Во Нион се одржа ждрепката за квалификациите за Европското првенство за фудбалери до 21 година, чии домаќини во 2027 година ќе бидат Албанија и Србија.

Македонските надежи добија тешка група, ждрепката ги смести во Е групата, а противници ќе им бидат: Италија, Полска, Шведска, Црна Гора и Ерменија.

Група А: Шпанија, Романија, Финска, Косово, Кипар, Сан Марино
Група Б: Португалија, Чешка, Бугарија, Шкотска, Азербејџан, Гибралтар
Група Ц: Франција, Швајцарија, Исланд, Фарски Острови, Луксембург, Естонија
Група Д: Англија, Ирска, Словачка, Молдавија, Казахстан, Андора
Група Е: Италија, Полска, Шведска, Македонија, Црна Гора, Ерменија
Група Ф: Германија, Грузија, Грција, Северна Ирска, Латвија, Малта
Група Г: Холандија, Норвешка, Словенија, Израел, Босна и Херцеговин
Група Х: Украина, Хрватска, Унгарија, Турција, Литванија
Група И: Данска, Белгија, Австрија, Велс, Белорусија

На завршниот турнир ќе се натпреваруваат 16 репрезентации. Покрај домаќините Албанија и Србија, директен пласман ќе обезбедат девет победници во групите и најдобрата второпласирана селекција.

Останатите второпласирани екипи ќе играат плеј-оф за преостанатите четири места.

34- годишниот фудбалер на Њукасл, Киеран Трипие, може да добие понуда да се пресели во Галатасарај, наведуваат дел од медиумите во Англија.

Одличниот дефанзивец ја нема довербата на менаџерот, Еди Хау и веројатно ќе прифати да замине во друг состав.

Трипие во сезонава има само 18 натпревари во сите конкуренции и тоа главно влегуваше од клупата за резерви.

Европската куќа на фудбалот (УЕФА), сериозно ја разгледува идејата за укинување на продолженијата во нокаут фазата на европските натпреварувања.

Информацијата ја пренесе британски „Гардијан“. УЕФА сериозно ја разгледува идејата за укинување на продолженијата во нокаут фазата на европските купови и, во случај на нерешено по 180 минути фудбал (два натпревари), да оди директно на пенали.

Оваа може да се каже револуционерна промена тешко би можела да се воведе пред 2027 година, кога ќе заврши тековниот циклус на телевзиските права.

Интересно, според последните промени во календарот и воведувањето на нов формат за Светското клупско првенство, кое за прв пат ќе се игра летово, 2027 година ќе биде прво лето кога фудбалерите од елитните клубови ќе имаат нормален одмор.

Натпреварите во нокаут фазата, кога по два натпревари нема победник, со пенали се решаваат практично практично од нивното основање во сезоната 1968/59.

Англиски Вест Хем се обиде да го ангажира напаѓачот на Реал Мадрид, Ендрик во јануари, но од „Сантијаго Бернабеу“ категорично одбиле да го пуштат, објави шпанскиот медиум „АС“.

Тимот од Лондон упатиле понуда за позајмица до крајот на сезоната и дури биле подготвени да платат одредена сума, како и да ја покријат платата на играчот, но ниту тоа не го убедило раководството на „белите“.

Ендрик летото пристигна во Реал Мадрид со репутација на еден од најголемите таленти во светскиот фудбал, но барем засега не успеа посериозно да се наметне во тимот и добива мала минутажа од Карло Анчелоти во конкуренција на Килијан Мбапе, Винисиус и Родриго.

Вест Хем на крајот го сврте вниманието кон Еван Фергусон и успеа да ги обезбеди услугите на напаѓачот на позајмица до крајот на кампањата.

Челси се обидел да го украде Матис Тел од Тотнем и тоа кога фудбалерот бил на аеродром и чекал лет за Лондон.

