Одржувањето на овогодишното Светско клупско првенство продолжува да биде неизвесно, а ФИФА досега одбиваше да ги коментира гласините дека Јапонија има намера да се откаже од одржувањето на турнирот.

„Деталите за ова натпреварување ќе ги објавиме наскоро“, велат од светската фудбалска централа.

Новинската агенција Киодо во вторникот објави дека Јапонската фудбалска федерација (ЈФА) преговара со ФИФА за преместување на турнирот поради новиот пораст на болеста ковид-19 во земјата. Така, стадионите повторно ќе останат празни и двете страни нема да заработат пари од турнирот.

Киодо тврди дека една од опциите е да се одложи шампионатот, кој треба да се одржи од 9 до 19 декември, за во 2022 година. Засега, Челзи, Окланд Сити (Нов Зеланд) и Ал Али (Египет) се сигурни учесници во ова натпреварување.

Напаѓачот на Интер, Лаутаро Мартинез, може да го продолжи договорот со клубот, објави новинарот Фабрицио Романо. Според добриот познавач на италијанскиот фудбал, управата на клубот има намера да потпише нов договор со 24-годишниот Аргентинец, кој ќе се пресметува до летото 2026 година.

Исто така, следната недела, Интер ќе разговара за договори со Никола Барела и Марсело Брозовиќ.

Во сезоната 2020/21, Мартинез одигра 48 натпревари за Интер, постигна 19 голови и 11 асистенции. Актуелниот договор на Лаутаро со клубот трае до 2023 година.

Барселона од 1998. година ги носи дресовите на Најк, а во последните пет години тоа го прави без потпишан договор.

До 2016. година славниот клуб и производителот на спортска опрема имаа договор. Потоа, меѓу нив остана само прелиминарен договор кој никогаш не е формализиран.

Причините за тоа се недоразбирањата помеѓу двете страни, потоа пандемијата на коронавирусот и изборите за претседател на Барселона. Тоа, пишуваат шпанските медиуми, доведе до недоразбирања помеѓу клубот и Најк.

Во пролетта 2016. година, Барселона под водство на тогашниот претседател Бартомеу објави продолжување на договорот со Најк до 2028. година, иако тогаш на сила се уште беше договорот според кој спортскиот бренд плаќаше фиксни 105 милиони евра по сезона, што со бонуси можеше да стигне до 155 милиони евра. Според тој договор, Најк го осигура правото на користење на брендот и огласувањето на Барселона.

Тогаш партнерите договорија дека новиот детален и, како што беше најавено, „конечен“ договор ќе биде потпишан во рок од две години. Меѓутоа, тоа досега не се случи, пет години подоцна. Ккао што пишуваат медиумите, договорот од 2016. година беше услуга на Најк кон Барселона, која уште тогаш беше во голема финансиска криза.

Селекторот на холандската У-19 репрезентација Берт Контерман исфрли пет млади фудбалери од кампот на репрезентацијата воочи пријателскиот натпревар со Италија, отккао ги прекршија мерките на карантин.

Иако не е објавено точно зошто, холандските медиуми пишуваат дека Арјани Марта, Начи Унувар, Рио Хилен, Мимеирхел Бенита и Чави Симонс се исфрлени бидејќи во хотелот во кој беше сместена репрезентацијата довеле неколку девојки.

Репрезентативците мораа да бидат под строги мерки на изолација поради коронавирусот, а со својот непромислен потег ја загрозија сигурноста на целата екипа. Марта и Бенита наводно први дошле на идејата да повикаат девојки во своите соби, а потоа им се приклучија и останатите. Откако беше откриено што направија, селекторот ги испрати назад во своите клубови.

Репрезентацијата на Австралија во второто коло од третиот круг на азиските квалификации за Светското првенство во Катар го победи Виетнам во Ханои со 1:0.

Стрелец на единствениот погодок во 42. минута беше Рајан Грант. Виетнамците 15 минути претходно бараа пенал, бидејќи истиот играч играше со рака во шеснаесетникот, но ВАР не се сложи.

За Австралија тоа беше десетта победа по ред во квалификации за СП, а таква низа во историјата немала ниту една репрезентација која се натпреварува под Азискиот фудбалски сојуз. Австралија во 2006. година го напушти Океанскиот сојуз и се приклучи на Азискиот.

