Серхио Ромеро, ќе го напушти Манчестер Јунајтед во текот на зимскиот преоден рок. Според изданието, 33-годишниот голман им ја соопштил одлуката на соиграчите и на луѓето во клубот. Ромеро не крие дека сака да направи трансфер во неговата родна Аргентина во Бока јуниорс. Тој има желба повторно да се избори за место во националниот тим на „гаучосите“. Чуварот на мрежата има договор со „црвените ѓаволи“ до јуни годинава. Тој во тековнава сезона нема одиграно ниту еден меч.

Тотенхем е подготвен да го испрати Деле Али како позајмен играч во ПСЖ кај поранешниот тренер Покетино, но и да доведе засилување.
Се чини дека клубот од Лондон ќе попушти, Деле Али кај Мурињо нема да добие шанса, цената му опаѓа, а тој со сите сили се бори да си замине бидејќи му се потребни минути како би играл на Европското првенство.
Поради тоа, четвртата понуда би можела да биде прифатена, бидејќи во овој момент е нејасно што клубот би добил доколку Али остане и во вториот дел од сезоната.
Поради тоа, сосема возможно е тој да замине, а во клубот да се врати Кристијан Ериксен.
Данецот падна во заборав кај Конте во Интер, а би можел да се врати во Лондон како позајмен играч со задолжителен откуп по една сезона.
Тој за Спарси има одиграно преку 300 натпревари во седум години поминати во Лондон.

Лионел Меси против Атлетик Билбао го одигра најдобриот натпревар сезонава. Со два гола и донесе на Барселона важни три бода од тешкото гостување, а медиумите во Шпанија јавуваат дека Манчестер Сити сака да го доведе во своите редови, а за да ја оствари таа цел, има два адути.
Првиот е Пеп Гвардиола. Каталонскиот тренер и аргентинецот соработуваа од 2009. до 2012. година, кога заедно освоија две титули во Лигата на шампионите и три во шпанското првенство, а Меси освои четири Златни топки.
„Малку екипи можат да преземат одговорност за инвестиција која се вика доведување на Меси, посебно откако тој изјави дека и понатаму е гладен за трофеи.“ – пишуваат медиумите.
Сепак, Сити е уверен дека има најголеми шанси да го доведе, иако Меси даде дознаење дека има можност кариерата да ја заврши во Барселона. Освен соединувањето со Гвардиола, Сити смета дека на нивна страна е и фактот што можат на Меси да ум понудат и договор со Њујорк Сити, откако ќе ја заврши кариерата во Европа.
Со тоа, Сити би победил во трката пред ПСЖ, кој му нуди две големи имиња: Мбапе и неговиот стар пријател Нејмар.

Поранешниот стан на Свен Горан Ериксон и Никлас Бендтнер се појави во огласник и се продава за само четири фунти!
Редовната цена му е околу 550 илјади евра, но причината за вака ниска цена е лотаријата поради која станот се најде на пазарот. Тој ќе биде главна награда на извлекувањето за кое тикетот чини точно четири фунти.
Овој стан го користеше Ериксон додека беше селектор на Англија, додека Бендтнер додека играше за Нотингем Форест една сезона.
Станот е сместен во Нотингем на реката Трент, а има две двокреветни спални соби, модерна кујна и два тоалети. Она што секако привлекува внимание е тоа што има заеднички базен, џакузи и теретана, како и подземен паркинг. На рекламата за станот е истакнато и дека има неверојатен поглед од балконот.
Еве како тој изгледа.

https://www.facebook.com/watch/?v=2796251060629632

Американскиот фудбалски прволигаш Интер Мајами, чиј сопственик е Дејвид Бекам, му врачи отказ на уругвајскиот стручњак Диего Алонсо.
Мајами во својата прва МЛС сезона заврши на 10. место во Источната конференција и не успеа да се пласира во првото коло од доигрувањето.
„Беше ова тешка година и доста тешка одлука за сите нас, но веруваме дека тоа е вистинскиот чекор за клубот. Нашите очекувања се големи.“ – изјави Жорге Мас, еден од косопствениците на клубот.
Британските медиуми јавуваат дека најголем кандидат за испразнетото место на клупата е селекторот на англиската женска репрезентација, Фил Невил.
Поранешниот соиграч на Бекам веќе најави дека ќе ја напушти репрезентацијата кога во јули годинава ќе истече неговиот договор.

