Реал Мадрид се одлучи за тоа кој е тренерот кој е способен да го води тимот по сегашниот тренер Зинедин Зидан. Според весникот „АС“, Кралскиот клуб решил да се потпре на нивниот легендарен фудбалер Раул Гонзалез, кој моментално го води вториот тим на Реал Мадрид. Друга опција за Реал Мадрид беше поранешниот тренер на Тотенхем, Маурицио Покетино, но тој веќе не е алтернатива откако го презеде ПСЖ на почетокот на овој месец. Раул е тренер на вториот тим на Реал Мадрид од 2019 година. Под негово водство, минатото лето тимот ја освои младинската лига на УЕФА. Реал Мадрид со 36 бода по 17 кола го зазема второто место на табелата во Ла Лига. Лидерот во шампионатот Атлетико Мадрод кој има предност од 2 бода, но има два меча помалку одиграно.

Маурицио Почетино ја постави главната трансфер цел на клубот следното лето. Аргентинскиот тренер, кој го замени германецот Томас Тухел, кој беше ослободен на крајот на декември, сака да го види својот сонародник Серхио Агуеро во својот тим. Напаѓачот е еден од лидерите на англискиот Манчестер Сити, а Почетино добро ги знае неговите квалитети. Сепак, неговиот договор со „граѓаните“ истекува на лето и тој може да заврши на „Паркот на принцовите“ како слободен играч. Информацијата за најавениот трансфер ја пренесе фудбалскиот агент Бруно Сатин во изјава за „Канал +“. Вчера стана јасно дека Почетино сака во ПСЖ да го донесе и Деле Али за кого нема место во Тотенхем.

Тренерот на англискиот фудбалски великан Манчестер Јунајтед, Оле Гунар Солскјер, им соопшти на голманот Серхио Ромеро и дефанзивецот Маркос Рохо дека имаат дозвола во јануари да го напуштат Олд Трафорд. Солскјер за англиските медиуми изјави дека аргентинскиот двоец нема да добие нов договор по крајот на сезоната. Рохо во моментот се наоѓа во Аргентина, додека Ромеро се врати пред неколку дена. Рохо пристигна во Јунајтед во 2014. година од Спортинг за 20 милиони евра, а во дресот на „црвените ѓаволи“ запиша 122 настапи и постигна два погодоци. Последната сезона ја помина како позајмен играч во аргентински Естудијантес. Ромеро пак, на Олд Трафорд пристигна во 2015. година од Сампдорија, а помеѓу стативите беше на 61 натпревар.

Откако го држеа неславниот рекорд повеќе од половина век, на германскиот фудбалски клуб Тасманија Берлин би можел да му се придружи и Шалке 04. Тасманија 1900 Берлин во својата единствена сезона во Бундеслигата во 1965/66, нанижа 31 натпревар без победа освојувајќи само 10 бода, со гол разлика од минус 93. Шалке засега е на 30 натпревари без победа, со што се приближи до негативниот рекорд на берлинскиот клуб кој згасна во 1973. годиан. Но, дел од водството и играчите го основаа аматерскиот клуб СВ Тасманија 73 Нојколн, кој во моментот се наоѓа во петтата германска лига. Иако други радо би го избришале црниот рекорд, во Тасманија се горди на својот „подвиг“. „Овој рекорд е култен за нас. Доколку останеме без него, никој веќе нема да зборува за Тасманија. Подобро да се зборува за нас, отколку никој да не не знае.“ – изјави претседателот на клубот, Алмир Нумиќ. Последната победа во првенството на Шалке беше во јануари 2020. година против Борусија Менхенгладбах, а оттогаш клубот од Гелзенкирхен има 20 порази и 10 нерешени натпревари. Реми или пораз во денешниот натпревар против Хофенхајм, ќе значи израмнување на рекордот на берлинскиот клуб.

Мадрид синоќа беше погоден од снежна бура каква локалните жители не паметат скоро половина век. Бурата „Филомена“ создаде бројни проблеми на неподготвените жители на Мадрид, а една од последиците е и одложување на спортски натпревари. Денеска нема да се игра натпреварот помеѓу Атлетико Мадрид и Атлетик Билбао. Гостите беа на пат кон Мадрид, но не можеа да слетаат, па се вратија во Баскија. Играчите на Атлетико тренираа на затворено, додека Реал одработи „нормален“ тренинг пред заминувањето за Памплона. На полетување, чекаа четири часа, но отпатуваа на денешното гостување кај Осасуна. Второлигашот Рајо Валекано тргна на гостувањето кај Мирандес со автобус, но се врати назад откако за пет часа успеа да помине само 20 километри. Натпреварот засега е одложен за утре. Поради непроодни патишта, одложен е и натпреварот помеѓу Алкоркон и Албасете.

