Правниот предизвик на Реал Мадрид за новите барања на Ла Лига за пристап до медиумите е отфрлен од Националниот суд.

Судот утврди дека жалбата не се вклопува во рамките на кривичниот законик и ги исклучи кривичните дела поврзани со неправедна администрација. Судот, исто така, истакна дека жалбата на Мадрид дека новите мерки се дизајнирани специјално против него е тешко разбирлива бидејќи 19 други клубови од Ла Лига, иако некои од нив помали, се согласиле со нив во гласањето пред сезоната 2023/2024.

Да потсетиме, на почетокот на август се дозна дека Ла Лига го сменила принципот на распределба на средствата од ТВ правата. Конкретно, станува збор за распределба на 25% од вкупните приходи (околу 130 милиони евра), која ќе се базира на „социјална интеракција“.

Ова значи поотворен пристап за телевизиските камери, вклучително и во соблекувалните на клубот. За ова гласаа 21 учесник (20 клуба и самата Ла Лига), само Реал Мадрид беше против, а еден неименуван клуб беше воздржан.

Јувентус би можел да ангажира играч на Арсенал за да го замени Пол Погба. Претходно се дозна дека 30-годишниот играч од средниот ред на Јувентус имал позитивен допинг тест за тестостерон, поради што се соочува со забрана за играње фудбал до четири години.

Светскиот шампион со француската репрезентација беше привремено дисквалификуван од Националниот антидопинг трибунал на Италија. Поради допинг Јувентус има право да го раскине договорот со Погба, клубот веќе престана да му ја исплаќа платата на Погба.

Како што пренесува „Гоал“, Томас Парти е меѓу оние фудбалери кои ги интересираат челниците на Јувентус. Јуве веќе подолго време го следи играчот од средниот ред од Гана и се распрашуваше за неговата достапност на пазарот ова лето. Арсенал и покрај купувањето на Деклан Рајс, не сака да се раздели со Парти, но ситуацијата може да се промени доколку пристигне профитабилна понуда  Во сезоната 2023/24, 30-годишниот Томас Парти учествуваше во три натпревари од Премиер лигата.

Светската фудбалска федерација (ФИФА) објави листа од 12 имиња кои се претенденти за освојување на наградата за најдобар играч на годината во изборот на ФИФА.

Кристијано Роналдо го нема, што и се очекуваше, но има некои имиња кои некако изненадувачки се најдоа на листата на ФИФА. Пред сè, Јулијан Алварез кој не се наигра во Манчестер Сити покрај Ерлинг Халанд. Најмногу претставници на оваа листа има европскиот шампион, ако се брои и Илкај Гундоган кој до летово беше дел од тимот.

Во најтесниот избор се најдоа: Јулијан Алварез, Кевин де Брујне, Родри, Бернардо Силва, Ерлинг Халанд (Манчестер Сити), Илкај Гундоган (Манчестер Сити/Барселона), Виктор Осимен, Квича Кварацхелија (Наполи), Лионел Меси (ПСЖ/Интер Мајами), Килијан Мбапе (ПСЖ), Деклан Рајс (Вест Хем).

Maкедонецот Милан Илоски кој е роден во Сан Диего во САД, но има и македонското државјанство потпиша договор со данскиот суперлигаш Нордсијеланд.

Илоски кој има 24 години одигра одлична сезона во Оранџ Каунти во САД и така го привлече вниманието на еден од најдобрите дански клубови. Во овој момент Нордјиланд е второпласиран во Суперлигата на Данска.

Во 2022 година Илоски како играч на криллната позиција постигна 22 гола на 35 натпревари.

„Беше навистина лесен избор за да потпишам, па со огромно нетрпение го очекувам доаѓањето во клубот. Се надевам дека ќе ја оправдам довербата на сите во клубот“, изјави Илоски.

Според договорот Илоски ќе ја заврши сезоната во САД, а потоа во јануари 2024 ќе пристигне во данскиот клуб.

Арсенал продолжува да работи на продолжување на договорот со играчот од средниот ред Мартин Одегард, објави новинарот Фабрицио Романо на Твитер. Според Романо, се оди според планот и оптимистички.

