Фудбалерите на Милан се радуваа во првиот натпревар од 36. коло на Серија А против екипата на Болоња на „Сан Сиро“ со 3-1 (0-0).

„Росонерите“ го добија натпреварот кој беше најава за финалето во Копа Италија против истиот ривал во среда на начинот на кој најдобро знаат – со пресврт. По прво полувреме кое не понуди практично ништо, навивачите во Милано уживаа на отворен втор дел.

За тоа се погрижи Рикардо Орсолини кој во 49. минута ѝ донесе водство на Болоња. Милан тогаш тргна целосно офанзивно, а тоа повторно се исплатеше. Во 73. минута израмнување донесе Сантијаго Хименез, додека набргу по него за пресврт стрела Кристијан Пулишиќ. Во судиското продолжение мексиканскиот напаѓач со својот втор гол стави точка на победата.

Милан стигна до 60 бода на осмото место на табелата, има два помалку од Болоња, а по три од Јувентус, Лацио и Рома.

Цеск Фабрегас е првиот кандидат за наследник на Чаби Алонсо на клупата на Баер Леверкузен.

Шпанска „Марка“ откри дека германскиот клуб од неколку кандидати за приоритет го избрал Фабергас на местото на Алонсо, кој според се се сели во Реал Мадрид.

Германскиот клуб во Фабрегас го гледа она што го имаа со Алонсо – млад, талентиран, енергичен тренер со силен карактер кој негува офанзивен стил.

Оваа сезона, втора во неговата самостојна тренерска кариера, Фабрегас цвета на клупата на Комо, клуб во кој поседува и сопственички акции.

БаерМинатиот месец беше најпродуктивниот во неговата тренерска кариера – беше прогласен за тренер на месецот во Серија А по победите против Монца, Торино, Лече и Џенова.

Десниот бек на Вест хем, Арон Ван-Бисака, би можел наскоро да го промени репрезентативниот дрес и место за Англија да настапува за селекцијата на Демократска Република Конго.

Роден во Англија, Ван-Бисака ги мина сите младински категории во репрезентацијата на „Гордиот Албион“. Во 2019 година доби и сениорска покана по добриот почеток со Манчестер јунајтед, каде пристигна од Кристал Палас. Но, повреда го спречи да дебитира, а нова шанса во сениорскиот национален тим повеќе не доби.

Селекцијата на ДР Конго веќе неколку пати се обидуваше да го вклучи во своите редови, но Ван-Бисака досега ги одбиваше повиците. Сепак, сега неговото име се најде на поширокиот список од 26 фудбалери за претстојните пријателски натпревари против Мали и Мадагаскар на почетокот од јуни.

Репрезентацијата на Конго е во подем и не само што ќе биде дел од Африканскиот куп на нации во Мароко кон крајот на годината, туку е и во одлична позиција во квалификациите за Светското првенство 2026. По шест одиграни кола, Конго е лидер во групата Б со 13 бодови, пред силниот Сенегал.

Ако Ван-Бисака се одлучи за оваа промена, тоа би значело големо засилување за африканската селекција во пресрет на важните натпревари што следуваат.

Сандро Тонали би можел да се врати во Серија А ова лето откако Јувентус го направи играчот од средниот ред на Њукасл своја главна трансфер цел, објави „Газета дело Спорт“.

Италијанскиот репрезентативец, кој се врати во фудбалот откако ја отслужи суспензијата за учество во нелегално обложување минатата сезона, се етаблираше како клучна фигура во средниот ред на Њукасл, каде што игра заедно со Бруно Гимараеш и Жоелинтон. Неговата одлична форма повторно го привлече вниманието на Јувентус, а клубот од Торино е подготвен да го понуди бразилскиот играч од средниот ред Даглас Луиз како дел од договорот.

Луиз, кој минатата година се приклучи на Јувентус од Астон Вила, не успеа да се адаптира во Торино. Серијата повреди му го нарушија ритамот, а гласините за можно враќање во англиската елита се засилуваат. Во Премиер лигата, тој постигна 20 гола и имаше 18 асистенции, а неговото познавање на темпото и стилот на игра таму го прави привлечна опција за Њукасл.

Сандро Тонали има богато искуство во италијанското првенство – ја започна својата професионална кариера во Бреша, а во 2021 година се пресели во Милан, со кого стана шампион на Италија. Во летото 2023 година се приклучи на Њукасл за 60 милиони фунти.

И Јувентус и Њукасл се борат за место во Лигата на шампионите следната година. „Бјанконерите“ се четврти во Серија А, но конкуренцијата со Рома, Лацио и Болоња останува жестока. Њукасл, исто така, се наоѓа на четвртата позиција во Премиер лигата, а во недела ги очекува директен дуел со петтопласираниот Челзи.

Во четвртокот, Јунајтед го резервира своето место во финалето на Лига Европа против Тотенхем Хотспур, откако импресивно го победи Атлетик Клуб со 7-1 на вкупен резултат во полуфиналето. 
 
Во меѓувреме, Бетис извојува тешка победа над Фиорентина, со гол во судиското продолжение обезбеди пласман во финалето на Конференциската Лига, каде што ќе се сретне со Челзи. 
 
Имајќи удел во европските кампањи и на Јунајтед и на Бетис, Антони ќе биде официален победник за едната или за двете страни, доколку победат во нивните финалиња на крајот на месецот. 

Антони ужива во Бетис откако го напушти Јунајтед во јануари за да му се приклучи на тимот од Ла Лига на краткорочна позајмица до крајот на сезоната.  
  
Оттогаш, напаѓачот повторно ја откри формата што доведе до неговата преселба на Олд Трафорд во 2022 година, постигнувајќи осум гола на 21 настапи и играјќи битна улога во битката на Бетис за освојување на европски трофеј.   

