Џанпиеро Гасперини одговори на прашањето за можен трансфер на напаѓачот на тимот Алехандро Гомез во Севиља.
„Сè уште не знам дали ќе оди во Севиља. Во секој случај, каде и да оди, му посакувам се најдобро”, рече Гасперини.
Гомез реши да ја напушти Аталанта по конфликт со тренерот. Фудбалерот нема влезено на терен од 16 декември, кога се појави како резерва на мечот од 12-то коло во Серија А против Јувентус (1-1).
Веднаш потоа се појавија информации дека има несогласувања на реалција Гасперини – Гомез кои беа потврдени токму со тоа што Гомез веќе не беше во стартниот состав на Аталанта.

Германскиот тим Херта Берлин денес објави дека се разделиле со главниот тренер Бруно Лабадија и спортскиот директор на клубот Михаел Претц.
„По разочарувачките резултати и негативните настани на теренот во последните неколку недели, раководството на Херта одржа состанок и донесе одлука веднаш да се раздели со спортскиот директор Михаел Претц. Тој е член на клубот скоро 25 години – прво како играч, а сега скоро 12 години како дел од управата. Бруно и неговиот тренерски персонал вложија многу во развојот на тимот и би сакале да му се заблагодариме за тоа. На крајот на краиштата, само 17 поени на 18 натпревари не ставаат во многу опасна позиција. По долго размислување, чувствуваме дека промената на главниот тренер може да му даде на тимот нов поттик. Во следните денови ќе го именуваме неговиот наследник“, објавија од клубот.

Рафаел Леао, напаѓачот на италијански Милан објави на својот Инстаграм профил дека наскоро ќе излезе неговиот прв раперски албум. Напаѓачот на „росонерите“ откри дека албумот ќе го носи името „Почеток“, а премиерата би требало да биде на 29 јануари. Леао минатата година веќе се појави во еден спот. Инаку, Леао не е првиот играч од Серија А кој ќе се проба и на ова поле. Пред него тоа го направи голманот на Аталанта Пјерлуиџи Голини кој под уметичкото име „Глориус“ во 2018 година објави рап песна. Песната беше објавена само неколку часа по официјализирањето на неговиот трансфер од Астон Вила во италијанскиот куп.

Познатиот шпански тренер Рафа Бенитез е блиску до именување за нов шеф на стручниот штаб на шкотскиот великан Селтик, пренесуваат медиумите. Трофејниот стручњак само еден ден по напуштањето на кинески Далиан се најде во фокусот на медиумите, кои веќе го преселија на клупата на гигантот од Глазгов. Необично во целата оваа приказна е што за главен ривал во шампионатот ќе го има Стивен Џерард, со кого успешно соработуваше во Ливерпул и ја освои Лигата на шампионите во 2005. година во славното Истанбулско финале. Доколку најавите испаднат точни, Бенитез на клупата на Селтик ќе го замени Нил Ленон, а доаѓањето во Глазгов ќе биде враќање во Европ по две години од заминувањето од Њукасл.

Според последните информации од Шпанија уште еден играч сака да замине од Реал Мадрид, станува збор за стоперот на овој тим, Рафаел Варан. Варан како што се пишува е незадоволен и сака нова авантура, па ќе побара нов предизвик. Во овој момент не е познато каде би можел да ја продолжи кариерата. Неговиот договор истекува на лето наредната година. Ќе потсетиме претходно се пишуваше и дека Мартин Одегард побарал да си замине, Норвежанецот би можел да се пресели на позајмица во Арсенал.

Италијански Наполи пројавува сериозен интерес за потписот на Лука Станковски, младинскиот репрезентативец на Македонија кој е член на Работнички. Клубот од Дебар Маало бара еден милион евра за младиот талентиран фудбалер, а Наполи е веќе во преговори со раководството на Работнички. Интерес за Станковски владее и кај турски Фенербахче, но во трката влезе и Наполи, кој во своите редови го има и Елиф Елмас. Станковски одигра одлична прва полусезона во македонското првенство, постигна седум погодоци и имаше две асистенции, а голема е веројатноста дека 19-годишниот фудбалер од на пролет ќе ги брани боите на некој европски великан.

Управата на Ливерпул како приоритет го има потпишувањето на новиот договор со централниот бек Вирџил ван Дијк , и нов договор со напаѓачот Мохамед Салах. Договорите на двајцата играчи истекуваат летото 2023 година, а Ливерпул смета дека останувањето на Холанѓанецот е главната мисија. Клубот планира да објави нова зделка со Ван Дијк ова лето. Ливерпул има намера да му понуди подобрени услови во договорот на дефанзивецот, со кој тој сигурно ќе заработува повеќе од Салах, кој сега е најплатен играч во клубот и заработува 200.000 фунти неделно.

Килијан Мбапе, кој беше привлечен за 180 милиони евра во ПСЖ, призна дека засега нема да брза со евентуално обновување на договорот со својата екипа. Тој има договор со клубот до 30 јуни 2022 година, а за него е заинтересиран Реал Мадрид. „Разговараме со луѓето од клубот за да се обидеме да го најдеме вистинскиот план. Многу сум среќен тука и отсекогаш сум бил таков. Навивачите и клубот секогаш ми помагаа и секогаш ќе бидам благодарен за тоа. Но, сакам да размислувам за тоа што сакам да направам во следните години и каде сакам да бидам. Ова е она што го разгледувам. Ќе треба да донесам одлука наскоро, но сепак размислувам. Ако го имав одговорот сега, ќе ви кажев. Не сакам да потпишам нов договор и една година подоцна да одлучам дека сакам да заминам. Ми треба време да донесам одлука, дали ќе останам во ПСЖ или ќе заминам некаде на друго место“ изјави Мбапе.

Јувентус и Интер се сериозно заинтересирани за играчот на Баерн Минхен и француски репрезентативец, Корентин Толисо. 26-годишниот играч за врска на лето ќе влезе во последната година од договорот со Баерн Минхен, а нема најави за негово продолжување. Баварците се спремни да го продадат, а италијанските гиганти сакаат да ја искористат таквата ситуација. Толисо пристигна на „Алијанц Арена“ во 2017 година од Лион за 40 милиони евра, а Баерн за неговата слобода ќе бара 25 милиони евра.