Одегард му се приклучи на Арсенал од Реал Мадрид во август 2021 година. Трансферот изнесуваше 35 милиони евра. Договорот на играчот со клубот е до летото 2025 година. Трансфермаркт го цени Одегард на 90 милиони евра.

Минатата сезона 24-годишниот Норвежанец одигра 45 натпревари во сите натпреварувања, постигна 15 гола и даде осум асистенции. Годинава Одегард одигра четири натпревари и постигна два гола.

Арсенал ги продолжи договорите со голем број играчи, вклучувајќи ги Букајо Сака, Вилијам Салиба, Габриел Мартинели и Арон Рамсдејл.

Наполи подготвува нов договор за македонскиот репрезентативец Елиф Елмас.

Во текот на летниот период клубот одби понуди Лајпциг и Ливерпул, Германците нудеа и 30 милиони евра, а „Кориере дело Спорт“ најавува дека новиот договор се подготвува, но ќе зависи и од Руди Гарсија.

Гарсија на стартот од сезоната му дава скромна минутажа на Елмас и во два натпревари македонскиот репрезентативец одигра само десетина минути.

Германската фудбалска репрезентација остана без селектор откако отказ доби Ханси Флик по поразот против Јапонија.

Како негови можни наследници се споменуваа Луј Ван Гал и Јирген Клоп, но ниту едниот ниту другиот нема да бидат нови селектори на Германија.

„Чест ми е што ме поврзуваат со Германија, но не верувам дека е реално такво нешто. Мислам дека ќе доведат Германец за тренер“, изјави Ван Гал.

За можноста Клоп да биде селектор на Германија зборуваше неговиот менаџер.

„Јирген има договор со Ливерпул и не е достапен за селекторската позиција на Германија“.

Лионел Меси кој летово се пресели во САД доби нова вила вредна околу единаесет милиони долари и истата се наоѓа на Форд Лодердејл.

Просторот во кој престојува Меси е 1.000 квадратни метри со девет спални соби, девет купатила, 10 кревети и базен со поглед на море. Куќата е на само 15 минути од стадионот.

Во дресот на Интер Мајами, Меси настапи на 11 натпревари и постигна 11 голови и пет асистенции.

Александар Трајковски е пред трансфер во екипата на Хајдук Сплит.

Трајковски бил во дилема, дали да ја прифати понудата на Динамо Загреб или Хајдук Сплит, но сепак се одлучил да настапува за сплитските „бели“. Тој е познато има во Хрватска, хо носеше дресот на Интер Запрешиќ, а оттаму тргна во европска авантура. Настапуваше за Зулте Варегем и Мехелен, италијанскиот Палермо, Мајорка, Алборг, а на крајот заврши во Саудиска Арабија каде го облече дресот на Ал Фајхе со која го освои Купот. Италијанските медиуми тврдат дека Трајковски денес ќе биде на лекарски преглед во Сплит и потоа ќе го потпише договорот со Хајдук.

За македонската репрезентација има одиграно 83 натпревари и постигнато 21 гол, а последен пат играше во јуни годинава против Англија. Во секој случај, денес ја чекаме официјалната потврда од клубот.

Фернандо Сантош ја напушти функцијата селектор на полската репрезентација. Ова го пренесува официјалниот сајт на полскиот фудбалски сојуз.

Да потсетиме, полската репрезентација по пет квалификациски натпревари за ЕП 2024 освои шест бода и се наоѓа на четвртото место во квалификациската група Е. На табелата пред нив се Молдавија, Чешка и Албанија. Во последните три натпревари Полска загуби двапати – на 20 јуни од Молдавија со резултат 2-3 и на 10 септември од Албанија со резултат 0-2.

Репрезентацијата на Полска следните натпревари ќе ги одигра во октомври против Фарски Острови и Молдавија.

Претходно Сантош ја водеше португалската репрезентација. На Светското првенство 2022 година, под негово водство, Португалеците стигнаа до четвртфиналето, каде со минимален резултат загубија од селекцијата на Мароко. Во 2016 година, 68-годишниот специјалист го предводеше тимот до титулата на Европското првенство