Бернд Лено може кариерата да ја продолжи во Серија А во дресот на Интер, пренесуваат островските медиуми.

Арсенал е спремен да се раздели со 29-годишниот гермаски голман бидејќи ова лето го ангажираше Арон Рамсдејл од Шефилд Јунајтед.

Лено пристигна во Арсенал од Баерн Леверкузен во 2018 година и до овој момент има одиграно 120 меча за „топџиите“. Интер е во потрага по квалитетен голман кој ќе го наследи Хандановиќ. Словенецот брани одлично, но веќе е во поодминати години, па „нероаѕурите“ бараат замена.

Лоренцо Инсиње ја коментираше победата на својот тим во натпреварот од шестото коло на Серија А против Каљари. Средбата заврши со резултат 2-0. Наполи има шест победи во серија од почетокот на сезоната и се лидери на табелата во Серија А.

„Ја започнавме сезоната добро, но не можете да се оддалечите од реалноста и да бидете во облаци. Пред нас е многу долг пат. Тренерот сака да уживаме во нашата работа. Како капитен, сакам да кажам дека треба да останеме на земја, да застанеме на нозе. Минатата сезона ни недостигаше еден бод за да ја завршиме сезоната со изборен пласман во Лигата на шампиони. Сега треба да го надоместиме тоа“, изјави Лоренцо Инсиње за Фудбал Италија.

Претходно, тренерот на Наполи, Лучијано Спалети изјави дека седум клубови ќе се борат за скудетото оваа сезона.

Кога Мурињо пристигна во Рома, рече дека нема да смета на Педро, па тој замина во лутиот ривал Лацио. Синоќа Педро не се штедеше во прославата против својот поранешен тим, а овој погодок очигледно дека го сфати и како одмазда кон Мурињо бидејќи токму пред него прославуваше.

„Многу сум среќен со оваа победа, таа е многу значајна за ана и фановите, доаѓа по неколку меча во кои не игравме добро. Ова беше посебно дерби за мене. Многу сум среќен во Лацио. Тука сме како голема фамилија. Навистина ми се допаѓаат идеите на Сари, висок пресиинг, движење на топката брзо и создавање на шанси за гол. Дознав дека многу малку фудбалери дале гол за двата тима на дербито, па среќен сум што сум дел од историјата, ова е значаен момент во мојата кариера. Дербито на Рим е едно од најдобрите во светот бидејќи луѓето во градот зборувуаат за него цела недела. Ве сопираат на улица и ве потсетуваат колку овој меч е значаен за градот“, вели Педро.

Наполи одлично ја започна сезоната во Серија, тимот предводен од Лучијано Спалети после пет кола има исто толку победи и се наоѓа на врвот на табелата. Поради тоа во Неапол владее еуфорија, а се пишува и за можните засилувања во зимскиот преоден рок. Според информациите на италијанските медиуми една од желбите е Хрватот Иван Перишиќ.

Договорот на Перишиќ со Интер истекува летото 2022 година, а Наполи со него би можел да започне преговори во зимскиот јануари. Доколку е Интер расположен за продажба неговата цена не би требало да биде висока, во спротивно во Наполи може да чекаат, па во лето да го добија бесплатно.

Перишиќ за Интер одигра 210 натпревари и постигна 46 гола, во Интер пристигна во 2015 година од Волфсбург. Една сезона одигра во Баерн Минхен како позајмен фудбалер.

Самир Насри објави крај на својата фудбалска кариера. Поранешниот фудбалер на француската репрезентација објасни зошто веќе не сака да игра фудбал.

Тој истакна дека кариерата му ја уништи суспензијата која во 2018. година ја заработи поради допинг, иако тој тврди дека се работеше за витамини кои ги добивал бидејќи бил болен.

„Бев многу разочаран, сметам дека тоа беше лоша одлука. Не зедов ништо што не беше дозволено. Таа одлука ме уништи, а сега е време да ја завршам кариерата.“ – рече Насри.

Кога се појави на сцената и заблеска во Марсеј, многумина сметаа дека ќе стане еден од најдобрите француски фудбалери и носител на репрезентацијата, но тоа никогаш не се случи.