Јувентус е подготвен да плати повеќе од откупната клаузула на Виктор Осимен но Саудиска Арабија им ги мати плановите со богат предлог за напаѓачот.

Во договорот на Виктор Осимен има откупна клаузула од 75 милиони евра, но таа важи само за клубови надвор од Италија.

Па за Јувентус да го примами Наполи на продажба, „старата дама“ е подготвена на маса да стави 10 милиони евра плус, односно предлог кој сосе бонуси ќе изнесува 85 милиони евра.

Но дури и да го убедат лутиот ривал да прифати една ваква зделка, трансферот останува комплициран поради Саудиска Арабија.

Ал Хилал е подготвен да ја активира откупната клаузула на Виктор Осимен од 75 милиони евра и на напаѓачот да му даде богат договор со фантастична плата од 30-35 милиони евра по сезона.

Јувентус не може да конкурира на вакви бројки, па последниот збор би го имал Виктор Осимен, кој ќе треба да реши дали ги одбира парите или фудбал на високо ниво.

Фудбалската федерација на Македонија денеска донесе одлуки за нови казни за екипите на Воска спорт и Гостивар.

ФК Воска Спорт АД се казнува со одземање на 9 (девет) бодови и парична казна во износ од 25,000.00 евра за неодигрување на натпреварот од 29. коло во Прва МФЛ;

– За неодигрување на натпреварот од 30. коло, ФК Воска Спорт добива казна, одземање на дополнителни 9 (девет) бодови и парична казна во износ од 25,000.00 евра;

– ГФК Гостивар АД се казнува со одземање на 9 (девет) бодови и парична казна во износ од 25,000.00 евра за неодигрување на натпреварот од 30. коло, како и со идентична казна за неодигрување на натпреварот од 31. коло во Прва МФЛ;

Напомена: По правосилноста на овие одлуки, екипите на ФК Воска Спорт АД и ГФК Гостивар АД ќе бидат исфрлени во најнизок ранг на натпреварување со забрана за учество во натпреварувачката сезона 2025/2026.

Исто така од ФФМ истакнаа и дека ќе ги искористат сите механизими за Воска Спорт да ја врати сумата од 150.000 евра која ја добила на 10 април преку солидарната шема за тековната сезона.

Англискиот гигант Ливерпул покажува сериозен интерес за напаѓачот на Атлетико Мадрид, Хулијан Алварес. Според информациите на шпанското издание

„Фишајес“, Црвените разгледуваат неколку опции за ангажман на аргентинскиот голгетер, а меѓу нив се споменува и можноста за размена со уругвајскиот напаѓач Дарвин Нунез.

Алварес има силна сезона во дресот на Атлетико Мадрид, со бројни голови и асистенции во сите натпреварувања.

Со своето претходно искуство во Премиер лигата, тој би бил одлично засилување за Ливерпул, кој се наоѓа во фаза на реконструкција под водство на новиот менаџер Арне Слот.

Три англиски и по еден италијански, шпански и француски тим ќе играат во финалните пресметките за титулите во Лигата на шампиони, Лигата на Европа и Конференциската лига.

Во финалето на Лигата на Европа на 21 мај на „Сан Мамеш“ во Билбао ќе играат екипите од англиската Премиер лига Манчестер Јунајтед и Тотенхем, на 28 мај во Вроцлав ќе се соочат Челзи и Реал Бетис во финалето на Конференциската лига, додека во финалето на Лигата на шампиони на 31 мај во Минхен ќе играат Интер и ПСЖ на „Алијанц Арена“.

Меѓу шесте финалисти, лондонски Челзи може да се пофали со најмногу освоени европски трофеи – по двапати ја освојуваше Лигата на шампиони (2012, 2021), Лигата на Европа (2013, 2019), Купот на победниците на куповите (1971, 1998) и Европскиот Суперкуп (1998, 2021).

Интер ќе се бори за својот седми европски трофеј. Досега италијанскиот клуб три пати беше европски шампион (1964, 1965, 2010), а три пати го освои Купот на УЕФА (1991, 1994, 1998).

Манчестер Јунајтед, исто така, шест европски трофеи. Тимот од „Олд Трафорд“ три пати беше европски шампион (1968, 1999, 2008), а по еднаш ги освои Лига Европа (2017), Купот на победниците на куповите (1991) и Европскиот Суперкуп (1991).

Тотенхем има три европски трофеи – два Купа на УЕФА (1972, 1984) и Купот на победниците на куповите (1963).

ПСЖ досега го освои само Купот на победниците на куповите, во 1996 година, додека Бетис сè уште чека на својот прв европски трофеј.

„Мислам дека најбитното нешто за мојот успех се моите соиграчи. Секогаш велам дека без нив ова не би било можно“, изјави Аргентинецот одкако за прв пат беше избран за најдобар играч на месецот во дивизијата. 

Алексис го заслужи признанието по незаборавниот месец во кој им помогна на Црвените да ја освојат англиската титулата за 2024-2025 година. 
 
Мек Алистер се запиша во листата на стрелците со одлични удари од далечина против Фулам и Тотенхем, а исто така даде асистенција за победничкиот гол на Вирџил ван Дајк против Вест Хем. 

„Сега кога ја освоивме Премиер Лигата, знаеме дека овој тим има менталитет да оди и да освои повеќе трофеи“, изјави тој. „Лигата на Шампионите ќе биде нашата цел следната сезона, заедно со Премиер Лигата. Ќе се обидеме да го направиме тоа, и верувам дека ќе успееме“, самоуверно изјави аргентинецот.