Трансферот на Матис Тел беше еден од најчудните во зимскиот преоден рок, младиот напаѓач во прв момент одби трансфер во Тотнем вреден околу 60 милиони евра, за потоа да се пишмани и да се пресели на позајмица во Северен Лондон.

Како што пренесува Л’Екип, имало додатна драма и додека Французинот бил на аеродром, Челси се обидел да го украде.

Манчестер Јунајтед ќе има потешкотии да обезбеди засилувања во летниот преоден рок погледнато од финансиски аспект, прогозираат медиумите во Англија.

„Црвените ѓаволи“ во текот на зимава ги купија Патрик од Лече и Хевен од Арсенал но, тоа е далеку од желбите на тренерот, Рубен Аморим.

Ограничениот буџет го спречи англискиот состав да пронајде замена за повредениот, Лисандро Мартинез, кој ќе отсуствува до крајот на сезоната.

Њукасл и во реваншот од полуфиналето во Лига Купот на Англија го совлада Арсенал со идентични 2-0 и го завери пласманот во полуфиналето каде ќе игра со Ливерпул или Тотнем.

Њукасл се израдува на гол уште во 4. минута од натпреварот, но погодокот на Исак беше поништен поради офсајд.

Резултатот беше отворен во 19. минута кога Марфи погоди за водство на Њукасл од 1-0.

По седум минути игра во вториот дел Гордон постигна гол за конечни 2-0.

Поразот не беше единствена причина за загриженост на Артета, во 37. минута Мартинели го напушти мечот поради повреда.

Можеби ќе ве интересира

Баер Леверкузен се пласираше во полуфинале во Купот на Германија, Патрик Шик во 96. минута донесе 2-2 за домаќините, па Виктор Бонифејс во продолженија се погрижи за триумф од 3-2.

„Фармацевтите“ беа на прагот на срамна елиминација во пресметката со второлигашот Келн, губеа со 0-2, но успеаја да се спасат.

Шик по еден час игра намали на 1-2, за истиот фудбалер во 96. минута да погоди со глава за 2-2.

Во продолженијата Баер Леверкузен направи целосен пресврт, Виктор Бонифејс донесе триумф од 3-2 и полуфинале во Купот на Германија.

Реал Мадрид победи со 2-3 кај Леганес во четвртфиналето во Купот кралот. Реал имаше 0-2, на крајот во 93.минута с голот на дебтантот Гонзало Гарсија, напаѓач на Б тимот на Реал избори пласман во полуфиналето.

Гостите поведоа преку капитенот Лука Модриќ, кој погоди во 18. минута на асистенција на Родриго. Ова беше трет гол за Модриќ сезонава, а има и пет асистенции. Седум минути подоцна Ендриг ја зголеми предноста на Реал.

Леганес сепак успеа да се врати во мечот. Двоен стрелец беше напаѓачот Хуан Круз. Најпрвин во 39. минута погоди од пенал, а потоа во 59. минута по убав потег го израмни резултатот.

Гонзало Гарсија, напаѓачот на Б тимот му донесе победа на Реал Мадрид во драматичен натпревар. Гарсија со глава на асистенција на Брахим Дијаз во 93. минута го однесе Реал во полуфиналето.

Во вторникот, место во полуфиналето си обезбеди Атлетико Мадрид, со убедливата победа од 5-0 над Хетафе.

Утре четвртфиналните натпревари ќе ги одиграат Валенсија и Барселона, односно Осасуна и Реал Сосиедад.

Фудбалерите, Џакомо Распадори и Рафа Марин, не добиле зелено светло да го напуштат составот на Наполи иако претходно беа ставени на трансфер-листата, објавија медиумите во Италија.

Според нив, менаџерот, Антонио Конте, го стопирал нивното заминување бидејќи не успеа да обезбеди нови имиња во јануарскиот трансфер период.

Деновиве на стадионот – „Диего Марадона“ беше донесен само Ноа Окафор и тоа на позајмица од Милан.