Борусија Дортмунд и Себастијан Кел меѓусебно го раскинаа договорот за соработка. Оваа одлука едногласно ја донесоа раководството на Дортмунд и поранешниот спортски директор.

„Во отворена дискусија, Себастијан Кел, [извршниот директор] Карстен Крамер и јас дојдовме до заеднички заклучок дека летото е вистинско време за промени. За да им дадеме време на двете страни да се подготват, заеднички се согласивме веднаш да го раскинеме договорот на Себастијан“, објасни извршниот директор за спорт на клубот, Ларс Рикен.

Кел го водеше професионалниот играчки оддел во Борусија Дортмунд од 2018 година. Во летото 2022 година ја презеде функцијата спортски директор, а под негово водство, тимот стигна до финалето на Лигата на шампионите во 2024 година.

Повеќе од 150 лица се уапсени по масовна тепачка меѓу навивачите на Борусија Дортмунд и Хамбургер по натпреварот меѓу двата тима од Бундеслигата, соопшти денеска полицијата во Дортмунд.

Како што пренесува агенција ДПА, во инцидентот се лишени од слобода 152 лица, повеќето од нив навивачи на Хамбургер.

Сите се ослободени откако бил утврден нивниот идентитет и била поведена кривична постапка.

Според извештаите на германските медиуми, навивачите на Борусија Дортмунд нападнале автобуси што ги превезувале навивачите на Хамбургер по натпреварот во саботата, што довело до масовна тепачка на улиците. Повеќето од навивачите избегале кога полицијата пристигнала на местото на настанот.

Нема информации за повредени во инцидентот.

Челзи нема намера да го отпушти Лиам Розениор, објави Фабрицио Романо.

Лондонскиот клуб му верува на тренерот. Челзи разбира дека Розениор пристигна на средина од сезоната и немаше соодветна предсезона.

Да потсетиме, Челзи има една победа во последните 6 натпревари во Премиер лигата.

Атмосферата во Северен Лондон пред почетокот на натпреварот зрачеше со пркос, но заврши со веќе добро познатиот молк на капитулацијата. Неделата, која наместо како обичен натпреварувачки ден се чувствуваше како последен суд за клубот, донесе дебакл на Тотенхем од 0:3 против Нотингем Форест. Со овој пораз, премиерлигашкиот статус на Спарси сега виси на тенок конец.

Денот започна со редок блесок на надеж. Илјадници навивачи ги преплавија улиците околу стадионот, пречекувајќи го клупскиот автобус со транспаренти „Сите заедно, засекогаш“, очајнички обид да се создаде тврдина која му недостасува на тимот цела сезона. Иако Спарси доминираа во поседот во првите 45 минути, при што Ришарлисон и Матис Тел ја погодија рамката од голот, кревкоста на тимот повторно излезе на виделина во најлошиот можен момент.

Пред самиот крај на првиот дел, корнерот на Неко Вилијамс го пронајде Игор Жезус, кој непречен од никого ја заби топката во мрежата на Викарио. Тој погодок беше психолошки нокаут. Енергијата од трибините исчезна, а познатиот наратив за „губитничкиот менталитет“ на Тотенхем повторно оживеа. Во второто полувреме, егзекуцијата беше клиничка. Морган Гибс-Вајт зголеми на 0:2 во 62-рата минута, пред Таиво Авонији со трет погодок да ги испрати домашните навивачи предвреме кон излезите.

Бројките кои ја отсликуваат сезоната на Тотенхем се историски во најнегативна смисла. Овој пораз означи рекордна црна серија каква што не е видена во клубот 91 година, Спарси немаат успеано да забележат ниту една првенствена победа во првите три месеци од календарската година.

Додека асистентот, Бруно Салтор, на привремениот менаџер, Игор Тудор, по натпреварот зборуваше за „ситни детали“, реалноста е многу посурова и структурна. Со претстојната репрезентативна пауза, патот пред Спарси изгледа застрашувачки.

