Македонскиот судиски интернационалец, Александар Ставрев, ќе биде главен судија на финалето во Купот на Македонија. Финалето на националниот куп е на програмата во среда на Националната Арена во Скопје. Познато е дека во битката за пехарот се среќаваат екипите на Академија Пандев и Силекс, а мечот стартува во 19:00 часот. На Ставрев ќе му помагаат Дејан Костадинов и Гоце Петрески, додека четврти ќе биде Марјан Маркоски, кој со овој меч веројатно се простува од својата долгогодишна успешна судиска кариера.

Милан по киксот против Каљари го остави Јувентус во игра, но и понатаму сам одлучува за својата судбина. Ако победат против Аталанта во Бергамо, неважен ќе биде дуелот на Јувентус со Болоња. Дали Пирло ќе преживее доколку го освои Купот и стигне до четвртото место. Ако го земе само трофејот и биде петти, секако не. Во случај да се пласира во Лигата на шампионите, би можел да остане. Јувентус наводно преговараше со Алегри, но сега се појави Реал кој во Италијанецот гледа замена за Зидан. Самиот Зидан е желба на Ањели, но Јувентус нема многу финансии, плус веројатно Французинот сака одмор. Како име сега се појави Џенаро Гатузо. Тој е прва алтернатива, заминува од Наполи, се зборува за Фиорентина. Наполи, доколку ја победи Верона, ќе се пласира во Лигата на шампионите идната сезона. Се верува дека Гатузо, кој е одличен мотиватор и човек кој заговара дисциплина, ќе успее да извлече максимум од Јувентус. Тој, во таков случај, би го наследил својот најдобар пријател од светот на фудбалот, Пирло. Тие двајца беа и цимери, а „Моцарт“ во биографијата изнесе и неколку смешни детали од нивното другарување и заедничките настапи во Милан и репрезентацијата.

Италијанскиот стручњак Масимилијано Алегри се сретна со управата на Реал Мадрид минатата недела и сака да го преземе местото тренер во мадридскиот клуб, пишува новинарот Фабрицио Романо. Зидан скоро сигурно го напушта клубот на крајот од сезонава, а се чека само уште официјалната потврда. Романо наведува дека Алегри е во контакт со Реал веќе неколку месеци, го сакаат и некои италијански клубови, пред сите веројатно Јувентус, но за Алегри приоритет е заминувањето во Мадрид. Сепак, се уште не е сигурно дека во Мадрид ќе се одлучат за него. Се разгледуваат и други опции, а една од нив е и клупската легенда Раул, кој во моментот го води вториот тим. За Раул тоа би бил прв тренерски ангажман, додека Алегри е слободен од летото 2019. година кога го напушти Јувентус после освоената петта титула по ред.

Барселона го совлада Челзи со 4-0 во финалето од женската Лига на шампиони, и со тоа каталонскиот клуб го освои женскиот турнир за првпат во својата историја. Фудбалерките на Барселона беа незапирливи и постигнаа извонреден резултат со што станаа првиот клуб кој ги има освоено и машкото и женското издание на ЛШ на УЕФА. „Мислам дека не треба да бараме никаква грешка во тимот на Челзи. Овој тим на Барселона е можеби најдобриот клупски тим во женскиот фудбал во моментов. Нивната победа е заслужена”, изјави Тим Стилман, аналитичар на Гардијан.

Шпанска Примера продолжува наредниот викенд, во кој ќе биде и завршена оваа сезона. Се игра последното коло кога конечно ќе го дознаеме и освојувачот на титулата шампион на Шпанија, но дојде до поместување и последното коло нема да се игра во недела, туку во сабота на 22. мај. Причината е Виљареал, екипата која ќе игра во финалето од Лига Европа, па шпанскиот сојуз одлучи да го помести последното коло како „жолтата подморница“ би имала ден повеќе за подготвување за финалето. Виљареал во последното коло гостува кај Реал Мадрид, кој е конкурент за титулата.

