Ремито со Ерменија во кое видовме и добри и лоши работи веќе е зад нас се мисли на Исланд.

Натпреварот со Исланд го играме на гости во недела, а веќе се познати судиите кои ќе делат правда во Рејкавиќ.

Главен судија на мечот ќе биде Иван Кружлиак од Словачка и ќе му помагаа Бранислав Ханцко и Јан Позор. Четврт судија ќе биде Филип Глова. Во ВАР собата ќе бидат сместени Павел Рачковски и Даниел Стефански од Полска, нивни асистент ќе бидат Мартин Ингварсон од Шведска и Михаел Шафрот од Швајцарија.

Дуелот со Исланд го играме в недела со почеток од 18:00 часот, тој ќе биде петти во овие квалификации во кои до сега имаме две победи, еден пораз и едно реми.

На стадионот „Билјанини извори” во Охрид Македонија до 21 против Србија на 7. септември со почеток во 16. часот ќе го одигра вториот натпревар од септемврискиот квалификациски циклус за пласман на Европското првенство во Романија и Грузија 2023 година.

Фудбалерот на Жилина и член на младата репрезентација, Енис Фазлагиќ даде кратко видување на нашиот настап против Франција и ги сподели своите очекувања за претстојниот дуел со Србија.

„Одигравме под очекувањата, свесни сме за нашите грешки. Франција е премногу силна, тоа го покажа и потврди на вчерашниот натпревар. Располага со многу квалитетни играчи кои играат во едни од најдобрите клубови во Европа, но тоа не е оправдување за нашата лоша игра, едноставно моравме да одиграме на едно повисоко ниво. Премногу ги респектиравме, правевме грешки, им дозволивме да се разиграат и да го покажат целиот свој квалитет. Мечот против Србија ќе биде многу поразличен од дуелот со Франција.Играме на домашен стадион, пред домашна публика во Охрид. Тоа е голем мотив за нас да се покажеме во добро светло и да освоиме бодови. Имаме одлична комуникација со новиот селектор, иако имавме многу малку време да се запознаеме и да се подготвиме за натпреварите. Постепено не запознава со неговите идеи и замисли, верува во квалитетот на оваа селекција. Може да очекуваме само подобра Македонија во иднина. Србија е квалитетен противник, загубија од Украина на домашен терен, но тој резултат не го оспорува нивниот квалитет.“ – вели Фазлагиќ.

Арсенал се наоѓа во можеби и најголемата криза во клупската историја.

Екипата на Микел Артета во првите три кола од новата сезона запиша три порази без постигнат погодок, што е најлош старт во последните 128 години. Арсенал изгледаше криминално лошо во последното коло против Манчестер Сити, кој го прегази со 5:0, а можеше да постигне уште толку погодоци. Навивачите се огорчени, стравуваат од испаѓање, а поранешни играчи и легенди на клубот се бесни.

Но, Арсен Венгер не е претерано загрижен.

Французинот кој повеќе од две децении беше на кормилото на „топџиите“ смета дека до крајот на сезоната Арсенал ќе биде при врвот на Премиерлигата.

„Преубав дел од животот поминав во Арсенал. Ги следам нивните натпревари како фан и не сум загрижен од лошиот старт, на секого може да му се случи.“ – рече Венгер додавајќи:

„Арсенал има одлична екипа и до крајот на сезоната ќе биде при врвот на табелата.“

Поранешниот португалски репрезентативец, Бруно Алвес како слободен играч премина во грчки Аполон Смирнис.

После одличната кариера во Порто, Зенит, Фенербахче, Каљари, Ренџерс и на крајот Парма, 39 годишниот стопер во јули го најави португалската Фамалика каде што требаше да остане две години, но си замине после само три недели.

Сепак, сега има нов клуб. Вечерва ќе пристигне во Грција за да ги одработи лекарските прегледи и да потпише договор со Аполон.

Минатата сезона искусниот дефанзивец со 96 меѓународни настапи запиша 19 натпревари во Серија А како играч на Парма и постигна еден гол.

