Менаџерот на Арсенал, Микел Артета, не го крие своето воодушевување од младиот талент Макс Дауман. Шпанецот со голема увереност зборуваше за способностите на 15-годишниот фудбалер, нагласувајќи дека неговите настапи на тренинзите се на ниво што заслужува шанса во првиот тим.

„Ако не го забележиме овој талент, тоа би било како да сме слепи,“ изјави Артета, пофалувајќи ја зрелоста и посветеноста на Дaуман, кој веќе потпиша стипендиски договор со клубот. За 2026 година веќе е предвиден и неговиот прв професионален договор, што е јасен сигнал за довербата која Арсенал ја има во него.

Артета посочи дека љубовта на Дaуман кон Арсенал и поддршката од неговото семејство го прават идеален проект за иднината на клубот.

Од управата на Арсенал исто така пристигнуваат позитивни сигнали, се гледа дека Дaуман е дел од долгорочните планови, а клубот се надева да ја гради својата иднина преку младинската академија.

Луцијано Спалети постигнал усмен договор со Јувентус за тренерска функција до јуни 2026 година, со отворена опција за продолжување доколку клубот обезбеди пласман во Лигата на Шампионите оваа сезона. Формалното потпишување на договорот е прашање на денови и ќе зависи од завршување на правните проверки и документацијата.

По лошите резултати под водство на поранешниот тренер Игор Тудор, Јувентус сака нов почеток. На осмото место во Серија А, клубот ја гледа замената на Тудор во Спалети, поранешен селектор на италијанската репрезентација, како идеален за враќање на самодовербата и стабилноста во тимот.

Деталите од преговорите сугерираат годишна плата близу 3 милиони евра, а двете страни се согласиле на краткорочен договор со флексибилен крај. Доколку Јувентус се пласира во Лигата на Шампионите, договорот ќе може да се продолжи. Спалети покажал подготвеност за ваква структура, согласувајќи се на договор до јуни со можност за продолжување зависно од учинокот.

Во текот на транзицијата, функцијата главен тренер ја извршува Масимо Брамбила, додека Спалети не пристигне во Турин и не се потпишат сите документи. Клубот се подготвува за нова ера и се надева на брзо враќање на патеката на успеси.

Арсенал е на добар пат да го финализира новиот долгорочен договор со Букајо Сака. Разговорите меѓу клубот, играчот и неговите претставници напредуваат позитивно, а сега се разгледуваат финалните детали околу платата. Двете страни се целосно усогласени и имаат заедничка желба договорот да се заврши наскоро.

Новиот договор, според извори блиски до клубот, ќе му донесе на Сака значително покачување и ќе го направи еден од најплатените играчи во Арсенал, па дури и во целата Премиер Лига. Иако остануваат уште неколку ситни прашања, атмосферата во клубот е исполнета со оптимизам дека конечниот договор е многу блиску.

Сака, кој израсна во Арсеналовиот академски систем Хејл Енд и се издигна до позицијата на вицекапетан, се смета за недопирлив дел од проектот на Микел Артета. Клубот го гледа како клучен играч околу кого ќе се гради иднината и како симбол на нивната долгорочна визија.

Сигурноста со која Арсенал пристапува кон овој договор јасно покажува дека сака да го задржи својот најголем домашен талент за видливата иднина.

Во англиската Премиер лига изгледа дека ќе дојде до прекинување на една долготрајна традиција, бидејќи на овојгодишниот „Боксинг деј“, кој се одржува на 26 декември, ќе се одигра само еден натпревар. Ова може да предизвика големо незадоволство кај навивачите.

Очигледно е дека притисоците од згуснатиот распоред, предизвикани од проширувањето на натпреварите на УЕФА и новиот формат на ФА купот, ги принудија одговорните во лигата на овој важен чекор.

Премиер лигата има договорни обврски кои ја задолжуваат да обезбеди телевизиски преноси од натпревари во текот на 33 викенди. За да се исполни оваа обврска, Boxing Day, кој оваа година паѓа во петок, најверојатно ќе биде третиран како обичен петок во сезоната, со еден натпревар кој ќе се игра вечерта. Преостанатите натпревари од колото би се играле во сабота, недела и понеделник.

Оваа промена е директна последица на шестгодишниот договор меѓу Фудбалската асоцијација на Англија (ФА) и Премиер лигата, со кој ФА купот е пренесен исклучиво за викендите, а се укинуваат и натпреварите за репетиции. Целта на ова е да се адаптира календарот кон проширените европски натпреварувања.

