Антони Марсијал призна дека неговиот постојан престој во Севиља ќе биде доста тежок. Французинот моментално настапува на „Рамон Санчез Писхуан“ како позајмен од Манчестер Јунајтед. Шпанците имаат опција да ги откупат неговите права, но не е баш сигурно дали ќе ја искористат.

„Веќе се чувствувам добро. Успеав да се опоравам од повредата која бараше многу време за одмор, но сега се чувствувам многу подобро. Бев многу внимателен со опоравувањето за да можам што побрзо да се вратам на терените. Моја цел е да го покажам најдоброто до крајот на сезоната. Дојдов овде да ја вратам радоста кон фудбалот откако долго време не играв редовно. Знам дека можам многу повеќе од тоа што го покажувам, но прво дојде повредата, па ми требаше време е да се прилагодам на новиот тим, на новиот град, имав проблеми и со јазичната бариера. Ми се чини дека ќе биде многу тешко да останам постојано во Севиља. Сепак, во моментов не размислувам за тоа. Дојдов со мислата дека ќе бидам тука шест месеци, а потоа ќе се вратам во Манчестер Јунајтед. Среќен сум што имам можност да играм за нов клуб, за голем клуб како Севиља и повторно да бидам на теренот. Ако успееме да завршиме во топ 4, тогаш сме ја постигнале целта. Ова ќе ги израдува навивачите, а јас ќе бидам среќен што помогнав“, додаде Французинот.

Конзорциумот предводен од сопствениците на Чикаго Кубс, семејството Рикетс, се повлече од борбата за купување на англискиот фудбалски клуб Челси, соопшти американското семејство. „Станува сè појасно дека некои прашања не можат да се решат со оглед на необичната динамика на процесот на продажба. Му се восхитуваме на Челси и неговите навивачи и им посакуваме успех на новите сопственици“, се вели во соопштението.

Одлуката беше објавена по истекот на рокот за поднесување понуди за премиерлигашот, кој го продава санкционираниот руски сопственик Роман Абрамович. Понудата беше предводена од претседателот на Кубс, Том Рикетс.

Изненадното повлекување на семејството Рикетс остави три понуди: сопственикот на ЛА Доџерс, Тод Боули, поранешниот претседател на Ливерпул, Мартин Бротон и косопственикот на Бостон Селтикс, Стив Палука како кандидати за „сините“.

Ѕвездата на Лидс Јунајтед, Калвин Филипс се надева дека ќе добие нов договор за да остане во клубот и во иднина, и покрај интересот од Манчестер Јунајтед. 

26-годишниот англиски репрезентативец има уште само две години од актуелниот договор со клубот.

Се очекува раководството на Лидс Јунајтед да му понуди сериозно зголемување на платата за Филипс да ги одбие понудите од заинтересираните клубови.

Хари Кејн на лето би можел да го напушти Тотенхем, па клубот веќе почна да бара замена. „Граѓаните“ во текот на летото испратија неколку богати понуди за Кејн, но не успеаа да најдат заеднички јазик со Тотенхем.

Клубовите од Манчестер и на лето ќе се обидат да го донесат Кејн во своите редови и се спремни да понудат 100 милиони фунти, а самиот голгетер инсистира да направи трансфер.

„Спарси“ веќе имаат најдено замена и сумата која ќе ја добијат од Кејн ќе ја потрошат на доведување на Лукаку.

Медиумите од Англија пишуваат дека раководството на Барселона го обнови интересот за фудбалерот на Манчестер Сити, Рахим Стерлинг.

Се очекува во летниот период да се случат сериозни играчки промени во тимот на „граѓаните“ кои најмногу ќе се однесуваат на дел од офанзивните играчи на англискиот шампион.

Барселона имаше интерес за Стерлинг уште во 2015 година, кога тој беше дел од Ливерпул, меѓутоа тогаш напаѓачот реши да се пресели во Сити.

Идниот нов тренер на Манчестер Јунајтед, Ерик тен Хаг размислува да го доведе играчот на Тотенхем, Стивен Бергвијн кога и официјално ќе ја преземе функцијата на Олд Трафорд во текот на летото, пишува „Дејли мејл“. Играчот беше блиску до трансфер во Ајакс во јануари, каде Тен Хаг е тренер во моментов.

 24-годишниот Холанѓанец добива се помали шанси за настап во Тотенхем, посебно после доаѓањето на Дејан Кулушевски во тимот кој е прв избор на тренерот Конте.

Големи се шансите Бергвијн да го напушти клубот ова лето а цената за негов трансфер ќе изнесува околу 20 милиони фунти

Србинот Немања Матиќ има уште една година од актуелниот договор, но неколку островски извори ја лансираа веста дека поранешниот српски репрезентативец нема да остане на „Олд Трафорд“ по најавената реконструкција на тимот.

Раководството на англискиот великан му даде одврзани раце на веќе договорениот тренер на „црвените ѓаволи“, Ерик тен Хаг, да одбере тим според негов вкус од следната сезона, а во тие планови, се чини, нема место за дефанзивниот играч за врска.

Матиќ пристигна во Јунајтед во 2017 година од Челси, на барање на тогашниот стратег Жозе Мурињо, во трансфер вреден околу 45.000.000 евра, но по заминувањето на Португалецот, 33-годишниот играч го загуби стартерскиот статус со Оле Гунар Солскјер.

Манчестер Сити ќе биде без Кевин Де Брујне за новата пресметка со Ливерпул, овојпат во полуфиналето на ФА Купот во сабота, пишуваат медиумите во Англија.

Белгиецот, кој настапува во одлична форма, доби удар во десната нога на натпреварот против Атлетико Мадрид во ЛШ, и мораше да го напушти теренот во вториот дел од средбата.

Според информациите од клубот, неговата повреда не е сериозна, но ќе мора да се опоравува околу десет дена, па нема да биде вклучен во тимот за дуелот со Ливерпул.

Де Брујне не се очекува да игра ниту против Брајтон следната среда, а се очекува да се врати за мечот против Ватфорд на крајот од идната недела.

Раководството на Манчестер Јунајтед ги направи првите чекори за реконструкција на „Олд Трафорд“ се со цел за зголемување на капацитетот. 

Сопствениците на 20-кратниот шампион на Англија ја ангажираа архитектонската фирма „Populous“ и консултантската фирма „Legends International“ кои работеа заедно на дизајнирање на новиот стадион на Тотенхем кој беше отворен во 2019 година. Моменталниот капацитет на „Олд Трафорд“ е 74.000 гледачи.

-Веднаш започнуваме со работа на развивање опции за Олд Трафорд и истражување на нивната изводливост со цел значително да го подобриме местото на навивачите“- се вели во официјалното соопштение на „црвените.ѓаволи“.