Тотенхем го чекаат тешки гостувања кај Сандерленд, Челси и Астон Вила, како и „финалето за опстанок“ против Лидс. Без радикална промена во водството или целосен психолошки рестарт, незамисливото, испаѓање од елитата за првпат по 1977 година, повеќе не е само песимистичка теорија, туку најверојатен исход. Навивачите го дадоа својот максимум пред првиот свиреж. Фудбалерите, по којзнае кој пат, не успеаја да одговорат на задачата.

Фудбалерите на Реал Мадрид го победија Атлетико Мадрид на домашен терен со 3-2 во дербито на 29-то коло од шпанската Ла Лига. Реал, успеа да слави во градскот дерби по шест натпревари и остана на минус од четири бода во однос на Барселона. Натпреварот го обележа сомнителниот пенал за Реал во 52-та минута и голчиштетето на Науел Молина.

Одличен натпревар одиграа градските ривали, Реал имаше шанса повеќе во првото полувреме, Атлетико од двете искористи една, преку Лукман во 33-та минута. Во 11-та минута дискутабилна ситуација пред голот на Реал, по стартот на Карвахал врз Љоренте, но судијата не се огласи.

Мууера реагираше во 52-та минута, кога досуди сомнителен пенал за Реал. Винисисус изедначи, а четири минути подоцна, Валверде ја казни грешката на Руџери и Хименез.

Во 66-тата минута, најубевиот момент на натпреварот, Молина од 25 метри испрати торпедо во голот на Реал.

Сепак радоста на гостите траеше само неколку минути, повоторно лошо поставување во одбраната, Баена задоцни да блокира,а Винисиус со својот втор гол му ја враи предноста на Реал.

И токму кога се чинеше дека ќе го доведат овој натпревар до релативно мирен крај, Реал остана со играч помалку – во 77-тата минута, дивјачки старт на Валверде врз зглобот на Баена, Мунуера веднаш го звлече црвениот картон и го исклучи капитенот на Реал.

Атлетико се насочи со сите сили кон напад, Алварез со страотен удар ја погоди стативата во 81-та минута. До крајот немаше гол и немаше промена на резултатот.

Антонио Рудигер фудбалерот на Реал Мадрид, е блиску до продолжување на престојот во Мадрид.
По целосното закрепнување од тешката повреда поради која го пропушти речиси целиот прв дел од сезоната, Германецот повторно стана незаменлив стартер и си обезбеди нов круг преговори за договор.

Во есента медиумите пишуваа дека Рудигер сигурно ќе замине летово, по истекот на договорот, но сега ситуацијата е сосема поинаква.

Тренерот Алваро Арбелоа пред дербито со Атлетико Мадрид изјави дека би му подигнал статуа на Рудигер, бидејќи е врвен играч и вистински пример за младите фудбалери.

„Ако ме прашате дали сум за тоа Ридигер да остане, ќе ви кажам дека би му подигнал статуа во мојата градина за да го задржам“, рече Арбелоа.

Медиумите веднаш реагираа и ги истражија информациите во клубот за Рудигер, при што сега владее позитивно мислење за неговото останување.

Дополнително, Едер Милитао доживеа нова тешка повреда, Бразилецот практично во последните три сезони, две години, беше повреден.

Иако Флорентино Перез сака да донесе сензационален стопер летово, Рудигер би можел да остане во ротацијата.

Новиот селектор на македонската фудбалска репрезентација Гоце Седлоски вечерва го означи стартот на мини подготовките за двата мартовски плејоф натпревари на гостински терен за пласман на Светското првенство кое ова лето ќе се одржи во САД, Канада и Мексико.

Македонската репрезентација на 26 март во Копенхаген ќе ѝ гостува на Данска во обид да го изненади фаворитот и да обезбеди пласман во финалето во кое за место на Мундијалот ќе соочи со победникот од дуелот меѓу Чешка и Република Ирска. Поразените репрезентации од двата баражи ќе се соочат на 31 март, во Прага или Даблин.

