Натпреварот меѓу Италија и Турција, со кој на 11 јуни во Рим ќе биде отворено Европското првенство во фудбал ќе се одигра во присуство на гледачи и покрај пандемијата со ковид-19, потврди претседателот на Италијанскиот фудбалски сојуз Габриеле Гравина. Тој на прес-конференција во Рим соопшти дека публиката ќе биде присутна на стадионот „Олимпико“, но не ја прецизираше бројката на навивачи. Сè уште не знам колку гледачи ќе има, но сигурно ќе има многу луѓе, најави првиот човек на италијанскиот фудбал. Италија е една од 12-те земји домаќини на претстојното ЕП, а во услови на пандемија на коронавирус на европскиот континент плановите за одржување на едномесечниот турнир сè уште не се прецизирани.

Играше во Франција, Германија и Франција, но Осман Дембеле со посебна страст следи клуб кој не е поврзан со ниту една од наведените лиги.
Патрик Бамфорд од Лидс даде интервју за официјалната клупска страница, во кое откри дека Дембеле е голем навивач на Лидс, толку голем што на посебен начин го побарал неговиот дрес.
Дембеле преку францускиот голман Мелие го побарал дресот на Бамфорд, а Бамфорд, секакo воодушевен од тоа, го подарил својот дрес.
„По натпреварот Мелие ми рече дека го сака мојот дрес, а јас му реков дека нема никаков проблем и прашав за кого му треба. Ми одговори дека му треба за Дембеле, оној од Барселона. Не ми беше ништо јасно, а потоа ми објасни дека сака дрес и од Калвин Филипс, бидејќи Дембеле е голем навивач на Лидс. Пред некој ден на полноќ ме побара на телефон и ми го покажа дресот на Барселона на кој пишува „За мојот брат Бамфорд, од Дембеле“.“ – вели напаѓачот на Лидс.

Италијанскиот фудбалер Едер е нов член на Сао Паоло. Бразилскиот клуб потврди дека Едер потпишал договор на две години. Овој 34 годишен напаѓач дојде во Сао Паоло од кинескиот Џангсу каде што играше од 2018 година. Најголем чекор во кариерата на Едер беше трансферот од Сампдорија во Интер во 2016 година, а претходно го носеше дресот на Чезена, Бреша, Емполи и Фросиноне. За репрезентацијата на Италија одигра 26 натпревари и постигна шест голови.

Челниците Манчестер Јунајтед ќе му понудат на Атлетико Мадрид големи 80 милиони евра за фудбалерот од средниот ред Маркос Љоренте. Сумата е навистина висока споредено со кризата што ја предизвика пандемијата со ковид-19 и може да ги натера луѓето од Шпанија да ја прифатат. Изданието наведува дека самиот играч не сака да го напушти Атлетико затоа што се чувствува среќен во клубот. Фудбалерот на „јорганџиите“ во тековнава сезона има 10 погодоци и 9 асистенции. Тој лично доби понуда од англичаните да заработува двојно повеќе од тоа што го добива на – „Ванда Метрополитано“.

Газета Дело Спорт тврди дека Пауло Дибала нема намера да го напушти Јувентус ова лето, сака да го одработи договорот до крај, а тоа подразбира дека до јуни 2022. година ќе остане играч на „старата дама“.
Раководството на Јувентус има намера да го продаде Дибала ова лето, веќе преговара со заинтересирани клубови, сака да профитира бидејќи напаѓачот им соопштил дека нема намера да го продолжи договорот.
Дибала бара поголема плата за да го продолжи договорот, од Јувентус има понуда на 10 милиони по сезона, но тоа е малку за Аргентинецот.
Во Јувентус не се задоволни од одлуката на Дибала, тој во 2019. година одби да замине во Јунајтед како дел од трансферот на Лукаку кај „старата дама“.

