Кристал Палас доби значителен поттик за настап во Лига Европа следната сезона, откако Лион беше исфрлен во Лига 2 поради финансиски нерегуларности – но иднината на Палас во Европа сè уште не е целосно сигурна. 

Лион, клуб во сопственост на американскиот бизнисмен Џон Текстер, беше деградиран бидејќи не успеа да ги убеди француските фудбалски власти дека нивната финансиска состојба е доволно стабилна, и покрај продажбата на играчи и дополнителниот капитал. Оваа одлука би можела да има големи последици низ европскиот фудбал – особено за Кристал Палас. 

Текстер исто така поседува 43% од акциите во Кристал Палас – ситуација што го доведе клубот во конфликт со правилата на УЕФА, според кои клубови под ист или поврзан сопственик не смеат да настапуваат во исто европско натпреварување. 

Текстер се согласи да ги продаде своите акции во Палас за да се усогласи со правилата. Но продажбата сè уште не е финализирана. Додека не се затвори трансакцијата и не биде формално одобрена, Палас останува во неизвесност околу учеството во Европа. 

Сепак, испаѓањето на Лион би можело да го олесни проблемот. Иако Лион заврши на шесто место во Лига 1 – позиција што води во Лига Европа – нивното испаѓање во втора лига може да го поништи тоа достигнување. Тоа потенцијално би го решило конфликтот дури и пред да заврши продажбата на Текстер. 

Ситуацијата сè уште е во тек. Лион најави жалба на одлуката, а УЕФА и нивното тело за финансиска контрола на клубовите ќе ја донесат конечната одлука дали Палас ќе може да настапи во Европа. Во меѓувреме, Нотингем Форест – кој може да има корист ако Палас биде исклучен – внимателно ја следи состојбата. 

Во јужен Лондон расте оптимизмот, но навивачите на Палас ќе мора да почекаат уште малку за да дознаат дали нивниот клуб ќе го има својот прв историски настап во европско натпреварување. 

Атлетико Мадрид е на чекор до финализирање на трансферот на американскиот играч од средниот ред, Џони Кардосо, од Реал Бетис, во договор вреден над 30 милиони евра. 

23-годишниот Кардосо ќе потпише петгодишен договор со клубот од шпанската престолнина, а остануваат уште само неколку ситни детали пред трансферот да стане официјален. Откако ќе се заврши потребната документација, тој ќе му се приклучи на тимот на Диего Симеоне. 

Кардосо остави силен впечаток со настапите во Ла Лига и за репрезентацијата на САД, особено со неговата енергија, смиреност и тактичка зрелост на средината од теренот. Атлетико го гледа како важен додаток во обидот да го засили тимот пред предизвикувачката сезона што следува. 

Овој трансфер е јасен показател на амбициите на Атлетико да го освежи и зајакне средниот ред, при што Кардосо се очекува веднаш да влезе во плановите на Симеоне. 

Монако привлече големо внимание со две звучни засилувања – Пол Погба и Ансу Фати, најавувајќи големи амбиции пред новата сезона. 

Погба, кој има 32 години, се враќа во Лига 1 по 18-месечна суспензија поради допинг-прекршок за време на неговиот втор престој во Јувентус. Светскиот шампион потпиша договор со Монако до јуни 2027 година. Овој потег му овозможува нов почеток во позната средина, каде ќе се обиде повторно да ја пронајде својата најдобра форма. 

Покрај него доаѓа и 22-годишниот Ансу Фати од Барселона, на едногодишна позајмица. Пред да се пресели во Монако, шпанскиот офанзивец ќе го продолжи договорот со Барса до 2028, со што каталонскиот клуб си обезбедува контрола врз неговата иднина. Монако, пак, ќе има опција за целосно откупување на договорот следното лето. 

Овие потези јасно ја отсликуваат намерата на Монако да биде конкурентен и на домашната сцена и во Европа. Со обезбедено учество во Лигата на Шампионите, клубот испраќа силна порака. Погба носи искуство и лидерство во средниот ред, а Фати брзина, креативност и мотив по тешката сезона во Шпанија. 