„За мене ова е нешто најголемо што може да се случи во мојата кариера, да го облечам дресот на Македонија. Навистина е чест и огромно задоволство што сум тука. Ќе дадам сè од себе за да помогнам на репрезентацијата. Ова го посакував, го чекав и го сонував долго време и среќен сум што конечно дојде моментот. Со нетрпение очекувам да започнеме. Најважно е да бидеме тим, сите заедно. Знам дека на мојата позиција Алиоски има големо искуство и многу години во репрезентацијата, и тоа е дополнителна мотивација. Очекувам тежок натпревар. Данска е силна репрезентација, но ние се фокусираме на нас самите. Верувам дека натпреварот е 50-50 и дека сè зависи од нас. Одиме максимално мотивирани и се надевам на позитивен резултат, зошто да не и пласман во финале.“, изјави пза офиоцијалниот сајт на ФФМ, дефанзивецот на Борац Бања Лука, Себастијан Ерера, кој заедно со напаѓачот на Сиетл, Дени Мусовски и стоперот на Шкендија Имран Фетаи добија дебитантски повик.

Повратниците во репрезентацијата се Бобан Николов од Вардар, Љупче Дориев од узбекистански Согдиана и Егзон Бејтулаи од косовска Дрита.

Менаџерот на Манчестер Сити, Пеп Гвардиола, стана првиот тренер во историјата кој освоил пет Лига куп трофеи на Англија.

Тој го освои својот петти трофеј со победата од 2-0 над Арсенал во финалето одиграно денеска на „Вембли“.

Гвардиола претходно го освои Англискиот Лига Куп во сезоните 2017/2018, 2018/2019, 2019/2020 и 2020/2021.

Тој сега има повеќе трофеи од Брајан Клоф, Алекс Фергусон и Жозе Мурињо, кои имаат по четири.

Екипата на Челзи веќе разгледува неколку потенцијални замени за 41-годишниот тренер кој ја презеде функцијата во јануари.

Меѓу менаџерите достапни на пазарот, одборот на Челзи тешко би можел да најде подобра опција од Чаби Алонсо.

Шпанецот го предводеше Баер Леверкузен до неверојатен двоен трофеј без пораз во Бундеслигата и Купот на Германија, иако го загубија финалето на Лигата на Европа од Аталанта по хет-трикот на Адемола Лукман.

Потоа тој го презеде Реал Мадрид, но го напушти клубот во јануари 2026 година по поразот од 3-2 од Барселона во шпанскиот Суперкуп.

Рубен Аморим е исто така интригантна опција.

Пред неговото време во Манчестер Јунајтед, тој се сметаше за еден од најперспективните менаџери во Европа, откако го трансформираше младиот и енергичен тим на Спортинг Лисабон во шампиони по децении талкање, но и по неуспешната епизода во Манчестер Јунајтед тој веќе има искуство како не треба.

За да ја вратат поддршката од навивачите, шефовите на „сините“ можат да сметаат на легендата на клубот – Џон Тери, 45-годишниот поранешен капитен, кој освои пет титули во Премиер лигата

Иако играа мотивирано и имаа шанси, битолчани не успеаја да ја конвертираат повремената теренска надмоќ во погодок, а потоа кога нивното темпо опадна, Струга безмилосно ги казни. Пелистер започна агресивно и преку Мирко Ивановски како најистурен играч се обиде да направи ран притисок. Таквиот пристап ја донесе првата шанса токму кога центарфорот на битолчани беше соборен во расчекор додека ја минуваше линијата на шеснаесетникот, но главниот судија Влатко Илиоски немаше храброст да покаже на белата точка. Слободниот удар го изведе Србијанац, но таа топка погоди во глава еден од играчите во живиот ѕид и не донесе натамошна опасност по голот на домашните.

Во 13. минута по левата страна Керим поведе напад на Пелистер, го пронајде Ивановски, но овој оцени дека не може да бие и со глава ја врати топката кон помладите соиграчи кои не ја прочитаа неговата инстинктивна реакција, па одбраната на Струга ТЛ ја расчисти опасноста.

