Дефанзивецот на Пари Сен Жермен, Ашраф Хакими може да го напушти тимот на лето. Мароканскиот репрезентативец е во тензични односи со некои од соиграчите и тоа е причината за неговата желба да се раздели со парижаните.

Изворот тврди дека 23-годишниот дефанзивец не се разбира најмногу со Јужноамериканците во ПСЖ. Хакими смета дека играат себично, што доведува до неуспех на одредени натпревари.

Мароканецот е најразочаран од испаѓањето од неговиот поранешен клуб Реал Мадрид во Лигата на шампионите. Многумина во тимот го делат неговото мислење. Показател за тензичната атмосфера во тимот е фактот што по поразот од Монако (0:3) викендов, никој од играчите не кажал ниту збор во соблекувалната.

Хакими дојде на „Паркот на принцовите“ минатото лето од Интер, каде што ја освои титулата во Серија „А“. Брзо стана клучна фигура во тимот на Маурисио Почетино, а досега има 32 натпревари и 3 гола во сите натпреварувања.

Џошуа Кимих нема да се приклучи на германската репрезентација, бидејќи очекува неговата девојка Лина Мајер да го роди нивното трето дете.

„Тој е целосно семеен човек. Да се има дете е навистина многу посебен момент за секого. Се надеваме дека се ќе биде добро и тој наскоро ќе се приклучи на тимот”, изјави германскиот селектор, Ханси Флик.

„Панцирите“ се подготвуваат за пријателскиот натпревар со Израел закажан за в четврток. Три дена  подоцна ќе гостуваат во Холандија.

Новите сопственици на Њукасл најверојатно нема да штедат пари на летни трансфери, и целта да го направат тимот еден од најсилните во Премиер лигата.

Главен приоритет на клубот е да привлече нов голгетер. Изборот веќе паднал на Виктор Осимен од Наполи. 

Њукасл во јануари веќе понуди 70 милиони евра за Нигериецот, но тогаш понудата беше одбиена. Според информациите ,преговорите ќе продолжат по завршувањето на сезоната, а челниците на популарните „страчки“ се подготвени да ја зголеми својата понуда на 80 милиони евра, и се надеваат дека 23-годишниот Осимен ќе го облече црно-белиот дрес.

Македонската репрезентација ги продолжува подготовките за плејоф натпреварот против Италија за пласман на Светското првенство во Катар.

Нашиот репрезентативен голман, Столе Димитриевски вели дека Македонија има квалитет, а тоа го потврдуваат досегашните резултати и тоа што се изборивме да дојдеме до ова ниво. 

„За целата репрезентација ова е веројатно најважниот натпревар. Се подготвуваме добро, целосно сме фокусирани на мечот. Имаме квалитет, не е лесно да се стигне до ова ниво и да се избориш за ваков натпревар. Треба да излеземе на терен и да се покажеме во најдобро светло. Во италијанскиот состав сите фудбалери се квалитетни, било кој и да игра, ние треба да бидеме максимално сконцентрирани во текот на мечот доколку сакаме да дојдеме до победа“, рече голманот на Рајо.

Одбранбениот играч на Лацио, Луис Фелипе, најверојатно кариерата ќе ја продолжи во Шпанија веќе следната сезона.

25-годишниот Бразилец е блиску до трансфер во Бетис и тоа како слободен играч.

Клубот од Севиља му нуди на Фелипе четиригодишен договор со одлична плата.

Македонската репрезентација ги започна подготовките за плејоф натпреварот против Италија за пласман на Светското првенство во Катар.

Повратникот во најдобриот национален тим, Давид Бабунски вели Македонија има сила да им се спротивстави на Европските прваци. Најави игра со срце за победа.

„Среќен сум што повторно сум дел од најдобрата македонска репрезентација. Ја имам истата желба и гордост како и првиот пат кога настапив за Македонија. Свесни сме за предизвикот кој ни следува, но оваа репрезентација покажа дека може да се надигрува со најголемите селекции. Подготвени сме за ваков предизвик“.

Македонската репрезентација ги продолжува подготовките за плеј-оф натпреварот против Италија за пласман на Светското првенство во Катар.

Нашата најдобра селекција денеска патува за Палермо, градот во кој напаѓачот Александар Трајковски мина четири години од својата кариера. 

„Поминав прекрасни четири години во Палермо. Среќен сум што се враќам во градот и што ми се укажува шанса за настап. Ова е многу важен натпревар, но ние покажавме дека можеме да оствариме одлични резултати и дека играме добар фудбал. Притисокот е врз Италија, ние немаме што да загубиме. Храбро и без страв да покажеме дека можеме да одиме понатаму“, смета Трајковски.

Еден од носителите на играта во нашата фудбалска репрезентација, Енис Барди, пред мечот со европскиот шампион Италија во баражот за Светското првенство во Катар, вели дека Македонија секого може да победи во 90 минути.

„Мислам дека сите знаеме колку ни е значаен мечот и колку ќе ни биде тешко. Мора да бидеме стопроцентно концентрирани во секој момент од играта. Ќе ни недостигаат Елиф, Тихо и неколку други фудбалери, но, ќе играме и за нив. Во денешниот фудбал фаворитите знаат да те изненадат, да имаат лош ден. Покажавме многу пати дека можеме да победиме секого и затоа важно е како ние ќе изгледаме. Мислам дека треба да се концентрираме на нашата игра и на тоа што го бара селекторот“, вели Барди.

Португалскиот дефанзивец Пепе е позитивен на ковид и поради тоа тој ќе го пропушти полуфиналниот бараж натпревар против селекцијата на Турција, за пласман на СП во Катар.

„Пепе е заразен со корона вирусот и се наоѓа во изолација. Селекторот Сантош како негова замена го повика дефанзивецот од Лил, Џалоа“, се наведува во соопштението од португалската репрезентација.

Подобриот од овој дуел, во финалниот бараж ќе игра против победникот од натпреварот помеѓу Македонија и Италија.

Напаѓачот на Интер, Лаутаро Мартинез, се заразил со коронавирус, соопшти италијанскиот фудбалски состав.

Тој бил позитивен на ковид-19 уште пред  да замине во кампот на репрезентацијата на Аргентина за квалификациските мечеви со Венецуела и Еквадор на 26 март и 30 март  за Светското првенство.  Лаутаро во сезонава одигра 27 натпревари за Интер на кои постигна 14 голови.

Во селекцијата на „гаучосите“ ќе го нема и фудбалерот на Ајакс, Лисандро Мартинез, кој заработи повреда на тетивата под коленото на левата нога.