Медиумите на Апенините веќе неколку недели пренесуваат дека Џанлуиџи Донарума е пред трансфер во редовите на Јувентус. Наводно, голманот и челниците на Јувентус ќе направат финални разговори по крајот од сезоната каде треба да бидат договорени и деталите за трансферот на голманот во торинскиот клуб. Според информациите Јувентус на Донарума му понудил петгодишен договор според кој ќе заработува 10 милиони евра по сезона, но за реализација на трансферот има еден проблем. Имено, Јувентус мора прво да се ослободи од Шчешни за да го комплетира трансферот на Донарума, но тоа нема да биде воопшто лесно.

Претседателот на ПСЖ, Насер Ал-Келаифи го повика раководството на Барселона да ја остави бразилската sвезда Нејмар на мира. Разговорите меѓу Парижаните и напаѓачот за продолжување на договорот, кој истекува во летото 2022 година, се тешки. Според Ал- Халаифи, постојат контакти меѓу Барселона и поранешниот играч на оваа екипа и за тоа се делумно виновни од Барселона. Според „Радио Каталонија“, Ал-Келаифи побарал од Барселона да престане да комуницира со Бразилецот. На почетокот на овој месец стана познато дека Барселона ќе се обиде да го врати играчот ова лето, подготвувајќи 100 милиони евра за оваа намена.

Англиската Премиер лига ги потврди датумите на трансфер периодот за летото 2021 година. „Трансфер периодот ќе биде отворен 12 недели од 9 јуни и ќе се затвори на 31 август. Датумите ќе бидат во согласност со другите европски лиги“, стои во официјалното соопштение на лигата. Да потсетиме дека претходно премиерлигашкиот преоден рок не беше синхронизиран со другите европски лиги, затворајќи се пред првото коло на шампионатот. По 34 одиграни кола во Англискиот шампионат 2020/21, Манчестер Сити е во водство (80). За да ја освојат лигата, на Манчестер Сити им треба само еден натпревар од преостанатите четири или да очекуваат кикс на второпласираниот Манчестер јунајтед, кој има 67 бода од 33 натпревари.

Италијанските медиуми тврдат дека голема е веројатноста Мауро Икарди да се врати во Серија А на лето. Маурицио Покетино наводно не е симпатизаер на играта на Икарди и веќе му порачал дека може да си бара нов клуб. Италијанските медиуми пренесуваат дека Аргентинецот ќе биде примарна цел на Жозе Мурињо во Рома. Реален проблем може да биде високото обештетување што ПСЖ сигурно ќе го побара за Икарди, па ќе се обидат да го донесат на позајмица со право на откуп.

Аргентинецот на овој натпревар постигна два погодока, но антологискиот дриблинг при вториот погодок ќе остане врежамн во историјата засекогаш.
Ова злосторство се случи на денешен ден пред шест години.

Четири екипи се под закана од суспензија во Лигата на шампионите, бидејќи се уште не се оградиле од идејата за фомирање на нова Суперлига. Овој потег го подготвува Европската куќа на фудбалот – УЕФА, а станува збор за Јувентус, Милан, Реал и Барселона.
За потсетување, шесте англиски екипи, како и шпански Атлетико Мадрид веќе одлучија дека во таканаречената „Суперлига“ нема да земат учество.
Како што најавува УЕФА, екипите кои остануваат при својот став, можат да бидат санкционирани согласно чл. 51 од Статутот кој посочува токму на забрана за основање на натпреварување надвор од организација на УЕФА.

Македонскиот репрезентативец, Езгјан Алиоски од следната сезона ќе игра за турски Галатасарај, пишуваат медиумите од Турција. Левиот бек на Лидс уште во февруари годинава ги договорил сите услови, но по негово барање официјализирањето на соработката ќе биде направено по завршувањето на оваа сезона. Алиоски не сакал трансферот јавно да биде објавен од страв дека навивачите на Лидс нема лесно да ја прифатат оваа информација. Алиоски подолго време преговараше и со Лидс за нов договор, но на крајот решил да ја прифати понудата да се пресели во Турција.

После долг „пост“, Интер успеа да ја освои Серија А, а со тоа и да го симне Јувентус од долгогодишниот трон. Во изјава за „Газета дело спорт“, македонскиот репрезентативец Горан Пандев на својот поранешен клуб му го честиташе остварениот успех. „Честитки до Интер, време беше да ја освојат титулата. Тие го заслужија тоа и ги израдуваа навивачите“, посочи Пандев.

За потсетување, капитенот на македонската репрезентација, беше член на Интер во периодот од 2009 до 2012. година, и тогаш го освои со нив Скудетото, Купот, како и Лигата на шампионите.

„Газета дело спорт“ пишува дека тренерот на фудбалерите на Интер, Антонио Конте, добил дозвола од извршниот директор, Џузепе Марота, да направи список за засилувања кои треба да се купат во текот на летото. Меѓу приоритетите е купувањето на нов голман а во преден план се имињата на Хуан Мусо од Удинезе и чуварот на мрежата на Верона, Матијас Силвестри. „Нероаѕурите“ кои се новите шампиони на Италија ќе се обидат да најдат и ново левото крило како и замена за напаѓачот, Ромелу Лукаку, кој најверојатно ќе си замине од Милано.

Координативно тело формирано од Владата ќе биде поддршка за македонската фудбалска репрезентација, која летово за прв пат ќе биде дел од континенталниот собир. Владата одлуката за координативно тело ја донесе на вчерашната 68-ма седница.
„Координативното тело има за цел да ја помогне организацијата, комуникацијата и промоцијата на настапот на фудбалската репрезентација на Северна Македонија на ова европско натпреварување“, информираат од македонската Влада.
Европското првенство во фудбал ќе се одржи во 12 земји, а ќе трае од 11 јуни до 11 јули. „Црвено жолтите“ во групата на ЕП се наоѓаат со Австрија, Украина и Холандија.