Тренерот на Комо, Сеск Фабрегас, објави дека ќе продолжи да го води тимот и следната сезона. Шпанецот призна дека бил во контакт со други клубови, но сака да продолжи со работата со сегашниот тим. Интерес за него покажаа Баер Леверкузен и Рома.

„Цврсто останувам во Комо, се чувствувам добро тука. Клубот наскоро ќе даде официјална изјава за ова прашање. Разговарав со раководството и се уверив дека имаме заедничка визија за иднината. Да, имав разговори со други клубови. Покажувам почит и дијалог со сите. Сакам повеќе за Комо, не за мене. Треба да има консолидација и напредок следната сезона. Има многу енергија и јас сум позитивен во врска со тоа“, коментираше Фабрегас на својата прес-конференција пред утрешниот натпревар на гости против Венеција.

Шпанскиот специјалист откри некои од своите идеи за развој на Комо.

„Кога отидов во Арсенал на само 16 години, бев сам, но знам како да создадам семејство. Тука ќе обезбедиме тренинг база на високо ниво. Моите момчиња мора да имаат најдобри можни услови. Разговарам со нив и за работи надвор од фудбалот, за лични работи. Прво сакам да ја видам личноста, а потоа и фудбалерот.

Сакам помал тим од само 20 играчи. Навивачите зборуваат за европските турнири, но следната сезона само треба да се етаблираме. Треба да одиме полека и со мали чекори. Немаме утврден буџет за следната сезона, сè зависи од нашите можности. На кои позиции сакам засилувања? На оние кои ви помагаат да ги добивате натпреварите.

Нико Паз е фундаментален за нас. Едоардо Голданига се етаблира како лидер. Тој е момче кое многу порасна и е гаранција за мене заедно со Габриел Стрефеца и Лука Да Куња. Тој ми даде многу мене и на тимот. Тој може да направи повеќе и треба да се развива, а неговите соиграчи го сакаат“, додаде Фабрегас.

Кевин Де Брујнe денес го игра своето последно финале во дресот на Манчестер сити. „Граѓаните“ во финалето на ФА купот за противник го имаат Кристал Палас.

Де Брујне ќе го напушти како слобиден играч, а се очекува по завршувањето на сезоната да објави каде ќе ја продолжи кариерата.

Најдобриот играч на Ливерпул, Мохамед Салах го кани Белгиецот на „Енфилд“.

Египќанецот даде интересна изјава во која јавно му оддаде почит на Кевин Де Брујнe за сè што направи за Премиер лигата во изминатата деценија. Патем, тој се пошегува дека на „Енфилд“ има место за играч од негов квалитет.

„Сакам да му честитам за сè што постигна во кариерата досега. Тој заврши фантастична работа во Манчестер сити и имаше неверојатен придонес во развојот на Премиер лигата и навистина му посакувам се најдобро. И секако имаме место тука за него“, рече Мо Салах низ смеа.

Салах и Де Брујне беа соиграчи пред една деценија во Челси.

Сепак, во моментов нема навестувања дека Де Брујнe би можел да оди во Ливерпул, а Наполи во моментов се споменува како најреална опција.

Де Брујне одби трансфер во Саудиска Арабија и САД бидејќи верува дека сè уште може да игра на најголемата сцена.

Момент за историја на „Вембли“, играчите на Кристал Палас го освоија првиот трофеј во 120.годишната историја на клубот. Кристал Палас го пибеди Манчестер сити со 1:0 и го освои трофејот во ФА купот.

Трета среќа за Палас, во третиот обид славеа во најстарото куп натпреварување во светот. Претходно не успеаја во 1990 и 2016 година.

Сити остана без ниту еден трофеј оваа сезона, без Премиер лигата, Лига купот, Лигата на шампионите и ФА Купот.

Херои на Палас се стрелецот на единствениот гол во 16.минута Ечереки Езе и голманот Дин Хендерсон. Хендесон одбрани пенал, во првиот дел ги запре ударите на Халанд и Доку, а во 82.минута го одбрани и ударот на младиот Аргентинец, Ечевери.

Нивните имиња ќе бидат запишани со златни букви во клупската историја.

Трагичар е Омар Мармуш, Хендерсон му одбрани пенал во 37.минута.

Астон Вила покажува интерес за 25-годишниот напаѓач на Барселона, Феран Торес . Ова го објави „Бермингем меил“.

Според изворот, клубот од Бирмингем може да го стекне шпанскиот фудбалер следното лето. Барселона разгледува понуда од 50 милиони евра за Феран Торес

Торес оваа сезона одигра 45 натпревари во сите натпреварувања, постигна 19 гола и имаше седум асистенции. Тековниот договор на играчот со клубот е со важност до летото 2027 година. Според информациите доставени на порталот Трансфермаркт, пазарната вредност на фудбалерот е 28 милиони евра.

Ракометарите на Еурофарм Пелистер издвојуваа победа над ГРК Охрид од 34-30 во натпреварот од седмото коло од плеј-офот во Суперлигата. „Зелено-белите“ го одбранија домашниот терен во салата „Боро Чурлевски“ и ја продолжуваат борбата со Вардар за титулата во домашниот шампионат.

