Манчестер Јунајтед објави дека играчот од средниот ред Касемиро останал во татковината за да се опорави од ситната повреда заработена на квалификацискиот меч со Уругвај за СП.

Тоа значи дека стандардниот првотимец нема да игра на викенд-дуелот со Шефилд Јунајтед во рамките на Премиер-лигата. 31-годишниот Бразилец ќе се врати во клупската база во почетокот на наредната работна недела.  

Касемиро нема да му биде на располагање на Тен Хаг и на мечот со Копенхаген во Лигата на шампионите бидејќи заработи црвен картон на средбата со Галатасарај.

Фудбалерот на Челзи, Рис Џејмс, полека се опоравува од повредата но, нема да игра на мечот со Барнли закажан во текот на викендот, најави тренерот на „сините“, Маурицио Покетино.  

Тоа значи дека Мело Густо и Марк Кукурела се единствените што ќе конкурираат за позицијата на десен бек.

Аргентинскиот тренер не сака да ризикува со повредата на Џејмс и затоа ќе мора да бара друга опција за страничниот дел во одбраната.

Брахим Диаз после три сезони поминати во Милан ова лето се врати во Реал Мадрид и требаше да биде големо засилување.

Диаз блескаше во дресот на „росонерите“, па Реал одлучи да го врати како замена за Асенсио ова лето.

Меѓутоа, Диаз не се вклопува во системот на игра на Анчелоти и добива мала минутажа, па може експресно да го напушти „кралскиот“ клуб.

Шпанските медиуми пренесуваат дека Реал е спремен да го пушти уште во јануари, а најголема желба на Диаз е да се врати во Милан.

ФИФА ќе му исплати солидна компензација на саудискиот клуб Ал Хилал, бидејќи Нејмар се повреди на репрезентативен меч од квалификациите за СП 2026, ФИФА ќе мора да исплати отштета кон неговиот клуб, а таа, според познавачите на приликите, нема да биде воопшто мала.

Според Essentially Sports, ФИФА ќе исплати дарежлива отштета која може да достигне и осум милиони. Условот за компензација е пауза од најмалку 28 дена, а во случајот на Нејмар тој ќе паузира и до 6 месеци.

ФИФА ја покрива штетата најмногу за една година, а износот на обештетувањето достигнува 20.548 евра за еден ден пауза“, велат експертите.

Фабиан Руиз минатото лето беше еден од најбараните фудбалери на трансфер пазарот, а тој одлучи кариерата да ја продолжи во ПСЖ.

Шпанецот блескаше неколку сезони во Наполи, но не се снајде баш најдобро во ПСЖ, па сака да ја промени средината.

Руиз веќе втора сезона е најчесто на клупата за резерви, а силен интерес за него покажува Јувентус. „Старата дама“ е во потрага по квалитетен играч за врска кој ќе го замени Погба, па на Руиз му нуди место во стартниот тим.

Нејмар заработи повреда на натпреварот кој го одигра за Бразил во квалификациите за Светското првенство, поради што најверојатно ќе го пропушти остатокот од сезоната.

Во судиското надополнување на првиот дел падна на тревникот и побара помош. Тој беше изнесен надвор од теренот на носилки, а тестовите открија повреда на предните вкрстени лигаменти и менискусот. Прогнозите укажуваат на принудна пауза од шест до девет месеци, што значи дека Нејмар најверојатно ќе ја пропушти Копа Америка и уште една шанса да постигне голем резултат со Бразил.

Од 2010 година, откако е репрезентативец на Бразил, го освои само Купот на конфедерации во 2013 година, а пред две години неговиот тим го загуби финалето на Копа Америка од Аргентина.

Од неодамна е и играч на Ал Хилал. Клубот од Саудиска Арабија му плати на Пари Сен Жермен 100 милиони евра за да ја доведе една од најголемите ѕвезди на светскиот фудбал, а на Нејмар му вети 320 милиони за двегодишна соработка. Под знак прашалник е кога навивачите на клубот повторно ќе го видат во дресот.

Тешката повреда и новата пауза ја коментираше на социјалните мрежи. „Ова е тажен момент, најлош во мојот живот. Знам дека сум силен, но овој пат ќе ми треба уште поголема поддршка од моите пријатели и семејството. Не е лесно да се помине повреда и операција и само четири месеци по закрепнувањето. Се надевам на Бог и оставам се во негови раце. Благодарам за поддршката и пораките за поддршка“, напиша тој.

Манчестер Јунајтед е насочен кон купување на 19-годишниот одбранбен играч за врска на Бенфика, Жоао Невес.

Според изворот, „црвените ѓаволи“ планираат да влезат во преговори со тимот од Лисабон пред летото во 2024 година.

Невес сезонава одигра 11 натпревари за Бенфика во сите конкуренци. Договорот на играчот со португалскиот клуб е до крајот на јуни во 2028 година.

Италијанскиот фудбалски тренер , Карло Анчелоти, ги коментираше наводите за нелегално обложување на Сандро Тонали и Николо Фаџоли.

„Тоа беше сериозна грешка, на тие играчи им треба третман. Од научна гледна точка, зависноста од коцкање е болест. Во исто време, верувам дека тоа е вина на поединечни луѓе а не на целиот италијански фудбал – тоа би било претерување“, вели Анчелоти.

Реал Мадрид и Ливерпул покажуваат сериозен интерес за младата ѕвезда на Баерн Минхен, Џамал Мусиала, пренесува „Билд“.

Весникот тврди дека Баварците воопшто не размислуваат за продажба на својот „бисер“ и планираат да му понудат нов договор кој му истекува во 2026 година. Пред неколку месеци Баерн започна преговори со агентот на Мусијала, но преговорите во моментов се во застој.

„Билд“ тврди дека Мусијала не е задоволен од статусот кој го има во тимот бидејќи и покрај добрите игри често е на клупата за резерви.

Ливерпул и Реал сакаат да ја искористат таквата ситуација и да го доведат во своите редови.

Хозе Антонио Рејес Лопез, 16-годишниот син на легендарниот Хозе Антонио Рејес стави потпис на првиот договор со Реал Мадрид.

Пред само неколку дена тој го прослави својот 16. роденден, а веќе може да се пофали со договр со „кралевите“. Синот на Рејес во школата на Реал Мадрид пристигна како 11-годишник, недолго откако неговиот татко во сообраќајна несреќа го загуби животот.

Легендарниот Рејес имаше одлична кариера носејќи ги дресот на Севиља од каде што премина во Арсенал и беше дел од „непобедливите“ во сезоната 2003/04. Од Арсенал, Рејес направи трансфер во Реал Мадрид каде што ја освои шампионската титула во сезоната 2006/2007, еден период настапуваше и за Атлетико.

Животот Рејес го загуби во 2019 година во сообраќајна несреќа откако поради голема брзина изгуби контрола над своето возило. Подоцна истрагата покажа дека до несреќата дошло поради дефект на автомобилот.