По претходното засилување со Ерик Даер, тимот на Монако изгледа сѐ поимпресивно. Со стартот на подготовките, останува да се види како новите ѕвезди ќе се вклопат – и дали ќе му помогнат на клубот да стигне до нови височини. 

Барселона на 1 или 2 јули ќе ја активира ослободувачката клаузула во договорот на Нико Вилијамс со Атлетик Билбао.

Иако сè со самиот играч веќе е договорено, Каталонците ќе чекаат уште една недела, бидејќи сакаат трансферот да влезе во сметководството за следната финансиска година, која започнува токму на 1 јули.

Нико Вилијамс ќе биде играч на Барселона уште за почетокот на предсезонската подготовка, која започнува на 13 јули, иако можеби тој ќе добие малку подолг одмор поради обврските со репрезентацијата на Шпанија во Лигата на нациите. Ова важи и за другите репрезентативци во тимот на Ханзи Флик.

Барселона сè уште се обидува да договори со Атлетик клаузата од 58 милиони евра да биде платена со рати, а не одеднаш. Според „Мундо Депортиво“ тоа сепак изгледа тешко остварливо со оглед на односите меѓу двата клуба. Поради тоа на „Камп Ноу“ се подготвени да ја платат и целата сума.

Фудбалерот на Интер, Хенрих Мхитарјан ја отфрла можноста да се пресели во Саудиска Арабија, вели дека не го интересираат парите.

Во последните неколку години, Саудиска Арабија е омилена дестинација за многу фудбалери, бумот почна кога Кристијано Роналдо повлече нога и се пресели во Ал Наср.

Па секој трансфер период, звучни имиња од Европа се на мета на клубовите од Саудиска Арабија, кои не штедат пари за да се промовираат преку фудбалот.

Сепак, петро-доларите не го интересираат Хенрих Мхитарјан, фудбалерот на Интер ја отфрла можноста да се пресели во Саудиска Арабија.

„Имам уште една година од договорот и доколку не ми удрат клоца, останувам. Не сакам да се пензионирам и потоа да се каам дека прерано сум се повлекол. Веројатно Интер ќе ми биде последен клуб, сакам да заминам на голема врата“ – вели популарниот Мики.

„Нема да се вратам во ерменскиот фудбал, ниту пак ме интересира Саудиска Арабија. Со сета почит, јас ја сакам фудбалската игра – не парите. Кога ќе се разбудам, сакам да тренирам и да покажам колку вредам“.

Швајцарските медиуми кренаа вистинска тревога со веста дека Косово е заинтересирано за еден од најголемите таленти во оваа земја.

Леон Авдулаху, поранешниот играч од средниот ред на Базел, кој имаше одлична сезона и ја освои титулата со овој тим, се сели во Хофенхајм за осум милиони евра, па неговото име повторно е во центарот на вниманието на јавноста, објави Телеграф.

Авдулаху ги поминал сите категории на швајцарската репрезентација на возраст меѓу 15 и 21 година, но не играл за А-тимот.

Поради ова, сега се зголемува притисокот врз Мурат Јакин, тренерот на швајцарската репрезентација, а Косово сака да го искористи ова за да го убеди да игра за нив.

Авдулаху е по потекло од Косово, од каде што неговите родители се преселиле во Швајцарија. Затоа првиот човек на Фудбалската асоцијација на Косово, Агим Адеми, беше во Швајцарија и се сретна со Авдулаху, што беше објавено на неговиот Инстаграм.

Ова ги вознемири швајцарските медиуми со пораки дека зад фотографијата можеби се крие договор еден од најголемите таленти во земјата и нивен репрезентативец да игра за репрезентацијата на Косово.

Суперѕвездата Нејмар официјално го продолжи договорот со Сантош, објави бразилскиот клуб. 33-годишниот напаѓач ќе остане во својот матичен тим барем до крајот на 2025 година, а договорот вклучува опција за продолжување.

„Каде што сè започна. Каде што никогаш нема да заврши“, напиша Сантош во соопштението со кое го објави новиот договор.

