Реал Мадрид, вечера ги дозна противниците со кои ќе се соочи во првата фаза во Лигата на шампионите.

Најтрофејниот клуб во Лигата на шампионите нема да има лесна задача, во првата фаза ќе се сретне со: Манчестер сити, Ливерпул, Јувентус, Бенфика, Олимпијакос, Каират, Монако и Марсеј.

Јасно е дека вистински блокбастери се соочувањата со Сити, Ливерпул, Јувентус па и Бенфика, но најтешко на Реал ќе му биде против Каират.

Дебитантот во Лигата на шампионите ќе му биде домаќин на Реал и токму поради тоа „кралскиот клуб“ го оечкува тешка задача.

Алмати се наоѓа на далечниот исток од Казахстан, веднаш до границата со Кина.

Патувањет, со авион ќе трае половина ден. Имено, помеѓу Мадрид и Алмати има 8.188 километри. Ако се патува со автомобил, потребни се 89 часа непрекинато возење.

Секако, Реал нема да оди со автомобил или автобус, туку со авион. Сепак, дури и тогаш ќлетот трае 12 часа.

Во Монако попладнево се одржа жрепката за лигашката фаза за третото по ранг европско клупско натпреварување на УЕФА, Лигата на Конференции, во која ќе настапи и македонскиот фудбалски клуб Шкендија.

Во својот дебитантски настап во завршницата на европските купови Шкендија ќе одигра шест натпревари, по три на домашен и на гостински терен.

Жрепката за противници на Шкендија ѝ ги донесе Слован Братислава, Јагелонија и Шелбурн, со кои ќе игра на домашен терен и Рајо Ваљекано, Дрита и АЕК Ларнака со кои ќе игра на гостински терен.

Лигашката фаза ќе стартува на 2 октомври со вкупно шест кола кои ќе финишираат на 16 декември.

Финалето е закажано за 27 мај идната година на „Ред Бул Арена“ во Лајпциг. (МИА)

Селекторот на македонската репрезентација до 21 година, Горан Станиќ го објави списокот со повикани фудбалери за натпреварите од квалификациите за пласман на ЕП 2027 против Полска и Италија. Новиот квалификациски циклус го отвораме на гостински терен во Краков против Полска на 5. септември, а на 9. септември на стадионот „Петар Милошевски“ во Битола го пречекуваме големиот фаворит во групата, Италија.

На спискот на селекторот Горан Станиќ се следните фудбалери:

Голмани:

Васко Василев – Работнички
Љупче Џеков – Силекс
Славе Вргов – А.П. Брера

Одбрана:

Давид Даилоски – Венло (Холандија)
Андрија Димески – Вождовац (Србија)
Андреј Аризанкоски – А.П. Брера
Ѓорге Џеков – Силекс
Анес Мелиќи – Шкендија
Нуман Ајетовиќ – Шкендија
Меметриза Хамза – Струга Трим Лум
Џезаир Авдули – Арсими

Среден ред:

Матеј Ангелов – Работнички
Ѓорѓи Дошев – Македонија Ѓ.П.
Адриан Зенделовски – Олимпик (Шведска)
Теодор Николовски – Работнички
Мартин Ѓоргиевски – А.П. Брера
Матеј Гаштаров – Црвена Звезда (Србија)

Напад:

Димитар Данев – Вардар
Димитар Трајков – Полисја (Украина)
Михаил Талески – Вардар
Кире Стојанов – А.П. Брера
Дашмир Елези – Работнички
Мухамед Елмас – Македонија Ѓ.П.

Фенербахче официјално ја прекина соработката со тренерот Жозе Мурињо, само неколку дена по елиминацијата од плејофот за Лигата на Шампионите. Одлуката беше потврдена од клубот и доаѓа како изненадување на самиот почеток од сезоната. 

Мурињо го презеде клубот во јуни 2024 година со големи очекувања за европски успех и битка за титулата во доместичното првенство. Во својата прва сезона, тимот заврши на второто место во Суперлигата, но раната елиминација од Европа и нестабилниот старт на новата сезона создадоа дополнителен притисок. 

Клубот во кратко соопштение му се заблагодари на Мурињо за неговиот придонес и напорите што ги вложи додека беше во Истанбул. Оваа разделба означува ненадеен и драматичен крај на проектот кој се очекуваше да трае многу подолго. 

Сега, Фенербахче се насочува кон иднината и започнува со потрага по нов тренер кој ќе го води тимот низ предизвикувачката сезона на домашна и европска сцена. Навивачите со нетрпение ќе го очекуваат следниот чекор по заминувањето на едно од најпознатите фудбалски имиња. 

Њукасл постигна договор со Штутгарт за доведување на напаѓачот Ник Волтемаде во зделка вредна околу 85 милиони евра, најскапа во историјата на клубот. 

23-годишниот Германец треба да ги помине лекарските прегледи во наредните денови, по што се очекува да потпише долгорочен договор со клубот. Овој трансфер испраќа силна порака од Њукасл за нивните амбиции во новата сезона. 

Волтемаде, познат по својата техничка способност и завршница, беше еден од најперспективните напаѓачи во Бундеслигата. Неговиот трансфер на „Сент Џејмс Парк“ се очекува да донесе свежина и многу потребна острина во нападот на тимот на Еди Хау. 

