Иако се наоѓа во вистинска криза, Шкупи успеа да претстави ново засилување во своите редови. Клубот од Чаир го донесе Нешат Мурати, кој пристигнува од Осогово.

Летово во клубот пристигнаа повеќе фудбалери, но дел од нив веќе си заминаа поради проблемите кои ги имаше Шкупи со регистрацијата.о. Сепак, и во такви услови, Мурати одлучи да продолжи на Чаир.

Што се однесува до резултатите, Шкупи е единствениот тим во првенството кој по четири кола нема освоено ниту еден бод. Дополнителен проблем претставува и фактот што клубот сè уште нема стадион за домашни натпревари, бидејќи стадионот во Чаир не ги исполнува условите за користење на ВАР технологијата.

Во својата кариера, новиот член на чаирчани беше дело уште од Шкендија, Арсими, албански Кукеси, како и за хрватските клубови Дугопоље, Сегеста Сисак и Крк.

Актуелниот европски шампион ПСЖ се соочува со сериозни проблеми пред почетокот на новата сезона од Лигата на шампионите. Во последните неколку дена, Дембеле се повреди, а тренерот Луис Енрике имаше несреќа со велосипед во која се повреди, сега пристигна информација дека ќе паузира уште еден фудбалер.

Шпанскиот стратег при падот ја скрши клучната коска, па ќе мора да оди на итна операција. Покрај Дембеле за кого претходно беше објавено дека ќе паузра околу месец ипол, сега пристигна вст и за повреда на Дезире Дуе и тој ќе биде надвор од терените околу четири недели поради повреда на листото.

Во Лигата на шампионите ПСЖ на 1 октовмри ќе се соочи со Барселона за која Дембеле сигурно нема да биде во конкуренција за настап, доека Дуе останува под знак прашалник.

Ситуацијата со Енрике засега не е позната и не се знае кога би се вратил на клупата.

Македонската репрезентација утре од 18:00 часот на Националната арена „Тодор Проески“ во Скопје ќе го пречека Лихтенштајн во рамки на квалификациите за Светското првенство. Нашиот национален тим ќе се обиде да стигне до домашна победа во циклусот, по реми натпреварите со Велс и Белгија.

На официјалната прес-конференција селекторот Благоја Милевски истакна дека Македонија е фаворит на хартија, но предупреди дека тоа мора да се докаже и на теренот.

„Сите играчи се здрави и подготвени. Имаме максимален респект за Лихтенштајн и воопшто нема да биде лесно. Додека сум селектор, никогаш нема да потценам ниту еден противник. Нашата цел е јасна, три бода кои се исклучително важни во моментов, Задоволен сум од изданието на фудбалерите кои дебитираа против Саудиска Арабија. Лука Станковски, Елмин Растодер и Решат Рамадани покажаа дека имаат квалитет и се разбира дека сметаме на нив и на натпреварите за бодови, рече Милевски.

Капитенот Енис Барди, кој исто така се обрати пред медиумите, додаде:

„Мислам дека ќе имаме тежок натпревар, така беше и во Вадуц додека не го отворивме резултатот. Сите сме свесни што нè очекува, направивме анализа и знаеме што треба да поправиме. Подготвени сме за дуелот, а три бода можат многу да ни значат за да го завршиме овој прозорец на првото место. Секогаш кога играме за Македонија мотив не е потребен, победата е нашата единствена цел“.

По гостувањето во Вадуц, каде Македонија славеше со 0:3, ова ќе биде втора пресметка со Лихтенштајн во групата, а за нашата селекција и шанса да ја израдува домашната публика со цел плен.

Мундијалот во 2026 година во САД, Мексико и Канада ќе биде првиот на кој ќе учествуваат 48 репрезентации. Во финишот на квалификациите една третина од учесниците е позната.

Директен пласман на Светското првенство обезбедија домаќините:
– САД, Канада и Мексико.

Низ квалификациите место на Мундијалот си обезбедија:

Азија (6): Австралија, Иран, Јапонија, Јордан (дебитант), Јужна Кореја, Узбекистан (дебитант).
КОНМЕБОЛ (6): Аргентина, Бразил, Колумбија, Еквадор, Парагвај, Уругвај.
Океанија (1): Нов Зеланд

Луѓето од фудбалскиот состав Брага потврдија дека големиот талент, Рожер Фернандеш, се сели во Џеда и во иднина ќе биде дел од составот на Ал-Итихад.

