Челниците на Манчестер Сити подготвуваат нов договор за младиот фудбалер, Фил Фоден,  кој сега ќе заработува речиси четири пати повеќе од актуелната сума.

Наводно, „граѓаните“ ќе му понудата на 21-годишниот фудбалер да остане на “Етихад“ и во наредните шест години и да добива  неделна плата од 150.000 фунти.

Крилниот напаѓач во претходната сезона одигра 28 натпревари во Премиер-лигата  и постигна девет голови.

Пауло Дибала бара од Јувентус во новиот договор да ги израмни неговите примања со Матијс Де Лихт, јавуваат италијанските медиуми додавајќи дека се јавија проблеми во преговорите помеѓу двете страни.

Годишната плата на Де Лихт во Јувентус е девет милиони евра, а со бонуси расте и до 12 милиони евра, што го прави најплатен играч во клубот.

Јувентус на Дибала во моментот му нуди девет милиони евра со вклучени бонуси.

Договорот на 27-годишниот Аргентинец со торинскиот клуб е до крајот на оваа сезона.

Менаџерот на Дони ван де Бек, играчот за врска на Манчестер Јунајтед, призна дека е загрижен по враќањето на Кристијано Роналдо на Олд Трафорд, бидејќи на неговиот играч веројатно му се намалија шансите за настапи.

„Разговаравме со Солскјер и управата. Презедовме иницијатива да пронајдеме клуб и го одбравме Евертон. Ноќ пред последниот ден за трансфери добивме повик од Солскјер, кој ни рече дека нема ништо од трансферот и дека играчот мора да се јави на тренинг наредниот ден.“ – вели Гуидо Алберс.

Сепак, Алберс верува дека Ван де Бек ќе ја добие својата шанса и е подготвен за нови предизвици.

„Се сложивме дека Дони не е играч само за куп натпревари. Тој дојде во Англија да игра во Премиерлигата. Начинот на кој течеше разговорот со Солскјер, во споредба со оној минатото лето… Сега се е појасно. Имам јасни очекувања дека Дони ќе добие своја шанса. Работеше напорно цело лето, имаше само седум дена одмор и останатиот период го искористи да се подготви максимално за новата сезона.“ – изјави Алберс.

Ван де Бек пристина во Јунајтед минатото лето во трансфер вреден 39 милиони евра од редовите на Ајакс.

Трансферот на Нејмар од Барселона во ПСЖ беше тежок 222 милиони евра, што и натаму а рекорд на фудбалската сцена, но таа сума е отприлика третина од тоа што францускиот клуб ќе го потроши за Бразилецот.

Анализата на „Мундо Депортиво“ вели дека до крајот на сезоната 2022/23, ПСЖ ќе потроши нешто над 489 милиони евра или речиси половина милијарда, а во таа сума се вклучени платата и бонусите предвидени за Бразилецот.

Годишната плата на Нејмар изнесува 43,3 милиони евра, а според првичниот договор, ако Бразилецот го одработи целиот петгодишен договор, тогаш шестата сезона ќе има право на годишна плата од 50 милиони евра.

Ако Нејмар остане во ПСЖ до 2025 година, францускиот клуб ќе потроши над 600 милиони евра само за овој фудбалер.

Натпреварот помеѓу Бразил и Аргентина беше прекинат по седум минути игра откако бразилската федерална полиција и здравствените власти влегоа на теренот и приведоа четворица аргентински репрезентативци, што предизвика хаос во фудбалскиот свет кој ситуацијата ја нарече скандалозна.

Властите од Бразил обвинија за „измама“, а според нив  „виновници“ се  Џовани Ло Селсо, Кристијано Ромеро, Емилијано Мартинез и Еми Буендија.

Според бразилските здравствени власти четворицата Аргентинци не смееле да влезат во земјата, бидејќи „лажирале“ дека минатиот викенд не играле и не биле во Велика Британија.