Овој потег може да има пошироки последици на трансфер пазарот, особено за Ливерпул. Се засилуваат шпекулациите дека Њукасл е подготвен да го пушти Александар Исак, особено по драмата и неизвесноста околу неговата иднина во последните неколку месеци. Волтемаде би можел да биде директна замена за шведскиот напаѓач, што дополнително ги поттикнува гласините за негова можна преселба на „Енфилд“. Ова би можело да предизвика домино-ефект на трансфер пазарот во последните денови од преодниот рок. 

На 29 август 2025 година, се привршуваат подготовките за официјализација на трансферот, со лекарски прегледи и финализирање на договорот. Навивачите со нетрпение го очекуваат официјалното соопштение, кое може да биде клучен момент во новата фаза на развој на клубот. 

Челзи постигна договор со Манчестер Јунајтед за трансферот на Алехандро Гарначо вреден 40 милиони фунти. Аргентинскиот крилен напаѓач, изрази силна желба да се приклучи на клубот од Лондон и ќе потпише седумгодишен договор. 

Во договорот е вклучена и клаузула од 10% од нареден трансфер во корист на Манчестер Јунајтед, што го прави еден од најзначајните трансфери на млад играч од нивната академија во последните години. Првичната понуда на Челзи од 25 милиони фунти беше одбиена, но двете страни на крај се согласија на финалната сума. 

Односите меѓу Гарначо и стручниот штаб на Јунајтед наводно се влошиле во последните месеци, поради што бил изоставен од првиот тим, фактор што значително влијаел врз неговата одлука да го напушти „Олд Трафорд“. 

Иако има само 21 година, Гарначо веќе одигра 144 натпревари за „Црвените Ѓаволи“ и постигна 26 голови, вклучувајќи и погодок во финалето на ФА Купот во 2024 година. Неговиот трансфер во Челзи претставува дополнително засилување во нападот, додека клубот продолжува со реконструкција на тимот по неколку години интензивни вложувања. 

Во наредните денови ќе следува лекарски преглед, по што трансферот ќе биде официјално потврден. Гарначо реши да му се приклучи на Челзи и покрај интересот од други големи европски клубови. 

Тотенхем и РБ Лајпциг постигнаа договор вреден 60 милиони евра за трансфер на холандскиот играч од средниот ред, Џави Симонс, потег што може значително да го засили нападот на англискиот клуб. 

Договорот беше финализиран во раните утрински часови, откако Тотенхем испрати официјална понуда, охрабрен од интересот на самиот играч да се пресели во северен Лондон. Симонс, кој има 22 години, наскоро ќе мине медицински прегледи, а договорот со клубот е речиси целосно усогласен. 

Лајпциг му дозволи на Симонс да отпатува во Лондон, но не попушти во однос на побараната цена. Сумата може да се зголеми преку бонуси поврзани со неговите настапи, што покажува дека Тотенхем е подготвен да инвестира сериозно во квалитетни засилувања. 

Талентираниот плејмејкер беше под лупа и на Челзи и Баерн Минхен, но Тотенхем реагираше брзо и успешно ја заврши зделката. 

Поттикот за овој трансфер делумно доаѓа поради повредата на клучниот играч Џејмс Мадисон, како и поради пропуштените шанси во претходниот дел од трансфер пазарот. Клубот го гледа Симонс како клучна фигура во создавањето на подлабок и покреативен среден ред. 

Со менаџерот Томас Франк решен да го зацврсти тимот и да ја одржи динамиката на добри резултати, доаѓањето на Симонс би можело да биде пресвртница. Долгорочниот договор ќе биде потпишан штом се завршат последните формалности,потег што испраќа јасна порака дека Тотенхем има сериозни амбиции оваа сезона. 

Еден од најдобрите фудбалери на Вардар во изминатата година, Данел Донгмо од вчера и официјално има нов клуб, тоа е романскиот Петролул Плоешти.

Одличните игри во дресот на Вардар привлекоа интерес од други екипи, па македонскиот клуб ја прифати понудата од Петролул Плоешти и го продаде Донгмо.

Романскиот клуб синоќа и официјално го промовираше Донгмо како нивно засилување. Сумата за која го купија, се уште не е позната. Според „Трансфермакрт“ неговата вредност е 150.000 евра, но сигурно сумата која ја платија Романците е повисока од таа.

Голем број на извори од Италија пренесуваат дека „росонерите“ неколку месеци ќе бидат без Ардон Јашари, фудбалерот од средниот ред заработил сериозна повреда по еден судар на тренинг со Сантијаго Хименез.

На денешната средба со новинарите во пресрет на натпреварот против Лече, Макс Алегри потврди дека Ардон Јашари нема да биде во комбинација за овој натпревар поради повреда.

Но голем број на извори попладнево пренесоа дека најскапото засилување на „росонерите“ ова лето подолго време ќе биде надвор од стројот.

Се шпекулира дека повредата на Ардон Јашари е сериозна, односно репрезентативецот на Швајцарија заработил фрактура на фибулата по еден судар со Сантијаго Хименез на тренинг.

Доколку се потврдат црните сценарија, фудбалерот кој беше платен 37 милиони евра, ќе паузира од 2 до 4 месеци.

Падна договор, Наполи и Манчестер јунајтед ги завршија преговорите за Расмус Хојлунд, трансферот наскоро ќе се официјализира.

Според „Скај Спортс“, двата тима постигнале вербален договор и во наредниот период тој ќе биде и формализиран.

Се работи за едногодишна позајмица со обврска за откуп наредното лето за вкупна сума од 45 милиони евра.

Ова за Хојлунд е враќање во Серија А, претходно настапуваше за Аталанта од каде пристигна на Олд Трафорд.