Фудбалерот, Амар Дедиќ, кој беше претставен како нов играч на Олимпик Марсеј, изјави дека со нетрпение го чека дебитантскиот настап за францускиот состав .

„Многу сум среќен што сум во клуб со големи амбиции кој сака да игра во Лигата на шампионите. Тука е еден од најдобрите тренери во Европа – Роберто Де Зерби“ – рече 22-годишниот дефанзивец кој дојде од сoставот на Салцбург.

Дедиќ за репрезентацијата на Босна и Херцеговина има одиграно 16 натпревари.

Романскиот фудбалски интернационалец, Раду Драгушин, има скинати вкрстени лигаменти на коленото и ќе мора да оди на операција, објавија медиумите во Англија.

Тоа ќе биде нов удар за тренерот на Тотенхем, Постекоглу, кој извесен период се соочува со голема листа на отсутни играчи. На неа фигурираат: Викарио, Тимо Вернер, Дестини Удоџи, Доминик Соланке, Кристијан Ромеро и Џејмс Медисон. Популарните

„Спарси“ имаат само теоретски шанси да се изборат за евро-виза до крајот на сезоната бидејќи се наоѓаат дури на 14-то место на тебелата.

Луѓето од Јувентус имаат намера да му понудат перманентен договор на новиот напаѓач, Рандал Коло Муани.

Францускиот фудбалски интернационалец кој забележа три гола на два меча, игра како позајмен од екипата на Пари Сен Жермен.

Екипата од Торино се надева дека со евентуална продажба на Душан Влаховиќ ќе обезбеди доволно средства за да го откупи договорот на Коло Муани.

Лука Дончиќ и понатаму е главна тема во НБА кулоарите. Сè уште јавнста е во шок по трејдот меѓу Далас Маверикс и Лос Анџелес Лејкерс, по кој Дончиќ замина во Лос Анџелес, а Ентони Дејвис во Далас.

Меѓу бројните шпекулации за причините, ЕСПН објави дека една од нив е тежината на Дончиќ, која наводно е тежок 122 килограми, 20 повеќе од времето кога тој влезе во НБА.

За многумина оваа приказна нема апсолутно никаква смисла бидејќи Дончиќ и претходно имаше вишок килограми, но и покрај тоа беше и еден од најдобрите кошаркари во светот.

За ова зборуваше и легендарниот Шекил О’Нил.

„Треба да знам кој е точно терминот. За што зборувате? Кога велите дека не е во форма, дали е дебел? Дебелиот Лука Дончиќ е подобар од 99,9 отсто од бековите во НБА“, рече О’Нил.

Почнувајќи од следната сезона, судиите на натпреварите во англиската Премиер лига своите одлуки ќе ги соопштуваат на публиката на стадионот преку микрофони откако ќе ја прегледаат снимката со помош на ВАР технологијата.

Оваа процедура моментално се тестира на полуфиналните натпревари од Лига купот оваа сезона, а првиот практична примена имаше на натпреварот меѓу Тотенхем и Ливерпул, кога на Тотенхем им беше поништен гол поради офсајд.

Главниот фудбалски директор на Премиер лигата, Тони Сколс, им изјави на новинарите дека оваа процедура ќе се користи и за време на натпреварите во лигата.

Полуавтоматската офсајд технологија би можела да биде воведена во Премиер лигата и порано, пред крајот на оваа сезона.

Првично, технологијата требаше да се имплементира по репрезентативната пауза во првиот дел од сезоната, но тоа беше одложено поради проблеми во процесот на тестирање. Сколс рече дека е постигнат напредок во текот на изминатите неколку недели.

„Веруваме дека тоа е најточниот систем. Морам да признаам, со оглед на тешкотиите што ги имавме во првите неколку месеци од сезоната, бев крајно скептичен во врска со ова, но напредокот што беше постигнат во изминатите четири до шест недели е значителен“, рече Сколс.

Сколс додаде дека имплементирањето на технологијата на само неколку рунди до крајот на сезоната нема да создаде проблем со интегритетот.

