за СП 2022 година, каде ривали им се Полска, Унгарија, Андора и Сан Марино. Англија со шест бода е лидер на табелата.

Ливерпул веќе одамна не е во конкуренција за одбрана на титулата. Тимот на Клоп од почетокот на сезоната имаше огромни проблеми во поглед на повреди. Најзначајни беа тие во дефанзивата, Ван Дајк и Гомез се на прагот на опоравување, а тандемот ја пропушти скоро цела сезона.
Германскиот стручњак во јануари ги доведе Кабак и Дејвис, но на лето ќе следи вистинското засилување на дефанзивата пред Алисон. Англиските медиуми пренесуваат дека трансферот во Лајпциг е блиску до финализирање.
Мета е 21-годишниот Ибрахима Конате. Дефанзивецот на Лајпциг игра одлична сезона, во Германија игра во тандем со Упамекано, кој од наредната сезона ќе го носи дресот на Баерн. „Црвените“ се на прагот на договор со Конате, но цената останува 40 милиони евра, колку што изнесува и откупната клаузула.
Покрај дефанзивец, Ливерпул ќе го реши и прашањето на резервен голман. Алисон е без конкуренција, Адриан ќе го напушти клубот на крајот од сезонава, а младиот Келехер се уште не е на потребното ниво. Се шпекулира дека засилувањето ќе биде Угурчан Чакир, голманот на Трабзон. За Турчинот ќе биде потребно да се издвојат околу 20 милиони евра, а јасно е дека Клоп посакува многу постабилна сезона.

Фудбалерот на Реал Мадрид и репрезентацијата на Германија Тони Крос (31 година) одлучи да се повлече од репрезентацијата на Германија по крајот на претстојното Европско првенство, објави „Билд“. Така, играчот за врска ќе сака да се фокусира на неговиот настап во Реал Мадрид. Крос е дел од Бундестимот од 2010 година и беше во составот кој ја освои светската титула на Светското првенство во Бразил во 2014 година. Непосредно по финалето во Јужна Америка, тој потоа се пресели во Реал Мадрид, каде е и ден денес. Играчот за врска во моментов се опоравува од повредата и поради оваа причина не е дел од изборот на селекторот Јоаким Лев за овие квалификациски натпревари.

Хасан Салихамиџиќ е силно заинтересиран за плејмејкерот на Јувентус, Родриго Бентанкур. Главна цел на Баварците во летниот преоден рок ќе биде засилување на средниот ред, а Бентанкур е на врвот на листата желби. Уругваецот оваа сезона не добива голема минутажа и Јувентус е спремен да го продаде, а Баврците и нудат трампа на „старата дама“. Имено, Баерн е спремен да понуди трампа, така што во Торино ќе ги испрати Леон Горецка. Горецка има договор до 2022 година и на лето ќе влезе во последната година од договорот, а Јувентус е заинтересиран за Германецот.

Аталанта веќе неколку сезони игра фантастично во Серија А, па во Бергамо се промовираа неколку фудбалери кои се мета на европските гиганти. Италијанските медиуми пренесуваат дека Интер е заинтересиран за две ѕвезди на Аталанта и за тоа спремил 70 милиони евра. Имено, Антонио Конте сака во својот тим да ги донесе напаѓачот Луис Муриел и левиот бек Госенс. Двајцата фудбалери се спремни за чекор напред во кариерата и сакаат да се прселат во Милано, а „нероаѕурите“ веќе спремија понуда од 70 милиони евра.