Ракометарите на Охрид одлично го почнаа мечот, на двапати имаа предност и од два гола разлика, беше 6-4 и 7-5, но како одминуваше времето Пелистер играше се подобро и на одморот замина до предност од 17-14. Охрид не се предаде, во вториот дел неколкупати дојдоа до само еден гол негатива, но не успеаа да го свртат резултатот. Финишот му припадна на Пелистер кој на крајот славеше победа од 34-30.

Популарните „гладијатори“ беа достоинствен ривал, се бореа низ сите 60 минути, меѓутоа Пелистер е поквалитетен тим и дојде до посакуваниот триумф, победа број шест во оваа фаза. Кузмановски со девет гола беше лидер кај актуелниот шампион, Јукиќ со седум ја предводеше листата на стрелци кај поразените.

Со оваа победа Еурофарм Пелистер се израмни на врвот на табелата од плеј-офот со Вардар 1961. Следниот викенд, во рамките на деветтото коло, Еурофарм Пелистер во Битола ќе го пречека Бутел Скопје.

Европската куќа на фудбалот строго го казни Хрватскиот фудбалски сојуз за инцидентите предизвикани од неговите навивачи на четвртфиналниот натпревар од Лигата на нациите против Франција.

Во март, Хрватите го добија првиот натпревар со 2:0, но загубија во реваншот со ист резултат, а по изведувањето пенали во Париз беа елиминирани од понатамошното натпреварување.

Според извештаите на УЕФА, хрватските навивачи извршиле расистички и дискриминаторски испади, за што сега се казнети со висока казна, во вкупен износ од 93.000 евра.

Поради првиот натпревар, 32.000 евра, од кои 10.000 евра за пиротехника, 8.000 евра за употреба на ласери и 14.000 евра за блокирани премини.

За натпреварот во Париз, 25.000 евра за пиротехника, 8.000 евра за предизвикана штета. Хрватскиот сојуз ќе мора да ја плати штетата на стадионот „Стад де Франс“.

Со одлука на Меѓународната фудбалска федерација (ФИФА), а потоа и со потврда од Арбитражниот суд за спорт, фудбалскиот клуб Леон беше исклучен од Светското клупско првенство бидејќи има иста сопственичка структура како Пачука.

Откако Арбитражниот суд за спорт ја отфрли жалбата на Леон и ја потврди одлуката на ФИФА, беше одлучено Лос Анџелес и Клуб Америка да се натпреваруваат за испразнетото место на Светското клупско првенство.

Во петокот беше потврдено дека двата тима ќе одиграат само еден натпревар на 31 мај.

Домаќин на овој дуел ќе биде Лос Анџелес.

Победникот ќе се пласира на Светското клупско првенство, кое ќе се игра за прв пат оваа година во нов формат, со 32 тима и тоа во рок од еден месец.

Лос Анџелес или Клуб Америка ќе играат во групата Д со Челзи, Есперанс од Тунис и Фламенго.

Високиот шпански стопер Дин Хујсен ќе биде првото засилување на новиот тренер на Реал Мадрид, Чаби Алонсо.

Според италијанскиот фудбалски „инсајдер“ Фабрицио Романо, неговиот трансфер е договорен со Борнмут, и наскоро зделката ќе биде официјализирана.

Хујсен има само 20 години, висок е 195 сантиметри, по завршувањето на лекарските прегледи, ќе потпише договор со Реал до 2030 година.

Веќе беше познато дека Шпанецот е на прагот на „кралскиот клуб“, Романо веќе објави дека обештетувањето за талентираниот фудбалер ќе биде околу 60 милиони евра.

Хујсен е роден во Амстердам, кога имал само пет години неговото семејство се преселило во Шпанија, а откако играл за помладите селекции на Холандија, решил да ја промени репрезентацијата и оваа година дебитираше за „Црвената фурија“.

Комисијата за натпревари на ФФМ, на седницата одржана на ден 16.05.2025 година, донесе одлука со која го поништи натпреварот од 28. коло од Втора МФЛ помеѓу КОЖУФ Гевгелија и ФК БАШКИМИ 1947 Куманово, одигран на 06.05.2025 година во Гевгелија.

Натпреварот го евидентира како одигран, бодовите од натпреварот не се доделуваат на ниту една екипа, постигнатите голови не се евидентираат и не влегуваат во евиденција на дадени голови на фудбалерите.

Комисијата, имајќи го предвид Правилникот за натпреварување, но и етичкиот аспект на случајот, со цел заштита на интегритетот на натпреварувањето и зачувување на угледот на фудбалот како спорт, ја донесе оваа одлука со која се настојува да се избегне какво било легитимирање на неспортски и неетички дејствија, кои се спротивни на вредностите на Фудбалската федерација на Македонија.

Италијанските познавачи на фудбалот и дел од медиумите наведуваат дека луѓето од Јувентус ќе се обидат да го вратат Антонио Конте на тренерската позиција.

Искусниот стратег засега има добра сезона со Наполи бидејќи е во трката за титулата во Серија „А“. Неговото име и претходно се поврзуваше со „старата дама“.

Конте работеше во екипата од Торино од 2011 до 2014 година, освојувајќи 3 последователни титули во елитниот фудбалски шампионат на Италија.