Манчестер Сити веќе подготвува голем трансфер идното лето, а мета е Килијан Мбапе, тврдат англиските медиуми.

Сити по заминувањето на Серхио Агуеро бараше нов напаѓач, а прва желба на Гвардиола беше Хари Кејн. Но, Тотенхем ги одби сите понуди, по што клубот од Манчестер се поврзуваше со Кристијано Роналдо, кој на крајот се пресели на Олд Трафорд.

Реал Мадрид ова лето се обидуваше да го доведе Мбапе, а наводно за него нудеше и околу 200 милиони евра, но ПСЖ одби иако договорот на францускиот напаѓач истекува наредното лето.

Знаејќи го тоа, веќе се предвидува дека Мбапе ќе заврши во Реал, клубот за кој навива од мали нозе. Но, сега во приказната се приклучи и Манчестер Сити, кој се уште бара нов напаѓач.

Според информациите, сопственикот на Сити даде зелено светло неговиот клуб да тргне по Мбапе, со кој ќе може да преговара веќе во јануари, доколку во меѓувреме не го продолжи договорот со ПСЖ.

Италијанските медиуми пренесуваат дека Тотенхем е спремен да му понуди трампа на Милан во зимскиот преоден рок. Франк Кеси влезе во последната година од договорот, но двете страни се далеку од договор за продолжување на соработката.

Последната понуда од Милан изнесува 6,5 милиони евра по сезона, но Кеси одбива да стави потпис бидејќи бара најмалку 8 милиони евра.

„Росонерите“ не сакаат да го загубат Кеси без обештетување и се спремни да го продадат во јануари, а најсилен интерес покажуваат ПСЖ и Тотенхем. Имено, „Спарси“ се спремни да понудат трампа помеѓу Кеси и Ндомбеле, а „росонерите“ се заинтересирани за таква размена.

По уште еден разочарувачки натпревар против Гранада и Кадиз, сигурно е дека каталонскиот тренер Роналд Куман ќе го напушти клубот.

Приказните за неговото заминување од Барселона стануваат се погласни, а медиумите пишуваат дека клубот разговарал со Роберто Мартинез, кој би можел да стане нов тренер на Каталонците.

Мартинез, кој инаку е Каталонец, е поврзан со двојно кумство со синот на легендата на Барселона, Жорди Кројф. Но, Мартинез би сакал да остане на клупата на Белгиската репрезентација до завршницата на Лигата на нации, која е на почетокот од идниот месец.

Позицијата на Куман дополнително се „разниша“ по натпреварот против Гранада и Кадиз, а Мартинез е првата желба на водечките луѓе во клубот и во него гледаат замена за Холанѓанецот.

Мартинез, кој претходно ги водеше Евертон и Виган, веќе му соопштил на Белгискиот фудбалски сојуз дека ќе ја преземе клупата на Барселона доколку пристигне таква понуда.

Доријан Бабунски кој е член на Ботев Варца се нашол на радарот на Левски Софија. Денес бунгарските медиуми објавија дека еден од најголемите клубови во нивната земја сака да го доведе Бабунски кој прикажува одлични настапи по пристигнувањето во Ботев. Според нивните информации Левски е спремен да плати и оштета.

Бабунски за неколку месеци поминати во Ботев одигра 19 натпревари во Бугарија и постигна пет гола. Се додава и дека во Левски се импресионирани што своевремено македонскиот фудбалер бил дел од школата на Реал Мадрид.

Во случај да дојде до ваков трансфер Бабунски не би бил единствениот Македонец од пред неколку недели дресот на Левски го носи актуелниот репрезентативец Ѓоко Зајков.

Ашраф Хакими е најскапиот фудбалер кој ова лето го доведе ПСЖ. Клубот од Париз, кој одлучи да создаде вистински „дрим тим“ и да ја нападне Лигата на шампионите, за Мароканецот плати 60 милиони евра на италијански Интер.

Хакими во првите седум натпревари веќе постигна три гола и запиша две асистенции. Откри дека во ПСЖ дојде не само поради парите, туку пооради верските и културолошки причини.

„Иако пораснав во Шпанија, ние сме Мароканци. Дома разговараме на арапски, муслимани сме, јадеме мароканска храна. Кога со 14 години добив повик од Мароко, не размислував ниту секунда. Подоцна имаше контакти и со Шпанија, но јас уште претходно донесов одлука. Една од причините што дојдов во Париз е таа што сум муслиман, а ова е голема арапската и муслиманска заедница. Знам дека поради тоа ќе се чувствувам како дома.“ – вели десниот бек.

