Одборот на клупските натпреварувања на УЕФА одлучи целосно да го укине правилото за гол во гости, кое во на натпреварите од нокаут фазата во случај на израмнет резултат, им дава предност на тимовите кои ќе дадат повеќе голови на гостински терен, пренесува новинарот на Тајмс, Мартин Циглер.

Правилото за гол во гости е старо 56 години и сега е на чекор до укинување. Се чека само уште потврда од Извршниот одбор на УЕФА, како би се спровела револуционерната промена во фудбалската игра.

За потсетување, уште во април годинава почнаа шпекулации дека УЕФА би можела да го укине ова правило, ама само во случај на продолженија. Се чини дека сепак европската куќа на фудбалот се одлучила за уште поригорозна промена.

Младата репрезентација на Македонија предводена од селекторот Благоја Милевски пред два дена ги започна подготовките за претстојниот контролен дуел со селекцијата на Словенија. Натпреварот ќе биде одигран на 3. јуни во словенечки Терме Чатеж.

Еден од клучните играчи на Македонија до 21, Филип Антовски вели дека во самата репрезентација владее одлична атмосфера и се надева на победа во Терме Чатеж.

„Не очекува тежок натпревар против силен противник. Очекуваме да одиграме добар меч, идеме во Словенија по победа. Подготовките се во тек, во одлично расположение го очекувамет овој дуел. Атмосферата во екипата е на едно високо ниво, ги слушаме советите од нашиот селектор. Очекувам од мене и моите соиграчи да дадеме максимум на тренинзите и натпреварот со Словенија, и добро да се подготвиме за предизвиците што не очекуваат во иднина”, вели Филип Антовски.

Агон Елези, фудбалерот на Вараждин и член на младата репрезентација на Македонија очекува победа над Словенија.

„Веруваме во нашите квалитети, имаме одлична комуникација со нашиот селектор, подготовките течат во најдобар ред. Словенија е одлична репрезентација, но нашата цел е да одиграме добар натпревар и да оствариме победа. Ги слушаме советите на нашиот селектор, функционираме како една целина и се надевам дека тоа ќе го покажеме и на мечо со Словенија.”, вели Агон Елези.

Подготовките на нашата млада репрезентација ќе бидат поделени во два дела. Селективна фаза по која селекторот Милевски ќе одлучи кои 24 фудбалери ќе бидат дел од главната подготвителна фаза и натпреаврот со Словенија на гостински терен.

Фудбалската федерација на Македонија ја започна продажбата на билети за пријателскиот натпревар на македонската репрезентација против Словенија кој ќе се одигра на 1. јуни на Националната арена „Тодор Проески“ во Скопје.

Влезниците чинат 300. денари за јужната трибина и 200 денари за источната трибина од Националната арена „Тодор Проески“.

Капацитетот на Националаната арена е ограничен на 30 %.

Строгите здравствени ограничувања и протоколите на УЕФА за заштита од КОВИД-19 се причините поради кои на северната трибина ќе биде дозволено присуство само на лица од двете репрезентации, лица од ВИП секторот и службата за организација на натпреварот.

Фудбалската федерација на Македонија билетите од западната трибина ќе ги распредели за верните навивачи на Македонија од навивачките групи кои покажаа интерес за присуство на натпреварот.

Од ФФМ ги повикуваат сите љубители на фудбалот и поддржувачи на македонската репрезентација да ги почитуваат мерките за заштита од КОВИД-19 и да им бидат поддршка на „Рисовите“ за натпреварите од ЕУРО 2020.

Интер ризикува да се раздели со некои од клучните играчи ова лето, но Алесандро Бастони нема да биде меѓу нив. Централниот дефанзивец потпиша нов договор со Интер до 2024 година. Бастони стана столб на одбраната под водство на Антонио Конте и ја имаше главната заслуга за освојувањето на титулата минатата сезона. Преговорите за неговиот нов договор беа одложени за некое време, но на крајот сепак се е договорено. Бастони одигра 33 натпревари оваа сезона во Серија А, а од влегувањето во првиот тим на Интер има 74 настапи на официјални натпревари. Тој е исто така репрезентативец на Италија. 22-годишниот дефанзивец го привлече интересот на многу клубови со своите редовни настапи. Се сметаше дека Баерн Минхен ќе даде понуда за него, но Баварците веќе го купија Упамекано од Лајпциг.

Симоне Инзаги кариерата многу веројатно ќе ја продолжи во Интер. Инзаги одлично го водеше Лацио и сите очекуваат договорот кој му истекуваше на крајот на сезоната да биде продолжен. Но се се променило кога пристигнала понудата од Интер.

Фабрицио Романо објави дека договор помеѓу Интер и Инзаги има, а таа вест може да се каже и дека е потврдена откако Лацио и официјално соопшти дека Инзаги повеќе не е нивни тренер.

Спортинг од Лисабон ќе биде новиот клуб на фудбалерот на Интер, Жоао Марио. Марио кој минатата сезона ја помина како позајмен во Португалија сака да остане во својата земја и нема намера да се врати во Милано.

Агентот на фудбалерот Федерико Пасторело се состанал со управата на Интер за да разговара за продажбата на играчот. Спортинг веќе му понуди 4-годишен договор на Марио и во тек се преговорите меѓу клубовите.

Сумата на трансферот се проценува околу десет милиони евра.

Манчестер Јунајтед ќе започне преговори за нов три годиншен договор со менаџерот Оле Гунар Солскјер, тврди Телеграф.

Весникот известува дека управата на клубот гледа напредок во перформансите на тимот под водство на Норвежанецот, иако тимот стигна до финалето на Лигата на Европа и загуби на пенали против шпански Виљaреал во средата.

Актуелниот договор на Норвежанецот истекува следната година.

Севиља решила сериозно да ги засили своите редови за наредната сезона, а прва мета е купување на нов голман.

Повеќе шпански медиуми пишуваат дека голманот на српската репрезентација Марко Дмитровиќ е завршена работа и дека после истекот на договорот со Еибар ќе пристигне во Андалузија.

Но, сега шпанските медиуми наведуваат дека тој не е единствена опција. Томас Вацлик ќе го напушти клубот, а во клубот ќе остане Јасин Боно, а управата стапила во контакт и со Џанлуиџи Буфон.

Засега се споменуваше дека Барселона е заинтересирана за 43-годишниот Бугон, но во тој случај искусниот голман би бил цело време резерва на Марк Андре Тер Штеген.

Во случај да дојде во Севиља, заедно со Мароканецот Боно и Србинот Дмитровиќ би се борел за прво место меѓу стативите.

Фудбалската федерација на Македонија денеска информираше дека одделот во ФФМ задолжен за распределба на билети за натпреварите на македонската репрезентација за Европското првенство преку електронска форма добил вкупно 10.395 барања за купување на влезници за натпреварите на Македонија од групната фаза за ЕУРО 2020.

Имајќи го во предвид бројот на билети кои ги имаше на располагање, велат од ФФМ, можеше да задоволат помалку од десет проценти од лицата кои аплицираа за билети за ЕП. Согласно одлуката на Управниот одбор на ФФМ, приоритет за купување на влезници да добијат здравствените работници, „Куќата на фудбалот“ информира дека од вкупниот број билети со кои располагаше Фудбалската федерација на Македонија, приоритет беше даден и најголем процент за купување на билети добија здравствените работници и навивачите на македонската репрезентација.