„Газета дело Спорт“ во своето денешно издание пренесе ексклузивна вест поврзана со Златан Ибрахимовиќ. Имено, искусниот напаѓач би можел да се врати во репрезентацијата на Шведска за претстојниот континентален собир кој е закажан за летото 2021 година. Во јавноста селекторот на Шведска, Јан Андерсон во неколку наврати зборуваше дека нема намера да го повикува Ибрахимовиќ, но како што стојат работите тој веројатно ќе попушти со своите ставови. Причината за тоа е што Ибрахимовиќ го направил првиот чекор и разговарал со Андерсон на состанок на кој е пронајден заеднички јазик и по кој веројатно Ибра ќе се најде во составот на шведската репрезентација.

Реал Мадрид постигнал договор со играчите за намалување на платите за 10%. Според изворот, „кралскиот клуб“ нема проблем со исплатата на платите, како што е во другите тимови, но поради падот на приходите морало да с енаправи компромис за делумно намалување на трошоците. Исто така се зборува дека клубот нема да купи ниту едно ново засилување во текот на зимскиот преоден рок. Раководството верува дека би било нелогично да се бараат играчи, а истовремено да се намалуваат платите.

Специјализираниот портал „Transfermarkt“, што се бави со одредување на пазарната цена на фудбалерите, ја објави листата на најскапи фудбалери во светот.
Исто како и изминатите две години, најскап фудбалер во светот е Килијан Мбапе, кој е проценет на 180 милиони евра.
Неговата вредност е за 20 милиони евра пониска од минатата година, но пандемијата си го направи своето, па падна цената на сите фудбалери во светот.
Потоа следат Рахим Стерлинг и Нејмар, со вредност од 128 милиони евра, а втора година со ред Роналдо и Меси ги нема во ТОП 10.

Кристијано Роналдо се надева дека ќе игра уште многу години, а открива дека сонува светска титула со Португалија.
Португалецот на почетокот на февруари ќе наполни 36 години, но и понатаму не размислува за крај на кариерата.
„Годините не се важни, важна е состојбата на умот. Живеам во сегашноста и во овој момент. Среќен сум и во форма. Се надевам дека ќе играм уште многу години, но никогаш не се знае. Ова е фудбал и не можеме да знаеме што ќе се случи утре“.
Роналдо има и голем сон – светска титула со Португалија.
„Сонувам да го освојам Светското првенство во Катар со Португалија. Тоа е можно, се е можно и верувам во тоа“, изјави Роналдо.

Хјунг-Мин Сон би можел да направи трансфер на кариерата.
Сон игра феноменално во дресот на Спарс. Ваквите игри не останаа незабележани од најголемите светски клубови и Зинедин Зидан започна да се распрашува за Кореецот.
Челниците на Реал Мадрид наскоро ќе се сретнат со претставниците на Тотенхем. Тоа ќе биде состанок на кој ќе се разговара за Сон и ќе видиме дали фантастичниот офанзивен играч ќе направи голем трансфер.
Сон е член на Тотенхем од 2015 година. Тој одигра 252 натпревари за лондонскиот клуб и постигна 99 голови.
Оваа сезона, корејскиот фудбалер постигна 14 гола и имаше седум асистенции на 24 одиграни натпревари.

Поранешниот репрезентативец на Холандија и човек кој играше одлично во дресот на Лидс, Атлетико Мадрид и Челзи, Џими Флојд Хаселбенк, е нов тренер на екипата на Бартон.
Тој ја започна својата тренерска кариера во 2013. година во Антверпен, а беше тренер на Бартон и во сезоната 2014/15.
По епизодата во Квинс Парк Ренџерс и Нортемптон и направената пауза од три години, Џими се врати на тренерската работа.
Бартон се натпреварува во англиската Лига 1, односно третиот ранг на натпреварување.

Арсен Венгер го напушти Арсенал во 2018. година, откако го водеше лондонскиот клуб цели 22 години.
Легендарниот француски тренер оттогаш нема ангажман и често е гостин како коментататор на некои од големите светски телевизии. Нема дадено многу интервјуа, а во едно од нив, водителот го праша дали би сакал да се врати во Арсенал.
„Ако му требам, ќе се вратам. Но, не очекувам повик. Не очекувам ништо, времето е доста добар доктор.“ – изјави 71-годишниот французин кој со Арсенал освои три титули во домашното првенство, вклучувајќи ја и онаа од 2004. година, кога немаа ниту еден пораз.

Наполи по кратката зимска пауза се враќа на натпреварите и се среќава со Каљари.
Тој натпревар е на програмата веќе утре, а наполитанците имаат нов случај на зараза со коронавирус во својот клуб. Во случајот, се работи за најскапото летно засилување, Виктор Осимен кој има позитивен резултат на тестирањето.
Раководството на клубот тврди дека нигериецот не беше во контакт со никој од клубот, а поранешниот фудбалер на Лил е надвор од терените уште од средината на ноември. Оваа сезона има одиграно само осум натпревари.
Минатиот пат, Наполи го откажа натпреварот со Јувентус поради два заразени играчи, но овој пат се чини дека нема да имаме таков исход.

Оле Гунар Солскјер изјави дека Пол Погба е попогдотвен од било кога и дека игра се подобро и подобро, откако французинот беше клучен играч во победата на Јунајтед над Астон Вила со 2:1.
Погба ја доби наградата за играч на натпреварот, францускиот играч за врска учествуваше во акцијата по која Марсијал го постигна првиот погодок, а потоа изнуди пенал кој го реализираше Бруно Фернандеш.
„Погба е се поподготвен и посилен, а така доаѓаат и изведбите како оваа. Му требаа можеби 25 минути за да започне, но кога тргна, тогаш правеше разлика. Среќни сме за неговиот придонес. Важно е Пол да ја има топката каде и да се наоѓа на теренот. Неговата физичка присутност е важна за нас, бидејќи знаевме дека противникот има екипа која е во најсилните во лигата. Ни требаа играчи кои можат да им се спротивстават, а Погба ја покажа неговата сила и способност при првиот гол. Бев воодушевен од неговата изведба.“ – изјави Солскјер.

Англиските медиуми јавуваат дека Барселона го договори првиот трансфер за 2021. година. Ерик Гарсија ќе го напушти Манчестер Сити и ќе потпише петгодишен договор со каталонскиот клуб.
Така, 19-годишниот шпански дефанзивец ќе се врати во клубот кој го напушти како тинејџер со 16 години. Не успеа да добие шанса под Пеп Гвардиола, досега одигра само 30 натпревари, а оваа сезона само седум.
Барселона наводно се обиде да го доведе Гарсија уште минатото лето, но Сити инсистираше на 10 милиони евра, кои каталонците не сакаа да ги платат. Сега, најверојатно ќе го доведат како слободен играч.
Сити му нудеше продолжување на договорот на Гарсија уште пред пет месеци, но Гвардиола и јавно истакна дека Гарсија не сака да остане во клубот.