Вест Хем во изминатиот период се поврзуваше со можен ангажман напаѓачотн а Челзи, Тами Абрахам.
Медиумите на Островот пишуваа дека Вест Хем е спремен да плати 50 милиони евра за да ги добие услугите на Абрахам. Стратегот на Вест Хем, Дејвид Мојс ги демантираше таквите информации.
„Ако цената на Абрахам е 50 милиони евра, не доаѓа во предвид, не сум луд. Со сигурност можам да ви кажам дека со таква поставена цена ние нема да влеземе во преговорите. Нема да потрошиме толку на ниту еден играч и јас ќе бидам изненаден ако се случи нешто такво“, изјави Мојс.

Тренерот на фудбалерите на Лицио, Симоне Инзаги, најверојатно ќе ја продолжи соработката со „римските орли“, најавуваат медиумите во Италија. Неговиот состав во финишот на сезоната ќе се обиде да се избори за место во Лигата на шампионите а раководство цврсто верува дека Инзаги го има потребниот квалитет да остане на клупата. „Ние сакаме да бидеме во топ четири. Досега имам одлична соработка со претседателот, верувам дека тоа ќе продолжи и во иднина“, рече тренерот на Лацио.

Ѕвездата на Тотенхем, Герет Бејл постигна хет-трик против Шефилд Јунајтед и полека влегува во препознатливата форма и постигнува погодоци , нешто што се очекуваше од него.
Бејл беше во немилост кај Мурињо додека Португалецот беше на клупата на Тотенхем , ретко добиваше шанса на теренот, па по синоќешниот одличен меч имаше со што да го „пецне“ Мурињо.
„Конечно го вративме победничкиот Тотенхем и нормално е да се очекува постигнување на повеќе голови. Работевме на оваа формација неколку недели, конечно играме фудбал на начин на кој е препознатлив овој клуб. Ми требаат натпревари, а кога имам континуитет, нормално е да играм вака.“, изјави Бејл.
Тој му се заблагодари на новиот тренер Рајан Мејсон за офанзивната тактика што му овозможува на Бејл да игра поблиску до противничкиот гол.

Како што се доближува летниот трансфер период, така се зголемува притисокот врз управата на ПСЖ во однос на преговорите за продолжување на договорите со првите две ѕвезди, Нејмар и Мбапе.
„Екип“ пренесува дека првиот оперативец на ПСЖ, Леонардо губи самодоверба дека ќе успее да ги убеди двајцата напаѓачи да останат во Париз.
Неофицијално, Мбапе посакува трансфер во Реал Мадрид, додека Нејмар сака да се врати во Барселона.
Проблем може да биде висината на платата, но со оглед на желбата кај двајцата играчи, нема да биде изненадување ако се согласат за помала плата во однос на таа што им ја нуди ПСЖ, над 600 илјади евра неделно, за да се преселат во Шпанија.
Нејмар и Мбапе засега не демантираат дека сакаат да останат во Париз, иако шпекулациите дека решиле да ја напуштат Франција се се погласни.

Настапот на Килијан Мбапе е под голем знак прашалник пред вечерашниот дуел со Манчестер Сити.
Иако претходните денови се шпекулираше дека ќе биде подготвен, Французинот синоќа тренираше индивидуално, не беше во состојба да тренира со остатокот од екипата и многу веројатно е дека нема да биде помеѓу стартерите вечерва на „Етихад“.
Наводно, Маурисио Покетино веќе го подготвува тимот со Мауро Икарди на позиција напаѓач, додека зад него ќе играат Нејмар, Ди Марија и Дракслер.
Според последните информации, тимот на ПСЖ би требало да изгледа вака:
Навас – Флоренци, Маркињос, Кимпембе, Диало – Паредес, Верати – Ди Марија, Нејмар, Дракслер – Икарди.
Натпреварот е со почеток во 21. часот, а понудата за истиот можете да ја најдете на www.evrotip.mk.

Англиското мега дерби Манчестер Јунајтед – Ливерпул, во рамките од 34-та рунда во англиската Премиер лига не се одигра, откако, навивачите на домашниот состав се пробија на „Олд Трафорд“ и ја загрозија безбедноста на фудбалерите, стручниот штаб и логистиката. Навивачите на „црвените ѓаволи“ на тој начин го искажаа незадоволството од работењето на семејството Глејзер, кое е доминантен сопственик на клубот.
„Сите сме разочарани што не се одигра дерби натпреварот. На навивачите од Манчестер Јунајтед му е преку глава и јас целосно ги разбирам и поддржувам. Поддржувачите ова го прават бидејќи го сакаат овој клуб. Тие не го прават ова како последица од формирањето на Супер лигата, туку незадоволство се таложело години наназад, а деновиве ескалира ситуацијата. На раководството од клубот не им беше важен гласот на навивачите, туку клупската сметка која се полни без проблем“, изјави Рој Кин, кој голем дел од кариерата помина во дресот на Манчестер Јунајтед.

Шпанскиот прволигаш Валенсија го отпушти тренерот Хави Грасија на четири кола до крајот на сезоната во Примера.
„Лилјаците“ изминатиот викенд загубија од Барселона со 3-2, пораз по кој управата на клубот се одлучи да направи драстична промена и да се раздели со Грасија во клучниот дел во кампањата во која тимот се бори за опстанок во лигата. Валенсија на последните шест средби нема ниту една победа и со 36 бода се наоѓа на 14 позиција на табелата поточно има плус шест во однос на Уеска која е последната екипа која во моментов е во зоната за испаѓање од лигата. Првиот тим во наредниот период ќе го води Салвадор Гонзалез Воро.

Репрезентативецот на Јапанија, Асано избега од Партизан откако еднострано го раскина договорот и објави на социјалните мрежи. Асано е незадоволен што редовно не добивал плата и таа што ја добивал не била во цел износ и затоа се решил да стави крај на неговото време во Партизан и среќата да ја побара на друго место. „Јас, Такума Асано го раскинав договорот со Партизан. После мачењето некое време донесов тешка одлука. Мислам дека клубот не ме почитуваше доволно. Некое време не ми ја иплаќаше платата на време, а таа што ја добивав не беше во полн износ. И денес има долг кон мене кој не е подмирен. Тешко ми е што заминувам во вакви околности затоа што Партизан е клуб во кој поминав важен дел од животот“, стои во дел објавата на Асано.

Фудбалерите на Славија Прага ја освои третата последователна титула во Чешка и 21-та во својата клупска историја. Славија го обезбеди трофејот на пет кола пред крајот на шампионатот откако главниот и лут градски ривал Спарта Прага одигра само 2-2 на гостувањето кај Либерец. Така, Славија започна да ја слави титулата уште пред почетокот на нивниот натпревар од колото против Викторија, кој на крајот го добија со убедливи 5-1. Екипата на Славија е недостижна на врвот со 78 бода, Јаблонец е втор со 62, а Спарта е трета со 59 бода и натпревар помалку.