Македонскиот репрезентативец Елиф Елмас го запиша својот прв погодок во дресот на Наполи во новата 2021 година за водство на Наполи од 4-0 против Специја во купот на Италија.
За Елиф ова беше својот трет погодок во дресот на Наполи.
Погодокот го постигна во 40. минута по убава асистенција од Инсиње.

Целата сага околу трансферот на Месут Озил во Фенербахче е завршена. Турскиот клуб и официјално го претстави своето ново засилување, а Месут и соиграчите пред себе имаат неизвесна сезона. Фенербахче е втор на табелата со 42 освоени бода, само два помалку од водечкиот ривал Бешикташ. Според информациите, Фенербахче не заврши со јануарскиот шопинг, а голема желба на клубот останува Муса Марега. Напаѓачот на Порто има уште шест месеци од договорот со португалскиот клуб, кој сака да го задржи во своите редови. Турските медиуми пишуваат дека агентот на напаѓачот веќе стапил во контакт со Фенербахче, а Порто во случај на разделба е заинтересиран за финансиска надокнада. 29-годишниот Марега е важна алка за тимот од „Драгао“, оваа сезона одигра 24 натпревари и постигна девет погодоци, забележувајќи и четири асистенции. Марега го носи дресот на Порто од 2016. година.

Претседателот на Јувентус, Аднреа Ањели повика на соработка помеѓу клубовите и здружување во битката со финансиските загуби предизвикани пандемијата на КОВИД-19. Ањели предупредува дека многу работи може тотално да се променат во иднина, доколку општеството не соработува со властите и во случајот со фудбалските клубови и федерации. „Моментот во кој живееме не е негативен само за фудбалската индустрија, тука за се во општеството. Им благодариме на медицинските работници и веруваме дека се ќе биде надминато. Воедно, јасно ни е како целата ситуација влијае по фудбалот и загубите кои ги трпиме секојдневно. Не сме во позиција да бидеме себични, сега треба да размислуваме за позитивни решенија и здружување. Верувам дека фудбалот во Европа во оваа сезона ќе претрпи загуба од 6,5 милијарди евра, и заедно со минатата сезона од 2 милијарди загуба се станува опасно. “ – вели Ањели. Тој повика на разумност и на промена на договорите со ТВ куќите кои ги пренесуваат првенствата, финансиска помош за најпогодените од кризата и разумно трошење на парите на трансфер пазарот, како и промени во фудбалот за да се зголеми интересот кај гледачите.

Младиот италијански стратег Џенаро Гатузо, функцијата тренер на Наполи ќе ја извршува и во иднина, откако претседателот на клубот Де Лаурентис му искажа целосна поддршка. Клупата на поранешниот фудбалер и тренер на Милан беше сериозно „раздрмана“ минатата недела, откако беа поразени од Јувентус во Суперкупот, а и Верона успеа да ги совлада во домашното првенство. Приказната за заминување на Гатузо ја подгреа и заминувањето на Рафа Бенитез од Кина, кој беше тренер и на Наполи во минатото, но таа тензија траеше неколку денови. Првиот човек на клубот порача дека Гатузо ја има неговата целосна доверба, па младиот стручњак останува да го подготвува тимот за четвртфиналето во Купот на Италија и дуелот со Специја. Наполи по 19 одиграни кола во Серија А е на шестото место на табелата, девет бодови помалку од водечкиот Милан, но она што ги загрижува навивачите е што Наполи има најмногу порази од првите девет клубови на табелата.

Руските медиуми јавуваат дека фудбалерот Јегор Дробиш е убиен додека се враќал кон својот дом по ноќното излегување. 21-годишниот Дробиш, кој имаше три настапи за второлигашот Иртиш од Омск, страдаше по убод од нож во срцето. Според информациите, бил во друштво на пријател кој исто така е повреден и за неговиот живот се борат лекарите. Фудбалерот и неговиот пријател биле под дејство на алкохол, пишуваат медиумите. Мотивот за нападот е непознат. Јегор беше голем талент на Иртиш, а за првиот тим минатата сезона успеа да собере три настапи.