Македонската фудбалска репрезентација е во Рејкјавик, утре се среќава со Исланд во 5. коло од групата „Ј“ во квалификациите за Светското првенство во Катар.

Нашиот национален тим по нерешените 0-0 во Скопје со Ерменија, посакува победа против Исланд кој загуби од Романија со 2-0 во Рејкјавик.

Селекторот Благоја Милевски има закажан еден тренинг со почеток од 18 часот, а натпреварот со Исланд во недела се игра во исто време.

Македонија по четири одиграни средби, на табелата има 7 бода и се наоѓа на третата позиција зад Ерменија со 10 и Германија со 9 бода, Исланд има 3 бода на претпоследното место.

Самуел Кастиљехо е пред трансфер ви ЦСКА Москва, пренесуваат италијанските медиуми. Кастиљехо цело лето беше на излезна врата од Милан, а со доаѓањето на Месијас неговата минутажа сигурно додатно ќе се намали.

Трансфер пазарот во Русија е отворен до 7 септември, па ЦСКА Москва започна преговори со Милан за трансфер на Шпанецот.

Фудбалерот е отворен за преселба во Москва, а двата клуба ги договараат последните детали.

Кастиљехо треба да се пресели во ЦСКА на едногодишна позајмица со задолжителен откуп за сума од 8 до 10 милиони евра.

Поранешниот дефанзивец на Тотенхем, Серж Орие, изненадувачки размислува да го замени дресот на Тотенхем Спарс со оној на големиот ривал Арсенал.

Договорот на десниот бек беше раскинат последниот ден од преодниот рок и тој се уште не најде нов клуб. Токму поради оваа причина, „топџиите“ се многу заинтересирани да го привлечат за да ја зголемат конкуренцијата на десниот бек, каде што последниот ден од трансфер пазарот беше донесен Такехиро Томијасу од Болоња, но Хектор Белерин беше испратен во Бетис.

Токму поради оваа причина, Серж Орие се гледа како добра опција што може да донесе различна длабочина во составот, бидејќи е познат по својата корисна офанзивна игра.

Џек Грилиш, знае дека очекувањата од него се големи откако „граѓаните“ и дадоа на Астон Вила 100 милиони фунти за неговиот потпис. Со таа сума,  тој стана најскапиот британски играч.

„Секогаш размислувам колку можам да му помогнам на тимот. Затоа платија толку многу за мене. Тоа го прават за играчите како Кевин Де Бруjнe кој знае да донесе пресврт. Имам 25 години, имам три, четири, пет години додека не ја достигнам идеалната возраст. Имам уште многу да научам и многу да се подобрам“, потенцираше напаѓачот.

Робин Госенс денес ги помина медицинските прегледи и е под знак прашалник за настап на следните квалификациски натпревари за Светското првенство.

Фудбалерот на италијанската Аталанта Госенс го извиткал скочниот зглоб во победата над Лихтенштајн со 2-0. Неговата конечна дијагноза ќе стане јасна до крајот на денот, но речиси е сигурно дека тој нема да биде во комбинација за натпреварот со Ерменија в недела и гостувањето на Исланд следната среда.

„Има проблем со зглобот и има многу болки“, изјави новиот селектор Ханзи Флик. Госенс е уште еден фуидбалер кој има проблем откако Томас Милер го напушти таборот на тимот поради повреда. Но, голманот Мануел Нојер е подготвен да се врати да игра против Ерменија. Дебитантот Давид Раум од Хофенхајм може да го заземе местото на Госенс, бидејќи тој е единствениот друг лев дефанзивец во тимот на Флик.

Роберто Манчини го запиша своето име во историјата на италијанскиот фудбал со интересно достигнување.

По ремито 1-1 со Бугарија во Фиренца во натпревар од квалификациите за СП, Манчини стана селектор со најмногу домашни натпревари без пораз во историјата на италијанската репрезентација – 18, објави Опта.

Така, тој го подобри рекордот на легендарниот Марчело Липи (17), кој ги предводеше националниот тим на Италија до последната светска титула на тимот (2006 година).