Шпанскиот фудбалер, играчот од средниот ред на австралискиот Вестерн Сиднеј Вондерерс, Хуан Мата, стана еден од ко-сопствениците на американскиот тим Сан Диего. Ова го објави официјалниот сајт на клубот.

Фудбалскиот клуб Сан Диего најавува големо засилување во сопственичката структура на клубот, а како партнер ќе се приклучи шпанската фудбалска легенда и светски шампион Хуан Мата.

„Мата е првиот активен интернационалец кој поседува сопственички интерес во фудбалската лига (МЛС) и му се придружува на Дејвид Бекам како само втор интернационалец кој станал сопственик на клуб од МЛС лигата“, се вели во соопштението на ФК Сан Диего.

Претстојните натпревари на Вест Хем против Њукасл и Арсенал ќе ја одредат судбината на менаџерот на „чеканите“, Хулен Лопетеги.

Поранешниот тренер на Реал беше назначен летото на местото на Дејвид Мојс, но тимот оствари само три победи во првите 11 кола од шампионатот и е на пет бода од зоната за испаѓање, што не ги исполнува очекувањата на управата и навивачите.

Според „Гардијан“, за време на паузата за националните тимови, клубот разговарал за опции со потенцијални замени за Лопетеги. Изданието ги спомнува имињата на Един Терзиќ (поранешен тренер на Борусија Дортмунд), Каспер Јулманд (поранешен селектор на Данска), Роџер Шмит (поранешен тренер на Бенфика) и тренерот на Штутгарт, Себастијан Хенес. Првите тројца се невработени. Сè уште е достапен и Греам Потер, но според „Гардијан“, поранешниот менаџер на Челзи не е меѓу кандидатите.

Раководството повеќе сака Лопетеги да ги подобри резултатите и да не мора да го менува менаџерот, но евентуалните два порази во следните два натпревари, кои воопшто не се лесни, би можеле да значат и крај на престојот на Шпанецот во Лондон.

21-годишниот офанзивен играч за врска на Баер Леверкузен, Флоријан Вирц сака да се пресели во англискиот Манчестер Сити за 120 милиони евра, објавија дел од медиумите во Англија.

Според истите, германскиот играч за врска сака да го замени Белгиецот Кевин Де Бруин, кому му истекува договорот со „граѓаните“. Фудбалерот претпочита да се пресели во англиски клуб бидејќи не гледа можност да игра во стартниот состав на Реал Мадрид и Баерн, кои претходно важеа за фаворити за потпис на Германецот.

Вирц оваа сезона учествуваше на 23 натпревари во сите натпреварувања за клубот и репрезентацијата, на кои постигна 10 гола и три асистенции. Според информациите објавени на порталот Трансфермаркт, пазарната вредност на фудбалерот е 130 милиони евра.

Европската фудбалска федерација (УЕФА) или поточно дисциплинската комисија денеска донесе одлука за прекинатиот меч меѓу Романија и Косово во Лигата на нации.

Средбата не го дочека својот крај, односно гостите одлучија во судиското продолжение да го напуштат теренот поради однесувањето и скандирањата на домашните навивачи. На крајот Романија службено го доби мечот со 3-0, заработи и парична казна, додека Косово исто така беше санкциониран со 6000 евра.

Меѓутоа во Косово не се докрај задоволни од одлуката, па најавија жалба до судот во Лозана поради тоа што УЕФА одлучи да го регистрира мечот со 3-0.

-Не се согласуваме со одлуката да ни се одземат бодови и натпреварот да се регистрира со 3-0 во корист на Романија. Во врска со оваа одлука федерацијата ќе поднесе жалба до Судот за спортска арбитража во Лозана. Ќе продолжиме да ги штитиме правата и интегритетот на нашиот национален тим, -пораа од федерацијата.

Мадридски Реал трета година по ред ја предводи листата на највредни фудбалски екипи во светски рамки, покажува истражувањето на специјализираниот финансиски магазин Форбс.
Според Форбс, вредноста на актуелниот европски првак се проценува на 6,6 милијарди долари.

Веднаш зад Реал е Манчестер јунајтед чија вредност порасна на 6,5 милијарди долари, откако британскиот милијардер Џим Ретклиф годинава стана малцински член на хартиите од вредност на клубот, поради продажбата на делови од акциите на американското семејство Глејзер.