„Имав две понуди, но мојата интуиција ми говореше да дојдам во Париз и дека овде ќе бидам среќен. ПСЖ е одличен клуб и ценам колку луѓето тука ме сакаа. Имав и среќа што моето доаѓање беше пропратено со големи трансфери и веќе сум сигурен дека не погрешив. Се чувствувам добри, имаме екипа од соништата и среќен сум што сум дел од неа.“

Ерлинг Халанд и оваа сезона брилира во Бундеслигата, а листата на најдобри стрелци и асистенти не е единствената на која се наоѓа меѓу најдобрите во лигата. Според пишувањата на медиуммите, тој го забележа и третиот најбрз спринт во германското првенство.

Најголема брзина во Бундеслигата оваа сезона остварија Брајан Ласме од Арминија Билефелд и Алфонсо Дејвис од Баерн. Нивната брзина изнесуваше 36.08 километри на час.

Веднаш зад нив е Халанд, кој трчаше 35.94 километри на час. Неговата исклучителна брзина му помогна на само пет натпревари сезонава да постигне седум погодоци и да запише четири асистенции.

Така, Халанд во моментот заедно со Левандовски е прв стрелец во лигата, додека на листата на најдобри асистенти го дели првото место со Флоријан Вирц, Марко Ројс и Томас Милер.

Дани Алвес изгледа пронајде нов клуб. Легендарниот Бразилец кој важи за најтрофеен фудбалер во историјата сака да продолжи да игра, дури најавуваше дека негова цел и Мундијалот во Катар.

Нов клуб на Алвес би требало да биде Флуминенсе кој доставил понуда за поранешниот фудбалер на Барселона. Алвес својата кариера ја започна во Баија, но млад замина во Европа. Прв клуб на европско тло му беше Барселона, играше за ПСЖ и Јувентус потоа се врати во Бразил и продолжи во Сао Паоло.

Во Флуминенсе Алвес за соиграчи ќе ги имае Фред, Абел Хернандес, Гансо…

Жозе Мурињо реагира на вчерашното исклучување на капитенот на „волчицата“, Лоренцо Пелегрини, на средбата со Удинезе.

Дефанзивецот во финишот на мечот заработи втор жолт картон поради удирање противнички играч со лакт и затоа ќе мора да го пропушти градското дерби со Лацио.

„Не ги знам легалните механизми во италијанскиот фудбал, но, ако можеме да се жалиме, треба да пробаме да го направиме тоа. Се сомневам дека Пелегрини заслужи црвен картон. Би сакал да го имам за мечот со Лацио“, изјавил Португалецот.

Престижниот весник „Марка“, тврди дека часови се во прашање кога Роналд Куман ќе добие отказ во Барселона, не е исклучена можноста да добие уште една шанса в недела против Леванте на нашиот Енис Барди, но ситуацијата е комплицирана.

Барселона во недела се среќава со Леванте, но дали на клупата ќе биде Роналд Куман, е големо прашање, нерешените 0-0 со Кадиз  го вклучија алармот и раководството на клубот решава за судбината на Холанѓанецот.

„Марка“ тврди дека ситуацијата е неподнослива, тензијата сега е уште поголема, а беше непријатна и пред мечот со Кадиз. Лапорта и Куман ќе имаат состанок и потоа следува отказ, тврдат медиумите во Шпанија.

Фудбалерите на Челзи се пласираа во осминафиналето од англискиот Лига куп со победата над Астон Вила по пенали, тренерот на „сините“ комбинираше и ја менуваше екипата, но најави дека неговата екипа нема да тактизира во ниту едно натпреварување сезонава.

„Премиерлигата или Лигата на шампионите не се пред некои други натпреварувања. Ние во овој клуб сакаме да створиме менталитет на победник на секој натпревар. Тоа мора да биде нашата ДНК.“ – вели Тухел.

Челзи во моментот е на првото место во Премиерлигата, има ист број на бодови со Ливерпул и Манчестер Јунајтед, а на таа титула чека од сезоната 2016/17. Во историјата, вкупно шест пати Челзи бил победник во Премиерлигата.

„Освоените трофеи од минатата сезона не влијаат на она што сакаме да го освоиме сезонава. Сакаме да освоиме се, да бидеме компетитивни во секој поглед и на секој натпревар. Излегуваме на терен за да победиме. Во домашните куп натпреварувања сакаме да одиме до крај, до Вембли. Нема тактизирање.“ – додава Тухел.