Фудбалерот на Милан, Матео Габија, го продолжи договорот до летото во 2029 година. Покрај тоа, платата на 25-годишниот играч ќе биде двојно зголемена на 2,2 милиони евра по сезона.

Габија за првиот тим одиграл вкупно 83 натпревари со 5 гола и 1 асистенција. Во тековната сезона, дефанзивецот има седум натпревари но, мораше да ги пропушти последните четири на „росонерите“ поради повреда.

Габија веројатно ќе игра на викенд-дербито со Јувентус.

Тренерот на Манчестер Сити, Пеп Гвардиола, го продолжи договорот со клубот на уште две години.

Договорот на шпанскиот тренер би истекол на крајот од оваа сезона, но по потпишувањето на нов, Гвардиола ќе остане во Манчестер 11 сезони.

Тој го презеде Сити во 2016 година и освои 18 трофеи, вклучувајќи шест титули во Премиер лигата и Лигата на шампионите.

“Манчестер Сити ми значи многу. Ова е мојата деветта сезона. Доживеавме толку многу неверојатни моменти заедно. Имам навистина посебно чувство и затоа сум многу среќен што останувам уште две сезони”, изјави Гвардиола за веб-страницата на клубот.

Тој го предводеше тимот до четири последователни титули во Премиер лигата, што е рекорд во лигата, како и до тројната круна во 2023 година, односно три трофеи во една сезона – титулата во Премиер лигата, Лигата на шампионите и ФА Купот.

„Го кажав ова многу пати досега, но имам сѐ што еден тренер би можел да посака и го ценам тоа многу. Се надевам дека можеме да додадеме уште трофеи на оние што веќе ги освоивме. Тоа ќе биде мојот фокус“, додаде Гвардиола.

Најдолго остана во Сити како тренер, откако работеше четири години во Барселона и три во Баерн Минхен.

Конкуренцијата во нападот на “кралевите“ е голема, тука се Мбапе, Винисиус, Родриго, но сепак се очекуваше младиот Бразилец Ендрик да добие адекватна шанса.

Шпанските медиуми пишуваат дека Ендрик би можел во јануари да го напушти Мадрид и да се пресели во друг тим каде што ќе има поголема минутажа.

Саутемптон покажува интерес, но сега во трката се вклучи и Рома, која веќе работи на трансферот и е фаворит за потписот.

Напаѓачот на Ајнтрахт Франкфурт, Омар Мармуш, кого го бараат Баерн Минхен, Барселона и Ливерпул, според весникот „Билд“ е проценет на 42-50 милиони фунти.

Ајнтрахт ќе искористи дел од цената за да донесе замена, а главен фокус ќе биде офанзивниот играч за врска на Рен, Арнауд Калимуендо.

Мармуш (25) е во неверојатна форма, а трансфер во Ливерпул е негова лична желба, со тоа тој би можел да го замени својот соиграч од Египет, Мохамед Салах. Се уште не е јасно дали од Ливерпул ќе направат потег за потенцијално да го ангажираат.

Мармуш има извонредни 11 гола и 7 асистенции на 10 натпревари оваа сезона во Бундеслигата.

Шпанскиот фудбалер, играчот од средниот ред на австралискиот Вестерн Сиднеј Вондерерс, Хуан Мата, стана еден од ко-сопствениците на американскиот тим Сан Диего. Ова го објави официјалниот сајт на клубот.

Фудбалскиот клуб Сан Диего најавува големо засилување во сопственичката структура на клубот, а како партнер ќе се приклучи шпанската фудбалска легенда и светски шампион Хуан Мата.

„Мата е првиот активен интернационалец кој поседува сопственички интерес во фудбалската лига (МЛС) и му се придружува на Дејвид Бекам како само втор интернационалец кој станал сопственик на клуб од МЛС лигата“, се вели во соопштението на ФК Сан Диего.

Претстојните натпревари на Вест Хем против Њукасл и Арсенал ќе ја одредат судбината на менаџерот на „чеканите“, Хулен Лопетеги.

Поранешниот тренер на Реал беше назначен летото на местото на Дејвид Мојс, но тимот оствари само три победи во првите 11 кола од шампионатот и е на пет бода од зоната за испаѓање, што не ги исполнува очекувањата на управата и навивачите.