Ретклиф треба да преземе 28,9% од сопственоста на клубот од Манчестер до крајот на тековната календарска година.
На листата на Форбс следуваат Барселона (5,6 милијарди долари), Ливерпул (5,4 милијарди долари), Манчестер Сити (5,1 милијарди долари), Баерн Минхен (5 милијарди долари), ПСЖ (4,4 милијарди долари), Тотенхем (3, 2 милијарди долари), Челзи (3,1 милијарди долари) и Арсенал (2,6 милијарди долари).

Тотенхем планира да поднесе жалба на казната на Родриго Бентанкур, пренесува „Телеграф“. Лондончани се надеваат дека ќе го намалат периодот на дисквалификација на 27-годишниот Уругваец.

На 18 ноември, беше објавено дека Фудбалската асоцијација (ФА) го суспендираше Бентанкур на седум натпревари и го казни со 100.000 фунти за расна навреда кон соиграчот Хјун Мин Сон.

Во текот на летото, видео со Бентанкур на уругвајската телевизија беше објавено на интернет. Водителот побара од играчот од средниот ред на Тотенхем да му подари маица на Сон, на што Бентанкур се пошегува дека тоа може да биде дресот на братучедот на фудбалерот бидејќи сите Корејци изгледаат исто. Играчот од средниот ред подоцна му се извини на својот соиграч.

Англискиот фудбалски клуб Манчестер Јунајтед тргнува во офанзива за потписот на левиот бек на Баерн Минхен, Алфонсо Дејвис, објави „Скај Спортс“.

Алфонсо Дејвис, чиј договор истекува во летото 2025 година, би можел да стане слободен агент на крајот на сезоната доколку Баерн Минхен не успее да се договори за продолжување на актуелниот договор на канадскиот играч. Манчестер Јунајтед сака да ја искористи оваа ситуација и да го привлече одбранбениот играч, бидејќи од јануари секој странски клуб ќе може директно да преговара со фудбалерот.

Сезонава Алфонсо Дејвис одигра 14 натпревари за Баерн Минхен во сите натпреварувања, на кои имаше и две асистенции.

Share.
Facebook
Twitter

Антонио Кордеро, попознат како Антоњито е на мета на Реал Мадрид и Барселона, пишуваат шпанските медиуми.

Талентираниот 18-годишен играч на Малага, кој е еден од предводниците на младинскиот тим на „Црвената фурија“, веќе подолго време е цел на гигантите од Шпанија, а неодамна го презеде Пини Захави, менаџер кој е многу близок со Барселона, со оглед на тоа што ги застапува Флик, Левандовски и други.

Барселона веќе направи некои потези ова лето, но Малага не беше заинтересирана за соработка. Но, со оглед на тоа што договорот на Кордер истекува во јуни следната година, Марка пишува дека челниците на Малага подготвуваат трансфер веќе во зимскиот преоден рок.

Понуда пристигна и од „Сантијаго Бернабеу“, но се чини дека Антонио во моментов е поблиску до Барселона, судејќи по поврзаноста на менаџерот Захави со каталонскиот клуб.

Барселона денес се огласи по повод потенцијалното враќање на „Камп Ноу“.

Како што е познато веќе година ипол најголемиот стадион во Европа е во реконструкција и ќе биде еден од најубаите на стариот континент.

Првобитиот план беше Барселона да се врати на „Камп Ноу“ на 29 ноември на прославата на 125. роденден, но такво нешто не се случи.

Враќањето е поместено за јануари, а Барса сега потврди дека натпреварите со Валенсија и Алавес на 26 јануари и 2 февруари ќе ги игра на „Монжуик“. На официјалниот профил Барселона потврди дека последниот натпревар од групната фаза ќе се игра на „Монжуик“ поради правилата на УЕФА да не се менува домаќинството пред крајот на групната фаза.

Иако Барселона не потврди кога точно ќе се врати, медиумите започнаа да шпекулираат дека тоа може да биде на 15 или 16 февруари во натпреварот против Рајо Ваљекано.

Aргентинската репрезентација славеше победа од 1-0 против Перу во рамките од квалификациите за Светското првенство, а голот го постигна Лионел Меси.

По овој дуел внимание привлече изјавата која ја даде репрезентативецот на Перу, Пабло Гереро. Како што вели тој Меси е премногу заштитен и судиите реагираат на секој контакт.

„Ако Меси го допрете со прст, судијата веднаш суди прекршок. Премногу е заштитен“, изјави Гереро по поразот.

Аргентина е блиску да го потврди пласманот на Мундијалот бидејќи по 12 одиграни кола е прва со 25 бодови.