Според објавата, трансферот ќе биде со фиксни 32 милиони евра но, сумата може да се зголеми со одредени бонуси.

19-годишниот крилен напаѓач кој е роден во Гвинеја-Бисао, во континуитет добива повик во младинската селекција на „европските бразилци“.

Турските медиуми објавија дека челниците на Фенербахче постигале договор со францускиот тренер, Зинедин Зидан кој треба да го наследи отпуштениот Жозе Мурињо.

Гигантот од Истанбул се определи да ја прекине соработката со Португалецот откако не обезбеди место во Лигата на шампионите за новата сезона.

Популарниот Зизу нема ангажман откако си замина од редовите на Реал Мадрид. Со „кралевите“ ги освои сите можни трофеи во краток период.

Напаѓачот, Килијан Мбапе, со погодокот на мечот со Украина го израмни ефектот на Анри и се стационира на второто место на листата на најдобри стрелци на Франција на сите времиња.

Прв во рангирањето е Оливи Жиру кој има реализирано 57 голови. Мбапе кој сега има 51 погодок не крие дека е задоволен.

„Честитки до Тиери Анри! Но, сега сакам да го надминам! Чест е да се израмниш со играч како него. Рекордот се приближува“, рече Мбапе.

Тренерот на Пари Сен Жермен, Луис Енрике, беше итно пренесен во болница откако доживеа несреќа со велосипед, при што ја скрши клучната коска. Како што потврди клубот, 55-годишниот стратег ќе биде подложен на хируршка интервенција. 

Инцидентот се случил во петокот, додека Енрике возел велосипед – активност која често ја практикува, особено околу Париз и близу тренинг центарот на ПСЖ. Брзата интервенција на итната помош му овозможи навремен третман. 

ПСЖ изрази целосна поддршка и му посака брзо закрепнување, но сè уште не е соопштен точен рок за негово враќање на клупата. 

Енрике стана дел од клубот во 2023 година и веќе остави силен белег, предводејќи го тимот до историска прва титула во Лигата на Шампионите минатата сезона. 

Клубот ја продолжува својата кампања во Лига 1 со натпревар против Лeнс на 14 септември, по што следи важниот дуел во Лигата на Шампионите против Аталанта три дена подоцна. Засега не е познато кој ќе го води тимот додека Енрике закрепнува. 

Усман Дембеле се повлекува од репрезентацијата на Франција поради мускулна повреда, само неколку недели пред престижниот натпревар меѓу Пари Сен Жермен и Барселона во Лигата на Шампионите. 

Одлуката да се врати во клубот е донесена како претпазливост, со цел да се избегне дополнително влошување, особено поради неговата историја со повреди. Но, ситуацијата повторно ги разгоре тензиите меѓу ПСЖ и Француската Фудбалска Федерација. 

Извори блиски до парискиот клуб велат дека ПСЖ е лут поради начинот на кој медицинскиот тим на репрезентацијата се справил со случајот. Според нив, повредата можела да се избегне доколку се покажеше поголема внимателност, особено со оглед на значењето на претстојните натпревари. 

Со дуелот со Барселона на повидок, ПСЖ е загрижен дали Дембеле ќе биде подготвен навреме. Повредата не само што ги нарушува плановите на Франција, туку и ја влошува и онака напнатата врска меѓу клубот и федерацијата. 

Репрезентацијата на Македонија до 21 година со пораз го отвори новиот квалификациски циклус за Европското првенство 2027 во Албанија и Србија. На гостувањето во Краков, Полска, нашите млади фудбалери загубија со 3-0.

Македонија го започна натпреварот цврсто и дисциплинирано, домаќинот немаше прилика за отворање на резултатот. Сепак, во 22. минута несреќен автогол на Зенделовски по акција на Пиенко донесе водство за Полска. До крајот на полувремето, Македонија имаше иницијатива, а најопасен момент беше ударот на Зенделовски во 42. минута, кој заврши покрај голот.

Вториот дел домашните го започнаа многу поофанзивно. Џеков двапати одлично интервенираше по обидите на Пиенко и Козубал, но во 65. минута беше немоќен при прекрасниот удар на Регула за 2:0. Веќе во 68. минута капитенот Пиенко со сличен шут ја зголеми предноста и ги постави конечните 3:0.

Во следното коло Македонија ќе биде домаќин на Италија во Битола, додека Полска ќе патува на гостување кај Ерменија.