Претставниците на лигата веруваат дека тоа ќе го скрати времето потребно за проверка на офсајд во просек за 31 секунда.

Македонскиот фудбалски репрезентативец, Висар Муслиу е нов член на Сент Труден.

Тој пристигна во белгискиот тим откако му заврши договорот со Падерборн. Сезонава Муслиу забележа седум настапи во втората Бундеслига.

Стоперот претходно играше за Инголштат, Фехервар, Приштина и за македонските Вардар, Ренова и Шкендија.

Канадскиот интернационалец Алфонсо Дејвис постигна договор со раководството на Баерн Минхен за продолжување на соработката каде ќе остане на ‘Алијанц арена” до 2030 година.

Левиот бек Алфонсо Дејвис долго време беше на листата со желби на Реал и преговараше за трансфер во Мадрид, но на крајот сепак реши да го продолжи договорот со Баерн Минхен.

Новиот договор на Дејвис во Баерн ќе трае до 2030 година, што значи дека германскиот гигант успеа да задржи еден од најважните играчи за подолг период.

Атлетико Мадрид е првиот полуфиналист на шпанскиот Кралски куп по убедливата победа над Хетафе. Натпреварот на стадионот „Метрополитано“ во шпанската престолнина заврши со резултат 5-0.

Прашањето околу конечниот победник „јорганџиите“ го решија во првото полувреме кога дојдоа до недостижни три гола предност.

Блескаше синот на тренерот Диего Симеоне, 22-годишниот Џулијано.

Најмладиот син Чоло ги постигна првите два гола во воведните 17 минути и најави убедлив триумф. Прво во осмата минута по комбинација со Хави Галан, а потоа во 17. по најубавата акција на натпреварот во која учествуваа тројца Аргентинци: Хулијан Алварез, Родриго Де Пол и стрелецот Џулијано Симеоне.

Третиот гол го постигна Бразилецот Самуел Лино во 42. минута.

Џулијано Симеоне можеше да постигне хет-трик, но неговиот гол беше поништен поради офсајд на почетокот на вториот дел.

Во останатиот дел од натпреварот, фудбалерите на Атлетико рутински си ја завршија работата, фокусирани на следниот натпревар, бидејќи викендов на „Бернабеу“ му гостуваат на градскиот ривал Реал.

Четвртиот гол го постигна уште еден Аргентинец, Анхел Кореа, од 20 метри со силен и прецизен удар во 78. минута, а конечниот резултат осум минути подоцна го постави Норвежанецот Александар Серлот на асистенција на Кореа.

Тоа беше првиот четвртфинален натпревар од Купот на кралот. Леганес и Реал Мадрид играат во среда, а за четврток се закажани два натпревари: Реал Сосиедад – Осасуна и Валенсија – Барселона.

Новиот фудбалер на Астон вила, Маркус Рашфорд, го објасни својот трансфер во клубот од Бирмингем како позајмен од Манчестер јунајтед.

„Тие се клуб кој е во добра позиција во лигата и бараат да напредуваат. Тие се уште се во Лигата на шампионите, имаат добар, амбициозен тренер и голем талент во тимот. Морав да изберам место каде што чувствував дека ќе се вклопи мојот стил на игра за повторно да се откријам и да станам подобар. Сакам да го искористам најдоброто моето време“, изјави Рашфорд.

Рашфорд оваа сезона на 24 настапи за Манчестер јунајтед постигна седум гола и запиша три асистенции. Неговиот договор со Јунајтед е до летото 2028 година.

Трансфермаркт ја проценува вредноста на играчот на 55 милиони евра.

Претплатете се на нашиот newsletter

Е-маил

Maнчестер сити нема да може да ги пријави сите зимски засилувања за плеј-офот од Лигата на шампионите.

Ќе потсетиме дека англсикиот состав ги ангажираа Витор Реис, Омар Мармуш, Нико Гонзалес и Абдукодир Хусанов а еден од нив нема да може да биде регистриран во Лигата на шампионите.

Според правило на УЕФА, една екипа може да регистрира максимум тројца нови играчи помеѓу групната фаза и елиминацискиот дел во елитата на Европа.