Откако играчите од составот на Аргентина беа отстранети од теренот, аргентинските репрезентативци се повлекоа во соблекувалната и побараа натпреварот да се регистрира со службен резултат 0:3 во нивна корист.

Италијанската репрезентација одигра 0:0 против Швајцарија во квалификациите за Светското првенство, а покрај освоениот бод, и припадна и израмнување на рекордот кој досега го држеше Бразил.

Актуелниот европски првак е непоразен во 36 натпревари по ред, што е еднаква низа на онаа на бразилската репрезентација од 1993. до 1996. година.

Италија ќе има прилика и да го сруши рекордот за два дена, кога ќе биде домаќин на Литванија, репрезентација која во овој квалификациски циклус во четири натпревари не освои ниту еден бод.

Мохамед Салах побарал повеќе од двојно од она што го заработува сега за да стави потпис на нов договор со Ливерпул. Актуелниот договор на Салах со Ливерпул истекува во јуни 2023 година. Клубот сака да ја продолжи соработата со него, но тоа тешко дека ќе се случи ако тој не ги намали неговите барања.

Според актуелниот договор кој го има, Салах заработува 200.000 фунти неделно.

„Мирор“ тврди дека тој побарал плата од 500.000 фунти неделно за да потпише нов договор.

Тоа е сума која Ливерпул сигурно нема да му ја даде, па ако Салах си остане на својот став се чини дека ќе следува разделба идното лето.

И покрај многу подобрата игра во најголемиот дел од мечот, Македонија направи од готово вересија во Рејкјавик, каде успеа да пропушти предност од 0:2. Исланѓаните стигнаа до реми, а Дарко Чурлинов во 95. минута немаше среќа, кога од гол линијата спасуваше Бјарнасон.

Селекторот Благоја Милевски по првите две средби запиша два бода, со Ерменија 0-0, и сега со Исланд на гости 2-2.

„Мислам дека бевме подобар противник, особено во првите 75 минути, мислам дека е ова неправеден резултат за нас, Исланд покажа карактер и стигна до добар резултат. Моите играчи одиграа перфектни 70 минути, головите кои ги примивме беа по наши грешки. Пресуди психолошкиот момент, ќе анализираме, мислам дека на крај не заслуживме да изгубиме два бода. Во моментов сум задоволен од перфекцијата што ја покажаа играчите во првите 70 минути, не сум задоволен од резултатот, репер треба да ни бидат првите 70 минути, тоа е правецот во кој треба да се движиме“ – изјави Милевски.

Напаѓачот на Барселона, Антоан Гризман, сезоната 2021/22 ќе ја мине на Атлетико. Некои од каталонските играчи беа воодушевени кога слушнаа за заминувањето на 30-годишниот Французин, бидејќи никогаш не го сметаа напаѓачот за дел од тимот.

Атлетико го изнајми Гризман во последниот ден од преодниот рок. Ако Французинот одигра 50 проценти од натпреварите, тогаш Атлетико Мадрид автоматски ќе мора да го откупи играчот.

Да потсетиме, летото 2019 година, Барселона му плати на Атлетико 120 милиони евра за Гризман. За Каталонците тој настапи вкупно 102 натпревари, постигнувајќи 35 гола.

Ромелу Лукаку има многу високо мислење за Кристијано Роналдо и не дозволува да го споредуваат со него.

Роналдо стана најдобар стрелец во националните тимови со 111 голови, Лукаку има 28 години и 66 голови за Белгија, па некои сметаат дека тој е единствена закана за рекордот на Португалецот во иднина.

„Никогаш не ме споредувајте со Кристијано Роналдо, никогаш. Кристијано Роналдо за мене е еден од тројцата најдобри фудбалери во историјата на фудбалот. Нема да го рангирам од прв до трет, но тој е таму“.

„Имав доволно среќа да играм со него во Италија и сега тој повторно е во Премиерлигата, сето тоа е добро за англискиот фудбал“.