Холандскиот репрезентативец Дензел Дамфрис е нов играч на Реал Мадрид.

Николо Скира, а по него и Фабрицио Романо, тврдат дека договорот е веќе завршен и дека лично Жозе Мурињо го договорил трансферот.

Реал на крајот ја активирал клаузулата за откуп на договорот на Дамфрис, коај стапи на сила од 1 јуни. Холанѓанецот пристигнува во Реал за 25 милиони евра.

Според извештаите, сè е договорено меѓу играчот и клубовите, сè што останува да се направи во наредните денови се формалностите околу потпишувањето.

Дамфрис пристигна во Интер пред пет години од ПСВ и стекна репутација на врвен десен бек. Тој одигра 207 натпревари за Интер и постигна 27 гола со 28 асистенции. Во Дамфрис, Мурињо го гледа наследникот на Дани Карвахал, кој го напушти клубот на крајот од сезоната. Дамфрис ќе се бори за место во тимот со Трент Александар-Арнолд.

Преговорите меѓу Доминик Собослаи и Ливерпул се во сериозна фаза, клубот нуди продолжување на договорот што истекува за две сезони.

Во Ливерпул на најдобриот играч минатата сезона, му зголемување на платата. Во клубот се свесни дека мора да делуваат за да не им се повотрни ситуацијата Трент Александар-Арнолд и Ибрахим Конате, кои на крајот го напуштија клубот без обесштетување.

Ливерпул го направи првиот чекор и започна преговори, но извори блиски до клубот наведуваат дека доколку не се постигне договор, Собослаи може да биде продаден во летниот преоден рок.

Пораката на клубот е јасна – прв приоритет е продолжување на договорите на највредните играчи.

Влоговите се огромни за двете страни.

Мигел Анхел Санчез Муњоз, во фудбалската јавност позната како Мичел, ќе го тренира Ајакс во следните две сезони, објавија од холендскиот великан.

Мичел доаѓа во Ајакс по пет незаборавни години во Џирона, го предводеше тимот до промоција во Ла Лига, потоа до историскиот пласман во Лигата на шампионите, но клубот неодамна испадна од елитната група, а 51-годишниот роден во Мадрид ја напушти клупата.

Претходно ги водеше Рајо Ваљекано и Уеска.

Ајакс зад себе има една од најслабите сезони во поновата историја на клубот, покрај катастрофалните резултати во ЛШ, во домашното првенство, дури преку плеј-офот, успеаја да обезбедат место на европската сцена.

Со победата над Утрехт, тие обезбедија место во Конференциската лига, третото најсилно европско натпреварување.

Дресот што го носеше еден од најдобрите фудбалери во светот, Бразилецот Пеле, во финалето на Мундијалот во 1958 година, ќе биде понуден на аукција во „Сотби“ од 29 јуни до 16 јули.

Се проценува дека дресот би можел да достигне цена од над шест милиони долари.

Пеле го носеше синиот дрес со кратки ракави во победата на Бразил од 5-2 над домаќинот Шведска во финалето на Светското првенство 1958 кое се одигра на стадионот „Расунда“ во близина на Стокхолм. Пеле, тогаш 17-годишен, постигна два гола во финалето.

„Ова не е само дрес, туку е облека што ја носел еден од најголемите фудбалери во историјата во ноќта кога започна неговото владеење“, изјави раководителот на одделот на „Сотби“ за модерни колекционерски предмети. Брам Вахтер

Пеле му го подари дресот на својот цимер и соиграч Дида по финалето. По децении во семејството на Дида, дресот беше изложен во музеј пред да биде купен од анонимен сопственик во 2004 година.

Дресот на Пеле потенцијално би можел да ја надмине рекордната цена од 9.29 милиони долари, колку што беа платени за дресот на аргентинската легенда Диего Марадона од натпреварот против Англија на Светското првенство во 1986 година, кога го постигна легендарниот гол познат во светот на фудбалот како „Божја рака“.

Во пресрет на почетокот на Светското првенство, суперкомпјутерот на Опта ги објави своите предвидувања за исходот на турнирот по спроведени 10.000 симулации.

Според статистичкиот модел, најголеми шанси за освојување на светската титула има Шпанија. Репрезентацијата предводена од Луис де ла Фуенте е фаворит во 16,1% од симулациите и се наоѓа на врвот на листата.

Веднаш зад Шпанците е Франција со 13% шанси за триумф, додека Англија и актуелниот светски шампион Аргентина се следните кандидати за трофејот со повеќе од 10% успешност во симулираните сценарија. Според анализата на Опта, овие четири селекции јасно се издвојуваат од останатите конкуренти и имаат значителна предност во однос на другите репрезентации кои ќе настапат на Мундијалот.

На петтото место се наоѓа Португалија, додека следуваат Бразил и Германија, две селекции кои традиционално важат за фаворити на големите натпреварувања. Интересно е што статистичкиот модел не им дава големи шанси на домаќините на турнирот. Според пресметките на суперкомпјутерот, малку е веројатно САД, Мексико или Канада да успеат да стигнат до светската титула пред своите навивачи

Полскиот голгетер Роберт Левандовски се збогува со Барселона и време е за нов предизвик во кариерата, а се очекува тоа да биде турскиот гигант Фенербахче.

Претходените денови се појавија шпекулации за иднината на Левандовски, а причина за тоа е претседателскиот кандидат на Фенербахче, Хакан Сафи кој сака бомбастично засилување во нападот.

