Aндре Виљаш Боаш одлучи да поднесе оставка на клупата на Марсеј откако доведе играч кој тој не го сакаше. Португалскиот стратег на почетокот на овој месец соопшти дека си поднесувао ставка затоа што во последниот ден од преодниот рок го довел Оливер Начман од Селтик, играч за кој тој сметал дека не му е потребен. Откако Начман бил претставен за нов фудбалер Виљаш Боаш одлучи да си замине. Челниците на Марсеј сакаа да го доведат Маруцио Сари за нов тренер, но тој ја одби нудата на овој клуб. Сега е објавено дека Марсеј веќе ја завршил работата и нов тренер на францускиот клуб ќе биде Хорхе Сампаоли. Сампаоли ќе потпише договор до летото 2023 година.

Мексичкиот судија Оскар Масиас стана вирален хит откако на натпревар од првата фудбалска лига спаси чист гол. Круз Азул во 36. минута водеше со 2:0 против Толука и домаќините имаа прилика да го решат натпреварот. Напаѓачот на Круз Азул го заобиколи голманот и шутираше кон празниот гол, но ја погоди стативата. На одбиената топка натрча негов соиграч и ја упати кон празната мрежа, но гостите ги спасуваше – судијата! Тој следејќи ја акцијата се најде точно на патот на топката, таа го погоди и од него се одби во гол- аут. Играчите на Круз Азул со неверување гледаа што се случи и му објаснуваа на Масиас дека спаси чист гол. Судијата „мртов ладен“ се правеше како ништо да не се случи и, согласно правилата, им ја врати топката на домаќините. Да биде уште полошо, гостите намалија во 44. минута на 2:1, а во втората минута од судиското продолжение на првото полувреме израмнија на 2:2. Сепак, Масиас го „спаси“ Гиљермо Фернандез, кој во 63. минута постигна гол за победа на Круз Азул.

Капитенот на Ливерпул, Џордан Хендерсон по направените детални прегледи ќе дознае колку долго ќе отсуствува од терените поради повреда која ја заработи на градското дерби против Евертон. Капитенот на актуелниот шампион на Англија го напушти теренот по само 30 минути игра со болна гримаса на лицето. Јасно е дека се работи за отсуство од терените од неколку недели, а клучно прашање е дали Клоп ќе може да смета на Хендерсон за реванш натпреварот од осминафиналето во Лигата на шампионите против Лајпциг. Поволно е тоа што „црвените“ ќе го дочекаат овој дуел со предност од 2:0 од првиот натпревар, па и во случај на евентуално отсуство на репрезентативецот на Англија, имаат на што да се надеваат. По првиот пораз од Евертон уште од 1999. година, Клоп призна дека медицинскиот тим не е оптимист по повредата на Хендерсон, а веќе сега може да се потврди дека нема да настапи на натпреварите против Шефилд, Челзи, Фулам и Вулверхемптон.

Играчот за врска на Реал Мадрид, Касемиро, кој го постигна единствениот гол на натпреварот од 24-то коло во шпанската Примера против Ваљадолид кој го доби Реал со 1:0, изјави дека е убеден во тоа дека тимот ќе бори за титулата во Примера. „Веруваме дека ќе се бориме за титулата до крај и знаеме дека секој натпревар е важен. Треба да се бориме за 42 поени, што е многу. Екипата знае дека е тешко, но ние веруваме дека сме во трка за шампионската титула“, изјави Касемиро по вчерашниот натпревар. Реал Мадрид има освоено 52 поени по 24 кола од Ла Лига и го зазема второто место на табелата зад лидерот Атлетико Мадрид кој има 55, но имаат натпревар помалку.

Овогодинешниот фудбалски Европски шампионат е се поблиску. Требаше да биде одигран минатата година, но поради пандемијата беше одложен за годинава. Требаше да се игра во дванаесет држави ширум стариот континент, но се чини дека и таа идеја ќе биде отфрлена. Натпреварувањето е планирано за периодот од 11. јуни до 11. јули, а како што се чини сите натпревари ќе бидат одиграни во Велика Британија. Владата на Британија наводно веќе испратила предлог за организација на натпреварувањето, меѓу плановите се наоѓа и точка дека ќе има и навивачи на стадионите, а бројката на посетители ќе се движи околу четири илјади. Останува да видиме како ќе одговори УЕФА, а „Вембли“ секако беше планиран за едно полуфинале и големото финале.