Претседателот на УЕФА, Александар Чеферин, на состанокот на раководството на УЕФА со претставници на 12 градови домаќини на Европското првенство во фудбал, ја потврди својата намера УЕФА да го организира ЕП според претходно одобрениот распоред. Рокот за донесување одлуки поврзани со присуството на гледачи на стадионите на Еуро 2020 се одложува од март за почетокот на април. „Јас сум оптимист дека ситуацијата со вирусот ќе се промени како што се приближуваме до ЕП. Затоа, важно е да им се даде што е можно повеќе време на градовите домаќини и на раководствата на земјите домаќини на ЕП за да формираат најточна слика за тоа што може да се очекува во јуни-јули. Фановите го прават фудбалот посебен. Ние мора да си обезбедиме максимален простор за маневар за да ги вратиме љубителите на фудбалот на стадионите што е можно поскоро“, изјави Чеферин прес-службата на УЕФА.

Борусија Дортмунд во моментот се наоѓа на седмото место во Бундеслигата. Сезоната е веќе на половина, но раководството на „милионерите“ веќе размислува за неповолната ситуација во која клубот ќе се најде доколку остане без пласман во Лигата на шампионите идната сезона.
Веќе се проектирани некои продажби, сепак Борусија е клуб кој продава, но знае и одлично да надомести заминување на некоја од своите ѕвезди. Џејдон Санчо веќе една година се споменува како главна мета на Манчестер Јунајтед, а се чини дека овој трансфер конечно ќе се реализира ова лето.
Француските медиуми пак, пренесуваат дека Дортмунд ја пронајде замената за Санчо во Монако.
Се работи за Софијан Диоп, 20-годишниот француси фудбалер кој одлично се снаоѓа на крилните позиции, но знае да одигра и на „десетка“. Неговата вредност се проценува на 11 милиони евра, но јасно е дека Дортмунд ќе мора да плати барем двојно повеќе доколку го сака талентираниот фудбалер во своите редови.

Јирген Клоп кон крајот на 2019. година потпиша нов договор со Ливерпул, кој трае до 2024. година.
Одличниот германски стратег го прероди клубот од Енфилд и за нешто повеќе од пет години создаде една од најсилните екипи на светот. Клоп со Ливерпул играше финале на Лига на шампиони и Лига Европа, пред да ја освои ЛШ во 2019. година, а минатата сезона ја освои и Премиерлигата.
Откако ја освои Лигата на шампионите, Клоп доби годишна плата од 18 милиони евра, што го прави еден од најплатените тренери на светот. Но, тоа не е единствената заработка за германецот.
Франс Фудбал објави дека Клоп од спонзорските договори годишно заработува дополнителни осум милиони евра, што ја подигнува годишната заработка на 26 милиони евра. Клоп е заштитно лице на британски Скај, Опел, ВР Банк, како и пивото Ердингер.
Ова лето ќе го рекламира и Сникерс на Европското првенство, а вредноста на тој договор не е позната. Клоп е познат по тоа што го нема на социјалните мрежи, а ја одби и понудата на Амазон за Ливерпул да учествува во серијалот „Се или ништо“, во кој се влегува во приватноста на фудбалските клубови.
Иако има голем договор, Клоп сепак не е најплатен тренер. Таа титула и понатаму ја има Диего Симеоне, кој во Атлетико Мадрид заработува 22 милиони евра годишно.

Езџан Алиоски се согласил да ја продолжи кариерата во Галатсарај, објавија денеска неколку турски интернет портали.
Според наведеното, договорот на Алиоски му истекува во јуни годинава и засега нема најава дека ќе започнат преговорите за негово продолжување. Наводно, Алиоски не е задоволен од финансиските услови во Лидс и по завршувањето на сезоната сака да ја промени средината.
Турците тврдат дека Галатасарај и Алиоски постигнале начелен договор и тој за неколку месеци треба да се пресели во Истанбул.