Германските гиганти Баерн Минхен и Борусија Дортмунд се последните клубови кои изразуваат интерес за напаѓачот Армандо Броја. 

20-годишниот албански напаѓач оваа сезона е откровение во тимот на Саутемптон каде настапува како позајмен играч од Челзи.

Голем број на големи клубови го следат развојот на напаѓачот, но во Челзи и понатаму го гледаат како иден дел од тимот,особено со проблемите на неговите сегашни напаѓачи Ромелу Лукаку и Тимо Вернер.

Броја досега има постигнато 8 гола во сите натпреварувања за тимот од „Сент Мери“.

Барселона е заинтересирана за потписот на напаѓачот на Борусија Дортмунд, Ерлинг Халанд. Барса е подготвена да ја плати клаузулата за ослободување од 75 милиони евра за Норвежанецот и да плати голема провизија на агентот на играчот, Мино Рајола. Покрај тоа, Барселона сакаат да го направат Халанд лидер на новиот проект.

И покрај тешката финансиска ситуација, Каталонците се подготвени да му понудат на играчот петгодишен договор со плата од 20 милиони евра годишно. Ова ќе го направи Халанд најплатен играч во тимот. Халанд се приклучи на Борусија Дортмунд во јануари 2020 година, откако се пресели од Салцбург за 20 милиони евра.

Оваа сезона норвешкиот напаѓач настапи на 14 натпревари во Бундеслигата, на кои постигна 16 гола и шест асистенции. Халанд постигна три гола на три натпревари од Лигата на шампионите. Договорот на Халанд со германскиот клуб истекува во летото 2024 година, а во моментов се проценува на 150 милиони евра.

Македонскиот репрезентативец го постигна петиот гол сезонава во дресот на клубот од Саудиска Арабија, а со својот гол донесе реми за својот тим.

Ал Ахли и Ал Феиха ремизираа со 1-1 во рамките на 21 коло од најсилната фудбалска дивизија во Саудиска Арабија, а во обата тима имаше по еден наш интернационалец, од кои едниот не доби прилика за настап, па мечот го проследи од клупата за резерви.

Езгјан Алиоски ги одигра сите 90 минути во таборот на домаќините, а во финишот од средбата успеа да реализира од белата точка и да донесе израмнување на мечот, односно избегнување на пораз на неговиот тим.

Во гостинскиот табор се најде Александар Трајковски, но тој не доби прилика за настап.

Тимот на Интер и официјално ги продолжи договирте на своите тројца водечки директори, Џузепе Марота, Пјеро Аусилио и Дарио Бачин.

Клубот официјално соопшти дека новите договори на сите тројца ќе бидат со важност до 2025 година. Марота во Интер пристигна после заминувањето од Јувентус и е извршен директор, Аусилио е главен спортски директор, додека Бачин е негов заменик.

За многумина најважен е Марота кој направи одлични потези од пристигнувањето во клубот во 2018 година, декември. Токму тој беше најзаслужниот за доведувањето на Конте кој во минатата сезона им го донесе скудетото на „нероаѕурите“, но Италијанецот си замина после несогласувањата со сопствениците.

Иако Конте си замина, Интер и понатаму игра одлично сега под водство на Симоне Инзаги.

Напаѓачот на Челзи, Ромелу Лукаку, имаше уште еден слаб натпревар во победата на својот тим против екипата на Кристал Палас. Челзи на овој овој дуел забележа победа од 1:0 со голот постигнат од Хаким Зијеш во 89.минута.

Според статистиката од натпреварот, Лукаку забележа неславен рекорд на мечот. Имено, тој за 90 минути од натпреварот, оствари само седум контакти со топката.

Ова е најслабиот таков податок забележан за еден играч од Премиер лигата, бидејќи таква статистика се води од сезоната 2003/2004.

Поранешниот играч за врска на Манчестер Јунајтед и Ливерпул, Пол Инс е назначен за привремен тренер на Рединг, тим кој се натпреварува во англискиот Чемпионшип. Тој доаѓа на местото на отпуштениот Србин Вељко Пауновиќ, соопштуваат од клубот.

Пол Инс во минатото беше тренер на Милтон Кејнс и Блекбурн Роверс, а го предводеше и тимот на Блекпул во сезоната 2013/2014.

Екипата на Ридинг се наоѓа на 21. место од табелата, со 26 бодови од 32 натпревари.

Пеп Гвардиола потврди дека се обиделе да го доведат Хари Кејн.

Манчестер Сити се обидуваше да доведе напаѓач после заминувањето на Агуеро во Барселона минатото лето, Хари Кејн беше главната мета, но не дошло до договор со Тотенхем. Гвардиола посочи дека трансферот не се реализирал затоа што Тотенхем од самиот почеток на преговорите имал став дека не сака да го продаде.

„Сакавме да доведеме напаѓач, преговаравме, но бевме предалеку од договор затоа што Тотенхем од самиот старт на преговорите стави до знаење дека не сака ништо да се случи“, изјави Гвардиола.

Шведскиот фудбалер Златан Ибрахимовиќ може да го продолжи договорот со Милан. „Росонерите“ се подготвени да му понудат нов договор на напаѓачот кој во октомври ќе наполни 41 година. Сепак, Златан ќе мора да прифати значително намалување на платата.

Сега тој заработува седум милиони евра годишно. Според новиот договор, миланезите се подготвени да му плаќаат три милиони годишно. Заедно со бонус – за одиграни натпревари и голови – сумата може да се искачи на пет милион.

Ибрахимовиќ за својата иднина ќе одлучува по мартовските бараж средби за Светското првенство во 2022 година. Тој сака да игра со Шведска на Мундијалот во Катар.

Ибрахимовиќ има постигнато осум гола на 15 натпревари во Серија А и е најдобар стрелец на Милан во ова натпреварување.

Напаѓачот на Барселона, Мемфис Депај може да се врати во Олимпик Лион, пишуваат медиумите во Франција.

Според истите, луѓе блиски до Холанѓанецот веќе било во контакт со претставници на Лион околу евентуален трансфер. Претходно беше објавено дека управата на Барселона сака да го продаде Холанѓанецот во текот на летниот преоден рок, за да не го загуби играчот бесплатно, бидејќи договорот на Депај со Барселона е до јуни 2023 година.

Депај игра за Барселона од летото 2021 година, каде што се пресели со слободен трансфер од Лион. Депај оваа сезона настапи на 16 натпревари во Примера, постигнувајќи осум гола и две асистенции.

Менаџерот на Тотенхем, Антонио Конте изрази огромно задоволство по победата од 3:2 над Манчестер Сити на „Етихад“.

Италијанскиот стручњак е на мислење дека овој успех ќе им даде дополнителна самодоверба на неговите играчи, но додаде дека неговиот тим има уште многу да работи.

„Една победа не е доволна. Да не заборавиме дека пред тоа претрпевме три последователни порази. Но овој успех над Манчестер Сити сигурно ќе ни даде самодоверба и верба во она што го работиме. Има уште многу што да се подобри. Овие играчи се фантастични. Ова е веројатно еден од најдобрите тимови со кои сум работел во мојата кариера досега. Имаме на што да работиме, а најважно е младите да го стекнат потребното искуство. И на овој натпревар моравме да работиме напорно за да постигнеме успех, но моите играчи не се плашат од работа“, изјави Конте.