Јувентус ја разгледува можноста за купување на играчот од средниот ред на Барселона, Миралем Пјаниќ. Според изворот, раководството на клубот од Торино е во контакт со агентите на играчот.

Претходно, Јувентус се обиде да го купи играчот од средниот ред на Сасуоло, Мануел Локатели, но преговорите меѓу двете страни се во застој. Досега овие два тима не можеа да постигнат договор за висината на трансферот. Јувентус понуди позајмица со последователен откуп за вкупно 25 милиони евра. Од друга страна, Сасуоло очекува да добие 35-40 милиони евра за играчот.

Пјаниќ играше за Јувентус од 2016 до 2020 година. Фудбалерот се пресели во Барселона летото 2020 година, потпишувајќи четиригодишен договор. Бразилскиот играч за врска Артур се пресели во спротивна насока.

Патрик Виеира се надева дека ќе го задржи Вилфрид Заха, кој наводно летово повторно е на чекор од заминување од клубот.

Кристал Палас во текот на летото го доведе Патрик Виеира на местото од Рој Хоџсон, а промената доведе и до промени во составот на играчи. Сепак, Вилфрид Заха допрва треба да се одлучи дали ќе остане во екипата и следната сезона.

„Добро ја знам ситуацијата на Вилфред во последните години, но имавме навистина добар разговор и со нетрпение очекувам да работам со него“, рече Виеира за „Скај Спортс“.

„Тој е еден од најталентираните играчи во лигата и не сакаме да се збогуваме со нашите најдобри играчи“, дополни тој.

28-годишниот Заха има договор со Кристал Палас до летото 2023 година.

Српскиот напаѓач Лука Јовиќ нема намера до крајот на проедниот рок да го напушти Реал Мадрид.

Јовиќ не се наигра во Мадрид од доаѓањето во клуборт летото 2019 година и за „кралевите“ настапи само на 32 натпревари.

Претходната полусезона Јовиќ ја помина на позајмица во Ајнтрахт Франкфурт. Реал имаше план да го испрати на нова позајмица, но српскиот фудбалер не го посаккува тоа.

23-годишниот фудбалер побарал последна шанса од клубот и тренерот Карло Анчелоти. Тој само бара шанса и смета дека има квалитет да го носи дресот на Реал Мадрид.

Пред неколку дена Јовиќ ова и јасно го порача за шпанските медиуми.

Напаѓачот на Интер и репрезентацијата на Белгија, Ромелу Лукаку, би требало да се врати во Челзи во овој преоден рок.

28-годишниот фудбалер се обратил до раководството на Интер со барање да ја прифатат понудата на лондонскиот клуб. Интер веќе двапати ја одби понудата од Челзи, но сумата од 110-120 милиони евра може да ги убеди. Претходно беше објавено дека Лукаку се договорил личните услови со Челзи со плата од 15 милиони евра годишно. Тоа е двојно повеќе од неговата плата во Интер.

Ромелу Лукаку му припаѓаше на Челзи од 2011 до 2014 година, а игра за Интер од 2019 година. Минатата сезона, напаѓачот одигра 36 натпревари во Серија А, постигна 24 гола (шест од пенал) и даде 11 асистенции.

Астон Вила ја доби битката со Њукасл за 23-годишниот играч на Манчестер Јунајтед, дефанзивецот Аксел Туанзебе. Според информациите кои беа објавени, Астон Вила ќе го земе играчот на позајмица.

Во исто време, Манчестер Јунајтед ќе го продолжи договорот со фудбалерот до 2023 година. Туанзебе претходно играше на позајмица во Астон Вила во 2018/2019 година.

Во завршената сезона на англиското првенство, Туанзебе одигра 9 натпревари за Манчестер Јунајтед (4 во стартниот состав) и доби два жолти картони. Порталот Трансфермаркт го проценува играчот на 8 милиони евра.

РБ Лајпциг нема да го задржи играчот за врска Марсел Забицер, за кого Баерн е сериозно заинтересиран.

Според одредени натписи во медиумите, РБ Лајпциг е подготвен да го пушти својот капетан да оди во Баерн Минхен доколку платат 15-18 милиони евра. Марсел Забицер е капетан на РБ Лајпциг. Игра за германскиот клуб од 2014 година. Во текот на кариерата, тој ги бранеше и боите на РБ Салцбург, Рапид и Адмира.

Договорот на Марсел со Лајпциг важи до летото 2022 година. Минатата сезона играчот од средниот ред учествуваше на 27 натпревари од германската Бундеслига, во кои постигна осум гола (четири од пенал) и даде три асистенции.

Милан продолжува да се поврзува со разни имиња за позицијата плејмејкер по заминувањето на Хакан Чалханулу во градскиот ривал Интер.

Според „Газета дело Спорт“, најновото можно засилување на оваа позиција е Арон Рамзи од Јувентус. Репрезентативецот на Велс пристигна во клубот како слободен играч пред две години и никогаш не успеа да стане клучен играч за тимот. За ова се одговорни и неговите чести повреди.

„Бјанконерите“ се надеваат дека ќе се засилат со Мануел Локатели од Сасуоло и Миралем Пјаниќ од Барселона на средината на теренот и ќе се обидат да се ослободат од големата плата на 30-годишниот играч, чиј договор е до 2023 година. Осто така постои опција Милан д аго добие Рамзи на позајмица од Јувентус, но во последните денови се пишува дека Милан може д аго привлече Никола Влашиќ од ЦСКА Москва, Иско од Реал Мадрид и Хамес Родригез од Евертон.

Џошуа Кимих ќе го продолжи договорот со Баерн Минхен. По неколкумесечни шпекулации на оваа тема, универзалниот фудбалер е подготвен да потпише нов договор со германскиот гигант.

Договорот ќе биде 5 години, а платата на Кимих ќе се зголеми двојно. Во моментов, германскиот репрезентативец добива 10 милиони евра, но со новиот договор неговата плата ќе биде еднаква на онаа на Томас Милер и Мануел Нојер, а само Роберт Левандовски ќе добива поголема плата.

Самиот Кимих никогаш немал намера да го напушти Баерн. За него цело време приоритет беше да се договори со клубот за нов договор. Последниот дел од разговорите ќе се одржи во понеделник. Минатата сезона, Кимих одигра 27 натпревари во Бундеслигата, постигнувајќи 4 гола и 10 асистенции.

Симон Кјаер доби понуда од клубот за нов договор. Неговиот актуелен договор со „росонерите“ истекува во јуни 2022 година.

Сепак, искусниот централен дефанзивец брзо стана важна фигура за тимот предводен од Стефано Пиоли. Милан понуди зголемена плата на 32-годишниот Данец, од 1,2 на 1,5 милиони евра, објави „Газета дело Спорт“. Покрај тоа, Кјаер е фаворит за капитенската лента.

Капитенот Алесио Ромањоли често остануваше на клупата по трансферот на Томори на „Сан Сиро“ во јануари. Симон Кјаер се приклучи на Милан во јануари 2020 година, и досега има одиграно 58 натпревари и 1 гол за Милан.

Поранешниот дефанзивец на германската репрезентација и долгогодишен член на Шалке 04, Бенедикт Хеведес ќе биде назначен за нов директор на германската фудбалска репрезентација, објави „Спорт Билд“.

Хеведес ќе биде врската меѓу тимот и Германскиот фудбалски сојуз. Тој ќе мора најпрво да мине обука, пред да го замени сегашниот менаџер Оливер Бироф, чиј договор истекува во 2024 година.

Во јули минатата година, на 32-годишна возраст, Хеведес објави крај на својата професионална фудбалска кариера.