Поранешниот тренер на фудбалерите на Челзи, Наполи и Јувентус, Мауруцио Сари може да седне на кормилото на турскиот гигант, Фенербахче, објавија дел од медиумите. Екипата од Истанбул неодамна му врачи отказ на Ерол Булут и како времено решение го ангажираше легендарниот, Емре Белозоглу, кој паралелно ја извршува и функцијата спортски директор. Според турските медиуми, 62-годишниот стратег ги започнал преговорите со раководството на Фенербахче иако има одредени шпакулации дека може да се врати во Серија А.

Витор Борба Фереира, попознат како Ривалдо, е еден од најдобрите фудбалери на Барселона во историајта. Во каталонскиот клуб помина пет сезони, освои две шампионски титули и Куп, а ја освои и Златната топка во 1999. година.
Во разговор за шпанските медиуми истакна што мисли дека ќе се случи со Меси и Барселона во иднина.
„Откако Лапорта стана претседател, Барса игра доста подобро. Меси е повторно незапирлив, а уште поважно е дека делува среќно и поврзано со остатокот од екипата. Верувам дека ќе остане во Барселона и ќе го продолжи договорот.“ – вели легендарниот Бразилец.
За потсетување, Меси има договор со Барселона до крајот на оваа сезона. Иако воочи сезоната бараше трансфер, до истиот не дојде. Доаѓањето на Куман на позицијата тренер дополнително ги влоши односите меѓу Меси и клубот, но откако Лапорта повторно стана претседател, се почести се гласините дека тоа е доволна причина за Меси да остане.

Селекторот на нашите најдобри фудбалери, Игор Ангеловски, очекува полн погодок на денешниот меч со Лихтенштајн во рамките на второто коло коло во квалификациите за Светското првенство во Катар. „Ние сме фаворити. Таква улога сме имале и претходно и треба да ја потврдиме. Можеме да победиме. Лихтенштајн има подмладен состав во однос на 2018. Сега се ќе зависи од нашата игра, добро ги анализиравме“, потенцираше Ангеловски пред мечот од 20:45 часот во Скопје. Во претходните 9 средби со Лихтенштајн имаме постигнато 33 голови а примено 5. Против нив ја имаме рекордната победа 11-1.

Римски Лацио ја избегна казната со одземање на бодови во Серија А, откако тужителите побараа парична казна од 200 илјади евра и долготрајна забрана за сопственикот на клубот Клаудио Лотито и двајца лекари од тимот како казна за кршење на протоколот за КОВИД-19.
Тужителот на Италијанскиот фудбалски сојуз (ФИГЦ) побара парична казна, суспензија од 13 месеци и 10 дена за Лотито, односно 16-месечна забрана за лекарите Фабио Роди и Иво Пулчини на судењето на националниот сојузен суд.
Медиумските извештаи претходно сугерираа дека Лацио ризикува одземање на бодовоите или дури и испаѓање од Серија А поради кршењето на лигашките протоколи во ноември и декември минатата година. Истрагата на ФИГЦ беше отворена поради потенцијално кршење на протоколот во врска со пандемијата, а тогаш е прегледан тренинг центарот на клубот и запленети се резултати од испитувањето на брисевите.
Пописот на ФИГЦ на прекршоци го опфати и пропустот на итни пријави на позитивни случаи до локалното здравствено тело, пропуст при спречување на тројца играчи да тренираат откако имаа позитивни тестови и пропуштање на задолжителен десетдневен период на изолација за асимптоматски играч, кој во тоа време играл дури и првенствен натпревар.

Англискиот премиерлигаш Евертон потврди дека конечно ја доби дозволата за изградба на новиот стадион на пристаништето Бремли-Мур. Изградбата ќе започне наскоро, а ќе го чини клубот околу 500 милиони фунти.
Така, легендарниот клуб од Ливерпул во наредните неколку сезони ќе се отсели од Гудисон Парк, каде игра уште од 1892. година. Евертон веќе 25 години бара начин да изгради нов стадион.
Изградбата која ќе започне наскоро, се очекува да биде финализирана до 2024. година, а новиот стадион на „карамелите“ ќе има капацитет за 52 илјади навивачи.