Струга ТЛ делуваше мошне неорганизирано во своите додавања, па наместо вистинска акција видовме неколку соло обиди од нивни играчи. Во 22 минута Ласана Дијако биепе од 25 метри, а Јовчевски беше на своето место, но не успеаја сосема да ја скроти топката која минимално отскокна пред него, доволно за Компаоре да се обиде да ја шутне, но успеа само да го повреди голманот на битолчани. Судијата Илиоски оцени дека не треба да покаже картон за ваквиот старт во казнениот простор каде што голманот е неприкосновен. Гостите полека ја преземаа иницијативата и се обидуваа да создава шанси на половината на противникот, но видовме само некои обиди за удари кон голот на Јовчевски, најпрвин од Шабани кој се посрамоти, а потоа и од Радевски кој барем успеа да ја погоди топката иако таа отиде далеку од голот.

Во последните 15 минути од првиот дел имаше чести прекини, но обидите за тресење дојдоа во контранападите. Во 31 минута Ивановски беше во центарот на транзицијата на противничката половина, избра во празно да го проигра Керим, но овој втрча во шеснаесетникот без да успее да ја внесе и топката, па откако се врати чекор назад, веќе беше опколен од противничките дефанзивци. Воша ги предводеше нападите на Струга ТЛ по десната страна, а најдобриот потег го направи во 45 минута кога наместо да ги бара Бојку или Компаоре, успеа во казнетиот простор да го пронајде Марјан Радевски.Тој пак во манир на искусен голгетер со глава ја погоди мрежата на Пелистер, доминирајќи преку Христијан Стојановски, кој можеби очекуваше прекршок,но веќе претходно во повеќе случаи се виде дека судијата Илиоски толерираше погруба игра.

Тренерот на Пелистер, Милан Стојаноски направи три измени на стартот од вториот дел, но не успеа веднаш да ја врати иницијативата кај битолскиот тим.

Во 60 минута по стартот над Бошковски, нововлезениот Булатовиќ се обиде да нафрли од левата страна, но всушност одбиената топка послужи за контранапад, при што на крајот при една несмасна интервенција на повеќе играчи од одбраната на домашните, Радевски од десно ја погоди стативата. Можеби тој момент беше повик за будење, па Пелистер во следниот напад се избори за корнер по шутот на Ивановски кој можеше да довде до ефектен автогол. По корнерот, мрежата на Анџелети беше затресена, но судијата го поништи голот по рекламација на помошниот судија, а потоа и проверката од ВАР собата ја потврди таа одлука.

Во 73. минута Ристевски од десната страна упати добар центаршут, а Петковски се најде во ситуација да шутира, но Анџелети реагираше и ја одбрани најдобро изработената шанса на Пелистер.

Два одлични контранапади донесоа возбуда во 75. минута по промените кои ги направи Бленди Шкемби, при што во првата ситуација нововлезенот Малески имаше шанса за Струга ТЛ, додека на спротивната страна Бошковски и Петковски се обидоа, но не успеаја да го надмудрат Анџелети. Струга ТЛ беше физички доминантна во финишот, лесно се пробиваа на противничката половина. Компаоре се проби по десната страна во 79. минута, брутално го фаулираше Стефан Спироски, влезе во шеснаесетникот и постигна гол. Додека играчите на гостите се радуваа, повторно беше потребна реакција од ВАР собата и поништување на она што не го виде Влатко Илиоски.

Конечниот резултат беше постигнат во 87. минута кога Малески ја поведе акцијата на гостинскиот тим по средината, го проигра Јефтовски во лево кој велезе во шеснаесетникот па ја врати топката до Малески, кој рутинирано реализираше без чувар крај себе.

До крајот Малески имаше уште една шанса за погодок, но биеше над голот. Пелистер останува без постигнат гол на трета средба по ред, а со тоа и на 23 бода кои му го носат десеттото место на табелата.