Селекторот на фудбалската репрезентација на Франција, Дидие Дешамп ја отфрли можноста за Карим Бензема да се врати во селекцијата, откако напаѓачот на Реал беше исфрлен од репрезентацијата по скандалот со соиграчот Валбуена. Бензема своевремено се обиде да изнуди пари од сегашниот фубалер на Олимпијакос, за своите „сомнителни“ пријатели, притоа уценувајќи го со наводно секс видео. Дешамп бескомпромисно го отстрани Бензема, кој ќе одговара пред судот за ова кривично дело. „Не ги читам интервјуата на Бензема, бидејќи ретко купувам весници. Секој играч е слободен да каже што сака, многу сакаат да бидат во репрезентацијата. Сепак, сите знаат какво мислење имам за Карим и нема да го променам. Тоа не е мој проблем, туку само одлука која води грижа за екипата.“ – вели францускиот селектор. Тоа значи дека напаѓачот на Реал и еден од најдобрите европски центарфори ќе го пропушти Евроопското првенство, кое ќе биде второ по ред за Бензема кое ќе го пропушти.

Искусниот хрватски фудбалер, Марио Манџукиќ постигна договор со Милан во врска со доаѓањето во клубот, а во наредните денови треба и да се официјализира оваа соработка, пренесуваат медиумите од Италија. Како што се наведува, договорот помеѓу двете страни е постигнат на 18 месеци, а останува да се види дали ќе биде потпишан во целина, или пка до крајот на сезоната со опција за продолжување на уште една сезона. Веќе нема дилеми дека Милан ќе има уште една вредна опција во нападот во борбата за Скудетото, заедно со пет години постариот Ибрахимовиќ. Манџукиќ ќе се врати во Италија една и пол година по напуштањето на Јувентус, со кој освои четири титули и играше финале во Лигата на шампионите.

Ливерпул го постави името на аргентинскиот играч за врска на Удинезе, Родриго Де Пол, на врвот на приоритетите како потенцијална замена за Вајналдум, доколку Холанѓанецот го напушти „Енфилд“ на лето. „Кориере дело Спорт“ тврди дека договорот на играчот од средниот ред со Ливерпул истекува накрајот на сезоната и Вајналдум може да го напушти клубот како слободен агент. 26-годишниот Де Пол има договор со Удинезе до 30 јуни 2024 година, но „црвените“ се подготвени да инвестираат во него. Проблем за можен трансфер на Аргентинецот на „Енфилд“ може да биде неговата висока цена, бидејќи минатата недела потпретседателот на Удинезе, Стефано Кампоха беше категоричен дека клубот нема да го продаде за помалку од 40 милиони евра.

Милан ќе се обиде да го ангажира фудбалерот на Челзи, Фикајо Томори со опција за купување на лето. Англискиот репрезентативец скоро нема шанси да се појави во тимот на лондончани оваа сезона, со оглед на тоа што има четири настапи на сите турнири. Менаџерот на сините, Френк Лампард неодамна изјави дека Томори може да биде продаден, а „росонерите“ во моментов се први кандидати за неговиот потпис. Сепак, лидерот во Серија А сака да го задржи Томори на долг рок и се надева дека ќе преговара за опција за купување на централниот дефанзивец во вредност од околу 30 милиони евра.

Лука Јовиќ одлучи да ја промени средината, па се врати во Германија во дресот на Ајнтрахт Франкфурт каде ќе се обиде да ја врати формата пред враќањето во Реал Мадрид.
Зинедин Зидан се одлучи да пронајде замена за Јовиќ, на екипата и е потребен уште еден напаѓач, а местото на српскиот интернационалец ќе го пополни Хуго Дуро.
Се работи за млад фудбалер кој досега настапуваше за вториот тим на Реал Мадрид, а Зидан одлучи токму Дуро да му прави друштво на Карим Бензема и Мариано Дијаз.
Дуро има 21 година, се работи за технички поткован фудбалер, а она што секогаш се споменува за него, е тоа што покрај фудбалската кариера, Дуро во исто време студира на Машински факултет, па се чини дека се обидува да ги чува своите опции отворени за понатамошната кариера.

Аркадиуш Милик ова лето иако беше на излезна врата сепак остана во Наполи,но во јануари сигурно ќе го напушти клубот.
Полскиот напаѓач влезе во последната година од договорот и не е дел од тимот на Гатузо, па Наполи сака да го продаде во јануари за да заработи на неговото заминување.
И самиот Милик сака да ја промени средината бидејќи во Наполи нема воопшто минутажа оваа сезона.
Заинтересираните клубови како Јувентус, Интер и Атлетико Мадрид се откажаа бидејќи Наполи бара 15 милиони евра за неговата слобода, што е многу за играч кој на лето ќе биде слободен агент.

Челзи и Манчестер Јунајтед го сакаат играчот на Вест Хем, Деклан Рајс. Рајс е „дете“ на Челзи, каде порасна заедно со Мејсон Маунт, а подоцна пријателството продолжи и во репрезентацијата на Англија. Рајс е поливалентен фудбалер, може да игра како стопер, но и како дефанзивен играч за врска, па токму поради тоа е голема желба на Лампард. Интерес за Рајс покажува и Манчестер Јунајтед, кој неодамна го продолжи договорот со Вест Хем и има откупна клаузула од 70 милиони фунти.

Пандемијата на КОВИД-19 е главната причина поради која се одложени претседателските избори на фудбалскиот гигант Барселона.
Изборот за прв човек на каталонците требаше да се одржи на 24. јануари, но поради рестриктивните мерки кои се воведени во Шпанија за заштита од КОВИД-19, тоа во моментот е невозможно.
Голем број на делегати кои требало да присуствуваат на гласањето на денот на изборите, не се во можност да дојдат во Барселона.
Наскоро ќе биде одреден нов датум за избори на кои најсериозен кандидат е поранешниот претседател на Барселона, Хуан Лапорта, а големи шанси има и Виктор Фонт.

Коронавирусот и понатаму прави големи проблеми во секоја сфера ширум светот, па така и во спортот.
Париз Сен Жермен на тој начин остана без својот тренер за наредниот натпревар, а можеби и за уште неколку натпревари по него, бидејќи Маурисио Покетино е позитивен на коронавирус.
Тој е во изолација и во моментот чека на наредните тестирања.
Неговите помошници ќе ги преземат работите во свои раце на наредниот натпревар против Анже, па така Хесус Перез и Мигел Д’Агостино ќе го предводат францускиот шампион.

Новозеландскиот фудбалски клуб Оукленд Сити, се откажа од настапот на Светското клупско првенство во Катар поради ограничувањата поврзани со пандемијата на коронавирусот, соопшти меѓународната фудбалска федерација ФИФА.
Оукленд Сити ја извести ФИФА дека не може да ја претставува Океанија на турнирот во Катар поради пандемијата и мерките на карантин кои ги воведоа властите на Нов Зеланд. ФИФА, во координација со катарските власти, ветува „сеопфатен медицински и безбедносен протокол“ како би го заштитиле здравјето на сите кои се дел од тоа натпреварување.
Откажувањето на Оукленд значи дека на Светското првенство наместо седум, ќе учествуваат шест клубови.