Карим Бензема е еден од фудбалерите кои веќе бараат излез од
Саудиска Арабија, а медиумите веќе почнаа да го поврзуваат со
заинтересирани клубови.
Французинот веќе навестил дека сака враќање во Европа, а тоа
првично би било во вид на заем, при што „ТимТок“ тврди дека блиску
до договор со Бензема е Арсенал.
„Топчиите“ имаат потреба од освежување во нападот, бидејќи Жезус,
Нкетија и Хаверц не го користат целиот офанзивен потенцијал на
екипата, па искуството на Бензема може да биде пресудно во
подобрување на резултатите на екипата која има шампионски
амбиции.

Хамед Траоре се пресели во Наполи од Бормунт, соопшти
италијанскиот фудбалски шампион.
Траоре потпиша за Наполи на позајмица до крајот на оваа сезона соопција за откуп на договорот.
Италијанските медиуми пренесуваат дека отштетата за 23-годишниот играч од средниот ред би изнесувала околу 25 милиони евра.
Траоре на тој начин ќе се врати во италијанското првенство каде веќе
настапуваше за Сасуоло.
Потоа беше позајмен, па продаден на Бормунт. Играше и за Емполи.
Наполи моментално е на осмото место со 31 бод, дури 20 помалку од
лидерот Интер.
Да потсетиме, во зимскиот преоден рок Наполи го напушти нашиот
репрезентативец Елмас, кој премина во Лајпциг за 25 милиони евра.

Суперѕвездата на Ал Наср, Кристијано Роналдо, заврши на третото
место во изборот за најдобар фудбалер во Азија за календарската 2023
година. Во рангирањето се вклучени и играчи од азиските земји и
играчи кои се дел од азиските клубови, што му овозможи на
Португалецот да биде меѓу номинираните за наградата.
Сепак, Роналдо заврши на третото место со 17,06% од гласовите.
Пред него беа јужнокорејските ѕвезди Хун-мин Сон (22,90%) и Ким-
мин Јае (19,54%).
Ѕвездата на Тотенхем ја освои наградата седми пат по ред и вкупно 9-
ти пат во кариерата.

Гонзало Рамош не ги исполни очекувањата на Луис Енрике и би можел да го напушти Пари Сен Жермен во случај на вистинска понуда.

Португалецот во текот на летото пристигна на „Паркот на принцовите“ од Бенфика и тоа на позајмица, но поради фер-плејот за потоа во 2024 година да плати сума од 65 милиони евра.

Сепак, Рамош не го убеди Енрике дека може да биде водечка „деветка“ во неговиот систем. Во досегашниот дел од сезоната Рамош постигна четири гола и запиша една асистенција на 19 натпревари, а на теренот помина вкупно 889 минути.

Во случај на вистинска понуда, ПСЖ ќе преговара и со Бенфика околу остатокот на исплатата и со заинтересираните клубови кои сакаат да го откупат.

Столе Димитриевски влезе во последните месеци од договорот со Рајо Ваљекано и веќе слободно може да преговара со други клубови.

Најсилен интерес за Димитриевски покажува Севиља, која му нуди договор со плата од два милиони евра по сезона, открива „Ел Чирингито“.

Тоа е многу поголема сума од сегашниот договор на Димитриевски со Рајо според кој заработува 800.000 евра по сезона.

Димитриевски игра одлично во дресот на Рајо и за него има интерес и од други екипи од Примера, но понудата од Севиља тешко дека ќе може да ја одбие.

Њукасл нема да успее во намерата да го обезбеди играчот од средниот ред на Баерн Минхен, Џошуа Кимих иако Англичаните испратиле понуда до Баварците, тврди „Билд“.

Кимих сака да продолжи да се бори за трофеи, а Њукасл не е меѓу неговите желби. 28-годишниот фудбалер има договор со Баерн до 2025 година.

Англиските медиуми тврдат дека Ливерпул и Манчестер Јунајтед, исто така ја следат ситуацијата и ќе се обидат да го ангажираат.

На екипата на Севиља сезонава не и оди во шпанската Ла Лига и тимот се наоѓа во долниот дел на табелата.

Сега од редовите на овој клуб потврдија дека се засилиле со фудбалерот на Манчестер Јунајтед, Ханибал Межбри. Фудбалерот од Тунис ќе игра во Севиља како позајмен играч до крајот на сезоната, а шпанскиот тим ќе има опција да го откупи неговиот договр за 3.5 милиони евра со бонуси.

Во договорот има и клазула дека Манчестер Јунајтед има право да го врати до 2026 година за оштета од 35 милиони евра.

Станува збор за фудбалер кој е производ од школата на Манчестер Јунајтед и за Севиља одигра 13 натпревари со еден постигнат гол. Изминатата сезона ја помина во Бирмингем на позајмица, а има и 27 настапи за репрезентацијата на Тунис.

Иако после победата на Аргентина над Бразил во ноември на „Маракана“ во ноември во квалификациите за Мундијалот 2026 се појавија информации дека Лионел Скалони би можел да ја напушти клупата на Аргентина тоа нема да се случи.

Скалони на прес-конференцијата по тој натпревар зборуваше за проблеми кои се појавиле, а истите сега изгледа се оставени на страна, па така човекот кој ја донесе светската титула на Аргентина ќе продолжи да биде на клупата.

Во овој момент е извесно дека ќе биде селектор до крајот на Копа Америка која е на програмата следното лето и каде што Аргентина ќе ја брани титулата.

Аргентинските медиуми пренесуваат дека Скалони разговарал со претседателот на сојузот, Клаудио Тапија, па се очекува Скалони да биде на клупата и на Мундијалот во 2026 година.

Поранешниот италијански репрезенттаивец, Џорџо Киелини е назначен за тренер на Лос Анџелес.

Италијанскиот фудбалер, кој се пензионираше, стана тренер за развој на играчиво клубот од МЛС лигата. На оваа позиција Киелини ќе работи заедно со главниот тренер Стив Черундоло и стручниот штаб за да помогне во развојот на играчите од првиот тим.

Фудбалерот помина две сезони во тимот на Лос Анџелес со кој ја освои МЛС во 2022 година.

Тиаго Алкантара би можел да го напушти Ливерпул и кариерата
да ја продолжи во Бразил.
Алкатара минатата сезона пропушти голем дел поради повреда,
па го загуби местото во првиот тим, а сега предност пред него
имаат Мекалистер и Собослај.

Поради тоа Шпанецот е спремен да ја промени средината во
јануари, а најсилен интерес за него покажуваат неколку бразилски
клубови.
Алкантара е син на прославениот бразилски фудбалер Мазињо,
иако е шпански репрезентативец, сепак Бразил е негова
татковина.
32-годишниот плејмејкер е спремен да се врати во татковината, а
интерес за него покажуваат Коринитианс, Ботафого, Палмеирас и
Фламенго.