Германскиот фудбалски првак Баерн Минхен се подготвува да се вклучи во трката за потписот на еден од најдобрите централни бекови во Премиер лигата, Марк Геи, јавија денеска германските медиуми.

Дваесетипетгодишниот Геи нема намера да го продолжи договорот со лондонски Кристал Палас, кој истекува во јуни следната година што значи дека ќе може да се пресели во нов клуб без обесштетување.

Според трансфер правилата, Геи може да преговара со потенцијален нов клуб од 1 јануари, а германските медиуми тврдат дека спортскиот директор на Баерн, Макс Еберл, планира идниот месец да разговара со англискиот репрезентативец.

Ливерпул, Барселона и Реал Мадрид, исто така, се заинтересирани за Геи, кој дојде во Кристал Палас во летото 2021 година од Челзи во трансфер вреден 23 милиони евра.

Македонската футсал репрезентација денеска со жрепка во седиштето на УЕФА во Нион ги доби своите противници во прелиминарната рунда од квалификациите за Светското првенство во 2028 година.

Жрепката во Нион одлучи дека македонската репрезентација ќе биде во групата Ц, заедно со Литванија, Турција и Бугарија.

Квалификацискиот турнир ќе се одржи од 6 до 15 април идната година, а домаќин ќе биде Литванија.

Двете најдобро пласирани репрезентации од секоја од шесте прелиминарни групи ќе се пласираат во главната квалификациска фаза.

Состав на групите

Група А: Данска, Андора, Малта, Шкотска

Група Б: Шведска, Англија, Швајцарија, Северна Ирска

Група Ц: Македонија, Литванија, Турција, Бугарија

Група Д: Косово, Црна Гора, Австрија, Гибралтар

Група Е: Латвија, Албанија, Кипар, Сан Марино

Група Ф: Грција, Норвешка, Израел, Естонија.

Новиот пораз за „кралскиот клуб“ од Манчестер Сити со 1:2 на домашен терен во Лигата на шампионите ги подгреа најавите за промена на тренерот Чаби Алонсо. Прво најава за промена имаше по поразот во Ла Лига од Селта со 0-2.

Последните вести од Реал Мадрид се дека Алонсо ќе има уште една шанса – но мора да го победи Алавеш, а дел од медиумите сметаат дека следниот месец (јануари ќе биде важен за Алонсо). Условот е клубот да го освои пехарот во Супер купот.

Но, евентуален неуспех следното коло со Алавеш, може да донесе и промена на клупата.

Замената е најдена, а не е како што беше најавувано Зинедин Зидан, туку постои можност екипата да ја преземе Алваро Арбелоа.

Сепак кога станува збор за Реал Мадрид ништо не може да се предвидува особено ако клубот е во серија на неповолни резултати.

Интер Мајами го заврши откупот на договорот на играчот од средниот ред Родриго Де Пол од Атлетико Мадрид.

Доколку се активира опцијата за откуп, играчот веќе се согласил на договор до 2029 година. Аргентинскиот интернационалец, кој играше за тимот од Мајами како позајмен, официјално станува полноправен член на клубот.

Де Пол се приклучи на Интер Мајами во јули 2025 година како позајмен играч.

Де Пол го постигна победничкиот гол во финалето на плејофот од МЛС 2025 година против Ванкувер. Според порталот „Трансфермаркт“, вредноста на играчот од средниот ред е 20 милиони евра.

Крилниот напаѓач на Арсенал и на англиската репрезентација, Нони Мадуеке, стана првиот играч на Арсенал кој постигна три гола на своето деби за клубот во Европскиот куп/Лигата на шампионите, според „Опта Спорт“.

На 26 ноември, Англичанецот постигна гол против Баерн Минхен (3-1) во 5-то коло од Лигата на шампионите, а на 10 декември, Мадуеке постигна два гол во натпреварот против Бриж во 6-то коло од групната фаза на Лигата на шампионите 2025/2026.

Оваа сезона, крилниот напаѓач одигра 12 натпревари за Арсенал во сите натпреварувања, постигнувајќи три гола. Актуелниот договор на Мадуеке со лондонскиот клуб е со важност до летото 2030 година, пазарната вредност на фудбалерот е 50 милиони евра.