Бразилскиот репрезентативец се врати во клубот кон крајот на јануари оваа година и оттогаш има 12 настапи во сите натпреварувања, постигнувајќи три гола.

Нејмар е производ на академијата на Сантош и го имаше своето деби за првиот тим во 2008 година пред да се пресели во Барселона во 2013 година.

Фудбалскиот клуб Олимпик Лион е исфрлен во втората француска лига поради неусогласеност на финансиите на клубот со прописите на натпреварувањето.

Олимпик Лион е седумкратен шампион на Франција и петкратен освојувач на Купот.

Според француските медиуми, долгот на клубот ја пробил границата од половина милијарда евра.

Во среда, Француската фудбалска федерација ја потврди одлуката донесена минатата зима, во меѓувреме, Лион не успеа да ги „испегла книгите“ и долговите што ги имаше, па следеше драконска казна.

Лион има право да поднесе жалба на оваа одлука од Француската фудбалска федерација.

Неодамнешниот тренер на Вердер, Оле Вернер, е новиот шеф на тренерскиот штаб на РБ Лајпциг. Вернер со „биковите“ кого потпиша двегодишен договор.

Лајпциг бараше нов тренер откако го отпушти Марко Росе на крајот на март.

Золт Лев, кој претходно беше задолжен за развој на млади фудбалери во клубот, го презеде раководењето со првиот тим до крајот на сезоната, но не успеа да избори место во европските купови. Лајпциг сезоната ја заврши на седмото место.

„Оле е млад, амбициозен и исклучително посветен шеф на стручниот штаб кој ќе го направи следниот чекор во својот развој со нас“, рече генералниот менаџер на Лајпциг, Марсел Шефер.

Лајпциг ќе биде третиот клуб на Вернер како главен тренер. Откако ја заврши својата фудбалска кариера на само 22 години, тој работеше во младинските и резервните тимови на Холштајн Кил, пред трајно да го преземе првиот тим во 2019 година.

Тој го задржа Кил во Цвајта во текот на сезоната 2019/20, а следната сезона ги доведе на работ на Бундеслигата, но беа поразени од Келн во плејофот.

Во ноември 2021 година, тој беше назначен за тренер на Вердер Бремен, кој во тоа време се мачеше во втората лига. Сепак, Вернер успеа веднаш да се врати во Бундеслигата, а потоа со „зелено-белите“ постигна пласман на 13-то, 9-то и 8-мо место во три последователни сезони во елитниот ранг, надминувајќи ги очекувањата секој пат.

Вернер се раздели со Вердер откако изрази желба да не го продолжи договорот што важеше до 2026 година, па клубот го отстрани од тренерската позиција.

Бенфика го победи Баерн со 1-0 и го освои првото место во Ц групата на клупскиот Мундијал. Натпреварот во Шарлот се одигра во нехумани услови, на температура од речиси 40 степени Целсиусови. Клубот од Лисабон во 14.меѓусебен дуел успеа да го победи Баерн.

Единствениот гол на натпреварот го постигна Андреас Шлердуп во 13-та минута од натпреварот.

Репрезентативецот на Норвешка одлично се позиционираше и по остриот центаршут на Аурсенс и го совлада Мануел Нојер со шут во долниот агол.

Винсент Компани реши малку да го освежи својот тим пред натпреварот Хари Кејн, Мајкл Олисе, Јошуа Кимих и Џамал Мусијала останаа на клупата. Без нив Баварците беа безопсни во нападот во рпвиот дел.

Се се смени со влегувањето на францускиот крилен напаѓач. Вторите 45 минути им припаднаа целосно на Баварците. Шансите се редеа, голот на Кимих го поништи ВАР, Лајмер ја погоди стативата, а Сане промашуваше од сите можни позиции.

Талентираниот голман Анатолиј Турбин брилијантно го бранеше голот на Бенфика, ја заслужи наградата за играч на натпреварот.

„Орлите“ од Лисабон ја забележаа првата победа против Баерн во својата историја. Од 1976 година до денес, одиграа 13 натпревари, имаа 10 порази и три нерешени резултати.