Челзи и понатаму е во длабока фудбалска и резултатска криза, а се поизвесно е дека Лампард ги брои последните денови на клупата на Стемфорд Бриџ.
Според пишувањата на медиумите, потрагата за нов тренер е веќе започната, се чини дека тој ќе биде од германско потекло, а се споменуваат имињата на Тухел, Рангник и Нагелсман.
Тухел моментално е без ангажман, откако заврши неговата епизода во ПСЖ. Тој веќе соработувал со Пулишиќ, а нема сомнеж дека поранешниот тренер на Борусија Дортмунд лесно ќе најде заеднички јазик и со Хаверц и Вернер.
Нагелсман и понатаму реди успеси во Лајпциг, на четири бода се од водечкиот Баерн, а ги чекаат и дуели со Ливерпул во Лигата на шампионите, па се чини дека Нагелсман е најтешка мета за клубот од Лондон.
Од друга страна, Рангник по шпекулациите за преземање на Милан остана во Лајпциг. Тој ја обавува функцијата директор за спорт и развој во Ред Бул компанијата, па прашање е колку е заинтересиран за враќање покрај аут-линијата.
Јасно е дека големата мотивација за промена е во тоа најголемите две засилувања, Хаверц и Вернер конечно да проработат.

Лисандро Лопез е на мета на Аталанта. Наводно започнале преговорите помеѓу Аталанта и сегашниот клуб на Лисандро, Расинг.
Ништо не би било изненадувачки во овој трансфер ако Лисандро немаше 37 години и не беше на залезот на кариерата.
Меѓутоа Аталанта не е единствениот клуб во игра за неговиот потпис. Лисандро Лопез има понуда и од Атланта Јунајтед. МЛС тимот му нуди договор на Лопез до декември 2021 година, а оваа опција изгледа како најреална.
Лисандро Лопез во кариерата најголема трага остави во Лион за кој постигна 59 голови на 119 натпрвеари. Дресот на Порто го носеше на 106 натпревари и постигна 48 гола.

Претседателот на Реал Мадрид, Флорентино Перез деновиве беше во Торино. Тој се сретна со претседателот на Јувентус, Андреа Ањели како би разговарале за прашањата поврзани со фудбалската политика.
Се разговараше за иднината на меѓународниот фудбал, односно идеите низ наредните години да се креира фудбалска Суперлига за која и двајцата се залагаат.
Перез имаше време да се сретне и со Кристијано Роналдо, кој го дочека во кампот на Јувентус.
Таа вест ги загрижи навивачите на Јувентус. Старата дама во неделата загуби од Интер со 2:0 и се подалеку е во трката за Скудетото, а португалецот на тој натпревар беше непрепознатлив. Претходните месеци се пишуваше дека Роналдо беше пред трансфер во ПСЖ, но истиот пропадна поради коронавирусот.
Сепак, состанокот на Роналдо и Перез беше само пријателски, сметаат италијанските медиуми.

Диего Симеоне најверојатно ќе добие понуда да ја продолжи соработката со шпанскиот елитен состав до 2024 година , објавија дел од медиумите на Пиринеите. Сегашниот договор на 50-годишниот аргентински специјалист е валиден до 2022 година. Симеоне се активираше во клубот во 2011 година и досега успеа да се израдува на шампионската титула (сезона 2013/2014), во Купот (сезона 2012/2013) и Супер Куп на Шпанија. Тој имаше шанса да ги подигне трофеите и во Лигата на Европа на УЕФА (сезона 2011/2012, 2017/2018), Суперкупот на УЕФА (2012, 2018 година). Атлетико Мадрид во тековнава сезона во Примера се наоѓа на челната позиција на табелата со 41 бод од 16 одиграни натпревари.

Лука Јовиќ повторно е во центарот на вниманието откако постигна два гола на своето деби во дресот на Ајнтрахт Франкфурт. Јовиќ пристигна во Реал Мадрид како големо засилување за 60 милиони евра, но една година и половина постигна само еден гол. Јовиќ не добиваше голема минутажа во Мадрид па реши да се врати во Ајнтрајт на позајмица, каде блеска уште на првиот меч и постигна два гола. „Секогаш вината е моја, секогаш. Меѓутоа, тешко е да се игра за Реал, го искусив тоа како играч. Има моменти кои мора да ги искористиш и да покажеш дека си играч за Реал. Мислам дека не погрешивме кога го купивме и среќен сум за него. Еден ден ќе постигнува многу голови и за Реал Мадрид, сигурен сум во тоа. Меѓутоа, мора да знаете дека не е исто кога играш за Реал или за некој друг клуб“, истакна Зидан.

