Карло Анчелоти има многу квалитетни играчи на располагање, но утре ќе мора да комбинира без еден од најискусните фудбалери во составот.

Реал Мадрид ја започнува сезоната во Лигата на шампионите со натпревар против Унион Берлин, а поради повреда во комбинација нема да биде Дани Карвахал.

Искусниот бек заработил мускулна повреда и не се појавил на денешниот утрински тренинг, а Реал најави детални прегледи по што ќе биде познато каков е карактерот на проблемот на Карвахал.

„Марка“ истакнува дека ова е удар за Реал бидејќи Карвахал одлично ја започнал сезоната и играл во врвна форма за Реал и репрезентацијата, а уште отсега е јасно дека бекот ќе го пропушти и градското дерби со Атлетико.

Анчелоти од претходно не може да смета ниту на Винисиус, Арда, Милитао и Куртоа.

Јулијан Дракслер и официјално има нов клуб, откако го напушти Пари Сен Жермен некогашниот голем талент на германскиот фудбал потпиша за Ал Ахли од Катар.

Минатата сезона Дракслер ја помина како позајмен фудбалер во Бенфика, а сега потпиша двегодишен договор со катарскиот фудбал. Германецот е третиот фудбалер на ПСЖ кој прави трансфер во Катар, претходно Верати и Абду Дијало потпишаа за Ал-Араби.

За ПСЖ Дракслер играше од 2017 година и запиша 198 настапи на кои постигна 26 гола.

Бранителот на пехарот во Лигата на фудбалските шампиони, Манчестер Сити, вреди 1,18 милијарди евра. Втората позиција е за Арсенал кој има пазарна цена од 1,09 милијарди евра додека на третото место е Париз Сен Жермен со 1,04 милијарди евра.

Во Топ 10 влегуваат: Реал Мадрид (991), Баерн (Минхен) (897), Манчестер Јунајтед (882), Барселона (814), Њукасл (598), Наполи (577) и Милан (529 милиони).

Најмалку вреди на пазарот швајцарскиот Јанг Бојс. Најмлад состав има РБ Салцбург додека највозрасен е тимот на Атлетико Мадрид со просек од 28,5 години.

Европската фудбалска унија (УЕФА) отвори истрага против ПСЖ поради трите трансфери во Катар за кои постои сомневање дека се спорни.  

Станува збор за заминувањето на Верати за 45 милиони евра, на Јулијан Дрекслер во Ал Ахли, платен за 15 милиони евра и на Абу Диало кој беше продаден за девет милиони евра.

УЕФА ќе истражува дали парите од Катар ќе му помогнат на ПСЖ да прикаже приходи со цел да се исполнат условите од финансискиот фер-плеј.

Барселона не планира да брза со враќањето на Педри. Играчот заработи повреда на крајот на август кога го повреди квадрицепсот. Се очекуваше закрепнувањето на играчот од средниот ред да трае најмалку месец и половина.

Според „Диарио Спорт“, стручниот штаб на Барселона не сака да го принуди Педри да се врати бидејќи го сметаат за клучен играч. Забележано е дека физичката кондиција на Гави , Френки Де Јонг , Ориол Ромеу и Илкај Гундоган исто така овозможува да не се ризикуваат при рехабилитацијата на Шпанецот.

Во моментов Педри вежба во теретана, а се очекува за неколку дена играчот од средниот ред да започне со индивидуални тренинзи на теренот. Се очекува Педри да биде достапен за Барселона по репрезентативната пауза во октомври – со планот на стручниот штаб да го има на располагање за натпреварот против Реал Мадрид на 28 октомври.

Медиумите од Италија пренесуваат дека Винченцо Монтела е еден од најсериозните кандидати за нов селектор на Турција.

Според информациите, Монтела би требало да биде замената за Штефан Кунц кој доби отказ од селекторската позиција на Турција, после поразот во пријателскиот натпревар со Јапонија.

49-годишниот Монтела има искуство со турскиот фудбал бидејќи тој претходно беше тренер на Адана Демирспор. Во својата кариера ги има водено и екипите на Рома, Катанија, Фиорентина, Сампдорија, Милан и Севиља.

Михајло Мудрик не успева да се адаптира на условите во Премиер-лигата, вели  менаџерот на Челзи, Маурицио Почетино.

Украинецот кој беше купен за големи 88.5 милиони евра, нема постигнато гол на 19 натпревари во елитата на Англија. Затоа, аргентинскиот стратег, најави, дека ќе обрне внимание на играта на 22-годишниот напаѓач.

„Тој има што да научи бидејќи во Премиер лигата е се многу брзо. Ќе му дадам време да се подобри во сезонава“, потенцираше тренерот на „сините“.

Давид де Геа е слободен играч околу три месеци по заминувањето од Манчестер Јунајтед, но сега го виде светлото на крајот од тунелот и наскоро би требало да добие нов клуб.

Речиси три месеци по заминувањето од Манчестер Јунајтед, Шпанецот се уште е слободен играч. Давид де Геа водеше преговори со Севиља, Баерн Минхен, со екипи од Саудиска Арабија, но никаде не потпиша договор.

Како што пренесуваат шпанските медиуми, Реал Бетис е подготвен да му подаде рака на помош на 32-годишниот голман, бидејќи Клаудио Браво е во последната година од договорот.

Очигледно, Давид де Геа е типот на голман кој Мануел Пелегрини го посакува во својот тим. Дополнително, за тимот од Севиља тоа е шанса која не сакаат да ја пропуштат, особено што фудбалерот е слободен играч.

Голманот одигра 545 натпревари за „Црвените ѓаволи“, а беше член на генерацијата која последен пат беше шампион на Англија во 2013 година.

Барселона внимателно ја следи ситуацијата околу крилото на Манчестер Јунајтед, Џејдон Санчо.

Крилниот напаѓач  беше суспендиран  од тимот на Манчестер Јунајтед откако јавно одговори на критиките од менаџерот Ерик тен Хег кој не одговори потврдно на прашањето дали Џејдон Санчо повторно ќе игра за Манчестер Јунајтед.

Спортскиот оддел на Барселона внимателно ги следи случувањата околу 23-годишниот фудбалер и размислува да го ангажира на позајмица во јануари. Во моментов Каталонците немаат преземено чекори во оваа насока – клубот едноставно внимателно следи што се случува, пишува „Диарио Спорт“.

Забележано е дека Санчо сериозно размислува за заминување од Манчестер Јунајтед.

Александaр Чеферин од позицијата прв човек на УЕФА, вели дека Динамо Загреб, не може да биде казнет за инцидентите со трагичен крај во Атина бидејќи навивачите од Хрвaтска сами отпатувале за Грција.

„Како можеше Динамо да знае дека хулигани и криминалци влегле во изнајмено комбе во два часот по полноќ и тргнале кон Грција?“. Се случи трагедија но, луѓето од Динамо Загреб не знаеја дека група навивачи отпатувала за Атина. Тоа се криминалци и идиоти кои сами се организираа. Дали би било правилно да се казнат клубот и 99,9 проценти од обичните навивачи поради неколку идиоти кои се во затвор?“, нагласи Чеферин.