Со победата над Слован Братислава, екипата на Шкендија донесе нови поени за Македонија на УЕФА-листата. Со новата победа во Европа, Шкендија доби нови поени и на моменталната УЕФА-листа ја прескокна Северна Ирска. Македонскиот клупски фудбал сега се наоѓа на 46. место со вкупен коефициент 7,666 од изминатите пет сезони, а само 3,250 од оваа сезона.

Според аналитичарите, Шкендија сега има огромни шанси да пројде во следната фаза. Шансите дека тетовчани ќе бидат помеѓу најдобрите 24 во Конференциската лига се 95%. Во последното коло на КЛ, Шкендија игра на гости со АЕК Ларнака од Кипар.

Репрезентацијата на Македонија до 18 години во Струмица одигра два контролни натпревари против соодветната селекција на Црна Гора. На средби, селекцијата предводена од Димитар Капинковски залебележа победа со 2-1.

Во рамките на првиот контролен натпревар, нашата селекција уште по првите 45. минути со два постигнати погодоци го реши прашањето на победникот. Двоен стрелец за Македонија беше Дитмир Хоџа. Фудбалерот на Работнички во 20. минута го отвори резултатот на средбата, а во 29 минута зголеми на 2-0. Противникот во 84. минута успеа само да го намали резултатот преку Вељко Мијовиќ.

Прв контролен натпревар

Македонија – Црна Гора 2-1 (2-0);

Стрелци: (1-0 – Дитмир Хоџа 20’, 2-0 – Дитмир Хоџа 29’, 2-1 – Вељко Мијовиќ 84’)

МАКЕДОНИЈА: Александар Трајков, Кристијан Маркоски (58’ Албан Рочи), Мухамед Мустафи, Андреј Димовски (58’ Лука Варошаноски), Дамјан Буцевски (58’ Иво Марковски), Давид Ангелевски (58’ Габриел Талески), Дитмир Хоџа (90’ Фљори Иљази), Ненад Дамјановски (58’ Иван Танчев), Лорент Жаку (58’ Бојан Велков), Јован Мрмачоски (58’ Флорент Османи), Стефан Секирски (58’ Мартин Џангаровски).

Селектор: Димитар Карпинковски.

ЦРНА ГОРА: Димитрије Миниќ, Петар Секуловиќ (од 84’ Стефан Делиќ), Алекса Перишиќ (од 72’ Андрија Перишиќ), Новак Фатиќ, Давид Мараш, Виктор Лесјак (од 72’ Вељко Мијовиќ), Вук Павиќевиќ (од 72’ Андреј Картал), Андрија Вукоје, Марко Поповиќ (од 57’ Вукота Кнежевиќ), Петар Јашовиќ (од 57’ Ѓорђе Фабрис), Виктор Бубања (од 57’ Јован Анѓиќ).

Селектор: Ненад Вукчевиќ.

На втората контролна пресметка, видовме доста понеизвесен натпревар. Нашите млади фудбалери во 21. минута со автоголот на Новак Фатиќ поведоа со 1-0. Противникот брзо ги консолидираше своите редови и во 27. минута преку Андрија Вукоје го израмни резултатот. Стрелец на погодокот за победа на Македонија беше Иво Марковски во 49. минута од средбата.

Втор контролен натпревар

Македонија – Црна Гора 2-1 (1-1)

Стрелци: (1-0 – Новак Фатиќ (автогол) 21’, 1-1 – Андрија Вукоје 27’, 2-1 – Иво Маркоски 49’)

МАКЕДОНИЈА: Антониј Трајковски, Мартин Џангаровски (од 60. Стефан Секирски), Андреј Димовски, Габриел Талески (од 60. Давид Ангелевски), Стефан Бранковски, Иво Марковски (од 60. Јохан Зизајковски), Бојан Велков, Лука Варошаноски, Иван Танчев, Албан Рочи (од 71. Славчо Мисајловски), Фљори Иљази (од 60. Флорент Османи).Селектор: Димитар Капинковски.

Црна Гора: Един Лекиќ, Алекса Перишиќ, Новак Фатиќ (од 46. Давид Мараш), Вукота Кнежевиќ (од 73. Марко Поповиќ), Андрија Вукоје (од 46. Виктор Лељак), Ѓорѓе Фабрис (од 55. Вук Павиќевиќ), Андрија Перишиќ (од 73. Петар Секуловиќ), Андреј Картал (од 55. Виктор Бубања), Јован Анѓиќ, Вељко Мијовиќ (од 73. Петар Јашовиќ), Либурн Лазоја.
Селектор: Ненад Вукчевиќ.

