Даглас Коста оваа сезона е на позајмица во Баерн Минхен, но јасно е дека нема да остане на „Алијанц Арена“. Тренерот Ханзи Флик не му дава голема минутажа оваа сезона, а Баварците веќе објавија дека нема да го откупат неговиот договор. Даглас Коста има уште една година од договорот со Јувентус, но јасно е дека за него нема место во тимот на Пирло. За Бразилецот интерес покажуваат Милан и Рома, а тој самиот не крие дека преферира да остане во Серија А. Двата клуба веќе се поврзале со агентот и сакаат да го донесат во своите редови налето.

Нашата најдобра футсал селекција денеска одигра нерешено кај селекцијата на Србија 1-1 во рамките на 3. коло во квалификациите за пласман на Европското првенство. Пршиќ им донесе водство на домаќините по што Крстевски израмни на 1-1.За три дена во С.Ц. „Јане Сандански” ќе го одиграме и возвратниот дуел со Србија. Македонија претходно загуби со 2-1 против БиХ на гости а на домашен терен одигра 2-2 против Романија.

Дефанзивецот на Ливерпул, Ендрју Робертсон, по поразот на тимот на натпреварот против Челзи во рамките на 29. коло од Премиер лигата вели дека овој Ливерпул не е ни налик на оној од минатата сезона. „Пет домашни натпревари без победа не е ниту близу до прифатлив резултат. Ние стануваме премногу досадни кога губиме со 0-1. Ливерпул не може да се потпре на минатото. Минатата сезона заврши, тоа е тоа. Ние не сме ни приближно добри како што треба да биде Ливерпул. Нашиот пад продолжува и ова не е добро. Остануваат сè помалку натпревари, треба да извршиме притисок врз екипите под нас. Луѓето мислат дека сме во криза и треба да победуваме за да докажеме дека не сме. Во моментов не го правиме тоа“, рече Робертсон.

Суперталентираниот фудбалер на Баерн Минхен, Џамал Мусијала го потпиша првиот професионален договор со европскиот и светски шампион, пренесува германски Билд.
Како што се наведува, фудбалерот кој е роден во Германија потпиша петгодишен договор со лидерот на Бундеслигата, по кој ќе заработува пет милиони евра по сезона.
Мусијала пристигна во Минхен во 2019. година како 16-годишен фудбалер од младинската категорија на Челзи, а дебитираше година подоцна против Фрајбург.
Оваа сезона веќе има 27 настапи и постигна четири погодоци, меѓу кои е и минатонеделниот на гостувањето кај Лацио во Лигата на шампионите.
Првиот професионален договор е само една од низата позитивни работи кои годинава му се случија на од скоро полнолетниот офанзивен играч за врска.
Неодамна тој избра да настапува за репрезентацијата на Германија, иако ги помина младинските категории на Англија.

Атлетик Билбао во период од само 13 дена ќе одигра две финалиња во Купот на кралот. Со победата над Леванте со резултат 2:1 по продолжението, Билбао се пласираше во уште едно финале на Купот. Доколку заборавивте, минатогодишното финале на Купот беше одложено за април 2021. година, бидејќи баскиските ривали, Билбао и Сосиедад побараа, доколку е потребно, да сочекаат и година дена, како би играле финале пред своите навивачи. Сепак, ниту година дена подоцна, Билбао и Сосиедад нема да играат пред навивачи, а одложеното финале од минатата година е закажано за 4. април. Значи, само 13 дена пред овосезонското финале од Купот во кое Билбао ќе се сретне со Барселона. Интересно е тоа што Билбао и Барселона во јануари играа и финале на Суперкупот на Шпанија, во кое баскијците славеа по продолжение со 3:2.

УЕФА може да ги исклучи Билбао, Даблин и Глазгов од списокот на градови за Европското првенство во 2020 година. Споменатите градови сè уште не дале гаранции во врска со бројот на навивачи што можат да бидат примени на стадионите до јуни. УЕФА сака да пополни најмалку половина од стадионите на Европското првенство. И официјалните лица на Билбао, Даблин и Глазгов сè уште не ја објавија својата подготвеност да го исполнат ова барање. Доколку се случи одложување, тогаш натпреварите од Даблин и Глазгов ќе се одржат во Англија, а средбите што треба да се одржат во Билбао ќе бидат во други градови на Шпанија. Да потсетиме дека поради пандемијата на коронавирусот, Еуро 2020 беше одложено за 2021 година. Првично, натпревари треба да се одржат во 12 градови – Санкт Петербург, Лондон, Минхен, Баку, Рим, Букурешт, Копенхаген, Амстердам, Билбао, Глазгов, Будимпешта и Даблин.

Дефанзивецот на Рома, Роџер Ибањес потпиша нов договор со римскиот тим, објави клубот од Рим на својата официјална веб- страница. Новиот договор на Бразилецот ќе го задржи на „Олимпико“ до 30 јуни 2025 година. Рожер Ибањес се приклучи на Рома од Аталанта во јануари 2020 година. Оваа сезона има 26 натпревари и 1 гол во сите натпреварувања. 22-годишниот централен дефанзивец има одиграно вкупно 36 натпревари за Рома по неговиот трансфер од Аталанта.

Тами Абрахам може да го напушти Челзи во летниот преоден рок. Овој 22-годишен напаѓач не се согласува со условите на новиот договор и се повеќе се зголемуваат гласините дека ќе го напушти „Стамфoрд Бриџ“. Притоа не е задоволен од статусот во тимот и ретко добива минутажа оваа сезона, па сака да ја промени средината. Ситуацијата будно ја следи италијанскиот гигант Милан, кој сака на лето да го донесе на „Сан Сиро“. Милан во јануари го донесе Томори на позајмица од Челзи, кој се покажа како одлично засилување и најверојатно ќе биде откупен на лето.

Мулти-функционалниот стадион во Охрид за кратко време ќе добие модерна трибина на источната страна, со капацитет од околу 1.000 гледачи. Трибината која започна да се гради ова време минатата година е во завршна фаза. Следуваат уредување на внатрешните простории и на просторот околу трибината. Финалната фаза од изградбата ја најави Фудбалската федерација на Македонија (ФФМ), која успешно заедно со Општините Охрид и Чаир аплицирше за средства во УЕФА. Во централниот дел од трибината предвидени се вип седишта, коментаторска кабина и простор за камери. Еден дел од трибината ќе биде наменет за инвалидизирани лица со посебни пристапни патеки. Еден дел од трибината ќе биде покриен, а согласно проектот предвидени се, просторија за вработени со санитарии, гардероба со санитарии за натпреварувачи, просторија за делегати со тоалет, просторија за судии со санитарии, просторија за допинг контрола со санитарии, простории за лекарски прегледи за играчи, судии и за посетители, магацински простории, технички и останати пропратни простории и комуникации.