Од денеска е во тек втората фаза од продажбата на билети за Светското првенство во 2026 година, а за да купат влезници навивачите е потребно да се регистрираат на веб-страницата на ФИФА до 31 октомври.

За разлика од првата фаза од продажбата на билети, која беше отворена само за сопственици на Visa картички, втората фаза е отворена за сите заинтересирани.

Најниската цена за билети за натпревари во групната фаза се очекува д изнесува 60 долари.

Според податоците на ФИФА, најскапите билети за финалето, кое ќе се одржи на 19 јули во Ист Ратерфорд во близина на Њујорк, ќе чинат повеќе од 6.000 долари.

Порталот Атлетик објави дека цените за воведниот натпревар од Светското првенство, што ќе се одигра на 11 јуни на стадионот „Ацтека“ во Мексико Сити се движеле од 370 до 1.825 долари.

Цените на билетите, исто така, зависат од локацијата, а агенцијата ДПА објави дека натпреварите од групната фаза во Бостон ќе бидат поевтини од дуелите во Лос Анџелес.

Третата фаза од продажбата на билети ќе почне по 5 декември, за кога е закажано извлекувањето на групите за Светското првенство.

Останатите билети ќе бидат пуштени во продажба непосредно пред почетокот на Светското првенство.

Ендрик кој со големи очекувања пристигна во таборот на Реал Мадрид не добива прилика кај Чаби Алонсо, па поради тоа се очекува 19-годишникот да се пресели некаде каде што ќе има повеќе простор за игра.

Според информациите на германскиот инсајдер на „Скај Спорт“ Флоријан Плетенберг „кралскиот клуб“ е отворен за опција Ендрик да замине во Бундеслигата, каде интерес покажува Штутгарт. Весникот „АС“ пишува дека клубот што ќе го ангажира на шестмесечна позајмица ќе треба да ја покрие неговата плата од околу 1,7 милиони евра.

Сепак, Штутгарт не е единствениот заинтересиран бидејќи за Ендрик се распрашува и францускиот Марсеј, а како можни дестинации претходно се спомнуваа и ПСЖ и Јувентус. Со оглед на големата конкуренција во нападот на Реал, тешко е да се очекува дека ситуацијата на младиот Бразилец наскоро ќе се промени.

Љупчо Дориев продолжува да блеска во Узбекистан, каде што се наметна како еден од најдобрите фудбалери во првенството.

Од стартот на сезоната, поранешниот напаѓач на Шкендија и Брера постигна 14 погодоци и додаде пет асистенции, што му го донесе второто место на листата на стрелци, како и признание за „гол на месецот“.

Сега, Дориев доби и нова потврда за својата извонредна форма, избран е за играч на месецот во узбекистанската Премиер лига, чест што дополнително го зацврстува неговиот статус меѓу најдобрите фудбалери во земјата.

Менаџерот на Порто, Франческо Фариоли, беше многу задоволен по победата над Мореиренсе на гостински терен во меч од домашното првенство.

„Дојдовме на место каде што Мореиренсе ги имаше победено сите натпревари, па знаевме дека ќе биде тешко. Против тим кој се брани во низок блок, очекувавме да се соочиме со тешкотии.

Треба да бидеме горди на фактот дека за неколку недели создаваме повеќе страв кај нашите противници“, нагласи тренерот на „змејовите“.

Тиквеш го назначи наследникот на Мојсов, кавадаречкиот клуб реши сезоната да ја продолжи со Борче Христов како шеф на стручниот штаб.

Тиквеш денеска потврди дека Борче Христов е нов тренер на првиот тим. Борче Христов беше директор на Центарот за едукација на ФФМ.

Претходно беше дел од стручниот штаб на Зира од Азербејџан, беше и дел од академијата на Карабах. Во Македонија беше тренер на Работнички, Борец, Еуромилк, Македонија ЃП…

Еден ден откако го водеше својот тим до победа против Манчестер Сити, Мети Кеш потпиша нов договор со Астон Вила.

Како што потврди клубот, Кеш го продолжи договорот до јули 2029 година. Актуелниот договор му истекуваше во јули 2027 година, а клубот се обиде да избегне каква било можност Кеш да влезе во последната година од договорот со некои неизвесности.

Мети Кеш пристигна во Астон Вила од Нотингем Форест во септември 2020 година. Тој сега се приближува до својот 200-ти натпревар за Вила. Досега одигра 193 натпревари.

Голот што го постигна против Манчестер Сити е негов втор оваа сезона и 12 за клубот.