Семејството Малдини со неверојатен рекорд во Милан, три генерации играчи се посветени на црвено-црната боја, а со настапот на Даниел Малдини против Јувентус, запишана е бројка од 1.000 натпревари. Даниел Малдини кој има 19 години, е син на Паоло Малдини, а тој на Чезаре, сите тројца досега имаат вкупна бројка од 1000 настапи во дресот на Милан, ретка традиција во светот на фудбалот. Паоло Малдини во периодот од 1984. до 2009. година, одигра 647 натпревари, Чезаре од 1954. до 1966 година одигра 347 меча. Она што е интересно е дека тие беа дефанзивци, додека Даниел е напаѓач.

Трансферот на 18-годишниот фудбалер беше договорен уште во октомври минатата година за сума од 21 милион евра плус 20 милиони евра во бонуси. Аталанта бараше Диало да остане кај нив до крајот на сезоната, но таквата идеја не беше одобрена од Манчестер јунајтед, а и фудбалерот сакаше што побрзо да се пресели на Олд Трафорд. Манчестер јунајтед сега потврди дека сите формалности се завршени и тој наскоро ќе биде кај нив. „Манчестер јунајтед со задоволство потврдува дека доаѓањето на Амад Диало од Аталанта е финализирано. Тој потпиша договор со крајот на јуни 2025 година со опција за уште една сезона. Договорот меѓу клубовите беше постигнат на 5 октомври 2020 година, а комплетирањето на трансферот се случи откако играчот ги помина медицинските тестови и беа договрени личните услови“, се вели во соопштението на Јунајтед.

Зинедин Зидан имал контакт со човек кој имал коронавирус и од таа причина е во изолација и не го водел вчерашниот тренинг на Реал Мадрид. Тој е во перфектна состојба но според протоколот мора да биде во изолација и во меѓувреме да направи ПСР тест. Доколку биде негативен, Ла Лига потоа ќе одлучи дали ќе му даде зелено светло на Зидан да го води тимот на гостувањето кај Осасуна, или ќе биде потребно уште некој ден да остане во изолација.

Менаџерското столче на Френк Лампард во Челси се тресе, без оглед што клупската легенда ужива голема доверба кај сопственикот Роман Абрамовиќ. „Сините“ периодов не играат на потребното ниво и се наоѓаат во слободен пад на табелата. Полека се зголемуваат шпекулациите за отказ на Лампард, а со тоа се појавуваат информации за негов потенцијален заменик на „Стемфорд Бриџ“. Најсериозни кандидати се Томас Тухел и Масимилијано Алегри, кои се слободни агенти, а деновиве се поврзува и селектор на Украина, Андриј Шевченко. Украинецот не брилираше во дресот на Челси но остави голема трага со професионализмот и одличната работа која ја извршува во националната селекција. Шевченко сигурно ќе им биде голема конкуренција на Тухел и Алегри, во случај Лампард да добие отказ.

Ројстон Дренте, поранешниот фудбалер на Реал Мадрид, потпиша договор со шпанскиот третолигаш Расинг Мурсија.
Пред 13 години, во 2007. година, Дренте како талентиран 20-годишен фудбалер за 14 милиони евра пристигна од Феенорд во Реал и на дебито постигна подогок од 40 метри. Тогаш, ретко кој веруваше дека ќе биде едно од најголемите промашувања на мадридскиот клуб.
Беше склон на инциденти, повеќе време поминуваше на забави и на насловни страни на таблоидите отколку на терен, па набрзо падна во заборав. За Реал одигра 46 натпревари, две сезони беше на позајмици во Херкулес и Евертон, а Мадрид го напушти во 2012. година.
Потоа, играше за Аланија, Рединг, Шефилд, Кајсери, Банијаш. Во ниту еден од овие клубови не се задржа подолго од една година. Пред две години, направи пауза од фудбалот и се посвети на својата музичка кариера.
Минатата сезона настапуваше во третата холандска лига, а сега како 33-годишен се обидува да се врати на фудбалот.