Оле Гунар Солскјер зборуваше за времето за враќање на дефанзивецот Хари Мегваер.
„Се надевам дека ќе имаме што е можно побрзо добра вест. Ќе чекаме до последен момент за настапот на Хари во финалето во Лига Европа. Тој ја покажа својата важност на Манчестер Јунајтед. Сите одамна знаевме што тој значи за нашиот тим, но можеби некои го забележаа тоа само кога тој се повреди. Секако чувствував дека Мегваер и претходно беше многу важен играч на Манчестер Јунајтед. Хари е наш лидер. Тој е капетан. Тој скоро секогаш игра на највисоко ниво, така што во моментов неговото отсуство е голем проблем за мене, но се надевам дека ќе се опорави до финалето на Лига Европа. Ќе му дадам колку што му треба време. Ќе почекам додека тој ми каже да или не“, изјави Солскјер за „Скај Спорт“.
Хари Мегваер не беше во можност да го заврши мечот од 35. коло во Премиер лигата со Астон Вила (3-1) поради повреда на скочниот зглоб.

Со домашниот пораз од 1:2 од Селта, Барселона се опрости од борбата за титулата. Каталонците со голот на Меси поведоа во 28. минта, но нивните надежи за освојување на шампионската титула ги „минираше“ Санти Мина. Израмнувачкиот погодок го постигна во 38. минута, а победничкиот во 89. На крајот се покажа дека ниту победа не би ја задржала Барселона во трката со Атлетико и Реал воочи последното коло.
По натпреварот, тренерот Роналд Куман проговори за разочарувачката сезона за Барса и ја коментираше можноста за евентуалното негово заминување, но и на Меси.
„Мојата иднина во клубот? Тоа не е прашање за мене.“ – кратко одговори Куман, а потоа за Меси рече:
„Се надевам дека ова не е последниот негов натпревар за клубот. На овој натпревар покажа ефективност, но не може се сам. Како би победувале, мораат и другите да постигнуваат погодоци.“
Воочи последното коло, Атлетико има меч-топка. За Реал да ја освои титулата, во последното коло треба да го победи Виљареал и да се надева дека Атлетико нема да слави на гостувањето кај Ваљдолид, каде домаќинот ќе се обиде да избори опстанок во Ла Лига.

Ливерпул ќе биде без Диого Жота во последните три натпревародво сезоната, во кои Ливерпул мора да стори се што е можно да се изборат за четвртото место.
Причината е повреда на стапалото што Португалецот ја доби за време на дербито со Манчестер Јунајтед. Според менаџерот на Ливерпул, Јирген Клоп, повредата не е сериозна, но сепак го спречи Жота да игра на денешнио натпревар со Вест Бромвич, но ќе го нема ниту на средбите со Барнли и Кристал Палас.
Жота се претстави многу добро откако беше привлечен од Вулверхемптон минатото лето. Тој има 13 голови на 29 натпревари во сите натпреварувања, а повредите го спречија да даде уште посериозен придонес.
Садио Мане ќе биде ток кој што ќе го замени Жота во стартниот состав на Ливерпул. „Го победивме Манчестер Јунајтед, но Диого Жота доби повреда на коската на стапалото. Не е толку сериозно, но е доволно сериозно за да заврши сезоната за него”, изјави Клоп пред натпреварот против ВБА.

Вердер по викендашкиот пораз на теренот на Аугсбург му врачи отказ на тренерот, Флоријан Кофелт, стои во соопштението објавено на официјалната веб-страница на тимот.
Во завршницата од Бундеслигата на мечот со Борусија Менхенгладбах, клубот ќе го води легендата, Томас Шааф, кој претходно ја имаше таа позиција. Вердер се наоѓа на 16-то место во поредокот на само една рунда пред крајот на сезоната.
„Среќни сме што Томас ја презеде задачата во неизвесна ситуација за клубот. Се надеваме дека со неговото искуство тој може да ги подготви играчите за последниот натпревар во сезоната“, изјави извршниот директор на Вердер Бремен, Франк Бауман.

Финалето во овогодинешниот Суперкуп на Европа кое требаше да се игра во Белфаст ќе биде преместено во Истанбул, градот кој требаше да биде домаќин на финалето во Лигатан а шампионите. Истанбул требаше да ги пречека двата најдобри тима на „стариот континент“, но одлуката на крајот падна Сити и Челзи да играат на „Драгао“ во Португалија. Турците секако ќе добијат материјална оштета поради трошоците за организација во изминатите месеци, но УЕФА дополнително им излезе во пресрет и им дозволила да го организираат Суперкупот кој е планиран да се одигра кон крајот на летото. И во него би можеле да гледаме дуел на две англиски екипи затоа што Манчестер Јунајтед во финалето од Лигата на Европа игра против Виљареал.