Серхио Ромеро, ќе го напушти Манчестер Јунајтед во текот на зимскиот преоден рок. Според изданието, 33-годишниот голман им ја соопштил одлуката на соиграчите и на луѓето во клубот. Ромеро не крие дека сака да направи трансфер во неговата родна Аргентина во Бока јуниорс. Тој има желба повторно да се избори за место во националниот тим на „гаучосите“. Чуварот на мрежата има договор со „црвените ѓаволи“ до јуни годинава. Тој во тековнава сезона нема одиграно ниту еден меч.

Тотенхем е подготвен да го испрати Деле Али како позајмен играч во ПСЖ кај поранешниот тренер Покетино, но и да доведе засилување.
Се чини дека клубот од Лондон ќе попушти, Деле Али кај Мурињо нема да добие шанса, цената му опаѓа, а тој со сите сили се бори да си замине бидејќи му се потребни минути како би играл на Европското првенство.
Поради тоа, четвртата понуда би можела да биде прифатена, бидејќи во овој момент е нејасно што клубот би добил доколку Али остане и во вториот дел од сезоната.
Поради тоа, сосема возможно е тој да замине, а во клубот да се врати Кристијан Ериксен.
Данецот падна во заборав кај Конте во Интер, а би можел да се врати во Лондон како позајмен играч со задолжителен откуп по една сезона.
Тој за Спарси има одиграно преку 300 натпревари во седум години поминати во Лондон.

Лионел Меси против Атлетик Билбао го одигра најдобриот натпревар сезонава. Со два гола и донесе на Барселона важни три бода од тешкото гостување, а медиумите во Шпанија јавуваат дека Манчестер Сити сака да го доведе во своите редови, а за да ја оствари таа цел, има два адути.
Првиот е Пеп Гвардиола. Каталонскиот тренер и аргентинецот соработуваа од 2009. до 2012. година, кога заедно освоија две титули во Лигата на шампионите и три во шпанското првенство, а Меси освои четири Златни топки.
„Малку екипи можат да преземат одговорност за инвестиција која се вика доведување на Меси, посебно откако тој изјави дека и понатаму е гладен за трофеи.“ – пишуваат медиумите.
Сепак, Сити е уверен дека има најголеми шанси да го доведе, иако Меси даде дознаење дека има можност кариерата да ја заврши во Барселона. Освен соединувањето со Гвардиола, Сити смета дека на нивна страна е и фактот што можат на Меси да ум понудат и договор со Њујорк Сити, откако ќе ја заврши кариерата во Европа.
Со тоа, Сити би победил во трката пред ПСЖ, кој му нуди две големи имиња: Мбапе и неговиот стар пријател Нејмар.

Поранешниот стан на Свен Горан Ериксон и Никлас Бендтнер се појави во огласник и се продава за само четири фунти!
Редовната цена му е околу 550 илјади евра, но причината за вака ниска цена е лотаријата поради која станот се најде на пазарот. Тој ќе биде главна награда на извлекувањето за кое тикетот чини точно четири фунти.
Овој стан го користеше Ериксон додека беше селектор на Англија, додека Бендтнер додека играше за Нотингем Форест една сезона.
Станот е сместен во Нотингем на реката Трент, а има две двокреветни спални соби, модерна кујна и два тоалети. Она што секако привлекува внимание е тоа што има заеднички базен, џакузи и теретана, како и подземен паркинг. На рекламата за станот е истакнато и дека има неверојатен поглед од балконот.
Еве како тој изгледа.

https://www.facebook.com/watch/?v=2796251060629632

Американскиот фудбалски прволигаш Интер Мајами, чиј сопственик е Дејвид Бекам, му врачи отказ на уругвајскиот стручњак Диего Алонсо.
Мајами во својата прва МЛС сезона заврши на 10. место во Источната конференција и не успеа да се пласира во првото коло од доигрувањето.
„Беше ова тешка година и доста тешка одлука за сите нас, но веруваме дека тоа е вистинскиот чекор за клубот. Нашите очекувања се големи.“ – изјави Жорге Мас, еден од косопствениците на клубот.
Британските медиуми јавуваат дека најголем кандидат за испразнетото место на клупата е селекторот на англиската женска репрезентација, Фил Невил.
Поранешниот соиграч на Бекам веќе најави дека ќе ја напушти репрезентацијата кога во јули годинава ќе истече неговиот договор.