Ансу Фати е блиску до враќање на теренот по повредата на коленото, пренесуваат медиумите во Каталонија.

Според изворот, фудбалерот тренира со нормално темпо веќе неколку дена. Најверојатниот датум за настап на Ансу Фати на теренот е 26 септември, кога Барселона ќе го пречека Леванте како дел од петтото коло на Примера.

Да потсетиме, Фати доби тешка повреда на коленото во ноември 2020 година на натпреварот со Бетис. Првично, се претпоставуваше дека неговото враќање ќе се случи за четири месеци. Сепак, поради проблеми со коленото, тој го пропушти остатокот од сезоната, а исто така не беше во можност да настапи на Евро 2020. Фати се приклучи на главниот тим на Барселона во 2019 година. Од 2020 година, напаѓачот е дел од шпанската репрезентација.

Вчера Игор Тудор беше претставен како нов тренер на Верона. После три кола Верона се уште е без победа, а Тудор на клупата ќе дебитира в недела кога Верона ќе игра против Рома.

На клупата на Верона Тудор го наследи Еусебио Ди Франческо. Минатата сезона овој клуб беше предводен од Јуриќ и играше одлично, дури се вмеша и во борбата за место во Европа. Јуриќ по завршувањето на сезоната премина во Торино.

Од друга страна Тудор минатата сезона беше помошник на Андреа Пирло кој доби отказ на крајот од сезоната.

На претставувањето во Верона истакна дека Јувентус бил убаво искуство за него.

Јувентус објави дека запишал загуби од 109.9 милиони евра за минатата сезона.

Раководството на „старата дама“ објави дека загубите минатата сезона биле значително поголеми од тие претходно поради пандемијата со корона ворусот.

„Загубите доаѓаат како последица од ефектот на пандемијата врз продажбата на билети, продукти како и пониски приходи од правата на фудбалерите“, објаснија „бјанконерите“.

Јувентус ќе ги покрие загубите со пари од акционерите, што значи дека вредноста на акцијата на клубот значително ќе падне.

Кеисуке Хонда нема намера да ја заврши кариерата, па продолжува неговото „шетање“ по разни клубови.

Сега поранешниот јапонски репрезентативец ќе игра во Литванија со лидерот во првенството, Судува. Јапонецот беше без клуб од 12. февруари кога го напушти португалскиот Портимоненсе.

Претходно имаше епизоди во Нефтчи Баку, Витесе, Мелбурн Виктори, Пачука…Најдобрите денови Хонда ги помина во ЦСКА Москва каде што играше најдобар фудбал. Во кариерата имаше прилика да го носи и дресот на Милан.

Бугарија пред неколку денови ја прошири „црвената листа“ на коронавирусот на уште неколку земји.

На листата се најде и Србија, а тоа може да донесе проблем во Лига Европа бидејќи во второто коло Црвена Звезда треба да му го стува на Лудогорец.

Затоа се разгледуваат можности како и дали има можност играчите на Звезда да патуваат во Разград, а една од опциите секако е играње на неутрален терен.

Засега нема најави каде би можел овој натпревар да се одигра, секако ако дојде до тоа да се игра на неутрален терен.

Сон Хонг Мин е еден од најдобрите играчи на Тотенхем.

Сега иако настапува во дресот на „петлите“, призна дека во младоста навивал за Манчестер Јунајтед.

„Навивав за Манчестер Јунајтед, а причината беше затоа што мојот сонародник Парк Џи-Сунг играше за нив. Парк е национален херој. Во Кореја за него ќе ви кажат дека има две срца. Сега е мој добар пријател. На некој начин тој ми ја отвори врата на Премиер лигата. Тогаш го поддржував Манчестер Јунајтед, сега секако тоа не е случај. Целосно сум посвете на Тотенхем“, изјави Сон.

Одличниот репрезентативец на Јужна Кореја е под знак прашалник за натпреварот против Челзи затоа што при обврските за репрезентацијата заработи повреда.

Лондонското дерби е закажано во 17:30 часот.

Извршниот директор на Манчестер Јунајтед, Ед Вудворд, вели дека раководството на клубот цврсто стои зад менаџерот Оле Гунар Солскјер.

Норвежанецот беше критикуван за неуспехот во финалето на Лига Европа и поразот на пенали од Виљaреал, но и поразот во првиот натпревар од групната фаза на Лигата на шампионите, од Јанг Бојс во Берн, 2:1.

“Значително го зајакнавме тимот во текот на летото со тоа што ги доведовме Кристијано Роналдо, Рафаел Варан, Том Хатон и Џејдон Санчо. Овие засилувања ја демонстрираат способноста да продолжиме да ги привлекуваме најдобрите светски фудбалери и нашата силна позиција да му помогнеме на Оле да успее на теренот.„Имаме поголема доверба од кога и да е дека сме на вистинскиот пат“, рече Вудворд.

Фудбалерот на Баерн, Кингсли Коман, имал операција на срцето, откри неговиот тренер Јулијан Нагелсман на прес -конференција. За среќа, ова не е сериозен проблем и Коман многу брзо ќе му се врати на фудбалот.

„Кингсли Коман беше на операција. Имаше благо нарушување на срцевиот ритам. Понекогаш имаше благ недостаток на воздух и беше помалку продуктивен, па решивме да направиме ЕКГ и го откривме тој проблем, кој може брзо да се поправи”, рече тој, објаснувајќи дека проблемот на Коман не е сериозен:

„Сето ова звучи многу подраматично отколку што навистина е. Кингсли е многу добро, раната минимално боли. Повторувам, проблемот не е многу сериозен, повеќе луѓе го имаат, но не е исто кога вашиот најголем напор е да постигнете до фрижидерот и пиете ладно пиво или сте професионален спортист.“

„Ќе започне со кардио тренинзи во четврток. Нема да потрае многу повеќе од недела и пол или две за да се приклучите на тренингот со тимот”, додаде тој.

Коман е во Баерн од 2015 година. Прво помина две сезони на позајмица од Јувентус, а потоа беше откупен од баварскиот клуб. За Баерн постигна 20 гола на 204 настапи.

Лионел Меси со спектакуларен трансфер ја напушти својата Барселона и летово се пресели во ПСЖ, тоа беше „земјотрес“ на фудбалската берза, а француски Л’Екип излезе со детали од овој трансфер кој се смета за еден од најголемите во поновата фудбалска историја.

Според Л’Екип, Меси за три години треба да добие вкупно 110 милиони евра, платата е 30 милиони, плус 10 за лојалност, а дел од средствата ќе добие и во криптовалути, симболичен „милион“ ако се земе предвид вкупната бројка.

Дерби Каунти објави стечај и оваа сезона би можел да испадне од Чемпионип, каде по седум одиграни кола го држи 16. место со седум бодови.

Клубот основан во 1884. година, кој го води Вејн Руни, е во огромни финансиски проблеми и веднаш му се одземени 12 бодови, а би можеле да останат и без дополнителни девет ссогласно правилата кои ќе ги прекршат со влезот во стечај.

Двократниот шампион на Англија од 1972. и 1975. година во време на кризата предизвикана од коронавирусот остана без 20 милиони фунти, што за клуб од таков калибар е огромна загуба. Сопственикот на клубот, Мел Морис договори продажба на клубот и стадионот на инвеститори минатата година, но лигата ја стопираше продажбата поради истрага околу клупските финансии. Девет месеци подоцна, продажбата беше дозволена, но тогашните инвеститори веќе не беа заинтересирани. Клубот аплицираше за помош од 8,3 милиони фунти која лигата ја нудеше на сите клубови, но и таа апликација беше стопирана поради споменатата истрага.