Фабио Паратичи сака да му ја замрси работата на својот бивши клуб Јувентус.

Имено, Паратичи сака уште во зимскиот преоден рок да договори две големи трансфер желби на „старата дама“. Се тврди дека Паратичи веќе работи на трансферите на Душан Влаховиќ од Фиорентина и Орелиан Чуамени од Монако.

Двајцата фудбалери се најголеми желби на Јувентус и сака да ги донесе следното лето во Торино. Паратичи ќе направи се што е во негова моќ за да ги донесе двајцата фидбалери во Лондон, а наводно добил доволно буџет од претседателот Даниел Леви.

Тројца фудбалери на Барселона нема да му бидат на располагање на тренерот Роналд Куман за шпанското фудбалско дерби против Реал Мадрид в недела.

Играчот од средниот ред Педри, крилниот напаѓач Осман Дембеле и дефанзивецот Роналд Араухо се опоравуваат од повредите и нема да бидат подготвени за Ел Класико, пишуваат шпанските медиуми.

Натпреварот на „Камп Ноу“ е на 24 октомври и започнува во 16.15 часот. Во моментов, Реал Мадрид е втор на табелата во Примера со 17 бода, но со натпревар помалку.

Лидер е Реал Сосиедад со 20 бода. Барселона, пак, го зазема седмото место на табелата со 15 бодови, а исто така има еден натпревар помалку.

Mилан вчера беше поразен од Порто и така се стави во тешка ситуација за место во нокаут фазата во Лигата на шампионите.

„Росонерите“ имаат три порази во првите три натпревари. Вчера одиграа лош натпревар и можеа поубедливо да бидат поразени од тие 0-1. Златан Ибрахимовиќ после натпреварот беше реален и посочи дека неговиот тим не заслужил повеќе во овој натпревар.

„Ова беше најлошиот натпревар од досегашните три и не заслуживме бодови. Треба да имаме предвид дека за многу од нашите фудбалери ова е прв настап во Лигата на шампионите и тие треба да созреат и да стекнат искуство. Како што можете да видите со искуството во Серија А нашата игра веќе се подобрува, така сметам дека со секој натпревар и во ЛШ треба да имаме напредок“, смета Ибрахимовиќ.

Њукасл оваа недела ќе започне разговори со Пауло Фонсека за нов менаџер на тимо.. Португалецот е еден од неколкуте кандидати за функцијата која е испразнета пред само неколку часа од Стив Брус. Отказот на Англичанецот се очекуваше околу две недели, но на крајот доби можност да го предводи тимот за последен пат во текот на викендот против Тотенхем во натпревар што заврши 3:2 во корист на лондончани.

Фонсека беше последен пат на клупата на Рома, а летото преговараше со Тотенхем, но на крајот тие се одлучија за Нуно Еспирито Санто.  Фонсека е трикратен шампион на Украина и трикратен освојувач на Националниот куп на Украина со Шахтјор Доњецк, како и победник на Купот на Португалија со Брага.

По преземањето на Њукасл од саудиските сопственици, секој ден излегуваат информации за можни договори со  големи фудбалски имиња. Познати тренери и играчи постојано се поврзуваат со доаѓање на “Сејнт Џемс Парк“.

Најново име кое се поврзува со облекување на црно-белиот дрес на Њукасл е бившиот играч на Арсенал и германски репрезентативец, Месут Озил. 

Освен за Озил кој моментално настапува во турската лига за екипата на Фенербахче, од Њукасл се заинтересирани и за доведување на неговиот клупски соиграч, голманот Алтан Бајендир.

Со двата гола на синоќешниот меч со Атлетико Мадрид, голгетерот на Ливерпул, Мохамед Салах постави нов клупски рекорд.

Египќанецот постави нов клупски рекорд по бројот на постигнати голови во Лигата на шампионите – 31.

Тој од врвот на листата го симна легендарниот поранешен капитен на тимот, Стивен Џерард кој имаше 30 гола за Ливерпул во Лигата на шампионите.

Овој изведен пенал ни доаѓа од ниските лиги во Англија.
Погледнете го овој хит од Островот:

Напаѓачот на Манчестер Јунајтед, Кристијано Роналдо ги повика своите соиграчи во обид да ги мотивира и да покажат што знаат во дуелот од Лигата на шампионите против екипата Аталанта и со тоа да се вратат на победничкиот пат. 

„ Нашето време доаѓа. Мораме да покажеме од што сме создадени, а Лигата на шампионите е совршено место за докажување пред светот. Нема оправдувања! Ајде да го направиме тоа! “, Напиша Роналдо на својот Инстаграм профил.

Барселона во наредните денови ќе го официјализира новиот договор на Ансу Фати, тврдат каталонските медиуми.

Како што потврдија денес повеќе извори директорот на Барселона отпатувал во Португалија на завршни преговори со агентот Жорж Мендеш. Ансу Фати има договор до 2022 година и Барселона има опција за продолжување до 2024 година, но веќе подолго време беше во преговори за нов договор.

Според извештаите новата „десетка“ на Барселона ги одбил сите останати понуди и ќе стави потпис на нов договор до 2026 година.

Финансиските детали не се познати, но 18-годишниот талент ќе добие значително зголемување на платата.

Тренерот на Ливерпул, Јирген Клоп,  изрази задоволство од победата во Лигата на шампиони над Атлетико Мадрид со 3:2 и вели дека највредни се триумфите постигнати со не толку добра игра.

Ливерпул брзо поведе со 2:0, по што следеше израмнување од домашниот тим, но пред на крајот средбата Мохамед Салах донесе триумфот со гол од пенал. Драмата беше целосна бидејќи судијата досуди пенал за домаќините, но по интервенцијата на ВАР и прегледување на ситуацијата, ја укина неговата одлука. Антоан Гризман доби црвен картон опасна игра над Фирмино.

„Секако дека беше тежок натпревар. Сепак, воопшто не ми е грижа како победуваме. Највредни се тешките победи. Во ваков натпревар, освојувањето на трите бода беше од големо значење “, рече Германецот. 

Клоп, смирено го прифати фактот дека Диего Симеоне не го поздрави по натпреварот.

„Неговите постапки не беа правилни, но во исто време јас целосно го разбирам. Не сакав луто да реагирам кон него, но на крајот сакав да му ја подадам раката, а тој не го стори тоа. Неговата реакција не беше пријатна, но и мојата исто така, двајцата сме емотивни поединци“, изјави Клоп.