Десниот бек на Бетис, Емерсон и официјално ќе стане член на Барселона ова лето.
Ова беше уште еден „матен“ трансфер на управата на Бартомеу, која во соработка со Бетис го доведе Емерсон од бразилски Атлетик за 12 милиони евра, но со договор Бразилецот да остане на позајмица во Андалузија до летото 2021. година.
Емерсон од 1. јули официјално ќе стане член на Барселона, а според најавите нема намера да остане во Бетис. Клубот од Андалузија се надеваше дека со Барселона ќе пронајде заеднички јазик околу продолжувањето на позајмицата, но Бразилецот веднаш сака на Камп Ноу.
Се очекува Емерсон да добие шанса, позицијата десен бек беше критична, па со неговото доаѓање конкуренција ќе добие Сержињо Дест.
Емерсон има 22 години, па сигурно е дека пред него е фудбалската иднина, која единствено прашање е дали ќе биде во Барселона.

Италија по Светското првенство идната година во Катар ќе мора да бара нов селектор. Тоа го потврди лично актуелниот селектор на „Азурите“ Роберто Манчини, во изјава за ТикиТака.
„По Светското првенство во Катар ќе го напуштам местото селектор на Италија. Сакам да се вратам на клупскиот фудбал.“ – изјави Манчини под чие водство Италија обезбеди пласман на Европското првенство со максимален учинок од 10 победи во квалификациите.
Тој типуваше и на своите фаворити, кога наследникот е во прашање.
„Што се однесува на наследник, мислам дека Алегри, Анчелоти или Гасперини ќе биде вистински избор.“ – смета 56-годишниот Манчини, кој во текот на тренерската кариера ги водеше Фиорентина, Лацио, Интер во два наврати, Манчестер Сити, Галатасарај и Зенит, пред да ја преземе репрезентацијата во мај 2018. година.

Силвио Берлускони и Адријано Галијани имаат намера повторно да станат хит на Апенините.
Заедно, после повеќе од 30 години на чело на Милан, го презедоа третолигашот Монца, со кој сега се во Серија Б за прв пат во историјата, а веќе во првата сезона се борат и за пласман во Серија А.
Берлускони и Галијани го искористија своето влијание да ги доведат Кевин Боатенг и Марио Балотели, а сега го сакаат и Франк Рибери.
Французинот настапува во Фиорентина, каде докажува и покрај годините дека се уште има фудбал во него. Рибери најдобрите години ги помина во Баерн, но за Монца тој секако би бил огромно засилување.
Монца во моментот е на второто место во Серија Б, со шест бодови помалку од Емполи и со ист број на бодови како и Киево и Салернитана, така што ќе има голема борба за пласман во елитата до самиот крај.
Доколку изборат пласман, нема сомнеж дека Рибери би бил заинтересиран да ја засили Монца.

Манчестер Јунајтед синоќа не знаеше за стоп и го демолираше Саутемптон, триумфирајќи на Олд Трафорд со неверојатни 9:0. „Светците“ добро ќе го паметат овој број, бидејќи се уште во меморијата им стои поразот од 2019. година, кога Лестер како гостин ги победи со истиот резултат. Само три пати во историјата на Премиерлигата се случило еден тим да победи со девет или повеќе голови разлика, а сите три пати беше 9:0. Прв пат тоа се случи во 1995. година, кога Јунајтед предводен од Алекс Фергусон го „растури“ Ипсвич на Олд Трафорд со овој резултат. Нема сомнеж дека оваа победа дополнително ќе влијае на самодовербата на фудбалерите на Солскјер, кои во моментот се израмнија со лидерот на табелата Манчестер Сити, но имаат одиграно два натпревари повеќе.

Андре Виљаш-Боаш објави дека поднел оставка утрово на 2 февруари, откако Олимпик Марсеј го ангажираше играчот за врска Оливие Нчам, а тренерот воопшто не сакал да го ангажираат овој играч. „Тоа не беше моја одлука. Ова беше токму играчот кој го одбив. Дознав за потпишувањето кога се разбудив и отидов на страницата на клубот. Оставка дадов, затоа што не се согласувам со стратегијата на клубот. Управниот одбор сè уште не ми дал одговор. Не ми требаат пари, само сакам да заминам. Овој клуб работи на пазарот две или три години по случаен избор и не можам да се согласам со тоа. Ова нема никаква врска со инцидентите изминаиот викенд. Има врска со спортската страна на работата на клубот. Јас само сакам да заминам“, изјави Виљаш-Боаш по неговата најава дека заминува од Марсеј. Навивачите се вознемирени и од моменталната форма на тимот. Во ноември го обвиненијата Виљаш-Боаш за лошиот настап на екипата, а од тогаш до сега работите не се променија.

Македонскиот фудбалски репрезентативец, Стефан Ристовски, денеска потпиша со екипата на Динамо Загреб откако го напушти португалскиот состав, Спортинг Лисабон. „Горд сум што станав играч на Динамо. Сите знаеме какво реноме има клубот во Европа. Го познавам Адеми, тој ми е соиграч во репрезентацијата“, рече Ристовски кој во 2017 година со Ријека успеа да се израдува на титулата во хрватскиот шампионат. Според медиумите, Спортинг за трансферот ќе добие 1.300.000 евра.

Дајот Упамекано од следната сезона ќе го носи дресот на Баерн. Ова го потврдија германските медиуми, откако стана јасно дека Баерн се договорил со фудбалерот и ќе ја активира откупната клаузула од 42 милиони евра на крајот на сезоната. Со тоа ќе заврши сагата околу иднината на одличниот стопер, за кого Лајпциг веќе најде негова замена. На местото на Упамекано следната сезона во својата одбрандбена линија Лајпциг ќе го има Мохамед Симакан, кој ќе пристигне од Стразбур, Франција, за нешто повеќе од 15 милиони евра. Симакан беше близу до трансфер во Милан на почетокот на овој месец, но германски Скај Спорт тврди дека на крајот Лајпциг успеал да го „затвори“ договорот.

Пауло Фонсека, наводно, му простил на капитенот Един Џеко, кој утрово се вратил на тренинг со остатокот од тимот и може да се врати во составот на Рома за мечот против Јувентус.
„Ил Месаџеро“ пишува за важна пресвртна точка за „волчицата“ и први чекори кон помирувањето меѓу Џеко и Фонсека. Весникот открива дека Босанецот се вратил на тренинг по 10 дена надвор од тимот, официјално поради повреда.
Утрово, Џеко тренираше со играчите кои не играа против Верона во неделата. Тој веројатно ќе биде повикан за дерби натпреварот против „старата дама“ во сабота, но се очекува да биде само резерва.

Претседателот на Реал Мадрид, Флорентино Перез се зарази со коронавиру, објавија од Реал Мадрид на официјалната веб-страница.
„Фудбалскиот клуб Реал Мадрид објавува дека нашиот претседател, Флорентино Перез е позитивен на КОВИД-19. Тој нема никакви симптоми“, соопшти прес-службата на клубот.
Перез за првпат ја презеде функцијата претседател на клубот од Мадрид во јули 2000 година. Во февруари 2006 година, по двата порази од Реал Мадрид во осминафиналето од Лигата на шампионите против Арсенал (0-1) и во националниот шампионат со Мајорка (1-2), Перез поднесе оставка.
Втор пат Флорентино Перез беше избран на чело на Реал Мадрид во 2009 година и сè уште е претседател. Реал Мадрид оваа сезона е на третото место на табелата со 40 освоени бода.