После повеќе од една година, Интер конечно го доби своето засилување. Ериксен успеа да се избори за место во тимот, а лидерот на Серија А сега го има „вистинскиот“ дански репрезентативец. Тоа го сигнализираше и Конте кога го замени во финишот на натпреварот против Милан, после кој Интер му побегна на ривалот на табелата на четири бодови разлика.
Медиумите го пренесуваат сјајниот гест на тренерот на Интер, кој во текот на замената му рече на Ериксен: „Ти си мој човек, знаев дека нема да ме изневериш“, по што го прегрна данецот кој година дена го чуваше на клупата. Ериксен успеа да се избори за место во екипата, сега е незаменлив, а од играч кој беше на продажба летото и оваа зима, стана главен архитект во нападот на Интер.
Сигурно е дека Интер сега е голем фаворит за титулата, подобра шанса не веруваме дека би имале, иако не е готово, Јувентус никогаш не смее да биде отпишан. Доколку шампионот вечерва го добие Кротоне, ќе биде на -8, но со натпревар помалку. Сепак, иако Интер оди во Торино, делуваат како да се подобар тим оваа сезона, а плус на тоа немаат никакви обврски освен првенството.

Менаџерот на Манчестер Јунајтед, Соскјер е спремен на лето да продаде еден од двајцата голмани кои се борат за стартното место во тимот, пренесуваат медиумите на Островот.
Давид де хеа и Дин Хендерсон се двајца одлични голмани, но еден од нив на лето може да биде продаден, а фаворит е Шпанецот.
Хендерсон не сака да биде резерва, а Манчестер Јунајтед не сака да го загуби Англичанецот бидејќи смета дека може да биде иднина на тимот од „Олд Трафорд“.
Де хеа во последните две сезони не е на своето најдобро ниво, тој е еден од најплатените играчи во тимот, па поради тоа најверојатно ќе биде продаден.

Маурицио Почетино веќе знае кој играч би сакал да го замени Килијан Мбапе во случај Французинот да го напушти ПСЖ. Името воопшто не изненадува, бидејќи според „Мирор“ станува збор за голгетерот на поранешниот тим на Аргентинецот – Хари Кејн.
Само пред неколку дена се појави информација дека Тотенхем поставиле цена од 150 милиони фунти (173 милиони евра) за нивната голема везда. Сепак, парите нема да бидат проблем за парижаните, особено ако Мбапе биде продаден на Реал Мадрид, како што се пишува сè почесто во последно време. Според „Ле Паризиен“, од ПСЖ ќе побараат 200 милиони евра за Французинот во случај да одбие да потпише нов договор и да одлучи да ја продолжи кариерата на „Сантијаго Бернабеу“.
„Мирор“ додава дека за Хари Кејн ова би била една о најпосакуваните дестинации доколку англискиот репрезентативец на крајот реши да го напушти својот омилен клуб. ПСЖ ќе му даде многу шанси за трофеите што Кејн толку многу ги пропушти во досегашната кариера. Факторот „Покетино“ му дава уште поголема тежина на ова сценарио.

Главна трансфер цел на Милан во следниот преоден рок ќе биде талентираниот холандски напаѓач Донјел Мален.
Овој 20 годишен фудбалер кој ја помина академијата на Ајакс и Арсенал игра одлична сезона и веќе дебитираше со гол за холандската репрезентација. Мален пристигна во ПСВ за само еден милион евра, но неговата цена вртоглаво порасна, па сега е на мета на многу европски гиганти.
Милан сака да ја победи конкуренцијата и веќе започнал преговори со неговиот агент Мино Раиола, а неговата цена во моментов изнесува помеѓу 20 и 30 милиони.