Во првиот круг беше слобона, во вториот оствари осум победи од осум натпревари во групата со Кувајт, Јордан, Непал и Кинески Тајпеј, а во третиот пред Виетнам ја совлада Кина.

Во третиот круг од квалификациите, 12 репрезентации се поделени во две групи, а по две најдобри ќе се пласираат во Катар, додека двете третопласирани ќе одат во дополнителни квалификации.

Фудбалскиот клуб Тотенхем ќе ги казни своите играчи Џовани Ло Селсо и Кристијан Ромеро, бидејќи тие без дозвола одговориле на поканата од репрезентацијата на Аргентина.

Според британски Скај, Ло Селсо и Ромеро ќе бидат казнети бидејќи се приклучиле на националниот тим за натпреварите против Венецуела и Бразил, спротивно на желбите на клубот.

Заедно со двајцата играчи и играчите на Астон Вила, Емилијано Мартинез и Емилијано Буендија, ја напуштија Премиерлигата за Аргентинската репрезентација, но Мартинез и Буендија имаа дозвола од клубот од Бирмингем.

Поради нив четворица, натпреварот помеѓу Бразил и Аргентина беше прекинат во неделата вечерта во Сао Паоло. Бразилските здравствени власти им наредија карантин, бидејќи пристигнаа од Велика Британија и не ги почитуваа мерките за пандемија, но сепак дојдоа на стадионот.

Претседателот на Барселона, Жоан Лапорта верува дека не е се завршено со Суперлигата, која не успеа да заживее по големите критики од јавноста.

Проектот Суперлига е жив. Три клуба останаа силни и во деликатна ситуација. Освоивме се на суд. УЕФА не може да направи ништо за да ја запре Суперлигата. Многу клубови ни велат дека мора да продолжиме. Санкциите против англиските клубови немаа ефект. Англиските клубови како Манчестер јунајтед и Ливерпул беа движечката сила зад проектот, но тие беа под голем притисок. Да, можевме подобро да го претставиме проектот, но во реалноста тој ни одговара на сите нас. Форматот на турнирот ќе биде најатрактивен во светот и ќе им користи на клубовите. Она што треба да го подобриме е учеството за заслуги на клубовите, рече Лапорта.

Барселона, Реал Мадрид и Јувентус претходно изјавија дека остануваат посветени на проектот за Суперлига. Претседателот на ПСЖ, Насер Ал-Келаифи ги критикуваше овие три клуба.

Фудбалерот од средниот ред на Франција, Пол Погба изјави дека „триколорите“ повеќе не се најдобрата селекција на светот.

„Помина многу време откако победив натпревар со Франција. Ми недостига ова време, на сите ни недостасува. Ние веќе не сме најдобриот тим во светот. Мораме да смениме се и да бидеме поагресивни. Треба да вложиме повеќе напор и да ставиме повеќе желба во играта, изјави Погба.

Последен пат Французите ја победија Германија (1-0) на 15 јуни на Европското првенство.

Милан започна преговори со Тео Хернандес за продолжување на соработката, пренесува „Газета дело Спорт“.

Францунот игра фантастично и се етаблираше во еден од најдобрите леви бекови во Ервопа. Тео Хернандес има договор со „росонерите“ до 2023 година, но веќе е на мета на многу европски гиганти.

Милан сака да го „блиндира“ со нов договор и му понудил двојно зголемување на платата.

Медиумите тврдат дека преговорите одат во добра насока, бидејќи Французинот сака да остане во Милано.

Репрезентацијата на Романија има на располагање само 17 играчи за натпреварот со Македонија, откако Јанис Хаџи доби позитивен тест на КОВИД, а останатите  тројца што завршија во изолација се негативни, Разван Марин, Александру Чикалдау и Драгуш Неделку остануваат во комбинација за дуелот на арената „Тодор Проески“.

Селекторот Радои изјави дека непријатната вест може да влијае врз играта на на Романија против Македонија.

„Кога тргнавме во септемвриските квалификации имав 26 фудбалери, а сега сум на 17. Малку  сме  вознемирени, но ова не смее да не турне надолу, туку да ни даде поголема сила. Сега е шансата да покажеме колку сме сплотени и обединети. Мислам дека веќе покажавме дека позитивно може да одговориме кога сме во тешка ситуација.“ – изјави  Радои.