Новинарот Николо Шира, исто така, откри дека турскиот тим е подготвен да му даде плата од 10 милиони евра нето на Левандовски, а очигледно тоа е прифатливо за искусниот фудбалер.

Сопругата на Левандовски со еден коментар ги „запали“ социјалните мрежи. Фудбалерот е на Ибица на популарен тренинг-настан, а притоа објави фотографии и со тоа ѝ се заблагодари на Ана Левандовски што му овозможила да работи на неверојатни места.

Еден од фановите во коментари праша дали има шанси да одат во Турција, а таа одговори „Дефинитивно ќе биде Турција“, што беше доволно фановите да паднат во „транс“.

Фудбалската федерација на Норвешка (НФФ) побара денеска од Етичкиот комитет на ФИФА да го истражи доделувањето на Наградата за мир на американскиот претседател Доналд Трамп што му беше врачена од првиот човек на светскиот фудбал Џани Инфантино.

Претседателот на ФИФА, Инфантино, му ја врачи на Трамп инаугуративната Награда за мир на 6 декември лани, за време на жрепката за претстојното Светско првенство. ФИФА никогаш не обелодени детали како Трамп бил избран за оваа награда. Неколку месеци подоцна, организацијата за човекови права „FairSquare“ поднесе жалба до Етичкиот комитет на ФИФА, тврдејќи дека Инфантино ја прекршил својата должност за неутралност со тоа што го поддржал Трамп.

На ова сега се приклучи и НФФ, која побара од Етичкиот комитет да процени дали претседателот на ФИФА ги прекршил статутите на управното тело во врска со политичката неутралност со доделување на наградата.

Претседателката на НФФ, Лизе Клавенес, изјави дека тие дејствувале независно во нивниот пристап кон Етичкиот комитет на ФИФА.
„Добивме поддршка од други асоцијации, но сами го испраќаме ова писмо“, рече Клавенес.

Нема да брзаме со закрепнувањето на Нејмар, најави денеска селекторот на Бразил. Карло Анчелоти, по пристигнувањето на експедицијата во базата во Њуарк.

„Нејмар се чувствува добро, добро напредува, не брзаме“, коментираше Анчелоти за состојбата на повредата на листот на Нејмар.

Анчелоти рече дека Нејмар ќе биде подготвен за „првиот или вториот“ натпревар во Групата Ц, против Мароко или Хаити.

Во третото коло од групната фаза, Бразил ќе игра против Шкотска.

„Сакаме да се натпреваруваме со нашите противници, да се обидеме да дадеме сè од себе, да работиме напорно. Секој знае какви се очекувањата од Бразил, рече Анчелоти, додавајќи дека „нема фаворити“ за освојување на турнирот.

„Има неколку силни тимови и мислам дека Бразил може да се натпреварува со секого“, додаде тој.

Бразил има пет светски титули, од кои последната ја освои во 2002 година.

Јан Облак би можел да го напушти Атлетико Мадрид, во текот на летниот преоден рок. Словенецот, еден од најдобрите голмани во изминатата деценија, 12 години е член на Атлетико.

„Марка“, откри дека Атлетико ќе ја почитува секоја одлука на словенечкиот голман, кој заслужи да го избере најдоброто решение за продолжување на кариерата.

Овој извор, истакнува дека Облак има договор до летото 2028 година, тој е еден од најплатените со годишна нето плата од 10.000.000 евра, а некои струи во клубот немаат ништо против да се разделат со него во случај на вистинска понуда.

Ова веројатно го поткрепува фактот дека Хуан Мусо бранеше одлично за време на отсуството на Облак поради повреда, иако Аргентинецот не е млад, има 32 години и пристигна од Аталанта пред две години.

Облак наводно има профитабилни понуди од Саудиска Арабија, а не е тајна дека некогаш бил голема желба на неколку клубови од Премиер лигата.

Словенецот има 33 години, тој одбележа неверојатна ера во Атлетико, каде што пристигна во летото 2014 година од Бенфика за 16.000.000 евра.

Андони Ираола ќе биде новиот тренер на фудбалерите на Ливерпул. Двете страни постигнале договор, истиот ќе биде официјализиран во наредните денови.

Пред неколку дена, Ливерпул официјално се раздели со Арне Слот, и веднаш се шпекулираше дека Ираола треба да биде негов наследник. Легендата на Атлетик Билбао, по завршувањето на сезоната, по три усшешни сезоно го напушти Борнмут.

Сезоната, Ираола со Борнмут ја заврши на шестото место, што значи дека „црешите“ ќе играат во Лига Европа. Од друга страна Ираола со Ливерпул ќе се натпреварува во Лигата на шампионите.

Ливерпул погоди, кога го ангажираше Арне Слот, кој веднаш ја донесе титулата на „Енфилд“. Втората сезона беше големо разочарување, а навивачите особено не го сакаа бавниот стил на фудбал. Токму тоа треба да го промени Андони Ираола.

Ираола го сака таканаречениот гегенпресинг и „организиран хаос“, агресивен пресинг еден на еден, што би можело да ги потсети навивачите на „хеви метал“ идентитетот што го негуваше Јирген Клоп. Шпанецот исто така форсира контранапади, по кои Борнмут беше особено познат.

Спортскиот директор на Ливерпул, Ричард Хјуз, е голем обожавател на работата на Ираола и токму тој го донесе во Борнмут во 2023 година.