Комисијата за избор на нов селектор на македонската А репрезентација во состав Масар Омерагиќ – претседател на ФФМ, Горан Пандев – директор на Национални репрезентации, Николче Новески – раководител на скаутинг службата на ФФМ, Агим Ибраими – член на У.О. на ФФМ и Марјан Стојковски – потпретседател на ФФМ (on-line присутен), денеска одржа работен состанок на кој се анализираше актуелната состојба во националниот тим, потребите за наредниот квалификациски циклус и профилот на тренер што е неопходен за подигнување на конкурентноста и организацијата на најдобрата македонска репрезентација.

Членовите на Комисијата водеа конструктивен разговор заснован на стручни параметри, систем на работа, долгорочна стратегија, модел на развој на фудбалерите и фокус на резултатска стабилност. Во процесот на селекција се нагласува значењето на тренер кој ги познава домашните фудбалски текови, потенцијалот на нашите играчи и кој може да внесе јасна тактичка идеја и дисциплина во тимот.

Комисијата ќе го достави својот предлог, македонски стратег, кој според анализите одговара на поставените критериуми, а конечната одлука ќе ја донесе Управниот одбор на ФФМ, најдоцна до 25 декември.

Фудбалската федерација на Македонија останува посветена на професионален и јасно дефиниран процес, со цел изборот на новиот селектор да придонесе за квалите

Хулијан Алварес, ѕвездата на Аталанта и аргентинската репрезентација, откри дел од драмата зад летниот преоден рок. Во интервју, тој изјави дека дефанзивецот на Тотенхем, Кристијан „Кути“ Ромеро, бил „многу блиску“ до преселба во Атлетико Мадрид, трансфер што пропаднал во последен момент.

„Трансферот не се оствари поради неколку ситни детали,“ откри Алварес. „Разговарав со него неколку пати.“ Неговите зборови внесуваат редок увид во кревката природа на преговорите на највисоко ниво, каде и најмалите разлики можат да ја сменат целата слика.

Информацијата внесува нова динамика во летната стратегија за засилувања на Атлетико. Ромеро, еден од најценетите стопери во Европа, тогаш беше предмет на интерес од повеќе клубови, а Атлетико имал сериозна намера да го донесе во тимот на Диего Симеоне. Алварес, кој веќе беше пристигнат во Ла Лига, бил искрено возбуден од можноста да игра со својот соиграч од светскиот шампионат и на клубско ниво.

Иако не ги откри конкретните причини, Алварес укажа дека „неколку детали“, финансиски услови или ставот на Тотенхем да не се откаже од еден од своите клучни фудбалери, биле доволни за трансферот да пропадне.

Алварес остави малку надеж и за најголемите оптимисти. „Се надевам дека еден ден ќе играме заедно,“ рече тој, отворајќи простор за шпекулации за нова евентуална средба во клубскиот фудбал.

За Тотенхем, задржувањето на Ромеро се покажува како клучно во турбулентна сезона, додека Алварес продолжува да блеска во Атлети. Нивната недоостварена соработка останува само фудбалска „алтернативна реалност“.

Манчестер јунајтед и англискиот дефанзивец Хери Мегваер упати силна критика кон сегашниот систем на видео-асистент судиите, барајќи негово драстично ограничување. Според него, технологијата треба да се користи исклучиво за офсајди и гол-линија, ситуации што се чисто фактички и не оставаат простор за толкување.

Мегваер смета дека офсајдите се единствените одлуки каде технологијата навистина донесува правичност. Пеналите и црвените картони, вели тој, остануваат субјективни и со ВАР, а честите интервенции го прекинуваат ритамот на играта и го гасат моментот на славење по постигнат гол. Тој укажа и на растечкиот број „меки“ пенали што се досудуваат по долги прегледи, неретко пресудни за исходот на натпреварите.

Иако моментално паузира поради повреда на листниот мускул, Мегваер откри дека и во соблекувалната на Јунајтед има поделени мислења, некои играчи дури се залагаат за целосно укинување на ВАР.

Англичанецот поддржува токму таков минимален пристап: технологија само за непобитни ситуации, со цел да се сочува природната динамика и контактниот карактер на фудбалот, а да се намали контроверзноста која ја одбележува сезоната.

Неговата позиција е уште еден знак за растечкото незадоволство од начинот на кој ВАР се применува во англиското првенство.