Менаџерот на Манчестер Сити, Пеп Гвардиола синоќа ги водеше „граѓаните“ до нивната 19. победа по ред во сите натпреварувања, овој пат против Борусија Менхенгладбах во Лигата на шампионите, а за медиумите ја откри и причината за ваквата форма.
Сити на првиот осминафинален натпревар славеше со 2:0 и практично го обезбеди пласманот во четвртфиналето. По натпреварот, Гвардиола призна дека парите играат клучна улoга.
„Имаме многу пари да купиме доста неверојатни играчи.“ – вели Гвардиола.
Проговори и за главните актери во победата, португалскиот тандем Жоао Кансело и Бернардо Силва.
„Кансело напредуваше и одлучи да преземе повеќе ризик во својата игра. Ни дава нешто посебно во играта. Пресреќен сум поради неговите две асистенции во завршната третина од теренот.“ – изјави Пеп, а за Силва рече дека се работи за интелигентен играч.

Голманот на Барнли, Ник Поуп, е на мета на Тотенхем. Според изворот, клубот бара замена за Хуго Љорис, кој се поизвесно ќе се пресели во ПСЖ на лето.
Договорот на Љорис со Тотенхем завршува во летото 2022 година, а Тотенхем сака да го подмлади составот со нов голман, па затоа почна да се врти кон Ник Поуп од Барнли.
Поуп оваа сезона одигра 25 натпревари за Барнли, прими 26 гола и деветпати остана несовладан.

Дефанзивецот на фудбалскиот состав Ливерпул, Виргил ван Дајк, првпат направи тренинг со топка по тешката повреда што го извади од терените подолг период.
29-годишниот стопер продолжува да се опоравува од повредата што ја заработи на 17 октомври на натпреварот од петтото коло во Премиер лигата против Евертон (2-2).
Холанѓанецот денеска работеше прво во теретана а потоа и на тревнатиот терен. Искусниот дефанзивец во сезонава одигра 8 натпревари за Ливерпул и постигна еден гол.

Милан игра одлично оваа сезона и се очекува после неколку години конечно да се врати во Лигата на шампиони. Раководството на „росонерите“ сака на лето да донесе нова ѕвезда во тимот, а прв на листата желби е Филипе Кутињо од Барселона.
Бразилецот оваа сезона се врати на „Камп Ноу“ и добро ја отвори сезоната, но заработи тешка повреда и ќе биде надвор од терените до април. Каталонците сакаат да го продадат на лето, а Милан е еден од најзаинтересираните клубови за неговиот потпис. Италијанските медиуми пренесуваат дека „росонерите“ веќе стапиле во конаткт со неговиот агент и се спремни да понудат 50 милиони евра за неговиот потпис.

Реал Мадрид има човек повеќе на терен на гостувањето кај Аталанта во Бергамо по стартот на Фројлер над Менди во 20 минута. Судија на овој натпревар е Штилер од Германија.
Стартот за црвениот картон можете да го видите на следното видео:

Жозе Мурињо сака нов голман, пишуваат англиските медиуми. Во Тотенхем не се задоволни како нивниот капитен Хуго Лорис брани оваа сезона и на лето ќе се обидат да доведат негова замена. Прва мета е Дин Хендерсон, резервниот голман на Манчестер Јунајтед. Хендерсон има 23 години и минатата сезона беше одличен на позајмицата во Шефилд. Оле Гунар Солскјер го врати во Манчестер Јунајтед, но младиот голман не успеа да се избори за место покрај Давид Де Хеа.

Германскиот весник Билд објави на насловната страна прилог дека Јирген Клоп би можел наскоро да го напушти Ливерпул. Германскиот тренер е на Енфилд од 2015. година, пред две години ја освои европската титула со Ливерпул, а минатата сезона го освои и трофејот во Премиерлигата по цели 30 години. Но, Ливерпул оваа сезона изгледа очајно, нема никакви шанси да ја одбрани титулата, а ќе мора многу да се подобри за да дофати едно од четирите места кои водат во Лигата на шампионите идната сезона. Клоп има договор со клубот до 2024. година, но Билд смета дека тешко е да се очекува дека ќе го одработи договорот до крајот. За таков расплет, Билд дава 30 отсто шанси, а најмногу, дури 68 отсто, дека Клоп идното лето ќе го напушти Ливерпул и ќе стане селектор на германската репрезентација по Светското првенство.

Шкотски Селтик објави дека се раздели со тренерот Нил Ленон, кој ја водеше екипата од 2019. година и освои трикратна титула минатата сезона. Сезоната пред тоа, исто така го освои првенството и Купот. Поранешниот играч на Селтик, кој за клубот одигра повеќе од 200 натпревари, го раскина договорот по слабата сезона. Шкотскиот првак зад водечкиот Ренџерс заостанува огромни 18 бода и нема никакви шанси да ја одбрани титулата. „Знаевме дека сезоната ќе биде тешка поради се што се случува и фрустрира тоа што не можевме да бидеме на задоволително ниво. Дадов се од себе, како и секогаш, да ја свртиме ситуацијата во наша корист, но не успеав. Селтик секогаш ќе биде дел од мене и му посакувам се најдобро.“ – изјави Ленон. Ленон во последните неколку години немаше никаква конкуренција во шкотското првенство, но сезонава Стивен Џерард работи одлично во Ренџерс, кој е целосно недопирлив во првенството, а има високи амбиции и во Лига Европа.

Атлетико Мадрид е во тешка ситуација по првиот натпревар од осминафиналето од Лигата на шампионите, откако мадридскиот тим загуби со 0:1 од Челзи и во реваншот ќе мора да брка резултат. Многумина синоќа го критикуваа тренерот на Атлетико, Диего Симеоне поради дефанзивната играч. Тимот на Симеоне се бранеше во формација 6-3-1 и немаше ниту еден удар кон противничкиот гол. Аргентинскиот тренер беше лут на критиките. „Не знам што очекуваа. Секој може да има свое мислење. Ние во нашата организација и талент баравме пат кон голот преку украдени топки. Имаше ситуации и кога игравме пресинг бидејќи видовме дека би можеле така да изненадиме. Мораме да продолжиме да работиме, да се поправиме и да се обидеме да се засилиме со играчите кои се опоравуваат од коронавирусот.“ – изјави Симеоне. Атлетико е во доста лоша форма, во последните пет натпревари има два порази, а победа запиша само против Гранада.

Фудбалските репрезентации на Катар и Австралија го откажаа учеството на овогодинешното издание на Копа Америка, кое ова лето ќе се игра во Аргентина и Колумбија, соопшти Јужноамериканската фудбалска конфедерација КОНМЕБОЛ. Тие две селекции го откажаа учеството поради ограничувањата во патувањето предизвикани од пандемијата на коронавирусот, но и пренатрупаниот фудбалски календар. Портпаролот на КОНМЕБОЛ, Ариел Рамирес изјави дека други репрезентации веќе изразиле желба да настапат на местото на Катар и Австралија. „Би сакале да имаме 12 репрезентации.“ – рече Рамирес и додаде дека Копа Америка ќе се игра со 10 тимови, како и обично, доколку не дојде до замени за тие две репрезентации. Австралија требаше да игра во групата А со Аргентина, Чиле, Уругвај, Парагвај и Боливија, додека Катар имаше место во групата Б со Колумбија, Еквадор, Венецуела, Бразил и Перу. Копа Америка ќе се одигра од 11. јуни до 11. јули.