Актуелниот англиски шампион Ливерпул игра катастрофална сезона во Премиерлигата, па тренерот Јирген Клоп направи листа на потенцијални засилувања за наредната сезона. Оваа информација ја пренесе некогашниот напаѓач на Ливерпул, Стен Колимор повикувајќи се на тоа дека лошата форма на поединци и повредите на други играчи ги забрзаа плановите на „црвените“ за претстојната сезона. Како што се наведува, на листата желби се наоѓаат најмалку четворица фудбалери. Меѓу нив е фудбалерот на ПСЖ, Килијан Мбапе, за кој се интересира и Реал Мадрид, Давид Алаба, кој од ова лето ќе биде слободен играч, а на истата беше и Дајот Упамекано, кој веќе се договори со Баерн Минхен. Тука е и првата ѕвезда на Астон Вила, Џек Грилиш за кој се интересира и најголемиот ривал на Ливерпул, Манчестер Јунајтед. Се додава дека оваа листа не е заклучена и дека во некои решенија може да се прошири и на Ерлинг Халанд од Борусија Дортмунд. По поразот од Фулам, тимот на Клоп е на седмото место на табелата со четири бодови заостанување од местото кое води во Лигата на шампионите.

Mилан сезонава игра одлично, иако во последно време „росонерите“ малку паднаа во формата.
Сепак, и понатаму не може да се каже дека Скудетото им е недостижно. Ќе потсетиме, нивна главна цел пред почетокот на сезоната беше тимот на да се врати во Лигата на шампионите и тоа е речиси обезбедено.
Сега во италијанските медиуми се најавува дека тимот може да добие нов сопственик и тоа бизнисменот од Молдавија, Александар Јуцов. Адвокатскиот тим на Јуцов објави дека тие добиле дозвола да започнат преговори со Инвестициониот фонд „Елиот“ за превземање на клубот.

Навивачите на Манчестер Јунајтед ќе му замерат за многу нешта на Оле Гунар Солскјер, но со победата над градскиот ривал се запиша во златната историја на клубот.
Имено, норвежанецот е првиот менаџер на „црвените ѓаволи“ во историјата на клубот кој го победил Манчестер Сити на првите три гостувања.
На првиот свој меч на Етихад, Солскјер славеше со 2:1 со головите на Рашфорд и Марсијал во декември 2019. година, а месец дена подоцна, кон крајот на јануари минатата година, победи во полуфиналето од Лига купот со 1:0, кога „кобен“ за Сити беше Немања Матиќ.
На последниот натпревар, Јунајтед го совлада градскиот ривал кој имаше врзано 21 победа во сите натпреварувања со резултат 2:0, а стрелци на головите беа Бруно Фернандеш и Лук Шо.

Поранешниот тренер на Милан, Лацио, Интер и Јувентус, Алберто Закерони, смета дека Ромелу Лукаку лесно би можел да ја добие златната топка оваа година.
„Мислам дека таа награда треба да оди кај играчот кој прави разлика, техничка и физичка, тоа се најважните карактеристики. Искрено, не би ме изненадило да ја добие Лукаку, вели Закерони.
Лукаку оваа сезона во 24 настапи во Серија А постигна 18 гола со седум асистенции, а во осум средби од Лигата на шампионите и купот на Италија беше стрелец уште шест пати.

Лорис Кариус беше предмет на потсмев поради големите киксеви кои ги направи во кариерата, но сега пристигна сензационална вест од Германија.
Кариус се посрамоти во финалето на Лигата на шампиони со Ливерпул, а потоа замина во Бешикташ каде исто така имаше неколку големи киксеви, но ниту таму не се прослави, по што се пресели во Унион Берлин.
Германските медиуми пишуваат дека Баерн Минхен би можел да се засили со Кариус, чија вредност во моментов изнесува два милиони евра.
Мануел Ноер неодамна потпиша нов договор, а неговата резерва Александер Нубел инсистира да замине на лето на позајмица, па поради тоа Кариус би требало да го преземе неговото место.

Италијанските медиуми лансираа вистинска „бомба“ и тврдат дека Јувентус сака на лето да го донесе Мохамед Салах во своите редови. Медиумите тврдат дека италијанскиот шампиони на лето ќе се раздели со Дибала, а Роналдо е на залез на кариера, па сака да донесе нова ѕвезда во нападот. Прва ѕвезда е Мохамед Салах, чија иднина во Ливерпул е неизвесна откако влезе во конфликт со тренерот Клоп. Шпекулациите уште повеќе се засилија откако синоќа беше заменет во дербито против Челзи. Јувентус е спремен да се ослободи од Дибала за да го донесе Салах во Торино. Египќанецот својата фудбалска афирмација ја доживеа во Серија А каде со успех го носеше дресот на Фиорентина и Рома.

Дефанзивецот, Серхио Рамос, може да остане во редовите на фудбалскиос тим Реал Мадрид уште две сезони. Според наведеното, капитенот на „белите“ кој ги одбиваше сите понуди за нов договор и сакаше да си замине, сега се предомислил и најверојатно ќе ја продолжи соработката со клубот. Доколку тоа се случи, искусниот ветеран ќе заработи околу 20 милиони евра за наредните две сезони.

Претседателот на Баерн, Херберт Хаинер тврди дека неговиот клуб може да го доведе Ерлинг Халанд. Напаѓачот на Борусија Дортмунд е еден од најбараните играчи на светот и се поврзува со заминување во некој од најголемите клубови. Тој постигна 27 погодоци и подели седум асистенции во 27 настапи за Дортмунд во сите натпреварувања оваа сезона. Халанд е на мета на Реал Мадрид, Манчестер Сити, Челзи, Манчестер Јунајтед и Барселона, а неговата откупна клаузула наводно изнесува 75 милиони евра. „Ние сме економски силен и здрав клуб. Иако и ние патиме поради пандемијата, секогаш можеме да доведеме играчи кога сме уверени во нивните квалитети.“ – вели Хаинер. Хаинер потврди дека клубот преговара за нови договори со Горецка и Суле, а нивните сегашни договори истекуваат во 2022. година. Баерн веќе го договори доаѓањето на Дајот Упамекано од Лајпциг, па тој од наредната сезона ќе го носи дресот на германскиот шампион.