Марио Манџукиќ го одработи првиот тренинг во дресот на Милан. Навивачите очекуваат добри настапи од поранешниот напаѓач на Јувентус кој со клубот потпиша договор на шест месеци со опција истиот да продолжен. „Благодарен сум на сите во Милан што ми дадоа чест да бидам во ваков клуб. Навистина е голема чест што ќе имам прилика дресот на овој клуб со богата историја. Можам да ветам дека ќе дадам се од себе на секој натпревар за да помогнам во остварување на зацртаните цели“, изјави Манџукиќ.

Џејми Карагер го советува тренерот на Ливерпул, Јирген Клоп, да го промени напаѓачкото трио кое функционира повеќе од 4 години. Станува збор за Мане, Салах и Фирмињо. „Најдобрите напаѓачки формации обично функционираат 2-3 години. Можеби треба да се направат промени во Ливерпул. Тие имаат по 30- тина години и порано или подоцна работите ќе мора да се менуваат“ – вели Карагер. „Се разбира, за две години не можете да купите повеќе нови играч. За тоа ќе биде потребно време. Мислам дека Мане и Салах може да се вратат во ритам, но, ме загрижува Фирмињо“, рече поранешниот дефанзивец на тимот од „Енфилд Роуд“.

Шпанскиот гигант Реал Мадрид не само што не се откажа од идејата да го привлече австрискиот дефанзивец на Баерн, Давид Алаба, туку дури има и прелиминарен договор со него, тврди весникот „Марка“.
Според изданието, централниот дефанзивец, кој е роден на 24 јуни 1992 година, ќе се приклучи на Реал Мадрид ова лето, кога истекува неговиот договор со Баварците. Алаба се согласи на 4-годишен договор, а неговата плата треба да биде 11 милиони евра по сезона. Тој е слободен да преговара со други клубови од 1 јануари, што го принуди Реал Мадрид да побрза да обезбеди согласност од еден од најдобрите европски дефанзивци без да плати за трансфер.
Според „Марка“, Алаба има поминато дури и медицински тестови. Фудбалерот го бараа клубови како Манчестер Сити, ПСЖ, Ливерпул и Челзи, но на крајот се одлучил да ја продолжи кариерата во еден од најреномираните тимови во светот. Баерн исто така сакаше да го задржи Австриецот, нудејќи му три опции за нов договор, но на крајот не ја смени одлуката за заминување.

Андриј Лунин пристигна во Реал Мадрид во јули 2018. година, а до денес се уште не дебитирал за кралскиот клуб.
Реал го доведе откако со репрезентацијата на Украина до 20 години го освои Светското првенство. Тогаш, тој беше избран за најдобар голман на турнирот, а Реал за него на украинска Зорја му исплати осум и пол милиони евра.
Лунин со Реал потпиша петгодишен договор, но во клубот го дочека голема конкуренција, бидејќи Реал ги имаше Куртоа и Навас. Беше позајмен на Леганес, каде беше резерва на 35-годишниот Иван Куељар, а бранеше само на седум натпревари.
Наредната сезона беше испратен во Ваљадолид, каде доби шанса на само два натпревари. Потоа, половина година одработи како прв голман на второлигашот Овиедо, па Реал сезоанва се одлучи да го промовира како втор голман на тимот.
Според најавите на мадридските медиуми, 21-годишниот Лунин утре ќе го сруши рекордот на Реал по најдолго чекање на деби настап од доаѓање во клубот. Украинецот ќе дебитира по 943 дена од потпишувањето.

Малку недостасуваше Антоан Гризман да биде херој на Барселона со два погодоци, но Атлетик Билбао со неверојатен пресврт славеше со 3:2 по продолженија.
По натпреварот, Гризман беше воочливо бесен, не го криеше незадоволството, а беше критичен и кон своите соиграчи.
„Секако дека сум бесен, повторно примивме лесно голови. Лошо ги браниме прекините, лоша ни е и комуникацијата, некој мора да командува и да каже како да се поставиме.“ – вели Гризман.
Шпанските медиуми пренесуваат дека овие зборови не се добро прифатени во соблекувалната, наводно беа упатени кон Тер Штеген, а германецот без дилеми е најдобриот играч на Барселона сезонава.
Гризман ја подигна формата на последните четири натпревари, но тоа не му дава за право да ја критикува одбраната.
Останува да видиме како играчите ќе реагираат по оваа нова „кавга“ во каталонскиот клуб.