Беше продаден во Арсенал каде продолжи да се развива под водство на Арсен Венгер, за потоа да премине во Манчестер Сити.

Но, таму овој офанзивец започна да се „губи“, се менуваа и тренери, а тој не одговараше скоро на никого, па беше пуштен во Севиља. Од Севиља, се пресели во Анталијаспор, се обиде да ја спаси кариерата во Вест Хем и Андерлехт, но не успеа.

Македонскиот репрезентативец Милан Ристовски постигна два гола за Спартак Трнава во победата од 3:0 на гостувањето кај Дунајска Стреда во рамки на 9. коло во словачкиот шампионат.

Голгетерот стрелаше во 42. и 66. минута за да го постави конечниот резултат. За 23-годишниот интернационалец сега има пет голови сезонава и го дели првото место на листата на стрелци во словачкиот шампионат со уште двајца фудбалери.

Спартак Трнава исто така е на делба на првото место со Слован Братислава со по 20 бодови.

Голманот на Реал Мадрид, Тибо Куртоа го одигра својот стоти натпревар во Примера без примен гол. На мечот со Виљареал, неговиот тим одигра само нерешено, 0-0, а со тоа Тибо стана само петтиот голман во 21 век со такво достигнување.

Белгискиот чувар на мрежата на Реал има сто „суви“ мрежи на 217 одиграни средби во Примера. Пред него ваков резултат има само голманот на Атлетико Мадрид, Јан Облак. Словенецот стигна до 100 натпревари без примен гол на 182 натпревари.

Масимилијано Алегри потврди дека напаѓачите Пауло Дибала и Алваро Мората ќе го пропуштат дербито со Челзи во Лигата на шампиони.

Јувентус денес стигна до победа против Сампдорија од 3-2, но Дибала и Мората заработија мускулни повреди.

„Со сигурност Дибала и Мората нема да играат против Челзи, а ќе бидеме среќни ако успеат да се опорават по интернационалната пауза. Тоа е дел од фудбалот и мора да се навикнеме. Имавме неколку грешки во одбраната, но, дефинитивно добро се браневме во поголемиот дел од мечот, сепак среќни сме што дојдовме до нови три бода“, потврди Алегри.

ПСЖ викендов на својот стадион лесно со 2:0 го победи Монпеље и дојде до осмата победа во Лига 1 во исто толку натпревари.

Но, веќе денови се пишува за „немирите“ во соблекувалната на ПСЖ. Марка наведува дека е формиран јужноамерикански клан кој работи на тоа да го избрка Џанлуиџи Донарума од клубот откако тој тукушто пристигна од Милано.

Анхел Ди Марија, Лео Меси, Леандро Паредес, Маркињос и Нејмар се држат заедно и тие навнодно го фаворизираат Кејлор Навас на голот. Таа информација не е потврдена, а не е ниту првата приказна за несогласување во соблекувалната на клубот која се појави по доаѓањето на Меси.

Не е ниту последна, бидејќи на последниот натпревар се појавија искри помеѓу Мбапе и Нејмар. Камерата на преносто го фати Мбапе на клупата на ПСЖ како му негодува на Нејмар бидејќи не сака да ја додаде топката кога се заедно на теренот.

Медиумите во Франција објавија снимка од Мбапе како по доаѓањето на клупата на својот соиграча Геје му говори како Нејмар не сака да додава. Истите медиуми наведуваат дека во текот на натпреварот имаше неколку ситуации во кои се чинеше дека Нејмар го игнорира својот соиграч.

Дефанзивецот на Челзи, Антонио Рудигер, одби да го продолжи договорот што му го понуди лондонскиот тим.

Договорот за германскиот репрезентативец истекува следното лето, а актуелниот европски шампион сака што поскоро да го обезбеди неговиот престој на „Стемфорд Бриџ“. Сепак, очигледно е дека понудата не ги задоволи

Реал од Мадрид и Баерн Минхен се заинтересирани за услугите на 28-годишниот дефанзивен играч, кои со свои понуди ќе излезат во јануари следната година.