Според „Гардијан“, за време на паузата за националните тимови, клубот разговарал за опции со потенцијални замени за Лопетеги. Изданието ги спомнува имињата на Един Терзиќ (поранешен тренер на Борусија Дортмунд), Каспер Јулманд (поранешен селектор на Данска), Роџер Шмит (поранешен тренер на Бенфика) и тренерот на Штутгарт, Себастијан Хенес. Првите тројца се невработени. Сè уште е достапен и Греам Потер, но според „Гардијан“, поранешниот менаџер на Челзи не е меѓу кандидатите.

Раководството повеќе сака Лопетеги да ги подобри резултатите и да не мора да го менува менаџерот, но евентуалните два порази во следните два натпревари, кои воопшто не се лесни, би можеле да значат и крај на престојот на Шпанецот во Лондон.

21-годишниот офанзивен играч за врска на Баер Леверкузен, Флоријан Вирц сака да се пресели во англискиот Манчестер Сити за 120 милиони евра, објавија дел од медиумите во Англија.

Според истите, германскиот играч за врска сака да го замени Белгиецот Кевин Де Бруин, кому му истекува договорот со „граѓаните“. Фудбалерот претпочита да се пресели во англиски клуб бидејќи не гледа можност да игра во стартниот состав на Реал Мадрид и Баерн, кои претходно важеа за фаворити за потпис на Германецот.

Вирц оваа сезона учествуваше на 23 натпревари во сите натпреварувања за клубот и репрезентацијата, на кои постигна 10 гола и три асистенции. Според информациите објавени на порталот Трансфермаркт, пазарната вредност на фудбалерот е 130 милиони евра.

Европската фудбалска федерација (УЕФА) или поточно дисциплинската комисија денеска донесе одлука за прекинатиот меч меѓу Романија и Косово во Лигата на нации.

Средбата не го дочека својот крај, односно гостите одлучија во судиското продолжение да го напуштат теренот поради однесувањето и скандирањата на домашните навивачи. На крајот Романија службено го доби мечот со 3-0, заработи и парична казна, додека Косово исто така беше санкциониран со 6000 евра.

Меѓутоа во Косово не се докрај задоволни од одлуката, па најавија жалба до судот во Лозана поради тоа што УЕФА одлучи да го регистрира мечот со 3-0.

-Не се согласуваме со одлуката да ни се одземат бодови и натпреварот да се регистрира со 3-0 во корист на Романија. Во врска со оваа одлука федерацијата ќе поднесе жалба до Судот за спортска арбитража во Лозана. Ќе продолжиме да ги штитиме правата и интегритетот на нашиот национален тим, -пораа од федерацијата.

Мадридски Реал трета година по ред ја предводи листата на највредни фудбалски екипи во светски рамки, покажува истражувањето на специјализираниот финансиски магазин Форбс.
Според Форбс, вредноста на актуелниот европски првак се проценува на 6,6 милијарди долари.

Веднаш зад Реал е Манчестер јунајтед чија вредност порасна на 6,5 милијарди долари, откако британскиот милијардер Џим Ретклиф годинава стана малцински член на хартиите од вредност на клубот, поради продажбата на делови од акциите на американското семејство Глејзер.

Ретклиф треба да преземе 28,9% од сопственоста на клубот од Манчестер до крајот на тековната календарска година.
На листата на Форбс следуваат Барселона (5,6 милијарди долари), Ливерпул (5,4 милијарди долари), Манчестер Сити (5,1 милијарди долари), Баерн Минхен (5 милијарди долари), ПСЖ (4,4 милијарди долари), Тотенхем (3, 2 милијарди долари), Челзи (3,1 милијарди долари) и Арсенал (2,6 милијарди долари).

Тотенхем планира да поднесе жалба на казната на Родриго Бентанкур, пренесува „Телеграф“. Лондончани се надеваат дека ќе го намалат периодот на дисквалификација на 27-годишниот Уругваец.

На 18 ноември, беше објавено дека Фудбалската асоцијација (ФА) го суспендираше Бентанкур на седум натпревари и го казни со 100.000 фунти за расна навреда кон соиграчот Хјун Мин Сон.

Во текот на летото, видео со Бентанкур на уругвајската телевизија беше објавено на интернет. Водителот побара од играчот од средниот ред на Тотенхем да му подари маица на Сон, на што Бентанкур се пошегува дека тоа може да биде дресот на братучедот на фудбалерот бидејќи сите Корејци изгледаат исто. Играчот од средниот ред подоцна му се извини на својот соиграч.